The Easter Invitation: Calling People to Decide What to Do with Jesus

By Rick Warren

Follow @rickwarren

1.3M followers

As I write this, millions of Christians and church leaders are getting ready for Easter weekend, and it’s a huge opportunity for the church to spring into action to invite and welcome lost people to hear the gospel. And so as we Pastors prepare to preach about the resurrection of Jesus Christ, we desperately need the power of God – the same power that raised Jesus from the dead – to be at work in and through us.

The resurrection of Jesus was the greatest demonstration of the power of God in all of history. Let me explain why.

After Jesus died they put His body in a tomb. But the tombs were different in those days than they are today. Today we put somebody in a coffin and put them in the ground and we cover them up with dirt. In those days they buried people in caves. They often would use it for many, many bodies. It was not just one burial; lots of people would be buried in the cave. So they’d find a cave and they’d build a trench in front of it and they’d put a giant millstone in front of the opening of the cave. Then when somebody died, they’d roll the stone wheel back, toss in another body and roll it back. A cave would often have many, many people who died in one burial ground.

Jesus was buried in the tomb of Joseph of Arimathea, a wealthy man who had bought a cave for his own burial. It had never been used before. So they wrapped Jesus’ body in the burial clothing. They put Him in the tomb and they rolled the stone in front of it. But the opponents of Jesus were worried about His claims that He would be raised from the dead. To stop the disciples from making it appear that this had happened, Pilate agreed to allow them to seal the tomb. Isn’t it ironic that Jesus Christ is the only person is history whose grave was guarded to keep Him from coming out?

Notice what happened. Acts 1:3 “He [Jesus] showed Himself alive to them after His passion by appearing by many demonstrations.” Notice it wasn’t just a one time shot like “Surprise! Here I am!” and then He’s never seen again. That could have just been a psychological vision. It could have been a dream. It could have been mustered up in the midst of people in deep grief. No, it says many, many demonstrations that He was alive. It says for 40 days He continued to appear to them and tell them about the kingdom of God. He didn’t just show up once. For forty days He’s walking around the streets of Jerusalem and all kinds of people are seeing Him.

That’s why about half the city became believers. Archeologists and historians tell us that within twenty years of the resurrection, Jerusalem, a city of about quarter million people, had between 100,000 and 125,000 believers. Why? Because so many people had seen Him. That’s the guy we just put on the cross! That’s the guy the Romans killed. He claimed He was God, and look! He’s back. Romans 1 says, “By being raised from the dead He proved He was the mighty Son of God with the nature of God Himself.” 

Here’s the amazing thing, a little secret just for your benefit. The power that raised Jesus Christ from the dead, it is available to you to help you with your problems when you invite Jesus Christ into your life, and everyone whom you lead and to whom you speak can have that same power too. That’s why preaching on Easter weekend ought to be powerful and positive and filled with hope. We have every reason to preach with a sense of victory.

And as you preach, preach for a decision. That doesn’t mean applying undue pressure. As I wrote last week, evangelism isn’t a one-time shot but an ongoing relationship. As you preach, teach, and lead this weekend, allow the story of Jesus’ death, burial, and resurrection to help you call people to three important decisions.

1. Invite people to love Christ. Even if God never did anything else for me, He purchased our salvation with His own blood and by giving His own life. He went all the way to death on the cross to purchase us out of the slavery of sin. He certainly deserves our love and our devotion. I should love Christ with all my heart. The Bible says, “We love because He first loved us.”

2. Invite people to hate sin. Why? Because it was my sin and your sin that put Jesus on the cross. So when I watch television and I laugh at sin or I watch a movie and laugh at somebody sinning, that is Satan’s way of getting me to lower my standards. Sin is not a laughing matter. Just look at the cross. It is a serious matter and I should hate sin and do everything I can to fight against injustice in the world.

3. Invite people to tell others. The Bible says in Ephesians 1, “God was in Christ reconciling the world to Himself. No longer counting peoples’ sins against them. This is the wonderful message He has given us to tell others.” If somebody died for you, wouldn’t you want to know about it? I think so! Jesus Christ died for your next door neighbor. Jesus Christ died for your mom and dad. Jesus Christ died for your brother and sister. He died for your best friends. Jesus Christ died for the people you work with and go to school with.

This is why we do everything we do at Saddleback Church, why we build buildings, train leaders, direct traffic, love kids, and develop small groups. It’s so we can reach one more for Jesus. The typical person that you really want to reach is sitting at home right now totally oblivious to what Jesus has done for them and how much God loves them.

To put it more simply, call on people to believe in Jesus, to grow deeper in Him, to find their place in God’s family, to discover their shape for ministry, and to live on mission with God telling others the good news.

A Thosalmi Bawi Jesuh Khrih

1 Cor 15:17-20

Thuhmaihruai

Jesuh Khrih ih thawhsalnak thu hi zumtu kan hrangah a thupibikmi a si. Khrih kan zummi thosal lo sehla kan zummi Khrih ih simmi thu pawl hi minung pakhat ih simmi vek men a si ding. Caan khat hrang le mi phun pakhat hrang lawngah a dikmi thu a si ding ih, mi zapi hrangah thlun tlak le pom tlak, kum khua ih a dikmi thu a si thei lo ding.  Asinan, Khrih cu thihnak neh in a thawhsal tikah, Pathian taktak a sinak kha a lang ter a si. A simmi thu pawl khal hi kumkhua ih a nungmi Pathian ih thu a si ih, mi hmuahhmuah hrangah a dikmi thu a si zia a lang.

Biaknak dang pawl ih an biakmi pathian cu caan tawkfang an nung ih an thi. An hloral cih ta. An thosal ti a um nawn lo. Asinan, Khrih cu a thi ih a thosal. Asinan, mi hrek in, “Jesuh a thosal timi cu ziangtin na sim thei? Ziang tetti (proof) na nei?” tiah in ti sehla ziangtin kan let ding?

Jesuh a thosal tiih kan ti theinak Tetti kan neihmi pawl:

1. Thlan sungah a taksa ruangpi a um nawn lo (Mtt 27:60-28:7).

            Judah hruaitu pawl in Jesuh ruangpi cu a thosal lo, a dungthluntu pawl in an fir tiah thu an than ciamco. A dungthluntu pawl in an fir ngaingai si pei maw? A cang thei hrimhrim lo ziangahtile a pakhatnak ah, Jesuh in ni thum hnu ah ka tho sal ding tiah a ti ruangah an ti ih, thlan khar ah lungpheng tumpi an khar ih ralkap an kil ter thepthepmi a si. Ralkap pawl in teh a ruak an fir si pei maw? A cang thei lo. a thosal tiah an ti pang ding ti a phangtu cu Judah pawl le Rome ralkap pawl an si. A ruak fir lamlam, midang khal in fir lo ding in an kil lam ti kan hmu.

2. A dungthluntu pawl hnen ah a lang (1 Kor. 15:3-11).

A dungthluntu pawl in an mithlam, (vision) vek in an hmuhmi teh si pei maw? A dungthluntu pawl in Jesuh a thosal ding ti an zum thei lo tuk. Cupawl hnenah ziangtin Jesuh a phuanglang aw ih an nunnak a thleng timi ka lo sim ding.

a.     A ni thumnak ah Mary Magdalene le nu le hrek khat cu an Bawipa ih ruak kha thu lo ding in zihmui pawl toih dingah an va feh (Luke 23:56). A ruak an lak lai ah zianghman a ruak kha thatein tuamhlawm man a si lo ruangah, Judah daan in a ruak parah zihmui pawl thuh ta dingah an va feh. Ralkap pawl kha zaangfah dil in zihmui toih an tum si ding ti zumnak a um. Cutikah, Thlan kharpi a rak ong aw ih, ralkap pawl khal pakhat hman an um nawn lo. A sungah an vung lut ih vancungmi pahnih an lang. “Mithi umnak ah a nungmi ziangah nan hawl. Hinah Jesuh cu a um nawn lo” tiah an sim (Luke 24:5). Nu hrek khat cu an kir lohli nan, Mary Magdalene cu kir lo in thlaan kiang ah a rung tap ta. Cule, Jesuh cu thlan kiangah Mary hnen ah hmuan kiltu bang in a ra lang (John 20:11tt).

b.     Nunau hrek khat pawl thlan in innlam an kir hnen khal ah Jesuh cu a hnen ah a phuang aw thotho (Matt. 28:9-10).

c.     A thawhsalni thotho zaanlam ah, Jesuh ih dung a rak thlun dahtu (a dunghtlun hlei 12 a si lomi) Kleopas le a rualpi pakhat hnen ah Emmaus lam tluan ah a lang lala (Luke 24:13-35).

d.     A thawhsalni nipini thotho ah Thomas tel lo in inn sungih a dungthluntu pawl an um lai ah Jesuh an hnen ah a vei khatnak a lang ih, “ka pa ih I thlah bang in kei khal in ka lo thlah ve” tiah a sim hngai (John 20:19tt).

e.     A zarh khat hnu ah a lang lala. A veihnihnak a dungthluntu zatein hnen ih a langsal daan cu, Thomas in Jesuh a thosal sokhaw tiah an ti khal le a zum thei cuang lo ih, zarh khat hnu ah Thomas tel in innkhaan sungih an um lai ah Jesuh an hnen ah a lang sal. A kut a ke pawl Thomas kha a tham ter (John 20:24tt). Vei hnih rori an hnen ah a lang nan, Jesuh ih thu sim le phuan ding lamlam an ngam hrih lo. An zumnak mal tuk lai. Cutikah ziang an tuah? Nga an thliar sal.

f.      A veithumnak cu, Peter in ngathliar ding a sawm ih nga an thliar ciamco sal. Cuih an ngathliarnak hmun ah Jesuh a veithumnak a va lang sal (John 21:1-14).

g.     Culawng a si lo, minung 500 lenglo an um tlaang lai khal ah Jesuh an hnen ah a lang sal (1 Kor. 15:6). Ziangtin minung zanga lenglo in a bangmi mithlam (vision) an nei thei ding? An mithlam a si lo, anmah thawn rawl a ei ih, an kut in an tham ih, anmah thawn thosalmi Jesuh cu an bia aw a si.

3. A dungthluntu pawl ih nunnak a thlengh aw theh.

a.     Mary Magdalene cu tahnak mitthli le lungkuainak ihsin lungawinak thawn a khat (Matt. 20:18). Ziangruangahtile, a thosal zo timi an hmuh hnu ah mithi tah ih an tahnak ding thu a um nawn lo.

b.     An tihnak ihsin ralthatnak thawn an khat. Peter tla cu a dungthluntu na si lo maw an ti tikah, “ka si lamlam lo, ka thei khal ka thei dah lo” tiah a pheh ciamcotu a rak si. Dungthluntu hlei hnih sungah John lawng kum 90 tiang a nung. Asinan, John khal zohman um lonak tikulh sungah a thih tiang an ret ih thawng an thlak. A dang hlei 11 pawl tla cu, an no lai ah, siti so sungah an suan cih. Mihrek khat cu hluah in an ruang phel hnih ah an phel. Peter tla cu a linglet in an thlai that. Fei in mihrek khat khal an sun that. Ziangah cuvek in an um tile, “Jesuh, a nung sal lo, ka zum lo” ti aw tiah an fial ih an duh lo. An zumnak kha an thihpi ngam a si.

c.     Paul khal Damascus lamzin ah Jesuh zumtu pawl hrem in a feh lai ah, Jesuh ih tleunak in a mitcawt ter ih, Jesuh in na hremmi Jesuh ka si tiah a ti. (Tirh 9:3-17). Cuih hnu in Jesuh hremtu in Jesuh ih palai thabik ah a cang.

Jesuh Khrih cu thihnak in a thawhsal ruangah ziang thathnemnak a um?

1. Kan sual ngaidamnak hrang thawinak cu Pathian in a cohlang tinak a si (Rom 4:24-25).

Thukam Hlun sungah, sual thlahnak hrangah tuu, me, laileeng thi tivek pawl an hmang. Sual thlah ding tikah, puithiam pakhat cu a thianghlim biknak biakttheng sungah a vung lut. Sual thlahnak tuah hlan ah Pathian tuah ding a timi pawl an um. Aron cun, a korfualpi zim ah a awn theimi sui khingte an thleih ding ih, biakttheng sung ih a suah le luh tikah a on ding ih,  a thi le thi lo ti an thei ding (Suah 28:34). Aron le a fa le pawl cu biakttheng sung ih an luh hlan ah thiangte in a tuah awk ta a tul. Cu lo le, an thi ding (Suah 30:17-20). An raithawinak cu Pathian in a cohlan a si ahcun, dam te in a ra suak sal. Asinan, Pathian in a raithawinak a cohlang lo a si ahcun a thi. Aaron ih fapa pahnih: Nadab le Abihu in, Pathian ih thupek lo in khangthawinak an tuah ih, an thi cih (Puithiam 10:1-4).

Jesuh in, tuu, me, le laileeng thi tivek a keng lo. A kenmi cu a mai thisen luang in thihnak tiang misual kan mah ih sual ngaithiamnak hrangah a nunnak a pe aw. Pathian in leitlunmi pawl hrang ih a nunnak pek ih thawinak a tuahnak cu a cohlang ruangah, thawhsalnak le nunnak a pek sal. Cui ruangah, Pathian in kan sualnak cu in ngaithiam a si. Misual ah in hmu nawn lo. Jesuh ih ruangah, kan sualnak in thlahsak zo a si. Cucu thuthangtha a si.

2. Jesuh cu Pathian taktak a sinak kha a langhnak a si (Rom 1:4).

            Thawhsalnak um hlah sehla a dang pathian kan biak khal le a sualnak a um lo ding. Asinan, tuihsun ih kan biakmi Pathian cu, “Keimah cu nunnak, lamzin, le thutak ka si” (John 14:6) a titu hi a sim vek in a si taktak timi a langnak a si.

3. Kan mit in hmu thei lo khal sehla, in umpi ringringtu a si (Matt. 28:19-20).

            Caan tampi ah Pathian cu kan mit in kan hmuh lo tikah in umpi lo hmang tiah kan ruat. Kan mawh lo. Tahthimnak thazet pakhat cu Emmaus khua zin ih a fehtu pahnih te kha an beidong zet in lai ah Jesuh in a hei fuk asinan Jesuh a si ti an thei lo. An hnen riak ding ih an sawm tikah sang a phel ih a pek tikah Jesuh a si kha an thei. Cuve tein Jesuh cu a hlo sal (Luke 24:31). A hlo kan ti nan, a umpi lo tinak a si lo. Tisa mit ih hmuh theimi in a um lo tinak men a si. Kan mit in kan hmu lo nan, kan hnen ah in umpi ringringtu a nungmi Jesuh a si. A NUNG, A NUNG, JESUH CU A NUNG. Jesuh cu ziangvek caan khal ah rinsan a theih ih amah thawn pawlkom aw thei ringring kan si. Kan simmi hmuahhmuah theitu kan rual thabik a si. Curuangah, zianghman kan tih a tul nawn lo. Lei le van sersiamtu le thihnak neh ih a thotu Pathian cu kan hnen ah in umpi ruangah, hmai ah nor aw. Amaih cahnak thawng in ziangkim ti theitu kan si (Fili. 4:13).

4. Tumtahnak thar in pek (Kal. 2:20, Phi 1:21)

            Jesuh hi a nungmi Pathian a si, kan sual in ngaidamtu a si ih kan hnen ah in um pi ringring ti kan theimi hi kan zum taktak ahcun, kan thinlungput le kan nun daan cu zo ih hrangah kan nung ding? Kanmah ih sunlawinak hrangah si nawn lo in, Jesuh ih sunlawinak hrang lawngah nung ding kan si (1 Kor. 10:31). Zo thawn bang aw ding in kan nung ding? A nungmi Pathian fapa Jesuh thawn bang aw ding in kan nung ding. Ziangahtile, a nungmi pathian, Jesuh Khrih cu a tu ka hnenah in umpi ruangah a si. A riahsiat ter lo in, a lungawinak tuah dinghi kan tumtahmi si hram seh.

5. Ruahsannak in pek (1 Thess. 4:13-18).

            Jesuh a zum ih a thimi pawl cu mitthep kar ah kan thlarau cu Pathian hnen ah a feh ih kan taksa cu leilung ah a cang. Asinan, hih kan taksa hrimhrim khal hi Jesuh a rungtum tikah, a thiciami thlarau pawl thawn an rungtum dingih thlan ihsin an taksa khal a tho ve ding ih an kom aw sal ding. Cumi theh hnu ah, kannih a nung dam lai pawl ih kan taksa cu a thi thei nawn lomi van taksa ah in thleng ding. Curuangah, zumtu hrangah thihnak hi nun hram thawhnak a si. Kan taksa hrimhrim khal hi a hloral ta lo ding. Van sunlawinak cotu dingah Pathian ih tlenmi kan si. Curuangah, ruahsan ding nei lomi bang tuk in kan um ding hi kan hnen ih in umpi ringringtu a nungmi Jesuh Khrih in in duh sak lo. Ruahsannak nei ringring aw.

Thunetnak le sawmnak:

U le nau pawl hi thu pawl kan theih theh hnu ah Jesuh hi a nungmi Pathian, na sual ngaidamtu, le na Bawipa ah na cohlang thei thlang maw? Jesuh cu na thinlung sangka kiangah ding in sangka a lo king (Thuphuan 3:20). Jesuh ih kan sualnak I ngaithiam theh zo timi zum aw. Cuih tlun ah, ziangkim thei, ziangkim ti theitu Jesuh Khrih Pathian cu ka hnen ah a um ringring ti thei aw. Amah thawng in ziangtin kim tuah thei timi thei awla, hmai ah nor aw. Na nun san cu Jesuh sunlawi ter dingah le, Amaih duhmi tuahnak ding hrangah a si timi cing ringring aw. Nitin, Jesuh thawn feh tlaang, nung tlaang in a hnen ah a nunnak ap aw. Jesuh thawn cutivek ih a pawlkom awtu pawl cu nehnak, lungawinak le mi neinung sinak a pek a si (Saam 23, 128:1-3).

____________________________

San No Thuan

March 31, 2013

Falam Baptist Church, Maryland

Emmaus Lamzin ah Bawi Jesuh ih a Phuanlanghawk Daan

by San No Thuan

Luke 24:13-35

Thuhmaihruai:

Pathian in a phuan awk daan phun hnin in a tlaangpi thu in an then. A pakhatnak cu, sersiammi pawl sung in, le Jesuh Khrih sung in tin an tthen. Jesuh Khrih khal in a thinlung put le Pathian ih sinak, le duhmi pawl a phuan/langh ter daan tampi a um. Cumi pawl sung in, hi tawk ahcun, Emmaus khua lamzin tluan ah Jesuh ih a phuan awk daan hi phun thum in sim ka duh. Emmaus khua cu Jerusalem in peng 7 a hlat (Luke 24:13). Jesuh a thih ih nithumnak zing ah, Emmaus khua ih a fehtu pahnih hmin cu Kleopas le a rual pa ti a si (Luke 24:18).

1. Beidong pawl thawn a feh tlaang ringringtu Bawi Jesuh a si.

“15Cutiin an tong ih an relkhawm rero laiah cun Jesuh amah rori in a hun fuuk hai ih an feh tlang. Amah cu an hmu nain an thei thiam lo. 17Jesuh in an hnenah, “Nan feh phah ah ziang thu so nan rel rero?” tiah a sut.” Luke 24:15-17

Pakhatnak ah, thihnak neh ih a thosaltu Bawi Jesuh cu kan mit in kan hmu lo nan, kan hnen ah in um pi ringring (Luke 24:15-17). Emmaus lam zin ah Jesuh ih thusim ngai duh ah a dung a rak thluntu mi pahnih an feh. An feh lai ah an thin a har, an mang a bang ziangah tile, Rom cozah kut in in runtu ding Profet thar kan nei tiah an rak ruat. Asinan, Jesuh cu thah a si tikah, an bei a dong. An ruahsannak a cem. Cumi lai ah, Jesuh an hnen ah a phuang aw nan, zo a si ti an mit a van ter duh lo.

Caan tampi ah Emmaus lam ih a fehtu te pahnih bang in, kan thinlung a har caan, kan bei a dong caan, ruahsannak ka nei nawn lo tiah kan ti caan tampi a um ding. Cumi lai ah, kan hmuh thei lomi, thihnak neh in a tho zotu Jesuh Khrih kan hnen ah a feh ringring timi kan cing ringring pei uh. A nungmi Bawi Jesuh cun, nangmah in a mah pan na thiam lo lai caan khal ah Amah in a lo naih ih a lo pan ringringtu, a lo fehpi ringringtu a si.

Bawipa in in bia ringring nan, thil dang “aw” (voice) lawnglawng kan hna sungah kan luh ter theu. Caan khat te la in, Bawipa ziang I sim duh ti in, Bawipa thawn pawlkom awknak nei aw. Bawipa ih umpinak le a aw na thinlung sungah a fiang ding. Thlacamnak thawn na thinharnak kha ap aw la, na hna a lo ngam ter ding ih, thil mangbang za tla na ruahbanmi ih leeng ah a lo hmu/theih ter ding (Jer 33:3).

2. Sunlawinak sungah lut dingah, tuarnak a um ta a tul timi hi a fehpimi lamzin a si.

25Cule Jesuh cun an hnenah, “Nannih hi nan va aa so! Profet pawlih an rak sim ciami nan va zum har lawmmam so! 26Messiah hrangah hi thil pawl hmuah- hmuah hi a tuarta theh hnuah a sunlawinak sungih luh ding cu a tul lo maw si?” tiah a ti. 27Cule Jesuh in Ca Thianghlim sung Moses cauk pawl ihsin thokin profet pawlih nganmi tiang, amah ih thu an ngannak hmuahhmuah kha an hnenah a simfiang. (Luke 24:25-27).

Pathian hmaikaa ih mi-aa pawl hi zo an si? (Luke 24:25). Pathian ih mi-aa a timi pawl cu, Bible ih simmi Pathian ih thu a zum thei lo pawl an si. Emmaus lam ih a feh rerotu pahnih te kha Jesuh ih, Messiah cu harsat thihnak a tuar ding ih, sunlawinak pek a si ding tiah a simmi pawl kha an zum thei lo ti a hmu tikah, “Nan va aa lawm lam so! Profet pawl ih simmi hi nan va zum har so” tiah a ti. Nangteh cuih lamzin cu na lamzin a si ve maw?

Tuisun ah, Jesuh in thu in tiam kammi tampi a um. A thusimmi tampi a um: a kumkhua in ka lo umpi ringring ding (Mtt 28:20f), dil uh nan ngah ding (Mtt 7:7f), keimah I zumtu pawl cu thi khal hngai sehla, an nung ding (John 11:25), hi thisen cu nan sual kholhfainak hrang ih ka thletmi thi a si (Mtt 26:28), thilrit a phurmi pawl ka hnen ah ra uh . . . colhdamnak ka lo pe ding (Matt 11:28) tvp., a zum thei lo tu pawl kha Jesuh in, mi-aa in ti a si. Kan zum thei lo deuhdeuh le, Pathian hmaika ah mi-aa kan si deuhdeuh tinak a si. Zum timi cu thlun ngam kha a si. Na zummi Jesuh dung na thlun ngam lo deuhdeuh ih, Thlarau Thianghlim sim zirhnak na ngai duh lo deuhdeuh tikah, atnak lamzin ah na feh thok thlang tinak a si.

Mi-aa cun, a thinlung sungah Pathian a um lo tiah a ti (Ps 14:1). Pathian in leile van a sersiam (Gen 1:1) ti sim na cing ih Pathian a um le um lo tla zum duh lo tu an um tampi. Cupawl cu mi-aa tiah Bible in a simmi pawl an si (Saam 14:1). Ziangah tile, an thinlung ah Pathian a um lo tiah an zum ih, zohman tih a tul lo, duhduh in kan nung thei tiah an ti ih, an nung. Mi-aa na si maw?

Cumi lak ah Jesuh thusimmi kan kaa cun kan zum nan, kan thinlung in kan tuah theu lomi cu: “tuarnak a um hnu ah, sunlawinak a ra” (Luke 24:26) tihi a si. Himi kan kekar daan si ve seh. Tulai ah minung tampi in nomnak le duhduh ih umnak in an nunnak hram an thok theu. Sumpai an neihmi khal a tulmi tuahnak ah hmang lo in, an duhmi ah an hmang an hmang ih thil tulmi tuah ding a um a sile, zianghman hman tlak lo ah an cang. Sunlawinak le nun diriamnak taktak cu Bawipaih duhmi tuahnak tuahnak ah tuar ngamnak in a ra.

Saam 16:11

Nangmah in nunnak lamzin cu i hmuh ding; Na umnak ah lungawinak a kim ih, Na ban thacak ah nomnak kumkhua in a um.

3. Midang zawnruahnak a neitu pawl hnenah anungmi Jesuh a sinak a langh ter.

28An feh tumnak khua an thlen zik zawng ah Jesuh cu a feh hrih ding vekin a um awter. 29Asinain annih in, “Kan hnenah riak ve ko aw! Khua a tlai zo ih a thim thlang fawn,” tiah an kai. Curuangah an hnen riak dingin a thlun. 30An hnenah cun a to ih rawl an hil tlang. sang a laak ih thla a cam hnuah a phel ih a zem hai. 31Cutikah an mit a hung vaang ih Amah a si kha an thei thiam; a sinain an mithmuh ah a hlo sal. Luke 24:28-31

Pathumnak ah, midang zawnruahnak a neitu pawl in Pathian ih sunlawinak le umpinak an hmu fiang (Luke 24:28-31). Emmaus khua an thlen tikah, Jesuh cu khua dang ih feh hrih ding vek in a um. Ziangah cutin a um si pei? Jesuh in zawnruahnak lung an nei maw nei lo ti a hniksaknak a si. Zawnruahnak nei hlah hngai sehla, mikhual an timi pa kha an sawm lo ding ih, an mit khal Pathian in a van ter lo ding ih, Jesuh khal an hmu ngah lo ding.  Cutikah, cute pahnih cun, khua a tlai zo, kan hnen ah riak ve ta aw tiah an ti. Cutikah, Jesuh cun, midang zawnruahnak thinlung neitu pahnih hnen ah a caam ta. Rawl an ei tlaang ih, Jesuh in sang a phel. Culai fangah, an mit a van ter ih, Jesuh a si zia kha a phuang aw. Pathian thawn tong aw in, a lungawinak, thatnak le thluasuah co na duh ahcun, midang zawnruahnak nei ringring aw.

Tuisun khal ah, midang zawnruahnak a neitu pawl ih hnen ah kan Pathian, thihnak ih a neh lo Bawi Jesuh Khrih ih sunlawinak a simi: nun diriamnak, lungawinak, le hnangamnak pawl Jesuh ih a co ter ve a si. Cuih tlunah, midang khal in, an nun ah Jesuh ih sunlawinak, mawinak le duh a nunnak pawl an hmu a si. Philadephia ah midum pahnih te kha bus an to rero lai ah, putar le pitar te an rung lut. Midum pahnih te cu an ding lohli ih, tonak an pek. Cumi ka hmuh tikah, ka thinlung a diriam tuk. Ziangah tile, an nun ah Jesuh ih nun bangtuk, midang zawnruah thiamnak nun ka hmu a si.

Vei khat ah Everest tlangpar kai ding in rualvah pathum cu an sawm aw ih, an kai. A sang deuhdeuh an thlen tikah, a dai tuk ih a kut le an hnar tivek tla khi a khal theh. An rualpa pakhat cu a na ciamco. Himi kan tuam hlawm le cu kan zate in kan thi theh ding ih kan thlen duhnak khal kan thleng thei lo ding tin a rualpa in a sim. Culai ah, a rualpa pakhat cun kei cu kan rual amah lawng ka taansan thei lo tiah a ti. Pakhat deuh cu na duh le hngak aw, kei cu ka rak feh sung ding tiah a ti ih, a feh. Asinan, a mah lawng a khua sik thawn a bah ih kham lak ah a tla that. Culai ah, rualvah pahnih cu a pawk aw, an dir aw, an feh tlang vingvo ih, neta bik ah, harsa bawmcu helicopter in a ra hmu ngah ih a run hngai. Midang harsatnak zawn a ruat ih, a bawmtu cu Pathian thluasuah lamdang zet in an dong theu ti a fiang.

Jesuh Khrih ih tuihsun ah si ter in duhmi cu midang hrangah cite bang ih al ding hi in duhmi a si. Ka duh zetmi tongkam te pakhat cu, “Preach the gospel in the church, live the gospel in the world.” Jesuh thu kha biakinn ah sim aw la, Jesuh bang in midang hrangah nung aw.

Thunetnak

Emmaus khua zin ah Bawi Jesuh in thihnak ih a thawhsal hnu ah a nung taktak a si timi a phuan langhawk daan cu:

1. Thinhar beidongmi pawl taansan dah lo ih, a umpi ringringtu a si.
2. Sunlawinak sungih lut dingah tuarnak lamzin a zawhtu a si. Cumi lamzin cu Messiah ih lamzin a si ti a zum lo tu pawl cu “Nan va aa so!” tiah a timi pawl an si.
3. Midang zawnruahnak a neitu pawl ih hnenah, lamdang zet in a nungmi Jesuh ih sinak kha a langh ter ih, a thuanthu khal Amah Jesuh bang in thi thei nawn lo in a nun ter ve. Cun, a sunlawinak a hmuh ter ih, a lungawi hnangamnak a co tertu a si.