Freedom From Bitterness and Anger

(Freedom from Bitterness)

Thuhmaihruai

Thinnatnak (bitterness) timi cu kan maih hrilmi a si. Buainak kan tong ringring ding asinan cumi buainak kha thinnatnak thawn lehrul kan tum ding maw; duhdawtnak thawn kan letsal ding timi hi kan hril dingmi a si. 

Jesuh Khrih hi mi ih zomtaihnak a rak tuar, a rinsan zetmi pawl ih taansan khal a tong, Rom ralkap pawl khal in an hrem. Asinan, a thih tiang huatnak le thinnatnak hril lo in, duhdawtnak le ngaithiamnak a hril sawn. Curuangah, thinnatnak le thinhennak hi kan hrilmi a si. Hril ding dang kan nei lai timi lo sim ka duh. 

Thinnatnak timi hi khui in a ra?

1.     Midang ih hnonmi sinak (Rejection). Cain, rai a thawimi Pathian a cohlan lo tikah, a thin a na ih a naupa tiang a that. 

2.     Nu le Pa ih thluasuah duhbul neihnak (Favoritism): Jacob le Esau. A u in a nau a hua. Joseph khal a pa in a duhbik tikah a unau dang pawl in an hua. 

3.     Midang ih hremnak (Injustices/abuse): Isarael pawl Egypt ah kum 400 sung an tang. A rah cu Pathian thukammi an zum thei nawn lo ih, Egypt ram ihsin Pathian in a runsuak hnu khal ah, sal taan an duh lai thotho. Lam tluan ah an tlok ciar. Moses ih Pathian khal an  zum thei lo. Pathian ih thukam khal an zum thein awn lo. Canaan khal an thleng thein awn lo. 

4.     Midang ih zomtaihnak (humiliation). E.g. Hannah - 1 Sam 1. 

5.     Fate pawl ruangah (Stupidity of children)

a.     Thufim 17:25 sungah, “Fapa aa in pa ih hnenah thinharnak a thlenter ih, a nu ih hnenah lungretheihnak (bitterness) a thlenter.

Thinnatnak ih a rah

1.         Thlarau Thianghlim kan riah a siat ter (Eph. 4:29-30). Himi thu tlaangpi cu “thinnatnak/thinhennak” a si. 

·      Midang kan rinsan thei nawn lo ih, midang pehtlaih khal kan duh nawn lo. Cutikah, mahte lawng um (isolation) kan si vingvo. 

·      Kan tongkam pawl hi midang riahsiat ternak lawnglawng a suak thlang. 

·      Midang ih thatnak kan hmu thei nawn lo. Midang ih siatnak lawnglawng kan hmu thlang. 

2.     Satan hnen ihsin a rami fimnak thawn kan khat 

·      James 3:14-16: “Nan thinlung sungah iksiiknak (bitter envy) le mi huatnak le mahih zawnruahnak lawng a khat a sile ka fim tiin porh aw rero hlah uh; thutak parah sualnak nan tuah rero sawn a si. 15Cubangtuk fimnak cu vancung ihsin a rami fimnak a si lo; khawvel fimnak a si; thlarau thawn a ral awmi fimnak a si ih khuavang fimnak sawn a si.”

3.     Pathian ih huham kan co thei lo. 

·      Tirhthlah 8 - Mikherthiam/khuasia dawithiam an timi Simon (Sorcerer) a um. 

·      Philip thusimnak in zumtu ah a cang ih ti a hnim ve. 

·      Peter le John in thla an cam tikah Thlarau an ngah ciamco a hmuh tikah, a daw ih paisa a pek ih himi huham I peve uh tiah a dil. 

·      ^“20Sikhalsehla Piter in, “Pathian ih pekmi laksawng hi tangka thawn lei thei dingih na ruah ruangah nangmah cu na tangka thawn va hloral uh! ²¹Pathian mithmuh-ah na thinlung a dik lo ruangah kan hnaṭuanmi sungah na tel lo, covo khal na nei lo. ²²Hi bangtuk thil ṭha lo na ruah sualnak ihsin siir aw awla a lo ngaithiamnak dingah Bawipa ih hnenah thlacam aw. ²³Ziangah tile nahsuahnak in a khatmi le sualnak thawng sungih a tlami na si, tihi ka hmu a si,” tiah a ti.”

Ziangtin Thinnatnak hi ziangtin kan tuah a tha tiah Bible in zirh? 

1.     Taansan aw (Put off anger). 

a.     Kan doctor thabik Bawipa Pathian ih ruahnak in pekmi a si. 

b.     Thinnatnak le thinhennak pawl hi kan nunnak siatsuah theitu an si ruangah, Pathian in taansan thlang uh, hru nawn hlah h tiah in ti.

c.     Himi in na nunnak ih a siatsuahmi a tam tuk ruangah, cuih thinhennak hnipuan cu hruk ding a man lo tuk. 

d.    Colose 3:8

                                               i.     ⁸Sikhalsehla atu-ah cun cubangtuk taksa duhnak cu nan hlonfai ṭheh a ṭul: thinhengnak, aithawhnak le mi mitkemnak pawl cu hnong thlang uh. Mi hmuhsuamnak ṭong siseh, ṭongsia siseh, nan kaa sungin nan suahter lo pei.”

2.     Lehrulnak cu Pathian ih ta timi hi zum aw (Rom 12:19). 

a.     Rom 12:19

b.     ¹⁹Ka duhdawtmi pawl, ziangtik khalah phulak tum hlah uh; Pathian thinhengnak sawn in cumi cu tuahseh. Ziangah tile Ca Thianghlim sungah, “Keimah in phu ka la ding; Keimah in ka leh-rul ding, tiah Bawipa in a ti,” tiah a um. 

c.     Pathian in tuanvo a si. Na tuanvo a si lo. 

d.     Pathian in “Keimah in phu ka la ding” a timi kha na zum maw? 

e.     David, Pathian thinlung bangk tuk a neitu in thinnatnak a neh daan khal “lehrulnak cu Pathian ih ta” timi a zum fek ruangah a si. 1 Sam 26:10-11 sungah, Abishai in Saul a ihthah sungah thah a tum tikah, David in, dai hrimhrim hlah. Pathian ih hriak a thihmi a tuahmawhtu cu hremnak tong lo in a luat lo ding. Pathian in thu a then leh ko ding tiah a ti. 

f.      Pathian in ka lehrul ding a ti timi kha zum awla, na thinnatnak a leem sawn ding. 

3.     Pathian ih sual ngaithiam tulmi ka si timi ah lungawi aw.  

a.     Lei tlun ah a famkim kan um lo. 

b.     Ephe 4:32 “pakhat le pakhat zaangfah thinnemnak nei aw ton uhla, Khrih sungin Pathian in a lo ngaidam bangin pakhat le pakhat ngaidam aw uh.”

c.     Pathian in ka sual I ngaithiam zo timi hi na zum taktak maw? Na zum taktak ahcun, na lung a awi, na thin a nuam zet ding. 

d.     Khrihfa in thuthangtha kan neihmi cu zaangfahnak ruangah sual ngaithiam kan si timi a si. 

e.     Pathian ih sual ngaithiamnak comi na sinak hi na mang a bang maw? Na lungawi thei maw? Na lungawi taktak ahcun, midang huatnak le thinnatnak pawl kha na kai duh ringring lo ding. 

4.     Na thinnatnak kha Pathian in na thatnak hrangah a tuah ding ti zum aw. 

a.     Kha tin I ti nan, Pathian in cumi hmang in himi dinhmun ah I thlen ter tiah lungawi thu sim aw. Thank you ti sawn aw. 

b.     Joseph thuanthu zoh aw. Thinnatnak a nehtheitu pawl cu midang hrangah thluasuah ah an cang sawn. 

c.     Seem 50:20 “Keimah siatsuah dingah khua nan khang nain Pathian in thil ṭha-ah a canter a si. Cucu tuih sunih kan hmuh vekin mi tampi humhimnak dingah a si.”

d.     Ralkhap pawl ih hremnak le kan harsatnak kha Pathian in a hmang ih Laimi tampi ramdang ah kan thleng. 

e.     Pathian in kan harsatnak hi thluasuah peknak ah a hmang theu. Curuangah, harsatnak a lo petu pawl kha, anmah ih khati ih in rak zomtaih ruangah Pathian in thluasuah I pe a si tiah ti in lungawi thu sim sawn aw. 

Thunetnak: 

Thinnatnak in luat na duh ahcun: 

1.     Kan doctor thabik a simi Pathian in in simmi hi zum aw. “Na thinhennak pawl kha hlon  aw.” 

2.     Lehrulnak cu Pathian ta ti zum aw. 

3.     Pathian in a lo ngaithiam timi hi ziangtluk in a thaw timi  kha ruat sal awla, lungawi thu sim aw. 

4.     Na thinnatnak kha hmang in Pathian in na nun thansonak ah a hmang sawn ding. Pathian hnenah le a lo tisiattu parah lungawi thu sim sawn aw. 

Bible Thu Harsa (2)

1. Khuimi a ol sawn? (Matt. 9:1-7). 

“Na sualnak ka lo ngaithiam,” ti maw ol sawn “tho awla feh aw” ti? 

Judahmi pawl ih lungput ahcun, “tho awla feh aw” timi hi a ol sawn ziangahtile sual ngaithiam hi cu Pathian lawng in a tuah theimi a si ruangah a har tiah an ruat. Curuangah, Jesuh in keimah cu rundamtu, Messiah Pathian ka si ih sual ngaithiam theitu ka si timi lang ter duh ah, a har sawnmi in a tuah hmaisa: “Na sualnak cu ngaithian a si zo” tiah a ti. Cumi cu Pathian thangsiattu a si tiah an ti. Jesuh in Pathiang thangsiattu ka si lo, Pathian ih duhnak tuahtu ka si ih ka tongkam khal Pathian in I ngai timi kha lang ter duh ah, taksa damnak khal a pek bet: “Tho aw, na ihphah la awla inn ah va tin aw,” tiah a ti. John 9:31 - “Pathian in misual pawlih ṭongkam a ngai dah lo ti kan thei; a sinain amah a upattu le a duhnak a tuahtu pawlih ṭongkam cu a ngai a si.”

2. New Wine in New Wineskin (Matt. 9:16-17)

 16“Zohman in angki hlun tlek parah puan thar an belh dah keel lo, ziangah tile belhmi thil thar kha a com ding ih angki a tlekmi kha a kau sinsin ding. 17Cuvek thotho in zohman in savun thawl hlun sungah Sabitti thar an thun dah lo; an thun asile savun thawl cu a kuai ding ih Sabitti kha a zun hlo ṭheh ding ih savun thawl cu a siatralta ding a si. Cu hnakin savun thawl thar sungih Sabitti thar thun a si ahcun siatnak ziang hman um loin an pahnih in an him ding,” tiah a ti.

Himi tahthimnak in a simmi cu Jesuh ih a dintummi Pathian uknak cu Judah biaknak sung men ah thun a theih lo. Cuih Jesuh ih dinmi Pathian uknak cu thuthangtha (sabit thar) cu tu a thok rero zo ih, Judah biaknak sungah um tahrat in lakluh a theih lo ding. Judah biaknak (sabit thawl hlun) kha a siat dingih Jesuh ih zirhmi Pathian uknak (sabit thar) khal a siat ding tiah a simnak a si. Cuih Jesuh ih zirhmi Pathian uknak sabit thar cu Kawhhran a simi (sabit thawl thar) ah Jesuh in than a duhmi cu a si. Curuangah, Matthai in Kawhhran thu a simmi pawl hi mangbang ding a um lo (16:18; 18:17). 

Luan tuk ih simfiangnak phun hnih: 

1.     Judah biaknak (thawl hlun) le Pathian uknak (sabit thar) hi kilhim ding Jesuh in a zirh timi hi a dik lomi a si. Thawl thar (Kawhhran) le sabit thar  (Pathian Uknak) thu hi kilhim dingih in zirhmi a si. 

2.     Dispensationalist pawl ih zumnak ahcun, thawl hlun timi cu “Moses ih pekmi daan” pawl an si ih, sabit thar cu “zaangfahnak” an si. Curuangah, zianghman an pehtlai aw nawn lo tiah an ti (Walvood: p. 70, Ironside). Ziangah a sual ti ahcun, (1). Pathian ih zaangfahnak le Moses ih Daan pawl pehtlaih awknak a um lo tiih simmi hi luan tuk in an sim; (2). Mathai cun, OT le NT an pehtlaih awk daan tam zet a  ngan. A tuih a kimmi  pawl hi Profet pawl ih rak  sim ciami pawl an si ti in a ngan. 

Pathian Tihzah Thiammi Nu ih Ziaza

1 Samuel 1, Efesa 6:1-4

Tuih sun hi in duhdawttu zettu nu pawl sunloih upat pek ni a si. Nu le pawl sunloih upatnak pek hi Pathian duhmi a si. 

Eph 6:1-4

1Nauhak pawl, Bawipa ih hmin in nan nu le nan pa upat uh. Nu le pa upat cu Khristian ṭuanvo a si ih a ṭhami a si fawn. 2“Nan nu le nan pa upat uh,” timi thukham hi, 3“Na lam a tluang ding ih leitlunah na nun a sau ding,” timi thutiamnak an beetmi thukam hmaisa bik a si.

4Nu le pa pawl, nan faale pawl kha thinheng dingin tuah hlah uh. Cu ai-ah Khristian nundaan ziaza le zirh awknak thawn cawm uh.

Nu le pa hi ziangah kan upat a tul? 

1.    Pathian ih thupek a si

2.    Christian tuanvo a si. Zumtu kip ih tuanvo (c. 1-2). 

o    Upat ding an tlak lawngah upat uh a ti lo. An santlai lonak tampi a um ding. 

Nu le pa upat thiamtu pawl hnenih Pathian thluasuah:

1.     Na lam a tluang dingih

2.     Lei tlun ah na nun a sau ding (c. 3-4). 

Nu le pa pawl in teh ziangtin kan faa le pawl kan kaihruai ding? 

·      Gal 6:4 “Nu le pa pawl, nan faale pawl kha thinheng dingin tuah hlah uh. Cu ai-ah Khristian nundaan ziaza le zirh awknak thawn cawm uh.”

o   Nan faa le pawl kha thinheng ding in tuah hlah uh a ti tikah, a sim duhmi cu thinhennak thawn nan faa le kha thu sim hlah uh. Mi hrek khat nulepa cu duhdawtnak thawn faa le pawl thusim sawn lo in, thinhennak thawn thu an sim tikah an faa le pawl an riah a sia ih, ka nulepa in in duh lo timi thinlung an nei tata. 

o   Curuangah, nulepa pawl in kan faa le pawl nun kan sim ih kan thin a tawi pang tikah, kan thinhennak kha ni tlak ter hlah uh si. Kan faa le kha ngaithian kan dil sal pei. Cutikah, kan faa le khal an thin a dam ding. 

§  Eph. 4:26 BE ANGRY, AND yet DO NOT SIN; DO NOT LET THE SUN GO DOWN ON YOUR ANGER,

o   Kan zirh dingmi cu, “Khristian nun daan ziaza le zirhawknak thawn cawm uh” tiah in ti bang in cawmtu ding kan si. 

o   Himi Christian zumnak ro hi kan faa le kan roh ta ding khal Pathian ih in duh sak bikmi hnatuan a si (Matt. 18:6). 

o   Ziangtian cumi cu kan roh thei ding? 

Nu le pawl hi faa le pawl in kan lo duhdawt hleice. Psychologist pawl in an timi cu nu le fa karlak duhdawtnak a thuk hleicetnak cu thla kua in pai. Cuhnu ah hnawiti thlumte thawn in cawm lai. A tambik khal an hnenah kan um. Curuangah, nu le fa karlak ah duhdawtnak a thuk hleicetnak a si tiah an ti. Duhdawtnak thuk neitu an si ruangah, an tongmi khal faa le pawl ih thinlung sungah a taang, a ciah hleice ve. Curuangah, nu ih kaihhruainak hi a thuppi tuk. 

Thai sun ih an fa le pawl hi ziangvek an si ding timi hi nu le pawl ih kut sungah tampi a thum aw a si. Nu le pawl in kan nauhak lai ih in zirhmi le in hruai daan hi fa le pawl ih thinlung mithlam sungah a caam ringring. Curuangah, nu le pawl hi faa le pawl ih hmailam nun daan ding le lungput tuahtu khal an si thei vek in, siat ter theitu khal an si thei. Curuangah, Pathian aiawhtu nu le pawl hi Pathian hrang, kan innsang hrang le kan miphun hrangah Pathian tihzah thiammi nu (Godly mother) si hi a sunglawibikmi le a thupibikmi Pathian ih si ter in duhbikmi a si.  

Nu le pawl, tuih sun ah minung tampi in Pathian ih tuanvo a lo pekmi tuan suak lo dingah an simmi le zirhmi tampi nan thei ding: “Na innsang hnak in na hnatuan thupi sawn,” “nun nuam zet ih um kha tum aw; pasal le fate hrang men ah na tikcu cem hlah” ti pawl nan thei ding. Cu pawl kha va zum hlah. Bible ih zirhmi kekar daan a si lo. 

Bible sungih Pathian tihzahmi nu pawl ih kekar daan hi kan zohthim dingmi le kan thlun dingmi an si sawn. Caan a rei tikah, Bible ih  zirh daan ih ke a kartu pawl cu thluasuah thawn an nunnak a khat ringring.  Tuih sun ah, Pathian tihzah thiammi nu pakhat ih thu thawn nun daan zir tlaang uh si. Cucu Profet Samuel ih nu Hannah a si (1 Samuel 1). 

1. Pasal thawn duhdaw aw zettu a si. 

Pathian tihzahtu nu ih ziaza mawibik cu a faa le pawl thawn an pawlkomawknak lawng ah si lo in, a pasal thawn an pehtlaihawknak ah a lang. Nu le pa karlak ih pehzomawk daan hi faate pawl ih lungput sungah kumkhua in a caam dingmi a si. Na simmi pawl hnak in na nupi/pasal na biak daan kha na faa le pawl in hmailam ih an nupi/pasal an biak daan dingah an hmanmi cu a si. 

Himi nun hi Hannah le a pasal Alkanah karlak ih pehzom awk daan ah kan zir theimi a si. Alkanah le Hannah hi Pathian duh zettu le biakinn ih thleng ringringtu an si (c. 3). Asinan, Hannah ih nunnak ah buainak a tong. 

Ramah khua ah Alkanah timi pa in Hannah (Grace) timi a rak nei. Asinan, fa an nei thei lo. Judah daan ah fa an neih thei lo ahcun nupi dang neih kha sian a si (Sarah le Abraham karlak khal ah kan hmu thei). A nupi pahnihnak cu Peninnah a si ih hi nu thawn cu fapa le fanu tampi an nei. An khua Ramah ihsin peng hra hrawng hlatnak ah Shiloh timi a um ih cu tawk ah biakinn a um ih, an puithiam cu Puithiam Eli a si. Cu tawk ah kum tinte in an feh ih thawinak an pe. 

Israelmi pawl hi kum khat vei thum Pathian hnenah thawinak pe ding in Pathian in fial. 

Ex. 34:23 “^aThree times a year all your males are to appear before the Lord ¹GOD, THE GOD OF ISRAEL.

Thawinak an pek tik khal ah ziangpawl an keng ding ti pawl khal Pathian in a simcia theh. Thenhra ih then khat, a hlu, hmaisabik suak an tilva ti pawl le a Dangdang an ken gtheu. 

Deut. 12:5 “^aBut you shall seek the LORD at the place which the LORD your God will choose from all your tribes, to establish His name there for His dwelling, and there you shall come.

Deut. 12:6 “There you shall bring your burnt offerings, your sacrifices, ^ayour tithes, the ¹contribution of your hand, your votive offerings, your freewill offerings, and the firstborn of your herd and of your flock.

Deut. 12:7 “There also you and your households shall eat before the LORD your God, and ^arejoice in all ¹your undertakings in which the LORD your God has blessed you.

Cu tawk ih an feh tikah, puai an tuah ih thawinak le puai nasa zetzet an tuah theu. Cutawk ih an feh tikah, Peninah cun Hannah (Grace) cu a zawmtai ih, riahsia in a tap ter theu (c. 6-7). Rawl khal ei thei lo tiangtiang a tuah theu. 

Culai khal ah, a pasal Alkanah cun a nupi cu a duhdawt ih rawl an ei tikah midang hnak in a let hnih in a pek (c. 5). Cutlun ah, a pasal Alkanah in a nupi cu a hnem ringring “Hannah, ziangah so riahsia ih na um ringirng? Na hrangah keimah hi fapa pahra hnakin ka sunglawi sawn lo maw?” tiah a hnem (c. 8). Cuih tongkam cu ziang hman lolak men a si bang na in, Hannah cu rawl a ei sal ih biak inn khal a feh ti kan hmu (1 Sam. 1:9-11). A pasal thu khal a ngai ti a lang. 

Nu le pa karlak ih duhdawtnak thawn biak awk le hnem awk hmun ah, Pathian tihzahtu nupi tha thum an suak a si. Nupi le pasal neizotu pawl, kan lungput ding cu ka nupi le ka pasal duhdawtnak langtertu dingah Pathian ih tuanvo pekmi ka si ti kan hngilh lo pei (Efesa 5:22-28). 

2. Pathian duhdaw zettu a si. 

Hannah cu riahsia ninghang ih a um tikah, a tuahsiattu Peninnah kha lehrul sal a tum lo. Pathian hnen sawn ah a feh ih thla a cam (1 Sam. 1:9-18). A riahsiat tikah le harsatnak a ton tikah zoih hnenah ka feh ding timi a thei fiangtu a si. 

A thlacammi kan zoh tik khal ah amaih hrangah a si lo, Pathian hrangah a si, “Fapate I zaangfah a si ahcun a nungsung hmuahhmuah na hrangah ka lo pe ding” a ti (c. 11). Cuti ih reipi thinlung takte ih thla a cam theh tikah a nunnak ah hnangamnak le daihnak a congah a si: “Cuih hnu ah rawl malte a sei ih a riah khal a sia nawn lo” (1 Sam 1:18). 

Phil 4:6-7

Ziang thuhla hmanah donhar in um hlah uh; thla nan cam tinte in nan ṭulmi cu Pathian hnenah dil uhla lungawi aipuang tein dil uh. 7Cuticun minung ruah ban lomi Pathian ih daihnak in nan thinlung le nan ruahnak cu Khrih Jesuh ah himte in a kilkhawi ding.

Innsang ah thinharnak tampi nu le pawl nan tong ding. Cutikah, Hannah bang in Pathian pan a thiamtu kan si ding a thui zet. Cutikah, Pathian ih hnangamnak le daihnak in kan nunnak in luah khat ding a si. 

3. Innsang khal duhdaw zettu a si. 

Pathian in caan a kim a ti tikah Hannah hnenah fapa te Samuel a pek. Samuel timi ih sullam cu “Pathian hnenih dilmi” tinak a si (c. 20). Kum tinte an pek theumi thawinak pe dingah Alkanah le a innsang pawl cu an tim an tuah. Cutikah, a pasal hnenah a timi cu, “Ka fapa te hnawi ka thlei hlan lo cu ka feh lo ding. Hnawi ka thlei theh hnu ah ka hruai dingih Shiloh ah a nunsung hmuahhmuah in a um tata ding” a ti (c. 22). 

Pathian  fapa te a pek tikah, tha zet ih kilkhawi dingah Hannah cu pum pe zettu a si. Damcak zet ih um ter dingah, zirh dingah, a duhdawtnak lang ter dingah inn ah a um pi. Sarah ih hrangah a fapa kilkhawi hi a thupi tuk lawm mam. Asinan, amaih diriamnak ah a kilkhawimi men a si lo. Pathian tihzahtu le zumtu a si theinak ding ah a zuam ih a kilkhawimi a si sawn. Hnawi a thlei hnu ah Hannah cun Shiloh ah a fehpi ih Bawipa ih hnenah a pek sal a si. “A nun sung hmuahhmuah amah cu Bawipa ih ta a si ding” (1 Sam. 1:28) tiah Puithiam Eli hnenah a ap.

Pathian theitu le zumtu si dingih faa le kilkhawi hi Pathian tihzahtu nu pawl ih tuanvo tumbikmi a si. 

Tuih sun ih nu sunloih ni ah nu le pawl hmuahhmuah in Hannah ih nunnak hi kan ruah sal ih thazaang kan lak dingmi cu: A pasal thawn duhdaw aw zettu a si; Pathian khal a duhdaw zettu a si; ih a faate Pathian tihzah thiam ding in kilkhawi dingah zuam zettu a si. Cucu, Pathian tihzahtu nu pawl hnenah Pathian tuanvo a lo pekmi a si. 

May 12, 2020

FBCMD Online Service