Showing posts with label Sermon: A theology of Praise. Show all posts
Showing posts with label Sermon: A theology of Praise. Show all posts

Wednesday, January 27, 2016

Praise & Worship (Engage)


Tuilai leitlun ih an uar zet mi le kan Chin khawvel khal ih kan theih lar zet mi asi ih mipi hrangah thil thar tuk cu a si ka zum lo. Kan theihnak a rei, kan hman thok nak a rei zet zo nan tui ni tiang kawhhran tin ah mipi le Praise & Worship teams karlak ih buainak hi hmuh ding a um rero. A hram a rak thok daan le mirang pawl ih rak hman daaan pawl ngan ka tum mi si sawn lo in kan Chin mi dinhmun thawn ziangtin kan hmang ding, ziangsi kan din hmun thawn a kaih aw in kan hruai ding tihi ka hmui tin mi sawn asi.

Praise & Worship Teams ih tumtah mi(Engage)
Praise & Worship teams cu Pathain thlarau thianghlim le mipi pehtlaih ter tu (Engage) a si. Tong dang kan hmang asilen, Restaurant dawr ih rawl zem tu (Waiter/Waitress) vek a si. Curuangah rawl zem tu cun thianghlim le felfai ten, a ei tu pawlih order/duh daan vek ih a tuah le a zem suak a si len puar zet in an ei ngah ding. Rawl ei tu customer a lung kim ah cun cuih rawl zem tu khal a hmin tha in laksawng tampi a boss hnen ihsin a co ding. Curuangah timlaam nak nasa ten a neih a tul. Hitluk cun kan theihthiam ka zum. ( Note: Hill Song timi le Praise & Worship timi hi a bang aw lo. Praise & Worship tuah tik ah hill song hla siseh, hla dang, ziangvek thangthatnak hla khal sak a theih. Hill song hla lawng sak dingih ruat ding a si lo.)

1) Hla hruaitu ih theih tul mi
A tlun ih sim zo bangin pehtlaih tertu kan si ruangah mipi kha upat thiam in zianghman tuah fial ciamco lo ding. Mipi duhdan thlir thiam/zoihthiam phah in hruai thiam a tha. Hill song hla lawnglawng sak lo in hla dang thawn rawi thiam asi len mipi hrang ah a tha zet. Cui hleiah, hla hruaitu cun zoih a mawi mi hnipuan hruk a tha. ( Note: Hill Song timi le Praise & Worship timi hi a bang aw lo. Praise & Worship tuah tik ah hill song hla siseh, hla dang, ziangvek thangthatnak hla khal sak a theih. Hill song hla lawng sak dingih ruat ding a si lo.)  


2) Music player ih theih tul mi
Pathian hla le love song hla tum daan a bang aw lo. Aw hman mi effect pedal khal a bang aw lo. Cang thei len effect Distortion hrimhrim tla cun hmang lo ding asi. Mipi hrangah a pin tuk. Eco (delay pedal- Clean tones) tete thawn tum len fiangfai zet in a suak ih a mawi zet fawn. A tul daan in Over Drive malten hmang phahphah ding. Ral ring dingmi cu Drum player hnen ah Setan in hna a tuan hmai sa bik duh zet. Mipi thawn hlasak tlang kan si tikah a karlak ah guitar solo tampi tum lo a tha. Mipi an vaivuan thei. Music player khalin zoih a mawi zet mi hnipuan hruk a tha.  

3) Koihhran upa ih theih tul mi
Mipi lamih compliance tambik hi Music a ring tuk ti asi theu. Curuangah ah koihhran mino sungih rinsan mi hril in Music sound control daan thiam ding ko in mirang pawl hnen ah zir ter lawlaw a tha. Cuihhlei ah, piano, guitar khal zir ter cih thei sela a tha sinsin. Praise & Worship teams hi mino tete an si theu ruangah tha pek thiam a poi mawh zet fawn. Hla ciin can ah tel pi thei zuam in thazang pek nak thu tawite sim phah in thlacam nak neih sak thei theu sela a tha zet mi a si.

4) Mipi ih theih tul mi
Tui lai leitlun santiluan thei thiam dingin zuam a tha. Khua lam ih ti daan kel te lawng a tha bik ih ruat lo in santiluan ih zir in ziangvek hla khal ei thei zuam a tha. Praise & Worship duh lo ruangah biak inn feh paih lo/khawm paih lo ih na um ah cun thlarau lam ah na cek awk a tul. Hynm hla lawng na sak thei / Nun thar hla mawi lawng a tha bik ah ruat tu / Hill song lawng thlarau hla deuh cuangih kan ruat sung cu kan biak mi kan thei fiang lo tinak a si. Pathian thangthat nak hla a si ah cun ziangvek khal rak ei thei thluh zuam uh si.
Tui lai US mino 80/100( Zaa ah sawm riat) tluk cun biak inn an pal paih nawn lo ti a si. Cuimi lai ah kan nih Chin mino pawl biakinn lam Praise & Worship ah hlasak le music play phah, thatho zet ih an um paih hi lom le tha pek sinsin thiam kan tul.

(Note; Engage timi Praise & Worship tranning kan FBCI Pastor ( Rev.Ci LianKap) thawn kan kai mi sung ihsin ka lak mi le keimah hmuhton mi sung ihsin koihhran tin hrangah thathnem nak mal lai a um beisei nak thawn ka ngan mi a si.)

Salai Lai Lung Lian
Falam Baptist Church Of Indianapolis


Tuesday, July 17, 2012

Pathian Thangthatnak Hlasaknak ih a Hmual


    by San No Thuan

Tirh 16:16-40

1.     Pathian ziangruangah aw le zai in pek?
a.     Amah Pathian thangthat dingah a si. Cumi duh hlah sehla, aw hi in pe lo ding.
b.     Phi 1:21 …. Keimahih duhmi kim ter dinga a si lo. Khrih tuah duhmi tuahnak ding ah a si.
c.     Kol. 1:16 . . . Ziang hmuah hmuah hi Khrih sung in Khrih hrangah a tuah.
“Everything got started in him and finds its purpose in him.”

2.     Pathian thangthatnak hla kan sak tikah, ziangvek lungput kan neih a tul?
a.     Ka audian tumbik cu Pathian a si. Amah sunloihnak puai ih ka sakmi a si ti thei ringring aw.
b.     Psalm 100:5
                                      i.     Bawipa cu a tha,
                                    ii.     a duhdawtnak cu kumkhua in a hmun
                                   iii.     Rintlak a sinak cu san khat hnu sankhat a hmun.
c.     Psalm 103:2-5
                                      i.     A thatnak hmuahhmuah hngilh hlah aw.
                                    ii.     Sual I ngaithiamnak
                                   iii.     Ka natnak I dam ter.
                                   iv.     I run: a thukmi thlan ihsin I suah
                                    v.     A hmunmi duhdawtnak le lainak thawn I thluasuah
                                   vi.     Blessings: Ka nunnak thil tha thawn I khah ter.
                                 vii.     Muvanlai bang in cak le no in I um ter.
3.     Pathian thangthat hlasaknak ih a hmual
a.     Paul le Silas  (Tirh 16:16-40).
                                      i.     Harsat le beidong lai ah vuihram men lo in, Pathian hnen ah thla an cam ih an thangthat (c. 25).
                                    ii.     Harsat caan ih a mah thangthatnak hla sak thotho tu pawl ih aw cun, Pathian thinlung a tthawng/sawh tuk ih, ling a hnin ter (c. 26a).
                                   iii.     Anmah lawng si lo, midang ih thir cikcin tiang a phoih sak theh (c. 26b).
                                   iv.     Thawnginn uktu le a sungte an piangthar (c.29-30).

b.     Na thanau maw? Why? Nangmah le nangmah na rinsan aw ruangah. Pathian kha thangthat aw. Pathian thangthat hla saknak caan neih lo khi thanaunak hrampi bik a si.
c.     Pathian thangthat cu Pathian ih cahnak le huham pawl ah na nunnak a lo ret ih ral thatnak a lo pe.

Thunetnak:
1.     Pathian in kan aw le zai in peknak hi Amah thangthat dingah a si. Nunnak timi hi na hrangah a si lo. Pathian hmaika ih a maih duhmi kim ter ding hi a si.
2.     Thangthat hla sak tik ih neih dingmi lungput cu
a.     Pathian lawng ka thangthatmi a si ti thei ringring aw.
b.     Pathian in na par, midang parih a thatnak le duhdawtnak pawl cingmang phah in sak aw.
3.     Thangthat hla sak nak ih a hmual
a.     Na lungawi caan hnak in na thanau caan ah na tuah dingmi cu Pathian hnen ah lungawi thu sim in Amah thangthatnak hla sak aw.           
b.     Na nunnak a lo temtawntu cikcin pawl a poih hlo theh ding.

Sunday, May 27, 2012

Ziang Ruangah Pathian kan thangthat



 
1. I rundamtu a si ruangah,
2. Nunnak i petu a si ruangah,
3. Damnak i petu a si ruangah,
4. I cawisangtu a si ruangah,
Mi dangin in phurpi lo hmanah kei cun ka thangthat ding, ziangah ti le,,,,
"KA LEI BA A SI " a si.
 
Thangthatnak ih hmual
 
1. Saul ih sungah thlarau sual a lutih a aa ciamco tikah Tingtang tum thiam an hawlih David an tong ngah.
    David in tingtang a tum le ve ten a sungih thlarau sual pawl cun an tihih an tlan theh. (1sam.16:23)
    Bawipan a hmanah cun ziang pohpoh hi kanral nehnak hriamhrei an si theh. AMEN
 
2. Moab Siangpahrang in Israel  a do tumih, Joram (Ahap fapa) a vansang, Culai ah Prophet Elisha an sawmih,,,      Elisha in Tingtang tum thiam i hawlsak uh a ti.Tingtang tum thiam pa cun tingtang a tum laifangah Bawipai huham cu Elisha hnenah a thleng. (2Siang 3:14-15)
Pathian hi hlam ringring aw ziangtik khalah na hlawh tling ding.
 
3. Moab ralkap,Amon ralkap pawlin an mah tantu Meunim mi pawl thawn Judah ram an do.
Jehoshafat a mangbangtuk Pathian hnenah thal a cam a mipi pawl thawn, cu laiah Bawipa in an lakih Prophet hnenah an nehnak dingthu a run phuang.
Cu le ve ten Puithiam pawlin hmai an hruaiih
'Bawipa cu thangthat uh, induhdawtnak cu kumkhua in a hmun' tiah hla an sak ih cu le ve ten, Anral pawl cu anmah le anmah Bawipan a huatawk ter hai ih an that aw theh. (2San.20:1-)
Bawipa thaw cun khui khalah nehnak hi kan ta a si ringring.
Minung tam le mal a si lo ih,ral hriamhrei neih that le that lo a si lo,
BAWIPA KAN HNENIH A UM HI KAN RAL NEHNAK A SI.
 
4.Philipi thawng sungah Paul le Silas cu hreng an sut ih thawng an thlak. Zan timlaiah Pathian an thangthat. An parih thil theng mi ruangah Pathian an vui lo. An thangthat sawn,, hmakhat teah thawngin sang ka pawl cu  Bawipan a on sak theh. An hrengsut mi pawl khal a za ten a phelh aw theh.
Bawipa kan parih a lungawi cun in temtartu Lei tlun thil pawlkhal hi hmakhat te ah in phelhsak theh thei a si.
Bawipai hnenah phunzai lo in Thangthatnak sawn kan pe kei uh,,, Luatnak lampi a si.
 
Thangthatnak cu a sunglawi bikmi le Pathian duhmi Raithawinak rimhmui a si.
 
"Maw ka nunnak Bawipa thangthat aw,
Ka sungih um mi hmuahhmuah in a hmin thianghlim cu thangthat aw,
A thatnak hmuahhumah hi hngilh hlah aw"
Saam 103:1-2
 
Siartu za ten Pathian in mal lo sawm seh law,,,Pathian thangthat manhlat zia khal lo theih ter sinsin hramseh.... AMEN
 
BHSum