Thursday, May 28, 2009

Sunlawinak ih Thuthup


The secret of power, greatness/glory: love and service

Text: Mark 10:43-45
43 Asinain nannih lakah cun hi bangtuk cun a si lo pei. Nanmah lakah pakhat in a tum bik si a duh ahcun nan zate riantu a si pei. 44Nanmah lakah pakhatnak si a duhtu cun nan zate sal a si pei. 45Ziangah tile Milai Fapa hman hi rianmi si loin miriantu si dingah le mi tampi tlen dingah a nunnak pe dingin a ra a si,” tiah a ti.

Efesa 6:1-4
1Nauhak pawl, Bawipa ih hmin in nan nu le nan pa upat uh. Nu le pa upat cu Khristian ṭuanvo a si ih a ṭhami a si fawn. 2“Nan nu le nan pa upat uh,” timi thukham hi, 3“Na lam a tluang ding ih leitlunah na nun a sau ding,” timi thutiamnak an beetmi thukam hmaisa bik a si.
4Nu le pa pawl, nan faale pawl kha thinheng dingin tuah hlah uh. Cu ai-ah Khristian nundaan ziaza le zirh awknak thawn cawm uh.

Lei tlun ah mi ih duhdawtmi si kan duh cio. Midang ih rinsanmi/sunloihmi sikhal kan duh cio. Midang ih pawlkom mi si tla kan duh cio. Cumi kan si theinak ding ah ziang kan tuah ding? Ziangmi si sunlawinak ih thuthup cu?

Cui sunlawinak ih thuthup cu nu le pa pawl ih nunnak kan zoh in kan thei thei a si. A tlun lam ih thusuhnak kan phit hlan ah, ziang ruangah an fa le ih hrangah nulepa pawl hi ningzah mualpho khal an ngam ih, farah le harsat zonzaih khal an ngam timi thusuhnak kan phit hmaisa a tul a si.

1. Syrophoenician nu le a fanu (Mtt 15:22 – 28)

A fanu khawsia in an luhhnawh ih a thi zik. Ti ngainak a theih nawn lo tikah, miburpi lak ah a va feh ih Jesuh cu a fa pan. A hlan ah nunau cu Judah upa pawl thurelnak hrimhrim ah tel tar an duh lo. An nau tat zet. Asinan, mipi lak khal ah a va hrawh aw ih, Jesuh tong thei ding rori in a va feh. A netnak ah Jesuh a va ton tikah le Jesuh in, kei cu Judahmi hrang lawng ah ka ra tiah a ti betbet. “Naute rawl cu uico hnen ih pek cu a dik lo” tiah a rak ti tik khal ah thinheng in a tlansan men lo. Tangdor zet in uico cun, a tangtil te tal cu a sar thei ve ko si lo maw tiah a ti. A fanu a duhdawtnak ruangah ningzah khal tuar ngam ih, a dam lai hlan lo tiah Bawi Jesuh a pan mi te kha Jesuh ih a hmuh tikah, “Na zumnak a va tum ve tiah a ti.” A fanu a duhdawtnak ih sin a ra suakmi ral thatnak le zumnak cun Jesuh lung a tong a si. Nu le pawl in kan fate taksa thinlung thlarau lam ih an dam lai hlan lo tiah ral tha zet ih, kan zuam ih Bawipai hnen kan au aw cu Bawipai lung a tong a si.

Matt. 15:22 Just then a Canaanite woman from that region came out and started shouting, “Have mercy on me, Lord, Son of David; my daughter is tormented by a demon.”
Matt. 15:23 But he did not answer her at all. And his disciples came and urged him, saying, “Send her away, for she keeps shouting after us.”
Matt. 15:24 He answered, “I was sent only to the lost sheep of the house of Israel.”
Matt. 15:25 But she came and knelt before him, saying, “Lord, help me.”
Matt. 15:26 He answered, “It is not fair to take the children’s food and throw it to the dogs.”
Matt. 15:27 She said, “Yes, Lord, yet even the dogs eat the crumbs that fall from their masters’ table.”
Matt. 15:28 Then Jesus answered her, “Woman, great is your faith! Let it be done for you as you wish.” And her daughter was healed instantly.

Duhdawtnak cun ral thatnak le tangdornak a suah ter ih, Pathian ih thinlung tiang a tawng tham thei a si. Cui duhdawtnak cu Syrophoenician nu ih a sunlawinak a si. Duhdawtnak cun, tihnak khal a dawi hlo. Ral thatnak a pek. Duhdawtnak a neitu cu an ral a tha, timi an nei lo. An tang a dor ih, sian khal an siang.
1John 4:18 There is no fear in love, but perfect love casts out fear; for fear has to do with punishment, and whoever fears has not reached perfection in love.

2. Nulepa ih sunlawinak: love and service

Ziang ruangah, leitlun ah nu/pa tampi an um ko nan, in hringtu kan nu le pa cu ziangah kan duh hlei ce? Kan upat hleice? A ruangah, in duhdawtnak le kan hrang ih harsat zonzaih an tuarnak hi a si. Cucu an sunlawinak a si.

Cui duhdawtnak cu, a thinsau, a tangdor, hlawhman a beisei lo. Nu le pa cun an fale kan par ah ziang thei lo ih, kan rak um lai khal ah in duhdawt ih kan ttulmi pawl a cang thei tawk in hlawhman la lo in in rak tuamhlawm. A tu nazii pakhat ah a malbik hlawhman $ 8.50 nan ei ih, kum hi zat sung in kil man la lo in an um. Nan tulmi tla an lo pe bet. An thu kan el ih an thin kan hen ter lai khal ah kan sualnak in ngaithiam lai hrih.

3. Fapa fim le fanu fim: Nuhmei nu le a fapa

Vei khat ah, Billy Graham in nuhmei nu ih thu hi ti in thu a sim. Nufa te cu a pa in a tansan hnu ah anmah lawng an si ih, a nu in ka fa hi fimnak thiamnak saang zir ko ka tuah ding a ti ih, haangdum a tuah, ar a zua. Pakan kholh in paisa a hlawh. Cuti in a fapa te cu University tiang a ret. Degree a lak tikah, a pate cu laksawng la ding a si ih, cun, first a ngah ruangah, thusim theinak khal cu an pek. Cu tawk degree laknak hmun ahcun, ka nu ra ve aw tiah a va sawm. A nu ih, kei mi-aa, ni puan hman tthitha nei lo in ka ra duh lo ding tiah a el. Asinan, a fapa te in na neihmi te hru aw la, ra ko aw a ti tikah, a nu cu a ra ve ih, hmun sir te ah, a rualpi pawl ih nulepa, milian thatha pawl ih kiang ah a to. A fapa cun, laksawng a lak ih thu a sim theh tikah, a va feh ih, a nu cu sunloihnak an pekmi medal cu a va pek ih, a degree ngahnak cazual khal a nu ih kut ah a va ap ih, a timi cu, “Ka nu hi pawl hi nangmai ta an si. Nangmah ih ngahmi a si” tiah a va ti.

Hi tlangval pa te ih tuahmi cu duh a va nung ve ti uh law. A nu kha, cathiam lo te asinan a zahpi lo. Cun, a nu ih tumtah sakmi lungthli tum kha thleng ko a zuam. Cun, cui lungthlitum a thlen tik khal ah, himi hi ka nu in, ka nauhak lai in arfa no te bang in in khurhom ih ruangah hi dinhmun ka thlen theinak a si ti a thei fiang a si.

Curuangah, fapa fim le fanu fim cun, an nulepa an upat ih, an duhdawt. An thusim an ngai ih, an lungawinak tuah sak ding an tum tah. Curuangah Bible ca in nulepa upat ding in zirh.

Efesa 6:1-4
1Nauhak pawl, Bawipa ih hmin in nan nu le nan pa upat uh. Nu le pa upat cu Khristian ṭuanvo a si ih a ṭhami a si fawn. 2“Nan nu le nan pa upat uh,” timi thukham hi, 3“Na lam a tluang ding ih leitlunah na nun a sau ding,” timi thutiamnak an beetmi thukam hmaisa bik a si.
4Nu le pa pawl, nan faale pawl kha thinheng dingin tuah hlah uh. Cu ai-ah Khristian nundaan ziaza le zirh awknak thawn cawm uh.

Eph. 6:1 ¶ Children, obey your parents in the Lord, for this is right.
Eph. 6:2 “Honor your father and mother”—this is the first commandment with a promise:
Eph. 6:3 “so that it may be well with you and you may live long on the earth.”
Eph. 6:4 ¶ And, fathers, do not provoke your children to anger, but bring them up in the discipline and instruction of the Lord.

Hi tawk ah thu pahnih a um:

1. Fale ih tuanvo: nulepa upat ding.

“Nulepa upat” timi cu an thusim ngai hi a si. Na nulepa upat/an thu ngai aw timi cu Pathian ih thupek a si ih, cui thupek a thluntu pawl “nan lam a tluang ding ih leitlun ah nan nun a sau ding” tiah Pathian in thutiamkam mi a beet cih. Nulepa upat pek timi cu nulepa ih zonzaih harsatnak cingmang in zoh kilkhawi khal khi a si.

Na nu a nun nawn lo asile, na nu ih a seherhmi te ziang a um? A lung thlitum kha kim ding in zuam aw. Cu asile, na nui duhdawtnak malte na sam thei ve ding. Ka nunnak ah thil pakhat ka tuah ringringmi thu a um. Ka suahni tinte in 1992 in tui kum tiang ka nu le pa laksawng ka pe ih, cun, an hnen ah thlawsuah ka dil. Ka lu tlun ah an kut an suang ih, thluasuah in pek. Cui an thluasuah pekmi te cu tui’ sun ah ka hnathlam ah a taang ringring ih, thluasuah khal kan unau lak ah ka co bik tisehla ka sual lo men ding.

2. Nulepa ih tuanvo: Kristian ziaza tha (discipline) le Pathian thu thawn cawm ding.

Nulepa pawl kan fa le pawl kha discipline/ziaza fel le mawi nei ding in kan zirh maw? Thlacamnak, le Jesuh bang in kan fale kan pawlkom maw? Mi hrek khat in kei cu Bible ca le ka thei lo ih Pathian lam ah hruai zia ka thiam lo na ti pang maw? Nan innsang ah na fale hrangah thlacam ringring aw. Na thlacam an lo hmuh le, thlacam nun cu an mahte an nei vingvo mei ding. Na fale Bible siar ter na duh maw? Nangmah in Bible siar aw. TV phih caan te nei in, thlacam caan te nei aw. Cu tikah, cui tikah, na fale cu thlarau lam ih hruaitu na si thei ding.

Thunetnak:

Nulepa ih sunlawinak cu fale in duhdawtnak le kan hrang ih harsat an tuarnak hi a si. Cui duhdawtnak cun, ral thatnak, zuamnak, siannak, thinsaunak le tangdornak pawl a pek a si. Curuangah, Pathian ih thinlung khal a tawng tham thei a si. Curuangah, kan nunnak ah duhdawtnak kan nei maw timi hi nulepa ih duhdawtnak an neih daan in check aw sal uh si. Duhdawtnak cun midang hrang ih tuar duhnak le tuar ngamnak khal a nei a si.

You can give without love.
But you cannot love without giving.

Duhdawtnak tel lo in na pe thei.
Asinan, peknak tel lo in na duhdawt thei lo.

Hminsin: Hi sermon hi June 17, 2009 Mother's Day, Frederick, Maryland ah ka simmi thu a si.

Milian Pa Ih Aatnak (Luke 12:16-21)


Milian pa ih atnak ihsin kan zir theimi thu pathum sim ka duh.

1. A hlawh tlinnak kha a mah ih thilti theinak ah a ruat aw. “Ka nei” (v. 16, 17).

Bible ih in zirh daan ah, kan lianh theinak ding ah thilti theinak in petu cu Pathian a si tiah a sim.

Deut. 8:17 Do not say to yourself, “My power and the might of my own hand have gotten me this wealth.”
Deut. 8:18 But remember the LORD your God, for it is he who gives you power to get wealth, so that he may confirm his covenant that he swore to your ancestors, as he is doing today.

Kan zir theimi cu kan hlawhtlinnak hi Pathian ih thilti theinak ii pekmi ruangah a si tilo in, kan mai thilti theinak ruangah tiah kan ruat awk asile, cucu Pathian hmaiah mi aa kan sinak cu a si.

2. A lennak cu amai nomnak hrang lawngah hman a tum. For hi self-interest (v. 19).

Phil. 2:3 Do nothing from selfish ambition or conceit, but in humility regard others as better than yourselves.
Phil. 2:4 Let each of you look not to your own interests, but to the interests of others.
Phil. 2:5 Let the same mind be in you that was in Christ Jesus.

Pathian in thluasuah in pekmi kha kan mai hrang le duhmi (self-interest) tuahnak lawngah kan hmang le mi-aa kan si. Kan mai duhmi (self-interest) hnak in Pathian ih duhmi (God’s interest) kha hawl ding ah Pathian in duh sak a si.


3. A nunnak kha a thi thei lo ding vek ah a ruat aw. Nunnak cu a langte sung lawng Pathian in in zuahmi kan si (v. 19).

Minung nunnak cu Pathian in a duhmi tuahnak ding hrangah kan nunnak thaw a zuah ih damnak le cahnak in pek. Asinan, cumi cu a laangte sung lawng a si ding. A rei lo ding. Na nunnak Bawipa in tui zaan ah lo la sehla, Pathian ih duhmi na tuah ta man zo maw?

Nunnak hi thi thei lo ding vek ih kan ruah awk tik ah, mi aa kan si. Thaisun ka thi ding timi ruahnak thawn niti’n kan nunnak hmang tha uh si. David Siangpahrang khal in, Bawipa ka nunnak a tawi daan hi ii sim fiang aw la ka fim ding tiah a ti.

Psa. 90:12 So teach us to count our days
that we may gain a wise heart.

4. Milian pa ih atnak palinak cu ka lian zet tiah a ruat aw. Asinan, Pathian hmai ahcun, mi farah zet a si. Lennak ngaingai hi ziang a si ti a thei lo.

Luke hmang in Jesuh in zirh duhmi cu Lennak taktak timi cu ziang a si ti a si. Mai hrang lawng ruat ih nungtu pawl cu milai mithmuh ah an lian men thei nan, Pathian mithmuh ah mi farah an si (v. 21).

Luke 12:21 This is how it will be with any one who stores up things for himself but is not rich toward God.

Lennak taktak timi cu kan mai bom a tultu pawl hrangah Pathian ih thlarau thawn cu nu/ cu pa bomnak kan pekmi khi Pathian hmaika ih milian kan sinak a si. Ziang ah tile, Jesuh bang in midang kan va duhdawt tikah, Jesuh ih dung thluntu taktak kan si ih, Jesuh ih hnatuan a pehtu khal kan si. Cucu, lennak taktak sawn a si.

Curuangah, lennak taktak hi ziangzat Jesuh bang in midang ka bawm timi ah siar sawn lo in, ziangzat ka nei timi ah kan ruah awk asile, mi aa kan si.

(May 24th, 2009… Frederick, Maryland ih um, Pu Than Kip Luai ih fapa, Andy ih degree celebration nak ih kan simi thu a si.)

Sunday, May 10, 2009

Sunlawinak ih thuthup: duhdawtnak le riantu sinak

The secret of power, greatness/glory: love and service

Text: Mark 10:43-45

43 Asinain nannih lakah cun hi bangtuk cun a si lo pei. Nanmah lakah pakhat in a tum bik si a duh ahcun nan zate riantu a si pei. 44Nanmah lakah pakhatnak si a duhtu cun nan zate sal a si pei. 45Ziangah tile Milai Fapa hman hi rianmi si loin miriantu si dingah le mi tampi tlen dingah a nunnak pe dingin a ra a si,” tiah a ti.

 

Efesa 6:1-4

1Nauhak pawl, Bawipa ih hmin in nan nu le nan pa upat uh. Nu le pa upat cu Khristian uanvo a si ih a hami a si fawn. 2“Nan nu le nan pa upat uh,” timi thukham hi, 3“Na lam a tluang ding ih leitlunah na nun a sau ding,” timi thutiamnak an beetmi thukam hmaisa bik a si.

4Nu le pa pawl, nan faale pawl kha thinheng dingin tuah hlah uh. Cu ai-ah Khristian nundaan ziaza le zirh awknak thawn cawm uh.

Lei tlun ah mi ih duhdawtmi si kan duh cio. Midang ih rinsanmi/sunloihmi sikhal kan duh cio. Midang ih pawlkom mi si tla kan duh cio. Cumi kan si theinak ding ah ziang kan tuah ding? Ziangmi si sunlawinak ih thuthup cu?

Nuhmei nu le a fapa

Vei khat ah, Billy Graham in nuhmei nu ih thu hi ti in thu a sim. Nufa te cu a pa in a tansan hnu ah an mah lawng an si ih, a nu in ka fa hi fimnak thiamnak saang zir ko ka tuah ding a ti ih, haangdum a tuah, ar a zua. Pakan kholh in paisa a hlawh. Cuti in a fapa te cu University tiang a ret. Degree a lak tikah, a pate cu laksawng la ding a si ih, cun, first a ngah ruangah, thusim theinak khal cu an pek. Cu tawk degree laknak hmun ahcun, ka nu ra ve aw tiah a va sawm. A nu ih, kei mi-aa, ni puan hman tthitha nei lo in ka ra duh lo ding tiah a el. Asinan, a fapa te in na neihmi te hru aw la, ra ko aw a ti tikah, a nu cu a ra ve ih, hmun sir te ah, a rualpi pawl ih nulepa, milian thatha pawl ih kiang ah a to. A fapa cun, laksawng a lak ih thu a sim theh tikah, a va feh ih, a nu cu sunloihnak an pekmi medal cu a va pek ih, a degree ngahnak cazual khal a nu ih kut ah a va ap  ih, a timi cu, “Ka nu hi pawl hi nangmai ta an si. Nangmah ih ngahmi a si” tiah a va ti.

 

Hi tlangval pa te ih tuahmi cu duh a va nung ve ti uh law. A nu kha, cathiam lo te asinan a zahpi lo. Cun, a nu ih tumtah sakmi lungthli tum kha thleng ko a zuam. Cun, cui lungthlitum a thlen tik khal ah, himi hi ka nu in, ka nauhak lai in arfa no te bang in in khurhom ih ruangah hi dinhmun ka thlen theinak a si ti a thei fiang a si.

Ziang ruangah, hi tlangval pa te in a nu hi tluk in a sunloih si pei? Upatnak ziangruangah a pek? A ruang bik cu, “A nui duhdawtnak” a comi pawl a hngilh lo ruangah a si. Uico hman in ciizu/duhdawtnak an thei. Rawl petu cu an bo lo. An keu lo. Asinan, kan nih minung tampi cu mai hringtu nu le pa, a bo le a keu kan hmang theu. Uico hnak in kan sinaknak a niam sawn theu.

Pathian ih sunlawinak thuthup: love and service

Martin Luther King Jr. hi tin thu a sim dah: “Mi hmuahhmuah in hlawhtlinnak cu an ngah thei. Asinan, mi hmuahhmuah cu sunloih a si theh thei lo. Ziang ruangah tile, lianngannak le sunlawinak cu mi riantu sinak/service ah a tthum aw a si” tiah a ti.

Hi a simmi hi Jesuh khal in a sim ve. Mark 10:43.

43. “Asinain nannih lakah cun hi bangtuk cun a si lo pei. Nanmah lakah pakhat in a tum bik si a duh ahcun nan zate riantu a si pei. 44Nanmah lakah pakhatnak si a duhtu cun nan zate sal a si pei. 45 Ziangah tile Milai Fapa hman hi rianmi si loin miriantu si dingah le mi tampi tlen dingah a nunnak pe dingin a ra a si,” tiah a ti.

Ziang ruangah, Pathian in a fapa Jesuh kan sual tlennak ding hrangah in pe siang? Jesuh in ziang ruangah, thinglam tah par ih thih ding a ttih zet ko nan, kan sual tlennak ding hrangah thih a ngam?

A phi cu John 3:16 sung ah fiang te in in sim. Pathian in leilungmi a duhdawt tuk ruangah a si. Pathian ih duhdawtnak cu a mah duhdawttu pawl kha a duhdawt ti a si lo. A mah in in duh in duhdawt hmaisa ih kan mah kha Pathian a thinhen tertu kan si nan, Pathian ih duhdawtnak cun, remnak tuah ding cu a thok hmaisa.

1 John 4:9-10

9Pathian ih in duhdawtnak cu a Fapa neihsun hi leilungah hin run thlah in a langter ih amah thawngin nunnak kan conak dingah a si. 10Duhdawtnak timi cu hiti in a si: Kanmah in Pathian kan rak duhdawt ti a si lo, amah sawn in in duhdawt ih a Fapa a run thlah; cumicu kan sualthlah raithawinak dingah a si.

1John 4:19 We love because he first loved us. Pathian kan duhdawtnak cu kan mah in kan duhdawt hmaisa ruangah a si lo. Amah in in duhdawt hmaisa ruangah a si tiah a ti.

Midang kan duhdawt theinak ding hrangah, Pathian in ziangtin in duhdawt? Kan sualnak teh ziangtin a tuah timi hi kan theihfiang ta a tul. Pathian ih duhdawtnak le nulepa ih in duhdawtnak ahcun kan phu lo kan tawk lo lai caan ah kan hrangah thil tha khua an khang ih in tuah sak. Curuangah, Philip Yancey timi scholar pa in hi ti in a sim. “Duhdawt zaangfahnak timi cu taya le ya lo timi par ah a si lo” tiah a ti. “Grace is not about fairness.” Curuangah, Jesuh ih thuthangtha cu na sualnak pawl cu na zum ah zum lo khal ah, na theih ah theih lo ah, a nunnak liam in a mah in a lo tlen zo. Thihnak khal neh theinak dingah, thihnak neh in kan hrangah a tho sal zo. Cumi a thei ih a zumtu pawl cu lungawinak thawn an lung sung a khat a si.

Curuangah, Pathian in ziangruangah a fapa neihsun khal kan hrang ah pek a siang? Ziangruangah Jesuh khal in Bawibik a si nan, a niam bik ah a rung suak ih kan sualnak hrang tiang a nunnak pek a siang? In duhdawtnak le kan hrang ih nungtu, a nunnak tiang liam siangtu a si ruangah a si. Curuangah, kan nih minung pawl khal in Pathian cu kan duhdawt ve ih, kan sunloih ve a si.

Nulepa ih sunlawinak: love and service

Cu vek thiamthiam in sunlawinak ih thuthup hi nu le pa ni ah ziang kan zir thei? Ziang ruangah, leitlun ah nu/pa tampi an um ko nan, in hringtu kan nu le pa cu ziangah kan duh hlei ce? Kan upat hleice?

The unconditional love and service they give to us. Nu le pa cun an fale kan par ah ziang thei lo ih, kan rak um lai khal ah in duhdawt ih kan ttulmi pawl a cang thei tawk in hlawhman nei la lo in in rak tuamhlawm. A tu nazii pakhat ah a malbik hlawhman $ 8.50 nan ei ih, kum hi zat sung in kil man la lo in an um. Nan tulmi tla an lo pe bet. An thu kan el ih an thin kan hen ter lai khal ah kan sualnak in ngaithiam lai hrih.

Curuangah, kan Pathian biakmi hnen in le kan nulepa hnen in kan zir theimi sunlawinak ih thuthup: love and service a si. Duhdawtnak cun, tihnak khal a dawi hlo. Ral thatnak a pek.

1John 4:18 There is no fear in love, but perfect love casts out fear; for fear has to do with punishment, and whoever fears has not reached perfection in love.

Duhdawtnak cu a terh khal a siang. Mi ih zawn khal a ruat. Pathian le nu le pa ih duhdawtnak hi zoh uh la, nan fiang ko ding.

You can give without love.

But you cannot love without giving.

Duhdawtnak tel lo in na pe thei.

Asinan, peknak tel lo in na duhdawt thei lo.

Curuangah, fapa fim le fanu fim cun, an nulepa an upat ih, an duhdawt. An thusim an ngai ih, an lungawinak tuah sak ding an tum tah.

Efesa 6:1-4

1Nauhak pawl, Bawipa ih hmin in nan nu le nan pa upat uh. Nu le pa upat cu Khristian uanvo a si ih a hami a si fawn. 2“Nan nu le nan pa upat uh,” timi thukham hi, 3“Na lam a tluang ding ih leitlunah na nun a sau ding,” timi thutiamnak an beetmi thukam hmaisa bik a si.

4Nu le pa pawl, nan faale pawl kha thinheng dingin tuah hlah uh. Cu ai-ah Khristian nundaan ziaza le zirh awknak thawn cawm uh.

 

Eph. 6:1 ¶ Children, obey your parents in the Lord, for this is right.

Eph. 6:2 “Honor your father and mother”—this is the first commandment with a promise:

Eph. 6:3 “so that it may be well with you and you may live long on the earth.”

Eph. 6:4 ¶ And, fathers, do not provoke your children to anger, but bring them up in the discipline and instruction of the Lord.

Hi tawk ah thu pahnih a um:

1. Fale ih tuanvo: nulepa upat ding.

“Nulepa upat” timi cu an thusim ngai hi a si. Na nulepa upat/an thu ngai aw timi cu Pathian ih thupek a si ih, cui thupek a thluntu pawl “nan lam a tluang ding ih leitlun ah nan nun a sau ding” tiah Pathian in thutiamkam mi a beet cih. Nulepa upat pek timi cu nulepa ih zonzaih harsatnak cinman khal khi a si.

Na nu a nun nawn lo asile, na nu ih a seherhmi te ziang a um? A lung thlitum kha kim ding in zuam aw. Cu asile, na nui duhdawtnak malte na sam thei ve ding. Ka nunnak ah thil pakhat ka tuah ringringmi thu a um. Ka suahni tinte in 1992 in tui kum tiang ka nu le pa laksawng ka pe ih, cun, an hnen ah thlawsuah ka dil. Ka lu tlun ah an kut an suang ih, thluasuah in pek. Cui an thluasuah pekmi te cu tui’ sun ah ka hnathlam ah a taang ringring ih, thluasuah khal kan unau lak ah ka co bik tisehla ka sual lo men ding.

2. Nulepa ih tuanvo: Kristian ziaza tha (discipline) le Pathian thu thawn cawm ding.

Nulepa pawl kan fa le pawl kha discipline/ziaza fel le mawi nei ding in kan zirh maw? Thlacamnak, le Jesuh bang in kan fale kan pawlkom maw? Mi hrek khat in kei cu Bible ca le ka thei lo ih Pathian lam ah hruai zia ka thiam lo na ti pang maw? Nan innsang ah na fale hrangah thlacam ringring aw. Na thlacam an lo hmuh le, thlacam nun cu an mahte an nei vingvo mei ding. Na fale Bible siar ter na duh maw? Nangmah in Bible siar aw. TV phih caan te nei in, thlacam caan te nei aw. Cu tikah, cui tikah, na fale cu thlarau lam ih hruaitu na si thei ding.

Mother's Day sermon ka pekmi a si. (5/10/09). 

Wednesday, May 6, 2009

Reminiscence

Casiartu hnenah

No Kolh (Saya San No) hnen in a blog ah ca rak ngan ve ding sawmnak ka ngah ih ka lung a awi zet. Ziang si ka ngan le a tha ding ti ka ruat ih kan nauhak deuh lai thu pawl ka vun mang sal.No Kolh le kei hi tthi khat, veng khat ih rak tthanglian tlang mi kan si. Tlawng kan khan khat dah lo nan Sunday School kan kai tlang nak le veng mino cangvaihnak pawl in rualpi kan rak si. Hi mi ca sung in kan rak tlanlennak, ah tlawng sal tlang ve ding ka lo sawm. (Mirang in a cafang ka duh zet ruang ah a thulu mirang ka run hlan ta nak a si.)

Reminiscence

Kum 20 lai a luan zo. Falam Baptist Church, Falam (Biakinnpi) ah Sunday School, Intermidiate Class kan rak kai lai.

Zaan khat cu Biakinn ah zirnak kan nei. Baibal maw, hla kan zir ti a fiang in ka cing nawn lo. In zirhtu cu Zomi Theological College ih tlawng a kai rero lai tu ka uunu, Sayamah Sui Tin Hoi a si.
Rualpi a neih lo ruang ah kan zir ttheh in an tlawng tiang kan hei thlah. Kei, No Kolh, Di Dim le Matte.

Kan kir lam mawtaw zin kan thlen zik hnen ah No Kolh a ziang ai maw suak thei hlah, a au ih hmakhat te ah hmai ah a tlan. Kei le Di Dim cu kan hni ih dung ah kan tang. Matte in a dung in a hei dawi. Zinpi a thlen hlan deuh ah a bah. Kan hei zon ih No Kolh khal a ra kir sal ve. Matte cu a thei aw nawn lo. A thok cu capo nak ah a ti ter aw hmang tin ka ruat. A si nan kan tthang thei lo cun awloksong in zin kap ih inn ah kan vun zawn.

No Kolh, Uu Sui ko ding in ZTC a va tlan. Kei le Di Dim in kan run kil. Inn tek pa tlan i ra kil pi ve. Matte cu a mit a let phah ih a mai aw kel lo Hakha ttong a ttong ciamco. A ttong vek a si ah cun tlawngpit Haka a tlawn ah an rak ik sik ih hnam-dawi thawi tuah mi a si ti vek...
Ka ttih tukah ka hmul hmuah a tho ttheh.

Tawkfang ah Uu Sui a rualpi pawl thawn an ra thleng. Thlacamnak kan neih hnu ah Dawrhlun an inn tiang in rak thlah pi.

Tlun lam.

Lansung Pu Pek inn kiang in Uu Sui le a rualpi pawl cu tlawng lam an kir sal.

Di Dim bualrawn (Hrang Thio Bualrawn)kiang ih um mi a si ih an inn pial nak zin cun a mah te a tlung ringring mi a si nan "Ka ningtih tuk, kan inn sangka tiang i run thlah uh" a ti ih kan vun thlah.

No Kolh bualrawn thlang um mi a si ih kei hlat bik va tlung ding ka si, Laizo zin sak ah. Ka ningtih ve tuk ih ziang tin ka tlung ngam ding ti ka khuaruah a har laiah No Kolh in nan inn tiang ka lo thlah ding i ti.Cu cun ka thawpi ka suah hlun hlo.Cu tin ni dang bualrawn kiang tiva tiang i thlah theu mi kan inn tiang i thah. Inn sung ka luh tiang i hngak bet lai.

Tu ka ruah sal ah ka ning a zak phah. Ka va rak tthih hrut ve. Ngaingai te cun vun ruah le ttih ding um lo mi a bang nan. Kha lai ah cun ka rak tih daan cu mak.Ka ningttihnak in i rak khuh ttheh ih thu dang ziang hman ka rak ruat baan lo law law. Nan tu ca ka ngan phah in ka ruat sal. No Kolh teh a ning a rak tih ve pei maw? Di Dim le keimah lawng maw ningtih rak thiam?

No Kolh le Di Dim in khaih zaan thu an cin mi in ruah ve seh la ka ttelhh mi tla an bet ding ih kan thu a thaw zet ding. Ziang a va si khal le tu zaan ka hrang ah cun, No Kolh vek mi zawn ruat thiam Sunday School kai pi ka rak neih cu mi vantha ngaingai ka si tin ka ruat aw. 

Ka hnglih thei dah lo mi zaan khat.