Phil 4:4-9
4Bawipa
thawn nan pehzom awknak ah hin nan lung awi ringring hram uh; ka nolh sal hrih
ding: nan lung awi hram uh!
5Mi
hmuahhmuah hnenah nan lungnem uh. Bawipa cu a ra cing ding. 6Ziang thuhla
hmanah donhar in um hlah uh; thla nan cam tinte in nan ṭulmi
cu Pathian hnenah dil uhla lungawi aipuang tein dil uh. 7Cuticun minung ruah
ban lomi Pathian ih daihnak in nan thinlung le nan ruahnak cu Khrih Jesuh ah
himte in a kilkhawi ding.
8Thunetnak
ah, ka u le ka nau pawl, a ṭhami,
porhtlak a si mi, a taktak a si mi, upat tlak a si mi, a dikmi, a thianghlimmi,
duhnungza a si mi le hminṭhatnak a
petu thil pawl thawn nan thinlung cu khatter uh.
9Ka
hnen ihsin nan ngahmi le nan zirmi vekin thlun tum uh. Ka ṭongkam in siseh, ka tuahnak in siseh, ka
lo hmuhmi cu thlun uh. Cutiin daihnak in petu Pathian cu nan hnenah a um ding.
Thuhmaihruai
Zo cio khal thinharnak le
riahsiatnak kan tong cio. Pathian in cu pawl nan tong lo ding in ti lo. Jesuh
Khrih rori hman in a tong. Asinan, cuih kan tonmi kha ziangtin kan neh thei
ding timi hi Bible ih in zirh daan van lak ka duh.
Thinhar lo te in lungawi ringringtu si dingah Pathian in
tuah ding ih in fialmi thu pathum a um.
1. Thlacam
aw (4:6-7)
a)
Thlacam aw. Thinharnak hi kan tong cio ding. Jesuh
Khrih khal an thah zik tikah a thin a har ve. Asinan, cuih thinharnak kha
ziangtin kan neh thei ding timi kha a thupi zetmi a si. Jesuh cun thlacamnak
thawn a thinharnak a neh sawn a si. Cuvek in kannih khal, kan thin a har tikah,
thlacamnak in Pathian hnen ah kan pan ih kan ap ding hi a thupi ngaingai. Paul
in a lungawinak cu thil dangah a si lo. Ziangvek lai caan khal ah Bawipa in i
umpi ti a theifiang ih, ka hrangah ziangkim a thabik a remruat ringringtu a si
timi zumnak a nei (Rom 8:28).
· Thlacamnak in Pathian ih umpinak kha na fiang sin ding. Cumi si, Paul in
Pathian thawn nan pehzomawknak ah lungawi ringring uh tiah a ti. Pathian ih
umpinak tep dingah Amah thawn bia aw ringringtu kan si ding a thupi zet.
b) Zaangfah dil aw. Pathian in kan tulmi cu kan dil hlan in in theihsak (Matt 6:8). Thlacam
kan thiam ruangah, Pathian in kan thlacam in ngaimi a si lo. Asinan, thinlung
tak ih kan dil hi Pathian in in duh sakmi a si. “Dil uh nan ngah ding” (Matt.
7:7-11).
c) Lungawi thu sim aw. Mi tampi in thla kan thinhar tikah, kan thinharnak thuhla lawng Pathian
hnen ah kan sim. Asinan, Pathian ih thluasuah siar le lungawi thusim hi ka
sambau theu. Pathian ih thluasuah siar lo in, Pathian na rinsan thei ngaingai
lo ding. Amah hnen ah na thilrit na ap taktak thei lo ding. Mawtaw par ih bawm
phur vek na si ding.
· Daniel: thlacamnak thawn hnangam daihnak a hmutu cu Daniel hi a si. Mi zovek
khal ih an phiar sawm lai khal ah thlacamnak thawn a nung ringring ih hnangam
zet in a um (Dan. 6:1-10). Chintit thawng inn sungah hnangam zet in thlacamtu
Daniel a um laifang ah Siangpahrang pa cu Siangpahrang inn ah thinhar in a it
thei lo (Dan. 6:18).
2. Na
ruahnak kha Pathian thu in ciah aw (4:8)
– na ruah daan in a lo uk ding. Pathian in thu in ciah aw aw.
a)
A thami (dikmi) thu: a lo ciahtu thu
pawl hi thutha le thudikmi an si maw?
b)
Porhtlak a simi: midang pawl upat
tlakmi
c)
A taktak a simi: sikuyin emn
d)
Upat tlak a simi: na cawm tummi thu
pawl hi upat an tlakmi an si maw?
e)
A dikmi:
f)
A thianghlimmi: a thianghlimmi a si
maw?
g)
Duhnungza a simi: tha sinsin ih tuah
duhnak thinlung in neih tertu thil
h)
Hminthatnak a petu thil: midang ih
theih ding tha a si maw?
· David in Saam 19:7-9 sungah khal hivek thotho in Pathian thu ih sinak a
sim. Curuangah, Pathian thuthawn a ciah awtu pawl ih nunnak cu an sungah
hruaitu GPS an nei. Lamzin an hloh pang khal le an kir sal thiam. Lungput tha
timi cu Pathian thu ih a ciahaw tu pawl ih neihmi lungput a si.
3. Na
theihmi thu kha thlun tum aw (4:9)
a)
Pathian theih lawng a tawk lo. Kan siar
lawng khal a tawk lo. Kan nunpi tengteng a tul (James 1:22): “But be ye doers
of the word, and not hearers only”.
Thunetnak
Ziangruangah zumtu tampi in Pathian fa
kan si nan, Pathian ih hnangam daihnak kan co ngah lo si pei? Thil dang ruangah
a si lo:
1.
Thlacamnak in Pathian thawn kan pawlkom
awk lo ruangah si thei.
2.
Kan thinlung sungah Pathian thu in in
ciah lo tuk a si thei. Thudang in in ciah tuk si thei.
3.
Kan nun daan hi Pathian thu kan theihmi
kan thlun duh lo tla a si thei. Pathian ih thu kan ngai lo ih, kanmaih duhnak
lawnglawng kan tuah tikah, Pathian hnangamnak daihnak zin in kan pial ruangah,
hnangam daihnak kan co lomi a si.
· Pathian thungai lo hi hnangam lonak ih hrampibik a si. E.g. Adam le Eve.
_______________
San No Thuan
Home Cell
FBCMD
Jan 2, 2014
No comments:
Post a Comment