Jesuh cu Bawi a si timi ih Sullam

Fili 2:9-11

1.     Jesuhi h sinak: rundamtu le thuneitu, luubik khal a si.

Laimi tampi in Jesuh ih thu kan sim tikah, sualnak Satan sal sungih sin rumdamtu lawngah kan sim theu. Asinan, thuneitu le luubik a sinak kan sim tamtuk lem lo. Pathian thungai in vancung sunlawinak khal taan in thihnak tiang tuar in Satan, sual sal sung ihsin in runsuak tikah, Pathian in a saangbik ah a khaisang a si. Pathian in zo vek hnen khal ah siseh, ziangvek caan khal ah siseh, thuneitu luubik si dingah a ret zomi a si.

Caan tampi ah Jesuh cu na nunnak ih Bawi si ter aw kan ti theu. Bawi kan si ter lawngah Bawi si ding khin kan thinlung sungah ka ruat theu. Asinan, Jesuh cu na si ter a tul lo. Bawi a si cia. Na si ter lo khal le Bawi a si cia zo. Cuhnak in, na nunnak kha a maih hruainak tang ah ap aw sawn aw. Ka thuthu in ka um lo ding; na thuthu in ka um ding tiah ti sawn aw. Cucu, mirang in surrender an timi cu a si.

Jesuh kha thuneitu bik le hruaitu bik ih a re lo tu cu ziang thawn kan bang aw tile cawhmai ah cawleeng retu thawn kan bang aw a si.

2.     Jesuh cu ka Bawi ah ka cohlang kan ti tikah ziangmi si a sullam

Minung in nun daan phun hnih kan nei. Private life, maih pumpak ih theihmi nun daan le Public life, mipi ih theihmi nun daan ti in pahnih kan nei. Cumi a pahnih ah Bawi, thuneitu ah ka pom a si tinak a si.

Mi tampi cu mipi ih in theihmi nun daan fang lawngah Jesuh cu Bawi le thuneitu bik vek ah kan re theu. Mi hmai ahcun, Pathian tihzah zet, thlacam zet, Bible siar zet, Pathian duh lo mi hrial hluahhlo ngam kan um. Asinan, private life, maih pumpak ih nun ahcun, Jesuh hi thuneitu bik ah kan re duh nawn lo.

Jesuh ih thu a neih theilonak hmun cu Satan ih umnak a si. Na pumpak nun ah Jesuh cu Bawi le thuneitu ih a retu pawl cu an mithmai, awkam le nun daan ah a hung lang a si. Jesuh kha thuneitu ih kan ret lonak hmuahhmuah cu Satan ih a tlanleen ngamnak le a buu ah a tuah a si. Cu tawk hmun ah, zumnak, ruahsannak nung, le duhdawtnak, lungawinak taktak a um lo.

Jesuh hi na ruahnak, na thinlung, na hmurka le nun daan pawl ah thuneitu a sibik a si maw? Dr. S. M. Zwemer cun, “Jesuh cu na nunnak zate ih Bawi a si lo ahcun, na Bawi a si lo lawlaw tinak si.” If Jesus is not Lord of all, He is not Lord at all. Pathian cu Jesuh cu ziang hmuahhmuah ih Bawi le luubik ih a retmi a si. Nang le kei in kan duh caan lawng ih Bawi vek ah kan ret ih, kan duh lo caan ah Bawi ah kan ret duh lo ahcun, na lal, na Bawi a si lo lawlaw tinak a si.

3.     Jesuh hi ka Bawi a si a ti taktak tu ih tuah dingmi

Mi pakhat in, “Jesuh hi ka Bawi si dingah ziang ka tuah ding?” tiah in sut bang sehla, kan leh sal dingmi thu cu, “Jesuh ih duhnak kha hmaisa deuh ah re aw” “Yield your life to him” ti ding a si.

3.1. Absolute surrender - ziangkim ah thuneitu si ter a tul.  

Jesuh khrih ih thuneihnak le duhnak thlun dingah kan thinlung le nunnak kan ret/hlanawk ding lawng hi a thupibikmi a si. Jesuh cu na nunnak ih thuneitubik si dingih na thinlung na pek vetein, Amah in hnatuan a thok ding  asi. Jesuh hnak ih thuneitu hi na nunnak ah ziangmi na nei lai?

Na nunnak ah, “Private - keep out” “Don’t bother me” timi sign te na tarnak hmun a um pang maw? Cumi na pek lai hlan lo, Jesuh cu na Bawi a si lo lawlaw. Na duh caan lawng ih Bawi na retmi cu na Bawi/na lal a si taktak lo. Bawi le siangpahrang taktak cu mipi in an thlun sawn.

Ka nunnak ah Bawi Jesuh ih thu a neih thei lonak hmun le nun in, kan thinlung le taksa thazaang a derdai ter, zianghman ih siar awk lonak a thleng,  lungawinak le hnangamnak pawl a hloh ter theh a si.

Jesuh thuneitu pawl ih neihmi “A” pathum: Anytime, Anywhere, Any cost.

Asinan, kan nunnak ih private khan khal ah Bawipa Jesuh thawn tlangleeng in, kan um ahcun, Pathian ih lungawinak le hnangamnak thawn kan khat a si.

Psalm 16:11    Na umnak ah lungawinak a kim ih,

                        Na ban thacak ah nomnak kumkhua

                        in a um.

  

3.2. Acknowledgement of his ownership - a ta ka si ti kan thei awk ringring a tul

1 Kor 6:19-20

19Nan ruangpum cu Thlarau Thianghlim biakinn a si ti nan thei lo maw? Cuih Thlarau cu nan sungah a um ih Pathian ih pekmi a si. Nannih cu nanmah ih ta nan si lo, Pathian ta nan si. 20Man pek ih leimi nan si. Curuangah nan taksa cu Pathian sunlawinak ah hmang uh.

Man ih lei zomi kan si ruangah, na duhduh ih na thinlung, ruahnak, le nunnak hi hman theinak na nei nawn lo ti hi kan fiang a tul. Pathian ih thlarau thianghlim umnak biakinn a si timi hngilh hlah aw. Na pastor pa Thlarau Thianghlim nitin, khui tawk ih na feh lai caan khal ah a biakinn cu a umpi ringring a si.

3.3. Unreserved Obedience - a thu thluntu si a tul.

Kannih cu Jesuh Khrih thisen ih leimi kan si zo ruangah, Jesuh Khrih cu ziangkim ah thuneitu siseh kan ti ahcun, kan tuanvo thubikmi cu a thuthlun ding hi a si. Thuthlunnak tel lo in, na Bawi a si thei lo. Kan thlun dingmi cu Pathian ih tongkam siar ih, a duhmi kha thlarau ih in sim zirhmi kha thlun ding a si. Cumi kan thlun ngam vek in thlarau lam khal ah kan tha a cak deuhdeuh ding.

Mary le Joseph: Mary in, “Bawipa kei cu na salnu ka si. Na simmi bang in ka parah cang hram seh” (Luke 1:38) a ti tikah, Pathian in a hrangah hnatuan a thok ve.

Luke 6:46 - Jesuh in, “Ziangah so ‘Bawipa, Bawipa,’ tiah in ti ih ka lo sim mi cu nan tuah fawn lo?” tiah a sim.

Mi pakhat in, Dr. Scroggie ih thusim a ngai hnu ah a hnenah ra in, “Jesuh cu ka bawi ah ka cohlang duh tuk. Asinan, ramdang ah missionary in i thlah pang ding ti ka phang; cumi cu ka paih lo” tiah a ra ti. Dr. Scroggie cun, “Ka paih lo Bawipa timi cu na Bawipa kha tihzah upat lo thawn a bang aw.” Cahnah pakhat le khedaan pakhat a pek ih hitin a sim. “Curuangah, thu pahnih lawng hril ding na nei. ‘Ka paih lo’ timi na hlon ding maw, ‘ka Bawipa’ timi na hlon ding cumi pahnih lawng a um a ti. Cu nu cun a ruat sal ih, mitthli thawn, “ka paih lo” timi ka hlon ding tiah a sim ih, cuih ni in, Jesuh cu ka Bawipa na si tiah a au!

Thunetnak

1.     Jesuh ih sinak: sualnak sal ihsin in runsuaktu lawng a si lo. Jesuh cu luubik si ringring dingah Pathian in a retmi a si. Luu bik ih re lo tu cu caw hmai ah cawleeng a retu pawl kan si.

2.     Jesuh cu ka Bawipa a si tiah kan ti tikah a sullam cu midang ih hmuhmi ka nunnak le keimah lawng ih theihmi nunnak ah Jesuh ih thuthu in ka nung ding tinak a si. Amaih thu ih uk theilonak hmun le caan a neih ahcun, na Bawi a si lo lawlaw tinak a si.

3.     Jesuh hi kan Bawi taktak si dingah kan tuah dingmi cu:

a.     Ziangkim ah thuneitu si ter ding. Anytime, Anywhere, Any Cost. Maih duh caan lawng ih amaih hruai dingmi ap awmi si lo ding.

b.     Ka nunnak Thlarau Thianghlim umnak biakin ka si ti theih ringring ding. Riahsiat ter hlah uh si.

c.     A thu thluntu si ding. Mary bang in, “Kei cu na sal ka si” ti ding.

Thlaraulam Thanso Daan Lamzin: Beidong Lo Tein

By San No Thuan

Thuhmaihruai

Leilung tlun nuntu khawsak daan ih kan zirhawk bikmi cu zaamrang thei tawk ih thil tuah thei ding khi a si. Thuthimnak ah, mawtaw kan mawn tikah kan duhbikmi cu mi lan vuahvo in cak zet in feh vurvo thei sehla tihi kan duh bik. Traffic jam ih thlen duhnak thleng thei lo ih lamlak ah kan taang theu. Thlen duhnak ah zamrang teih thlen thei lo khi har kan ti cio. Cucu lei tisa ih kan feh daan a si. Thlaraulam teh ziangtin kan thangso ding? Ziangruangah, ka ziaza tha lo pawl ziangah vei khat te ah kan hlon thei lo? Ziangtin ka hlon thei ding?

Bible ih in zirh daan: beidong lo tein

1. Abraham

Pathian ih in zirhmi cu thinsau te ih hngah thei hi Pathian ih in zirh duhmi a si.

Abraham kha Pathian in a kawh tikah kum 75 a ti zo. Fa ka lo pe ding a tinak cu kum 75 ah a ti zo nan, kum 100 a kim lawngah fapa te Isaac a pe lai. Thinsau te ih hngah ding a zirh.  

2. Suahlannak

Israel pawl Igypt ram sung in a rak hruai suak tikah, thla khat hnih sung ih thleng thei dingmi kum 40 a rei pi. Kum reipi an thinlung le an ruahnak pawl kha Amah Pathian pakhat lawng duhdawt rinsan dingah a taat rero ta. Tipi sen kap ah an taang lo, hmai ah an nor rero ih netabik ah Canaan ram an thleng.

3. Cana Mopuai

Cana khua ih mopuai thu khal ah cu thotho. Anu Mary in ka fapa an cabit ti a cem thleng sokhaw tiah a va sim tikah, Jesuh in, “Ka caan a kim hrih lo” a ti men. An bei a dong hnu lawngah Pathian thu an ngai ding ti a thei. Pathian thu an ngai lawngah a sunlawinak a lang thei. Curuangah, an beidong a hngakta a si kha. Amah rinsan kan thiam tikih caangvaitu a si. 

4. Lazarus

Jesuh san lai khal ah, amaih khual tlun ringringnak Marhtha, Mary, le Lazarus thu khal ah cu thotho a si. Lazarus a dam lo zet ti ih an va kawh tikah, a thihhnu nili ti hnu ah a ra a si. Asinan, Pathian hrangah tlai ti a um lo. Sullam nei lo in a tlai dah lo. Pathian sunlawinak mangbangza in mipi in an hmuh ih Pathian hnen ih an pan theinak dingah a si sawn ti kan hmu.

Curuangah, Isaiah 40:31 sungah,

30Mino pawl hman an baang dingih

                        Tlangval khal an tha cem in an sawn ding.                 

31Sikhalsehla Bawipa a rinsan tu cu

                        An tha a tlung saal ding.

                        Muvanlai vekin thlapharh in an zam ding.

                        An tlan khal le an tha a baang lo ding;

                        An feh rero khal le thacem in an sawn dah lo ding.

Pathian ih daan cu Amah kha thinsau te ih beidong lo te ih hngah thei hi a si. Cumi a thei lotu pawl cu an bei a dong lohli.

James 5:7-8

7Cuti a si ruangah u le nau pawl, kan Bawipa a ra kir sal hlan tiang thinsaute in um uh. Lothlo pa khi ruathnik uh! A lo in thlairawl man nei a suah hlanlo thinsaute in a hngak a si. Ṭoruah le fur ruah rat ding khi thinsau in a hngak. 8Cubangtuk in nannih khal thinsau in um uh. Nan ruahsannak cu khohter uh. Ziangah tile Bawipa a ra thlennak ni a nai zo.

A hngak thei lo pawl ih kekar sual daan

·      Dungthluntu pawl khal an rak kai ih an that

·      Bible lettu pawl khal an rak that: William Tyndale

·      Ram hruaitu tha zetzet pawl khal an rak that: Aung San,

·      Martin Luther King Jr. an that.

Ziangah ziaza thiang ka nei thei lo

Francis de Sales, 17^th Century ih thlaraulam pa cun, thianhlimnak nun ih kekar thei dingah, “thinsaunak, tangdornak, le daite (nuamte)” ih feh a tul. Cumi kan thiam lo ahcun, thlarau lam ah beidong le riahsia in lamlak ah kan taang ding. Kan thlarau lam dam lonak kha dam thei lo, luat thei nawn lomi vek ah kan ruat aw thei.

Christian ziaza, nun daan lam ah thanso kan tum tikah a har zetmi cu daan in kan neih zomi kan ziaza tha lo pawl an si. Cumi pawl hlon lo thei dingah, vei khat te ih hlon hlo a ngah lo. Pathian ih thu kha ngai sawn in, satan thu kan el kha kan tuah rero dingmi thu a si. A har zet ding. Tuih sun na neh khal le thaisunah tukforhnak a ra sal ding. Cu khal ah, Pathian thu ngai sawn in kekar kha thlacamnak thawn le rawlulhnak thawn tlaansan sinsin aw.

Nehnak a cotu pawl ih kekar daan cu an bah pang caan a um ding. An beidong lo in an ding sal thotho ih, an sungih nun tha lo nehnak Petu Pathian in nehnak i pe ding timi thawn hmai ah an feh.

Thintawinak cu thlaraulam thansonak ralpi

Thinsau te ih in tho in ding sal ih hmai kan feh lo cu, thlaraumi sinak lamzin ih a ralpi bik a si. A kumkum ih na sungih hram a tozomi pawl kha vei khat te in na hlon thei lo men ding. Mihrek khat nunnak ah vei khat te ih hlon thei khal an um ko. Asinan, mi tam sawn ih nunnak ahcun, nuam tete ih hlon le taansan khi a si sawn theu.

Pathian kha hramhram in kan hnek

Kan thin a sau lo tikah, Pathian in ka nunnak a tu rori ah thianhlim ter theh aw; zuu duh nawn lo nak i neih ter aw, khaini le kuak tu rori ah i lak sak aw tiah kan ti ciamco ih kan duh sal thotho tikah, Pathian in ziang hman a tuah thei vual lo tiah kan ti ciamco sal. Pathian kha hranhram in mangbangza tuah aw tiah thinsau lo zet in kan hnek ciamco theu. Kanmah in kum reipi kan nuncilhmi kha zaan khat ah thianfai ter kan duhmi cu a dikmi thlarau lam thansonak lamzin a si lo.

Nunau favon le thlarau lam thansonak

Thlarau lam thansonak taktak cu nunau fapawivek khi a si. Thinsau tein a naute thangso ding in a hngak ih a cawm a si. Zumtu cu Thlarau Thianglim naute a paitu kan si (Eph 1:13). Cuih, naute cun, kan thinlung, kan ruahnak, kan nunnak in luah khat tikah, lungawinak thawn kan khat. Ziangtin cuih naute cu kan thanso ter ding? Jesuh thawn kan pawlkom awk tam deuhdeuh ih, a lungput kha kan nunpi cihnak tikah, kanmah kah kan fate deuhdeuh dingih Jesuh sawn kha a tum deuhdeuh ding.

Thunetnak

Lei tisa daan ahcun ziang hmuahhmuah hi khulfung kan duh lo. Rang zet ih tuah le ti kan duh theh. Asinan, Pathian ih feh daan ahcun, nuam tete ih feh ih kan nunnak rem that hi a tumtahmi a si. Nun thianhlimnak le thlaraulam hlawhtlinnak na duh tikah, naupai vek in thinsau te in le beidong lo te in Pathian thu thawn cawm aw aw. Vei khat el men in, na tisa duhnak kha a hlo men lo ding. Pathian ih bomnak dil in na tluknak hmun ihsin tho awla, hmai ah feh aw. Pathian in i taansan dah lo ding. Ka tlaksamnak hmun ihsin Amah in i runhim ding. A kutcak a taanglai timi ruahsannak thawn a fehtu pawl cu Pathian in thazaang thar le nehnak a pek a si.

Isaiah 40:31 sungah,

30Mino pawl hman an baang dingih

                        Tlangval khal an tha cem in an sawn ding.                 

31Sikhalsehla Bawipa a rinsan tu cu

                        An tha a tlung saal ding.

                        Muvanlai vekin thlapharh in an zam ding.

                        An tlan khal le an tha a baang lo ding;

                        An feh rero khal le thacem in an sawn dah lo ding.

_____________________

San No Thuan

Nov. 13, 2015

Sermon at Pu Biak Kim Lian's residence

Frederick, MD 

Laizo Tlangkulh Pawlkom, North America hnenih Ka Thucah[1]

A tanglam ih thupawl hi Laizo Tlaangkulh Pawlkom, North America (LTPNA) hnen ih ka thusimmi a si.   

1.     Pathian hrangah ziang a thupi bik?

a.     Amah duhdawt le a thuthlun a thupi bik (Dan 8:3)

b.     Atu ah a thuthlun aw. Hmailam thluasuah ka don tikah Pathian thu ka thlun ding tivek lungput lungput nei tum hlah.

2.     Pitlingmi lungput?

a.     Khrih thawn a bang awmi lungput neih khi a si (Rom 8:29)

                                               i.     Tangdornak (Fili 2:5t)

                                             ii.     Midang bawmtu (Mark 10:45); Ciite bang in (Matt 5:13)

                                            iii.     Pathian duh lomi nun kha kham ngamtu (Matt 21:12t)

                                            iv.     Zumtu cu a nunnak ah zum lo tu hnak in damlamnak a nei ding. Culawng si lo in, amaih nunnak ah damlamnak a neih ih tlun ah, a umnak khal danglamnak a thlen ter hrimhrim ding.

3.     Mai miphun duhdawt hi a sual maw?

a.     Moses – ka minung pawl ih sualnak na ngaithiam lo ahcun vancungih ka hmin nganmi khal i phiat sak aw (Suah 32:32)

b.     Nehemiah – A miphun a duhdawt tuk ruangah, Syria siangpahrang sabitti petu bawi dinhmun in an ram ah a kir ih Jerusalem hau hruang pawl dintu le khua din saltu a si (Neh. 2:18).

c.     Jesuh Khrih amah hrimhrim khal Judah puan a sin, Judah puai ah a feh (Cana). Curuangah, Laizo puante sin le kan pupa hla le pupa pawl ih tuahmi puai pawl khi Pathian thangthatnak ah kan hman ahcun zumtu ih hrangah tel thianglo le hman thiang lo ti a um lo.

d.     Curuangah, mai miphun duhdawt khi a sualnak a um lo. Asinan, na miphun na duhdawt ruangah, midang miphun kha va hua pang hlah.

4.     Laizo mi hi Laizo tong neitu kan si.

a.     1945 ah mirang pawl in Laizo tong hi Lai tlaang ah zir ding thabik tiah an rak timi a si.

b.     Curuangah, Laizo timi hi Lai le Zo an kommi a si tiah an ti ciamcomi hi thuphan thu, khui thuanthu khal ih prove thei lomi a si. Mirang san lai ah, zohman in Lai le Zo ca an kom ciamco hnu ah ca an suahmi pakhat hman hmuh ding a um lo.

c.     Curuangah, Laizo tong ih uar aw, tong aw. Na fa le khal inn lam ah tong ter aw. Midang khal thiam ding in zirh tum sawn aw.

---

[1] San No Thuan

10/10-12/2014

Indianapolis ih ka thusimmi a si

The secret of living with joy and peace in every situation

by San No Thuan

Introduction:

When Paul writes the letter to Philippians, he encouraged them by saying, “Always be full of joy in the Lord. I say it again – rejoice!” At that time he was imprisoned in Rome but he was filled with joy and peace. The main reason why he could live with joy and peace at any time and any circumstances is because he know how to live. Then, what is the secret of living that Paul has learned. In other word, what is the difference between Paul and us?

Four differences of Paul from mere Christians

1. His Purpose: What is the purpose of life? Living is for Christ (Phil. 1:21)

·      Unbelievers: they try to magnify or live for themselves. It is natural for them to strive for money, popularity, power, pleasure, and prestige.

·      Our first priority and purpose of life is not for money, popularity, power, pleasure, and prestige.

·      Then, what is it?

o   Phil. 1:21 – “for to me, living means living for Christ”

o   The true purpose of human life is “to live for Christ.” In other word, the purpose of life is to bring glory to Christ.

o   Living for Christ” means to magnify or glorify only for Jesus Christ.

o   Are you living for God’s pleasure or your pleasure?

·      Can we magnify Christ in our lives?

o   A Telescope brings distant things like stars and moon to be closer to human beings.

o   Microscope makes tiny things look big.

o   Believers must be like telescope and microscope that brings others to see Jesus and believe in him.

·      For unbelievers, Jesus Christ is very small. Other things are far more important.

·      To this unbelieving world, the purpose of Christians must be to bring Jesus Christ closer and bigger to their lives. How can we do that. We can do that through our lifestyle or patter of our life.    

2. His Pattern (Phil 2:5)

·      What is the Pattern of your attitude or lifestyle?

·      Human life is developed by the examples of their environment that they see and experience every day.

·      “Have this attitude in yourselves which was also in Christ Jesus” (Phil. 2:5).

·      Pattern of Jesus:

1.     serving others with humility

2.     resisting every evil structure or ways of life out of love.

§  Cleansing the temple.

3. His Prize (Phil. 3:14)

·      “I press on toward the goal to win the prize for which God has called me heavenward in Christ Jesus” (Phi. 3:14)

·      the secret of success is to expect nothing form human beings but only from God alone.

·      Put your hope and expectation only from God.

·      Live not to please human beings but God alone.

·      Gal 1:10 - “Obviously, I'm not trying to win the approval of people, but of God. If pleasing people were my goal, I would not be Christ's servant”

4. Power (Phil. 4:13)

·      Phil. 4:13 I can do everything through him who gives me strength.

·      E.g. Jesus heals a lame man by a pool of Bethesda (John 5)

o   When there is the end of human power and ability to live like Jesus,  remember there is the power of God who can turn the water in wine.

o   “Stand up, pick up your mat, and walk” (Jon 5:8)

Conclusion

Paul’s secret of living with joy and peace in every situation can be learned in four Ps.  Those differences can give us a great impact in our daily life.

1.     For your purpose: is your purpose to serve the Lord instead of serving for your own pleasure?

2.     For your pattern of life: is your pattern of life to follow the likeness of Christ.

3.     For your prize: is your expectation of the prize for your hard work only from the Lord?

4.     For your power: is the power of God is your main energy and power?

_____________________

San No Thuan

Chin-Mizo Fellowship Sermon

Oct 26, 2014