San No Thuan
Thuhmaihruai
Minung ih kan nunsan cu Pathian in a maih sunlawinak hrangah
hman in duh. Pathian thluasuah hi ngah cu kan duh zet theu nan, Pathian hmanmi
si kan duh theu. Pathian in kan nunnak hmang in a duhdawtnak, thinsaunak,
mizaangfahnak le mi bom a duh tik ah kan siang aw theu lo. Thluasuah timi cu
Pathian in a hman theimi pawl parah Pathian in a retmi an si. Pathian ih hmanmi
si dingah a tulmi ziaza pawl hi ziang pawl an si?
1.
Nun
thianhlimnak (2 Tim. 2:21)
a. Pathian
in mi a hmanmi le thluasuah tinkim a pekmi pawl hi pumpak ih nun thianhlimnak a
neitu pawl an si.
b. Pathian
ih a hman zetmi pawl hi an pumpak nun ih sualnak kha Pathian hmaika ah nasa zet
ih sir awknak a neitu pawl an si.
c. Pathian
in ziangvek bel khal a hmang thei nan, a baalmi bel cu a hmang lo.
d. 2
Tim. 2:21
o
“Nun thianhlimnak na neih ahcun, Pathian in a
tumtahmi ah alo hmang ding. Na Bawipa hrangah thil tha tuah dingin na ready
ngah ding a si.”
2.
Pathian
thawn pawlkomawknak (John 15:1ff; Ps 119:9-11)
a. Nun
thianhlimnak nei ding ahcun:
b. Lo
thlomi pawl bang in pakhatnak ah, minung lam ih ti thei lomi van toruah le
nikhua a that a tul. A pahnihnak cu, van toruah khal tha zet khal sehla
thlaicii le dawm a pek lo ahcun zianghman a cang thei cuang lo.
c. Cuvek
thiamthiam in, zumtu in nun thianhlimnak kan neihnak dingah a pakhatnak cu:
Pathian ih in tuah sakmi kan theih a tul. Cumi cu, Satan sal sung in Pathian in
Khrih nunnak liam in in runsuak zo ih, a fanu le pa ah in tuah zo timi thu kan theih
a tul.
d. A
pahnihnak cu: Thlacamnak nun, Bible siarnak in na thinlung cawm aw, midang
thazaang pe dingah khawm uhsi.
3.
Thluasuah
siar thiam ringring in lungawi thu sim thiamnak (Fili 4:4-6)
a. Doctor
pawl in harhdamnak lak ih a thabikmi cu lungawinak thusim ringringtu pawl khi
an si tiah an ti.
b. Lungawi
thusim ding hawl sawn aw.
c. Lungawi
thu a sim ringringtu pawl cu Pathian an rinsan sinsin ih an bei a dong dah lo.
4.
Na
tumtahmi cu Pathian lungawinak tuah ding lawng si seh.
a. Tirh
13:36 – “David cu a san sungah Pathian duhmi lawng tuah in a nung.”
b. Pathian
ih duhmi maw Satan ih duhmi na thlun sawn ding.
c. Buainak
tla na tong ding ---- Satan in midang duhdawt lo ding in, hua ding in a lo forh
ding. Cuvek a lo ti tikah, Satan pa in ka nunnak Pathian ih duhmi tuah lo ding
in I tukforh timi kha thei ringring aw.
d. Satan
ih meisa alh termi kha va sem in va arh ter sin hlah.
e. Dungthluntu
pawl hi an fel tuk ruangah le an zumnak a cak tuk ruangah Jesuh in a hril a si
lo. A hril sannak cu Pathian duhmi lawng tuah ding ih pum a pe aw tu an sinak
ruangah a si.
f. Pathian
duhnak cu khui tawk ah kan hawl ding?
5.
Khrih
lawng zohthim aw.
a. Heb.
12:2; Rom 8:29
b. Pathian
duhnak cu Jesuh ih nunnak ah zoh aw la na hmu ding.
c. Na
kiangkap ah zoh dingmi pawl tampi an um ding.
d. Asinan,
Pathian ih a hmanmi pawl ih zohthim dingmi cu Khrih lawng a si.
Thunetnak
Minung hi leilung tlun ah Pathian
in nunnak thaw in peknak cu Amah Pathian aiawhtu dingah a si. Pathian in a tuah
duhmi pawl kha tuah dingah, a kut le ke ah hman in duh. Pathian in a hman
theimi pawl cu thluasuah a pe ve. A khaisang ve. Pathian ih mihmanmi si dingah
ziangvek ziaza lungput neih a tul?
1.
Nun thianhlimnak. Pathian cu a thianghlimmi a si
ruangah, a balmi cu hman a duh lo. Asinan, sual siar awknak thawn a hnen ah a
kirtu pawl cu a thianhlim ter ih a hmang sal. E.g. Jonah.
2.
Nun thianhlimnak nei dingah, Pathian thawn
pehzom awk ringirng a tul (John 15:1ff; Saam 119:9-11)
3.
Thluasuah siar in lungawi thu sim pawl.
4.
Pathian duhmi lawng tuah ding ih a tumtahmi
pawl.
5.
Pathian duhmi thei dingah, Jesuh nun lawng a
zohtu pawl an si.
No comments:
Post a Comment