Friday, May 20, 2016

May 20th is a Special Day!



On this day, I was awarded the degree of Ph.D by The Lutheran Theological Seminary at Philadelphia​ (LTSP) in 2014. Thank you so much, LTSP, my Alma Mater.

I am deeply grateful to God for opening this door with His unmerited love. I find my way under your Light!

I am also deeply indebted to Dr. Paul Rajashekar​ (my Supervisor) for your tireless effort on my dissertation, my dissertation committee members: Dr. Margret A. Krych, Dr. Jayakiran Sebastian​, and all my other professors for your love and support that empowered me to finish this race. Without your help, this dream may never come true to me.

I am also deeply thankful to all my friends and family for bringing me to this place and pushing me to make my dream came true. Finally, my wife, Tha Cuai​, you are amazing! Your love and encouragement inspire me to believe in myself!




Thursday, May 12, 2016

A Godly Mother, Pathian Tihzahtu Nu



Thuf. 31:30, Luke 10:42, Thuf. 3:5-7, Matt 18:6

Nu ih thupit zia

Cangantu pakhat in, “Khui tawk ram khal a rammi nu le pawl hnak in a thupi sawn dah lo ziangahtile cuih ram ih hruaitu thatha pawl a suah tertu cu nu le pawl an si ruangah a si.”

            One writer said, "No nation is ever greater than its mothers, for they are the makers of         men."

Rabbis pakhat khal in a simmi cu, “Pathian in langhngan zet in khui tawk hmun khal ah a um thei lo ruangah, nu le pawl a sersiamnak a si.”

            The rabbis used to teach, "God can't be everywhere at the same time so He made      mothers." They have a very special place in society, very high priority.

Asim duhmi cu nu le pawl hi hmuh thei lomi Pathian kha kan hmuh theimi in a phuan lang awknak a si.

Nu le pawl hi pa hnak in faa le pawl thawn naih aw deuh ih umtu pawl an si ruangah, nu le pawl in faate pawl ih thinlung hi an ciahneh thei deuh.

Cangantu pakhat cun, hitin a ngan, “Nu le pawl cu an faate ih kut cu malte sung lawng an kai ngah theu nan, an thinlung cu kumkhua an ciahneh thei a si.”

Curuangah, faa le ih thinlung ciahnehtu nu le hi Pathian tihzahtu nu an si ding hi a thupi. Bible ca khal ah a mawi zetmi pawl hi sunloih upat tlak a ti lo.

Thufim 31:30
            Iang neih cu mi a buum thei ih
                        mawinak khal a ziam thei;
                        Asinain Bawipa a ihzahtu minu
                        cu lom le porh tlak a si.

Cumi ruangah, nu le pawl baal emem in, tam aw lo in um uh tinak a si hrimhrim lo. Thiangfai si, Pathian tihzahmi si ding kha in fialmi a si.

Thufim 31:22 ah,
                        Tangphah khuh a tah ih sendup
                        mawizetih tahmi hnipuan a hruh.


Ziangtin Pathian tihzahmi Nu kan si thei ding?

1.     Pathian hnenah: Pathian ih lamzin le duhmi kha a hmaisabik (Priority) ah re ringring aw.
·      Ziangtin cumi cu kan tuah thei ding?
·      Thuf 3:6
                        Na tuah mi kipah Pathian cu thei ringring awla,
                        Amah in lamzin dik a lo hmuh ding a si.
·      Thil ziangkim kan tuah hlan ah, Bawipa himi hi ziangtin tuah ter i duh timi kha sut ta ringring aw. Cawlta, Ngaita, cun, feh. “Stop, Listen, and Go”
·      Thuf 31:30
                  Iang neih cu mi a buum thei ih
                  mawinak khal a ziam thei;
                  Asinain Bawipa a ihzahtu minu
                  cu lom le porh tlak a si.

·      Mary le Martha Thu

38Jesuh le a dungthluntu pawl cu khual an tlawng vivo ih khua pakhat an thleng. Martha timi nu in Jesuh cu a inn ah a tlunter. 39Martha ih naunu cu Mari a si. Mari cu Jesuh ih kehram ah a to ih a thusimmi kha a ngai. 40Martha cu hnauan tampi nei in a buai ih a thin a eu ruangah Jesuh hnenah, “Bawipa, ka naunu in hnauan hmuahhmuah i tun heh hi na poisa lo maw si? Sim aw, i ra bawm seh!” tiah a ti.
41Cutikah Jesuh in, “Martha, Martha! Nang cu thil tampi parah helhkam le awloksong in na um; 42a ul ngaingaimi cu pakhat lawng a si. Cumi cu Mari in a hriil ngah ih zohman in an long nawn lo pei,” tiah a ti.

·      Martha ih hril sualmi
Martha in a tul ngaingaimi a hril ngah lomi a um. Cumi cu Khrih hrangah hna ka tuan a ti nan, Khrih thawn caan hman ding, Khrih ih thusim ngai in amah thawn pawlkomawknak ding kha a thupibik ah a ret lomi khi a si (For God but not with God). A tuanmi a thupi lo tinak a si lo. Hril hmaisa dingmi le dungta dingmi a thleidang thiam lo ruangah a si.

·      Mary ih hril fuhmi
Pathian thawn pawlkomawk le biakawk hi a thupibik ah a ret. Ziangahtile, Bawipa thawn caan a hmangtu pawl cu an tuah dingmi le tuah tulmi kha cak zet le rang zet in an theh thei sawn ruangah a si.

·      Pathian tihzah taktakmi ih lungput: Pathian mihman zet Carole Mayhall, The Navigators timi Christian nun pitlinnak nun lam hmuhtu pawlkom ih zirhtu in a timi cu, “Bawipaih i simmi ngai lo in, tuah ter i duhmi tuah ngah lo in le Bawipa in ka nunnak uk lo in, caan ka hmang pang ding timi hi ka phan bikmi a si.”
·      Kan suhawk dingmi: Bawipa in na nunnak hmang in ziang tuah a duh timi sut phah in nungtu na si maw? Cumi cu Pathian tihzahtu nu ih ke kar daan a si. Cumi cu puithiam hmin thang Samuel ih nu Hanah siseh, Judah pawl luatnak hrangih thlacam phah ih a fehtu Siangpahrang nu Esther si seh, Jesuh ih nu Mary siseh, Martha ih nau Mary khal in an nun daan pawl a si.
·      Kan busy tuk ti in Pathian thawn pawlkom awknak caan hmang man lo tu cu caan a rei deuhdeuh tikah, Satan in a lo pawlkom deuhdeuh ding ih, na innsang cu buainak thawn a khat sinsin ding.

2.     A pasal hnen ah. Midang riantu va si aw (Mark 10:45)
·      Seem 2:18 - “Cun Bawipa Pathian in, “Minung hi amah lawngih a um ding cu a rem lo; amah bawmtu ah rualpi ka tuahsak ding,” a ti.
·      Nu cu pasal thazaang petu ding ih tuanvo pekmi kan si timi hi kan theihfiang awk a tul.
·      Pasal kan neih ah, neih lo khal ah, minu cu “Innsaang riantu le bawmtu ih tuanvo pekmi kan si.”
·      Na pasal bawmtu tha na si deuhdeuh tikah, nupi tha le Khrihfa tha khal na si thei deuhdeuh ding.
·      President Dwight D. Eisenhower ih nupi Mamie cun, “Ka pasal bawmtu tha ka simi hi ka uar aw tuk. Ka hnatuan cu Ike bom khi a si. ‘Ike was my career.’” 
·      Cumi cu Jesuh ih lungput le kekar daan khal a si (Phil. 2:3).
·      Curuangah, nitin kan suhawk dingmi cu:
o   Na hrangah ziang si ka tuah theimi a um?
o   Ka um daan hi nangmah bawmtu maw ka si, dawnkhamtu? Na bom thei lo pang hman ah, dawnkhamtu va si hlah.

3. A faa le hnen ah: Zirhtu tha
·      Mi pakhat in, “Pathian hnatuannak ah, nu ih hnatuan hnak in a tummi hnatuan a um lo.”
·      Matt. 18:6 khal ah, nauhak pakhat hi Jesuh zumtu si lo ih a hruaitu cu camsiat si seh tiah Jesuh in a ti.
·      Thufim 1:8; 6:20 sungah, nu ih zirhnak hngilh hlah timi a sim.
·      Daan 6:6-7 - Ka daan hi khui tik caan khal ah nan faa le nan zirh pei tiah a ti.
·      Example:
o   Moses nu Jochebed
o   Samuel nu Hanah
·      Pathian thu zirh dingah kan tuah tulmi cu:
                                      i.     Nu ih tuanvo cu zirhtu a si timi hi pom aw.
                                    ii.     Bible by heart awla, siar ringring aw.
                                   iii.     Pathian mi nu le pawl ih ziaza cawng aw.

Tlaangkawmnak[1]

Nu pawl cu faate pawl ih thinlung neitu nan si ruangah, Pathian tihzahmi nu na si ding hi a thupibikmi a si. Cu lo cun, kan faa le pawl hi lam peeng ah hruaitu si a olte! Bible khal ah Pathian tihzahtu nu cu lom le porh tla a si tiah fiangtein in sim (Thuf. 31:30). Asile, Pathian tihzahmi, Godly mother, kan si theinak dingah ziang kan tuah ding?

1.     Ziangkim na tuah hlan ah Pathian hnen ah ron ta aw, a duhmi kha tuah aw. Martha bang in Pathian ih hnatuan tum hmaisa hlah. Mary bang in, Amah thawn pawlkom awk kha tum hmaisa aw.
2.     Na pasal bawmtu va si aw. Na pasal kha Pathian thulam ih ke a kar theinak dingah dawnkhamtu si lo in, bawmtu le tuahpitu va si sawn aw.
3.     Na faale kha Moses nu bang in Pathian thu zirhtu dingah tuanvo pekmi ka si hngilh hlah. Asinan, nangmah in Bible na siar lo ahcun, zirh ding le sim ding le thazaang pek ding khal na nei lo ding ruangah, Pathian thu hawltu le zirtu si ringring aw.





[1] San No Thuan
Mother’s Day (May 8, 2016)
FBCMD

Love, Listen, and Lead

Pathian Sunlawinak Hrangah Ziangtin Kan Hruai aw Ding?

San No Thuan


Thuhmaihruai

Zokhal hruaitu kan si theh. Midang kan hruai lo hman ah, kanmah le mah tal cu kan hruai aw a si. A sia lam ah maw, a tha lam ah na hruai aw timi cu thuhran si sehla, khui lam khal si sehla na hruai aw a si. A hlei in, innsang ah, pawlkom ah, Kawhhran ah ti in kan hung pawlkomawk tikah, ziangtin kan kaihruai aw ding timi cu a thupi zet. Himi cahram te sungah khui tawk hmun khal ah hman theimi kaihhruaitu thinlung, ruahnak, cangvaih daan ding tawi zawng te in ngan ka duh. Zokhal Pathian sunlawinak hrangah tuan cu kan duh zet nan, ziangtin kan tuan ding, kan hruai aw ding timi kan thei theu lo. Himi catial sungah Pathian sunlawinak hrangah a tuan daan le hruaiawk daan phunthum, Mirang in “Three L” timi thu lo hlawm ka duh.

1. Love (Duhdawtnak) (Jn 13:34)
            Pathian ih in duhdawtnak vek ih duhdawt aw in hruai aw ding kan si. Pathian ih in duhdawt daan cu mi pakhat kha duhdawt ding a tlak lo zet lai ah a ttulnak kha va tuah sak le va pek khi a si. Cucu Pathian in kan par ih in tuah sak daan a si. Kan tlingtlak lo zet lai ah Pathian cun, kan ttulmi kha in pe ringring a si. Nun sim ttul khal le in sim, thluasuah pek a ttul khal le in pek. Sual ngaithiam kan ttul tik khal ah ngaithiam kan tlak lo zet cing khal in in ngaithiam. Asinan, Pathian in kan duhmi hnak in kan ttulmi in pe ringring sawn timi hi kan theih ringring a ttul.
A caan ahcun, duhdawtnak taktak cun, kan tuar dingmi a si khal le, a ttul ahcun, ral tha zet in a ttulmi cu sim awk a tul. Jesuh khal duhdawtnak thawn a khat ko nan, Jerusalem biakinn sung cu pumsum leilawnnak ah an hman tikah, Pathian duh lo mi a si ti a hmuh cun, ral tha zet in an thil zuarmi pawl thawn a dawi hlo theh mei a si kha! Asinan, Jesuh cuti ih a tuah duh tikah, midang siatsuah duhnak, mi dang va uk duhnak le mi nahsuah duhnak thinlung ruangih a tuahmi a si lo. Pathian thu sawn ih an mipi an feh theinak dingah duhdawtnak thawn raltha zet ih a tuahmi sawn a si.  

2. Listen (Ngai aw) (Phil 2:3,4)
            Midang ih tulnak le thupi ti ih an ruahmi kha ziang a si timi ngai ringring aw. Mi pakhat in minung cu kaa pakhat lawng a nei dingih hna pahnih a nei ding a ti. A sim duhmi cu mal deuh in tong in tam deuh in ngai ding timi hi a sim duhmi a si.
            Phil 2:4 sungah, “Nanmah duhnak lawng si loin midang in an hrangah a thupi bikih an ruahmi kha a hmuhzia thiam ve uh.” Midang ih thupi ti ih an ruahmi kha a hmuhzia thiam hi Bible ca ih in zirhmi a si. Midang ih thupi timi ngai sakkhi midang kha ttihzah upatnak pek cu a si. Lei tlun ih kan nun sungah pakhat le pakhat upat awk thiamnak hi a thupi ngaingaimi a si. Upatawknak a um ruangah, pawlkom timi hi a um ih, rampi khal hi a ding. Upat awknak a umlonak hmun ahcun, buainak, thu-elawknak le daan nei lo ih kekarnak a tam. Curuangah, upatawk a thiammi miphun cu miphun pi khal an cang ih, an tha khal a cak.
            Upat-awknak ti tik ah, kan ttong daan ah le kan umtu daan khal in, midang kha cawisan thiam, hmun kian (osa) thiam, a thil tha tuahmi kha hmuhsak thiam, thupi ti ih an ruahmi kha hmuh sak thiam ih thupi ih ruahsak ve khi a si. A hlei in, Jesuh Khrih sung ah Pathian in kan sinak in hmuh daan in, Pathian ih fanu/pa ti ih, upat thiamawk khi a si.


3. Lead (Hruai aw) (Mk 10:45, Phil 2:5)
            Kaihhruaiawknak timi cu tumtahmi cang suak ding ih hruaiawk khi a si. Minung phunthum an um. Phun khatnak, kawhhran ah ziang a cang timi thei lotu; phun hnihnak pawl cu, mi in ziang an tuah timi zoh mentu; phun thumnak, tumtahmi cang suak dingah ziang ka tuah ding timi a ruat ih, Pathian a duhdawt ruangih a tuantu pawl an si. Himi a pathumnak pawl hi kan miphun dam tertu le mi kaihruaitu pawl cu an si.
            Asinan, cuti ih kan kaihhruaiawk tikah, Jesuh khal in mi fapa hman mi ih renmi (Bawi; midang thu fial vohvoh mentu) si ding ah a ra lo, midang riantu (servant) dingah a ra a si tiah a sim (Mark 10:45). Curuangah, duhdawtnak sung ih feh timi cun, midang pawl an nun famkim theinak ding hrangah, mi va ttanpi le kaihruai khi a si. Kan suh awk ringring dingmi cu kei hi midang ih tulnak bawmtu maw ka si, dawnkhamtu sawn ka si timi hi a si.
            Ka tuanvo a si lo ti in daite in tuan tulmi zoh men hlah. Ding awla, tuah aw. Pathian in nangmah kha hi tuu rual pawl kha ruahsannak le daihnak pe dingah, Amah aiawhtu dingah lo hman a duhmi na si.

Tlaangkawmnak         
Pathian sunlawinak hrangah kan innsang, kan rualpi, le kan Kawhhran mipi pawl ziantin kan hruai aw ding?  
1.     Love: Duhdawt tlak lomi va duhdawttu sinak in
2.     Listen: Midang ih thupi timi hmuhsaktu sinak in
3.     Lead: Pathian ih duhmi famkimnak hrangah midang hngaktu si lo in, ziang ka tuah theimi a um ti ruat in, mah rori tuantu sinak in