Falam tong ah NIH ti hi kan hmang tuk lo tisehla ka sual ding ka zum lo. Kan hmannak cu "Anih (he/she) cu a fel zet" tivek ah kan hmang. Asinan, mino tampi in, kan ttong ih "IN" ti dingmi khi "NIH" ti in kan rawi ciamco. Hakha ttong in, in influence deuh si hmang tiah ka ruat. Hakha ttong ahcun, "Ho nih dah an chim?" ti in, "NIH" timi hi an hmang zet.
Kan ttong ih kan neih lomi ttongfang sisehla, midang ttong hlan ding a si ko. Asinan, kan maih ttong te ih kan neihmi cu ziangah kan hmang lo ih, midang ih ttong kan hmang/uar ciamco timi cu ruah ding tampi a um. A tanglam ih na canganmi ah Nih timi zawn ah, In tin ngan aw la, siar a nuam sinsin ding.
Thuthimnak, kan ttong in,
Zo in a lo sim? ... Amah in i sim. (Zo nih/Amh nih ti a si lo).
Pathian in a lo duhdawt. (Pathian nih ti a si lo)
Duhdawtnak neitu in ....
Daily bread in ....
Zumtu in .....
No comments:
Post a Comment