Bansan uh si zawi ruh te ring sawn maw?

Bansan uh si zawi ruh te ring sawn maw? ka pu Hriang ih ka pu vawm ih ruh te ring sawn maw? ti hi

Kan Falam, kan laimi, mifim, mithiam kan maltuk lai thilti thei khal kan mal lai. kan tuah sun te cawimawiawk tawn thiam hi a duh um nasa, a ti thei lo nautat phahnak tel lo in. Kan ban san ding ih tha cu, "Zawi ruhte ring sawn maw ka Pu Hriang ih ka Pu Vom ih ruh te ring sawn maw ti hi" cu a tha lo nasa thih hnu ih ti tawk a si, zawngte hman in Pu Hriang le Pu Vawm an thih hnu ah si maw an ruh a khawn. Hi ti ih zo  ha thiamsawn ti ih tahnak dik lo khat lam nautatnak thawi kan tong tikah; pakhat le pa khat hminlang duhnak le lar duh nak ruangah midang hnatuan kan bawm thei nawn lo kan hmu tha thei nawn lo. Jesui sim dan cun a lo do lo tu cu na lam tang an si a ti. In do lo tu kan lamtang ka tuanpi an si ti in hmu thei seh la a duh um. Cu lo le kan fakmi pawl ih hnatuan theinak ding leh hnu hrangah dawn kham tu hmanah a cang thei a si. Cu vek cun Thikawk nak le doawknak a suah tir sawn. 

Kan Bible khalah hi vek ruangih thik thu siatnak thleng thahawk tumnak tiang kan hmu thei. Soul siangpahrang le David ih nun ah: David in ral Goliatha a neh veten a hmuaktu nunau pawlih an thangthat nak aw hi "Soul in a thawng a sawm in  a that, David in a thawng a za in a that" (1 samuel 18:7) tin an au tik ah Soul hrangah tuar a har Ralneh saktu Pathain thangthat sawn haiseh la cu zo hman an buai lo ding ka ti. Minung zo deuh ha thil ti thei ti hi Pathian khal a lung a rak awi lem lo ding ka ti thangthat tlak cu; tuan thei nak petu Pathian lawng hi a si sawn. 

Curuangah zo khal in kan mi phun le Bawipai hrangih kan hnatuannak ah tha pe aw le thu khatkai ih ke kar tlang theinak dingah fak le lawmawk thiam a tha. a mah lawngte kan ti lo ding ih tha cu Pakhat le pa khat cuai thlai ih zawi ruh te ring sawn maw? ti cu kan ban san kei uh.

Kan saruh beute khawn theu mipawl cu: A thu a dik maw ti lam hmuh tum lo in
1. O pawl maw? Aw pawl an cak? (Tancianak nei loin a dik tak hmuh tum a tha)
2. Bible let pawlah Zoha thiam bik? Zo ha thiam sawn? ti vek.
3. Chinland maw? Chinworld an cak sawn? ti vek.
4. Kohhran pawlah zawi pawl ha ti vek cak bik thil ti thei?.(Pathain ih din mi minung larnak ih hman tum tih a nung)
5.Zawi Bording School ha tha bik? cu te ai in cu te ti vek.
6 Evangelish ah zo a lar bik? ti vek lar duhah rualpi hman hmutha thei nawn lo ko kan cang tum.
7. Pu No Sun Maw? Nah Thang? (hehehehe Ne ta bik ih sa ruh beu te khawnmi)

Tahnak a tha zawng cu a um ko zuamawk nak tha khal a um ko a tling lo tling ding ih sawm, Mi thiam tam sinsin ding ih forhnak aw pawl. an tha nasa. a sinan ziang kan tuah ding khal le party feeling in kan thu tha hmuh ding in dawn hlah seh la zawi tuan mi khal a thatnak te ka hmuh awk pi thei ding tin ka ruahnak men ka run ngan. Tahnak tha lo bansan in Lung khat in hmai lam ah nawnr sin uh si.

Amos
Thipcang