No Criminal Justice Is Perfect! Not All Suspects Committed Crimes!

NFL signs man cleared of rape

STORY HIGHLIGHTS

• Aside from his exoneration, Brian Banks says this is his life's "biggest accomplishment"
• The 27-year-old signs a deal to play for the Atlanta Falcons
• A judge tossed out his rape conviction last year after the accuser recanted
• While serving time in prison, "football was the last thing on my mind," he says

Atlanta (CNN) -- Brian Banks wore the uniform of a prison inmate for more than five years, serving time for a rape he didn't commit.

This week, he learned he'll be wearing an Atlanta Falcons jersey.

Ten months after a California judge tossed out his conviction, the 27-year-old former high school football standout signed a deal Wednesday to play for the NFL team.

"Aside from getting my life back and my freedom back, this is the biggest accomplishment of my life," he told reporters during a conference call.

As he signed the contract, he wore a sweatshirt that showed a California license plate that said "XONR8."

2012: Exonerated inmate joins UFL

2012: Rape conviction overturned

"We are pleased to have Brian join our team," said Falcons general manager Thomas Dimitroff. "We had a chance to work him out last year and have been monitoring his progress since then. He has worked extremely hard for this chance over the last year and he has shown us that he is prepared for this opportunity. We are happy that Brian will have a chance to live out his dream of playing in the NFL, and we look forward to seeing him on the field."

Banks, who is 6-foot-2 and 250 pounds, is a linebacker.

A year ago, he was out of prison on parole, wearing an ankle monitor as a registered sex offender. The contrast with this week's events is "surreal," Banks said.

"Talk about coming from the bottom," he told reporters. "I know all too well what that is and what it looks like and what it feels like."

While serving time in prison, Banks said he was forced to abandon his hopes of playing in the NFL someday.

"I had to watch my class go on and receive scholarships and play collegiate football on a high level," he said. "For me I had to let those dreams go for me to focus on what was ahead of me, and that was five years in prison. That was a completely different life of violence and being away from your family. ... Football was the last thing on my mind, and it wasn't until a few months before I was actually being released from prison that I thought about possibly trying to play football again."

At age 17, fearing a potentially long sentence, the college football prospect followed the advice of his attorney and pleaded no contest to assaulting a Long Beach, California, high school classmate in 2002.

"Banks was faced with an impossible decision at the time -- either fight the charges and risk spending 41 years to life in prison, or take a plea deal and spend a little over five years of actual prison confinement," the California Innocence Project says on its website. "Although it would mean destroying his chance to go to college and play football, a lengthy probationary period, and a lifetime of registration as a sex offender, Banks chose the lesser of two evils when he pleaded no contest to the charges."

Such situations are not uncommon, the group's director, Justin Brooks, told CNN last year.

"Plea bargains have become the 95% solution," he said.

Banks maintained his innocence throughout his imprisonment, subsequent probation and registration as a sex offender.

His fortunes began to change in 2011, when the woman who once accused him of rape sent him a Facebook friend request.

According to the California Innocence Project, the woman later admitted that Banks had not kidnapped or raped her during a consensual encounter at Long Beach Polytechnic High School, where Banks was a middle linebacker with a scholarship offer from the University of Southern California.

In court last year, an emotional Banks lowered his head and fought back tears when prosecutors said they were moving to have the conviction dismissed.

"We do not believe Mr. Banks did the crime he pled guilty to," Deputy District Attorney Brentford Ferreira said. "Justice has been served."

Since his exoneration, Banks has spent months in intensive training, attending San Francisco 49ers and Seattle Seahawks minicamps last year.

"It's been a long road. It's been a lot of hard work. It is 10 years missing in my football career," he said, "but there has been a lot of work put in to making up for it."

After signing his contract with the Falcons on Wednesday, Banks thanked the team's players and personnel from his Twitter account, @BrianBanksFREE.

A Thosalmi Bawi Jesuh Khrih

1 Cor 15:17-20

Thuhmaihruai

Jesuh Khrih ih thawhsalnak thu hi zumtu kan hrangah a thupibikmi a si. Khrih kan zummi thosal lo sehla kan zummi Khrih ih simmi thu pawl hi minung pakhat ih simmi vek men a si ding. Caan khat hrang le mi phun pakhat hrang lawngah a dikmi thu a si ding ih, mi zapi hrangah thlun tlak le pom tlak, kum khua ih a dikmi thu a si thei lo ding.  Asinan, Khrih cu thihnak neh in a thawhsal tikah, Pathian taktak a sinak kha a lang ter a si. A simmi thu pawl khal hi kumkhua ih a nungmi Pathian ih thu a si ih, mi hmuahhmuah hrangah a dikmi thu a si zia a lang.

Biaknak dang pawl ih an biakmi pathian cu caan tawkfang an nung ih an thi. An hloral cih ta. An thosal ti a um nawn lo. Asinan, Khrih cu a thi ih a thosal. Asinan, mi hrek in, “Jesuh a thosal timi cu ziangtin na sim thei? Ziang tetti (proof) na nei?” tiah in ti sehla ziangtin kan let ding?

Jesuh a thosal tiih kan ti theinak Tetti kan neihmi pawl:

1. Thlan sungah a taksa ruangpi a um nawn lo (Mtt 27:60-28:7).

            Judah hruaitu pawl in Jesuh ruangpi cu a thosal lo, a dungthluntu pawl in an fir tiah thu an than ciamco. A dungthluntu pawl in an fir ngaingai si pei maw? A cang thei hrimhrim lo ziangahtile a pakhatnak ah, Jesuh in ni thum hnu ah ka tho sal ding tiah a ti ruangah an ti ih, thlan khar ah lungpheng tumpi an khar ih ralkap an kil ter thepthepmi a si. Ralkap pawl in teh a ruak an fir si pei maw? A cang thei lo. a thosal tiah an ti pang ding ti a phangtu cu Judah pawl le Rome ralkap pawl an si. A ruak fir lamlam, midang khal in fir lo ding in an kil lam ti kan hmu.

2. A dungthluntu pawl hnen ah a lang (1 Kor. 15:3-11).

A dungthluntu pawl in an mithlam, (vision) vek in an hmuhmi teh si pei maw? A dungthluntu pawl in Jesuh a thosal ding ti an zum thei lo tuk. Cupawl hnenah ziangtin Jesuh a phuanglang aw ih an nunnak a thleng timi ka lo sim ding.

a.     A ni thumnak ah Mary Magdalene le nu le hrek khat cu an Bawipa ih ruak kha thu lo ding in zihmui pawl toih dingah an va feh (Luke 23:56). A ruak an lak lai ah zianghman a ruak kha thatein tuamhlawm man a si lo ruangah, Judah daan in a ruak parah zihmui pawl thuh ta dingah an va feh. Ralkap pawl kha zaangfah dil in zihmui toih an tum si ding ti zumnak a um. Cutikah, Thlan kharpi a rak ong aw ih, ralkap pawl khal pakhat hman an um nawn lo. A sungah an vung lut ih vancungmi pahnih an lang. “Mithi umnak ah a nungmi ziangah nan hawl. Hinah Jesuh cu a um nawn lo” tiah an sim (Luke 24:5). Nu hrek khat cu an kir lohli nan, Mary Magdalene cu kir lo in thlaan kiang ah a rung tap ta. Cule, Jesuh cu thlan kiangah Mary hnen ah hmuan kiltu bang in a ra lang (John 20:11tt).

b.     Nunau hrek khat pawl thlan in innlam an kir hnen khal ah Jesuh cu a hnen ah a phuang aw thotho (Matt. 28:9-10).

c.     A thawhsalni thotho zaanlam ah, Jesuh ih dung a rak thlun dahtu (a dunghtlun hlei 12 a si lomi) Kleopas le a rualpi pakhat hnen ah Emmaus lam tluan ah a lang lala (Luke 24:13-35).

d.     A thawhsalni nipini thotho ah Thomas tel lo in inn sungih a dungthluntu pawl an um lai ah Jesuh an hnen ah a vei khatnak a lang ih, “ka pa ih I thlah bang in kei khal in ka lo thlah ve” tiah a sim hngai (John 20:19tt).

e.     A zarh khat hnu ah a lang lala. A veihnihnak a dungthluntu zatein hnen ih a langsal daan cu, Thomas in Jesuh a thosal sokhaw tiah an ti khal le a zum thei cuang lo ih, zarh khat hnu ah Thomas tel in innkhaan sungih an um lai ah Jesuh an hnen ah a lang sal. A kut a ke pawl Thomas kha a tham ter (John 20:24tt). Vei hnih rori an hnen ah a lang nan, Jesuh ih thu sim le phuan ding lamlam an ngam hrih lo. An zumnak mal tuk lai. Cutikah ziang an tuah? Nga an thliar sal.

f.      A veithumnak cu, Peter in ngathliar ding a sawm ih nga an thliar ciamco sal. Cuih an ngathliarnak hmun ah Jesuh a veithumnak a va lang sal (John 21:1-14).

g.     Culawng a si lo, minung 500 lenglo an um tlaang lai khal ah Jesuh an hnen ah a lang sal (1 Kor. 15:6). Ziangtin minung zanga lenglo in a bangmi mithlam (vision) an nei thei ding? An mithlam a si lo, anmah thawn rawl a ei ih, an kut in an tham ih, anmah thawn thosalmi Jesuh cu an bia aw a si.

3. A dungthluntu pawl ih nunnak a thlengh aw theh.

a.     Mary Magdalene cu tahnak mitthli le lungkuainak ihsin lungawinak thawn a khat (Matt. 20:18). Ziangruangahtile, a thosal zo timi an hmuh hnu ah mithi tah ih an tahnak ding thu a um nawn lo.

b.     An tihnak ihsin ralthatnak thawn an khat. Peter tla cu a dungthluntu na si lo maw an ti tikah, “ka si lamlam lo, ka thei khal ka thei dah lo” tiah a pheh ciamcotu a rak si. Dungthluntu hlei hnih sungah John lawng kum 90 tiang a nung. Asinan, John khal zohman um lonak tikulh sungah a thih tiang an ret ih thawng an thlak. A dang hlei 11 pawl tla cu, an no lai ah, siti so sungah an suan cih. Mihrek khat cu hluah in an ruang phel hnih ah an phel. Peter tla cu a linglet in an thlai that. Fei in mihrek khat khal an sun that. Ziangah cuvek in an um tile, “Jesuh, a nung sal lo, ka zum lo” ti aw tiah an fial ih an duh lo. An zumnak kha an thihpi ngam a si.

c.     Paul khal Damascus lamzin ah Jesuh zumtu pawl hrem in a feh lai ah, Jesuh ih tleunak in a mitcawt ter ih, Jesuh in na hremmi Jesuh ka si tiah a ti. (Tirh 9:3-17). Cuih hnu in Jesuh hremtu in Jesuh ih palai thabik ah a cang.

Jesuh Khrih cu thihnak in a thawhsal ruangah ziang thathnemnak a um?

1. Kan sual ngaidamnak hrang thawinak cu Pathian in a cohlang tinak a si (Rom 4:24-25).

Thukam Hlun sungah, sual thlahnak hrangah tuu, me, laileeng thi tivek pawl an hmang. Sual thlah ding tikah, puithiam pakhat cu a thianghlim biknak biakttheng sungah a vung lut. Sual thlahnak tuah hlan ah Pathian tuah ding a timi pawl an um. Aron cun, a korfualpi zim ah a awn theimi sui khingte an thleih ding ih, biakttheng sung ih a suah le luh tikah a on ding ih,  a thi le thi lo ti an thei ding (Suah 28:34). Aron le a fa le pawl cu biakttheng sung ih an luh hlan ah thiangte in a tuah awk ta a tul. Cu lo le, an thi ding (Suah 30:17-20). An raithawinak cu Pathian in a cohlan a si ahcun, dam te in a ra suak sal. Asinan, Pathian in a raithawinak a cohlang lo a si ahcun a thi. Aaron ih fapa pahnih: Nadab le Abihu in, Pathian ih thupek lo in khangthawinak an tuah ih, an thi cih (Puithiam 10:1-4).

Jesuh in, tuu, me, le laileeng thi tivek a keng lo. A kenmi cu a mai thisen luang in thihnak tiang misual kan mah ih sual ngaithiamnak hrangah a nunnak a pe aw. Pathian in leitlunmi pawl hrang ih a nunnak pek ih thawinak a tuahnak cu a cohlang ruangah, thawhsalnak le nunnak a pek sal. Cui ruangah, Pathian in kan sualnak cu in ngaithiam a si. Misual ah in hmu nawn lo. Jesuh ih ruangah, kan sualnak in thlahsak zo a si. Cucu thuthangtha a si.

2. Jesuh cu Pathian taktak a sinak kha a langhnak a si (Rom 1:4).

            Thawhsalnak um hlah sehla a dang pathian kan biak khal le a sualnak a um lo ding. Asinan, tuihsun ih kan biakmi Pathian cu, “Keimah cu nunnak, lamzin, le thutak ka si” (John 14:6) a titu hi a sim vek in a si taktak timi a langnak a si.

3. Kan mit in hmu thei lo khal sehla, in umpi ringringtu a si (Matt. 28:19-20).

            Caan tampi ah Pathian cu kan mit in kan hmuh lo tikah in umpi lo hmang tiah kan ruat. Kan mawh lo. Tahthimnak thazet pakhat cu Emmaus khua zin ih a fehtu pahnih te kha an beidong zet in lai ah Jesuh in a hei fuk asinan Jesuh a si ti an thei lo. An hnen riak ding ih an sawm tikah sang a phel ih a pek tikah Jesuh a si kha an thei. Cuve tein Jesuh cu a hlo sal (Luke 24:31). A hlo kan ti nan, a umpi lo tinak a si lo. Tisa mit ih hmuh theimi in a um lo tinak men a si. Kan mit in kan hmu lo nan, kan hnen ah in umpi ringringtu a nungmi Jesuh a si. A NUNG, A NUNG, JESUH CU A NUNG. Jesuh cu ziangvek caan khal ah rinsan a theih ih amah thawn pawlkom aw thei ringring kan si. Kan simmi hmuahhmuah theitu kan rual thabik a si. Curuangah, zianghman kan tih a tul nawn lo. Lei le van sersiamtu le thihnak neh ih a thotu Pathian cu kan hnen ah in umpi ruangah, hmai ah nor aw. Amaih cahnak thawng in ziangkim ti theitu kan si (Fili. 4:13).

4. Tumtahnak thar in pek (Kal. 2:20, Phi 1:21)

            Jesuh hi a nungmi Pathian a si, kan sual in ngaidamtu a si ih kan hnen ah in um pi ringring ti kan theimi hi kan zum taktak ahcun, kan thinlungput le kan nun daan cu zo ih hrangah kan nung ding? Kanmah ih sunlawinak hrangah si nawn lo in, Jesuh ih sunlawinak hrang lawngah nung ding kan si (1 Kor. 10:31). Zo thawn bang aw ding in kan nung ding? A nungmi Pathian fapa Jesuh thawn bang aw ding in kan nung ding. Ziangahtile, a nungmi pathian, Jesuh Khrih cu a tu ka hnenah in umpi ruangah a si. A riahsiat ter lo in, a lungawinak tuah dinghi kan tumtahmi si hram seh.

5. Ruahsannak in pek (1 Thess. 4:13-18).

            Jesuh a zum ih a thimi pawl cu mitthep kar ah kan thlarau cu Pathian hnen ah a feh ih kan taksa cu leilung ah a cang. Asinan, hih kan taksa hrimhrim khal hi Jesuh a rungtum tikah, a thiciami thlarau pawl thawn an rungtum dingih thlan ihsin an taksa khal a tho ve ding ih an kom aw sal ding. Cumi theh hnu ah, kannih a nung dam lai pawl ih kan taksa cu a thi thei nawn lomi van taksa ah in thleng ding. Curuangah, zumtu hrangah thihnak hi nun hram thawhnak a si. Kan taksa hrimhrim khal hi a hloral ta lo ding. Van sunlawinak cotu dingah Pathian ih tlenmi kan si. Curuangah, ruahsan ding nei lomi bang tuk in kan um ding hi kan hnen ih in umpi ringringtu a nungmi Jesuh Khrih in in duh sak lo. Ruahsannak nei ringring aw.

Thunetnak le sawmnak:

U le nau pawl hi thu pawl kan theih theh hnu ah Jesuh hi a nungmi Pathian, na sual ngaidamtu, le na Bawipa ah na cohlang thei thlang maw? Jesuh cu na thinlung sangka kiangah ding in sangka a lo king (Thuphuan 3:20). Jesuh ih kan sualnak I ngaithiam theh zo timi zum aw. Cuih tlun ah, ziangkim thei, ziangkim ti theitu Jesuh Khrih Pathian cu ka hnen ah a um ringring ti thei aw. Amah thawng in ziangtin kim tuah thei timi thei awla, hmai ah nor aw. Na nun san cu Jesuh sunlawi ter dingah le, Amaih duhmi tuahnak ding hrangah a si timi cing ringring aw. Nitin, Jesuh thawn feh tlaang, nung tlaang in a hnen ah a nunnak ap aw. Jesuh thawn cutivek ih a pawlkom awtu pawl cu nehnak, lungawinak le mi neinung sinak a pek a si (Saam 23, 128:1-3).

____________________________

San No Thuan

March 31, 2013

Falam Baptist Church, Maryland

A Thisen ih Leizomi Khrih ih Ta Na Si

1 Cor 6:19-20

Thuhmaihruai:

            Tuisun hi kan Bawipa Jesuh thinglamtah ih an thah laifang a si. Cuih an thahnak san cu nang le kei in duhdawt tuk ruangah kan sual aiawhtu ah a thi. Ni khal in a zoh ngam nawn lo ih, thim khuazing a tlung. Himi lai caan ah Barabbas an timi misual pa cu a rak ve. Rak suak aw tiah Palik pa in a vun ti tikah, a suak ngam lo. Na ai ah mi pakhat a thi zo, rak suak aw a ti. A mang a bang tuk ih, keimah vek mi sual pai aiah an thahmi cu zo a si pei a ti ih, a va zoh tikah, Nazrethmi Jesuh a si ti a hmu. Amah ruangah maw ka rak luat tiah a ti ih lungawi le mangbang in a um.

Caan tampi ah sualnak le that lonak kan tuah pang tikah, kanmah le mah kha mi sualnu/pa tiah kan ti aw ih, mi santlai lo le fihnung za ah kan hmu theu. Cuti cun, mah le mah thinnau le beidong in caan kan hmang theu. Cucu Thuthangtha kan theih lo ruangah a si. Culole, thuthangtha kan thei nan kan zum duh lo ruangah a si tla si thei.. Ziang thuthangtha maw?

1. Nangmaih ta na si nawn lo, Pathian ih ta na si zo.

a.     Kannih cu Khrih thisen ih leizomi kan si.

a)     Thuphun 1:5b. “Kannih in duhdawt ih a thihnak thisen thawngin kan sualnak ihsin in luat ter zo.”

b)    1 John 1:7. “Fapa ih thisen in kan sualnak hmuahhmuah a tlengfai zo.”

c)     Thuthangtha cu “Nangmah cu nangmaih ta na si lo. Khrih thisen ih leizomi Khrih ih ta na si” timi hi a si. Bawi Jesuh Khrih ih ta kha nang in mi sual nu/pa tiah ti theinak covo (right) na nei lo. Na santlai lo tuk, fihnung za na si ti ih va ti theinak na nei lo. Obama ih uico hman nang in na hmel a sia tuk, na baal tuk, ka lo fih, na santlai lo tuk tiah ti theinak na nei lo. Jesuh in a nunnak liam in a hawl ih a leimi kha nang in cuvek in ti hlah. Jesuh in a duhdawt tukmi a si.

b.     Curuangah, kan nunnak cu kanmaih ta a si nawn lo.

a)     1 Kor. 7:23a. “Man pekin Pathian ih leimi nan si”

b)    1 Kor. 6:19b-20a “Nannih cu nanmaih ta nan si nawn lo; Pathian ta na si. Man pek ih leimi nan si.”

c)     Rom 14:8 “Kan nun le Bawipaih hrangah . . . kan thih khal le Bawipaih hrangah kan thi . . . [ziangahtile] Bawipaih ta kan si.”

c.     Pathian ih sual ngaithiam zomi kan si.

a)     Efesa 1:7. “Khrih a thihnak thawng in kan sualnak cu ngaidam kan si zo ih a luatmi kan si zo. Pathian ih a zaangfahnak cu kan hnenah tam zet in in pek”

b)    Kolose 1:14 “A Fapa thawngin sual ngaidamnak kan ngah ih miluat kan si zo.”

c)     Rom 3:23-24. “Kan zatein misual kan si theh ih Pathian sunlawinak kan co baan lo. Sikhalsehla, atu ahcun, in luattertu Khrih Jesuh ih tlennak zaar ah Pathian in a zaangfahnak laksawng cu in pek ih Amah thawn rualremnak in tuah sak zo.”

d)    Heb. 9:12,14. Khrih cu tuisun khal ah Pathian hnen ah puithiam in tuansak lai ih, kan sual ngaithiamnak in dil sak.

d.     Cuih thuthangtha a thei ih zumtu pawl hnen ah Pathian ih thukam:

a)     John 3:36, 1 John 5:13.  Kum khua nunnak a nei.

b)    Efesa 1:13. Thlarau Thianghlim khal pek a si.

c)     Rom 5:2. Pathian sunlawinak tawmtu in si ter.

d)    Rom 5:5. Pathian ih duhdawtnak cu kan parah a burh in a burh a si.

2. Ziang tuahnak hrangah Pathian in a fapa thisen in in tlen?

a.     Thlarau Thianghlim umnak/biaknak inn a si.

a)     Pa Pathian in kan taksa in sersiam, fapa Jesuh Khrih in kan taksa a thisen in in tlen. Cuitlun ah, Thlarau Thianghlim in Pathian biaknak hmun thiangah a tuah.

b)    1 Kor. 6:19. “Nan ruangpum cu Thlarau Thianghlim ih biakinn a si ti nan thei lo maw?”

c)     Efesa 1:19-20. Pathian ih cahnak huham cu kan sung a um. Lei le van sersiamtu Pathian in Thlarau, ziangkim theitu le ziangkim neitu cu na sungah a um zo! Hallelujah! Mi menmen na si nawn lo. Na sungah leih hrih lomi lungvar mankhung neitu na si.

d)    Thlarau Thianghlim umnak biakinn sungah ziang pawl na than? Na baal ter maw? Nitin Pathian thu siarnak le ruahnak, thlacamnak le Pathian Thlarau ih fialnak ngai in a duhmi tuahnak ah a biakinn a simi na ruangpum hi na hmang maw?

b.     Pathian sunlawinak hrangah hmang uh.

a)     A sunlawinak lang tertu dingah a si.

a.     1 Kor. 6:20b. “Man pekih leimi nan si ruangah nan taksa cu Pathian sunlawinak ah hmang uh.”

b)    Ziangtin a sunlawinak kan langh ter thei ding?

1.     Pathian amah na duhdawt tikah Pathian a sunglawi (Matt. 22:37f). Curuangah, Pathian kha bia aw, thangthat aw, lungawi thu sim aw. Amah thawn um tlaang/ fehtlaang a nuam tuk aw kan ti tikah Pathian a sunglawi (1 Kor 10:31, Rom 12:1,2).

2.     Pathian ih in duhdawt vek in midang kan duhdawt tikah, Pathian a sunglawi (Rom 15:7). Midang kan bawm tikah.

3.     Khrih thawn kan bangawk tikah Pathian a sunglawi (Rom 8:29).

4.     Pathian ih duhdawtnak thu midang kan sim tikah midang pawl Pathian hnen ah an ra tam deuhdeuh ih Pathian a sunglawi (2 Kor. 4:15).

Thunetnak:

Zumtu tampi caan tampi ah beidong le riahsia in kan um theu. Kanmah te tla kan nautat aw ciamco ih thanau le zianghman ruahsannak nei nawn lo bang in kan um theu. Cumi cu thuthangtha kan thei lo maw, kan theihmi kha kan zum duh lo maw, curuangah a si. Cui thuthangtha cu:

1.     Nangmaih ta na si lo. Khrih thisen ih leizomi na si. Na man cu Jesuh Khrih ih thisen le nunnak man na si ziangahtile a nunnak liam in a lo lei zomi na si. Khrih ta na si zo ruangah, Pathian ih sual ngaithiam theh zomi na si. Nangmah le mah kha misual pa/nu tiah ti aw ciamco nawn hlah. Khrih ih ta kha nang in cuvek ih ti theinak thu (right) na nei lo.

2.     Ziang duhsan in Pathian in Khrih nunnak cem ko rori a lo tlen si pei? American pawl billion ziangzat cawk cem in le an ralkap pawl ih nunnak cem tiang ziangah ral an do? Daihnak an duh ruangah. Ziangah Khrih in a thisen in in lei duh si pei? Pathian sunlawinak langh tertu dingah a si. Ziangtin Pathian cu kan nunnak hmang in a sunglawi thei ding? Khrih thawn a bang awmi nunnak kan neih ih, nitin Amah thawn feh tlaang hi nuam kan ti tikah Pathian a sunglawi.

San No Thuan

March 29/2013

Good Friday sermon at the Falam Baptist Church, Maryland