Ph.D Degree Awarded!

I successfully graduated with Ph.D degree from the Lutheran Theological Seminary at Philadelphia on May 20th, 2014. The One Hundred Fiftieth commencement of the seminary was held at Trinity Lutheran Church, Lansdale, Pennsylvania. 

The title of my dissertation was "The Lotus and the Cross: A Buddhist - Christian Engagement for Promoting Human Dignity and Human Rights." My supervisor was Rev. Dr. Paul J. Rajashekar.Contemporary Theology was my Major field and Mission as my Minor. 

I thank God for his grace shown through the lives of many people. Thank you all for your love and support. 

Conferring Ph.D Award to Rev. San No Thuan by his Supervisor, Rev. J. Paul Rajashekar 

Left to Right: Rev. J. Paul Rajashekar (My Supervisor), Rev. Dr. Mark S. Hanson (Retired ELCA Bishop), San No Thuan (the man :)), Rev. Dr. Philip D.W. Krey (President), Rev. Dr. J. Jayankiran Sebastian (Dean of the Seminary)

Ph.D Graduates in 2014 

Left to Right: San No Thuan, Timothy Andrew Leitzke, Shirley S. Guider, Leah Delight Schade 

Marching into the Temple: Trinity Lutheran Church, Lansdale, Pennsylvania

Marching into the Temple: Trinity Lutheran Church, Lansdale, Pennsylvania

With my lovely Wife, Tha Tha

With Friends and Family 

May 20, 2014 ah Ph.D cu lungawi tein Pathian ih bomnak thawn ka theh suak thei zo a si. Ka lam tluan ah tha i rak petu, thla i cam saktu, i rak bawmtu le i ttanpitu nan zate parah ka lungawi zet timi lo sim ka duh. Nanmah um hlah sehla hih dinhmun ka ding thei hrimhrim lo ding.

Ti Thuknak Lamah

Luke 5:1-11

Thuhmaihruai

Luke 5:1-11 hi a thuhla um daan cu Peter le a rualpi pawl zaanvar te sur an vorh nan nga pakhat hman an kai ngah lo. Culai fangah Jesuh in thu a pek ih an tuah tikah, hlawhtlinnak tumpi an ngah timi thu a si. A tawi zawng cun, tlasammi nunnak in thluasuah comi nunnak ih ke a kartu pawl hnen ihsin kan zir dingmi nun thuk phun li in sim ka duh.

1.     An beidong mei lo. Beidong lo hi hmainor khi tithuknak a si.

a.     Zaanvaar te sur an vorh nan, an kai lo, sinan an sur an kholh rero ziangahtile sur vorh sal an tum ruangah a si.

b.     America kan ra thlen tikah, kan tthansonak dawn khamtu tampi a um.

                                      i.     An tong kan thiam lo.

                                    ii.     Hnatuan ngah a har.

                                   iii.     Fim thiamnak tampi zuam a tul.

c.     Thil ti theitu Jesuh kan nei lai: Sinan, beidong lo ih kan um a tul. Beidongnak cu ziangtin kan neh thei ding tile, milai lam ih kan thilti thei lomi ih leengah thil ti thei Jesuh Khrih kan nei lai timi hngilh hlah.

d.     Cun, Christian nun khal ah, Jesuh ih dung kan thlun tikah dunglet hoi in kan nun hlun ah kan feh pang theu. Cuvek khal ka sikpiat na beidong pang hlah.

e.     Beidong pawl, dungtolh zo pawl ih hnen ah Jesuh cu a feh ti kan hmuhmi a si. An fel tuk ruangah, an hnen ah a feh a si lo. A duhdawtnak le zaangfahnak thawn a khat ruangah an hnen ah a feh a si sawn.

f.      Fili. 4:13. Curuangah, Paul khal in keimah cahnak thawng in ziangkim ka ti thei a ti lo.  Khrih thawng in ziangkim ka ti thei a ti ringring.

g.     Jesuh in a lo taansan dah lo ziangahtile a thisen ih leizomi na si ih, a ta na si (Isai 49:15).

h.     Curuangah, na beidong mei hlah. Jesuh in a lo hnong lo. Hman a lo duh lai, thotho. Jonah 3:2. Jonah khal a tlaan hnu ah chance a pek ih feh sal aw a titu a si. 

2.     Jesuh ih thupekmi an thlun: cucu a thuknak a si. (Luke 5:4)

a.     A thuknak ah hei vorh aw tiah a ti. Peter hrang ahcun, hivek men ti ding khi a si.

b.     Jesuh thupekmi khi zianghman lomi vek bang hman sehla thlun ko aw.

c.     US kan ra thlen tikah zothim ding le cawn dingmi tampi a um.

                                      i.     Kum 21 kim cun zuu inn theih. Mirang le midum pawl cawn dingmi tampi an um.

                                    ii.     Tong tha lo lo khal cawm ol te.

d.     Cuvek cawn dingmi tampi ummi laifang ah Jesuh Khrih ih thu va ngai ih, Jesuh Khrih ih tuahmi ka tuah ve ding ti cu mi tampi hrangah a thupi lo tuk a bang. A out tuk a bang asinan thlun ko aw. Hi ram ah mi hlawhtling le thluasuakmi na si ding.

e.     “Jesuh sisehla hitin a tuah pei maw?” timi ruat ringring aw.

3.     Jesuh ih thupekmi cu ziang a si: thlarau hlo kaih ding? (Matt 28:18)

a.     Cuti ih a hei vorh termi cu nga kai dingah a si. Jesuh in um har phen men in sur hei vorh ding a timi a si lo.

b.     Khrihfami pawl ziangruagnah kan tthangso thei lo? Jesuh hnen ah hi nu/pa hi ka hruai dingmi a si ti ruat in kan nung lo.

c.     Laimi pawl ih mission hnatuan daan:

                                      i.     Keimah le ka feh thei lo khal le mission field ah paisa kan thawh ahcun ka paisa rak feh seh kan ti. Jesuh in na sumsaw na thlah ahcun a tawk a ti lo. 

                                    ii.     Mi hmuahhmuah ka dungthluntu va si ter uh (Matt. 28:18). Nangmah hrimhrim a lo tulmi na si.

d.     Na kiangkap hi Jesuh in a hnenah hruaitu dingah a lo thlahmi na si. Thu kan suh awk dingmi cu:

                                      i.     Na kiangkap kha Jesuh hnen ah hruaitu na si maw?

                                    ii.     Jesuh hnen ah hruai lo in, midang kha lampeng ih hruaitu na si sawn maw?

                                   iii.     Midang in nangmah kha lampeng ah an lo hruai sawn?

4.     Hlawhtlinnak an hmuh tikah, Thluasuah petu hnen ah an kir.   

a.     Peter cu nga pakhat hman ngah lomi nunnak in nga tampi a ngah tikah, zo ruangah hih ngah pawl hi kan ngah timi a thei ih Jesuh hnen ah a kir ih, “Bawipa ka sual tuk, ka hnen in tlaan aw tiah a ti.” Zaangfah tlak lo I zaangfah ih, thluasuah pek ding tlak lo pe thluasuah I pek ti ai a si.

b.     Lami pawl hi ramdang ah Pathian thluasuah in pek, kan ei dah lomi ti le rawl in ei ter ih, kan um thei lonak dinhmun ah in din ter. Himi pawl khi zo ruangah a si timi na ruat dah maw? Pathian ruangah a si timi na theih a si ahcun, Biakinn pan lo in na um thei lo ding. Thlacam lo le Bible siar lo in na um thei lo ding.

c.     Thluasuah na don tikah, nangmah te na lungawi ih na porh aw men maw? Thluasuah a lo petu hnen ah nangmah ruangah a si ti in na ti sawn maw?

d.     Peter in mi sual ka si ti in Jesuh hnen ah a feh tikah, “Milai kaitu ah ka lo hmang ding a ti.”

e.     Laimi in thluasuah kan don sin theinak dingah, thluasua in petu Pathian hnen ah kir in tangdor te le a thu ngaite in nung uh si.

Thunetnnak:

Jesuh in tlaksamnak in hlawhtlinnak a pekmi pawl cu:

1.     An beidong mei lo. Jesuh in in telpi ti an thei ringring.

2.     Jesuh ih thupek an thlun.

3.     Thlarau hlo/dungtolh pawl hruai duhnak an nei.

4.     Thluasuah an don tin tein Pathian hnen ah lungawi thu an sim ih, tangdor le Pathian thun te in an nung.

__________________

      San No Thuan

CBANA Khawmpi lai ih ka sermonmi a si.

May 25, 2014

Atlanta, MD

Canaan Nunau nu ih Zumnak

Matthai 14:21-28

Thuhmaihruai

            Lei tlun ah harnak le buainak tampi ka tong cio. Kan ngah duhmi ngah ding ih ke kan kar rero lai ah donkhawmtu tampi kan tong ding. Kan Pathian in zo pawl hi hlawhtlinnak a pek ih an saduhthah a kim ter? Ziangruangah Jesuh in “Naute pekmi rawl uico pek cu a dik lo a si” ti tiang in Canaan nunau nu kha a ti si pei? Jesuh in ziangah si pei, “Na zumnak cu a nasa a si” tiah Canaan nu kha a ti? Hi pawl hi kan zoh dingmi thu a si.

                       

Canaan nunau nu hrang ih donkhamtu pawl:

1.     A miphun sinak: Canaan mi a si (Gentile: Syro-phonesian)

2.     Nunau a si. Nunau zianghman siar lonak ram ih hmun ih um a si. Culak ih kamaang ding a si.

3.     Satan: a fanu ih sungah an luhhawh ih a fanu an siatsuah.

4.     Dungthlun pawl: Jesuh hnaihnok lo dingah dawi hlo ding in Jesuh an fial.

5.     Jesuh ih tongkam: nauhak rawl la tahrat in uico pek cu a dik lo a si.

Beidong ding le tih ding hlir a si. Asinan, ral tha zet in hmai ih a feh tikah, Jesuh in “na zumnak cu a maksak a si” tiah a ti. Ziangah a zumnak a fek a ti?

Zumnak fek timi ih ziaza cu:

·      Duhdawtnak:

22Cuih ramih a ummi Kanaan nunau pakhat in Jesuh hnenah a ra ih, “Maw David fapa, i zaangfah aw. Ka fanu cu khawsia in a polh ih vansaanglam in a um,” tiah a ra ṭahhnawh.

·      Beidong mei lo:  ziangvek harsatnak a um khal le baansan lo in ka hngah lai hlan lo timi lungput thawn hmai ah nor sin ruangah a si.  

·      Tangdornak:

27Nunau nu in, “Asi, bawipa, na timi cu a dikmi a si. Sikhalsehla bawi pawlih cabuai ihsin a tlami rawl ṭilfuan cu uico tla in an ei ṭheu ko a sisi!” tiah a let.

Midang Parih Na Lungput Thleng aw

Ziangruangah si pei Jesuh in Canaan nunau nu kha kha ti ih a biak? Ziangtin Jesuh in a rak biak?

1.     A veikhatnak tla cu a bia duh lo.

2.     Israel hrang ah ka ra tiah a ti.

3.     Naute rawl uico pek cu a dik lo ding.

Ziangah hivek pawl hi Jesuh in a ti si pei?

A phi cu kha lai san ih Judahmi pawl in midang miphun pawl parih an ruah daan le an um daan kha Jesuh in a lang termi a si. Cuvek daan sia zet in Judahmi pawl ih thlunmi daan in Jesuh in Canaan nu khal a bia aw ter. Asinan, a lang ter duhmi cu zianghman nan siar lomi nunau, Canaanmi, Pathian ih taansanmi tiah nan timi cu hi tluk in a zumnak a fek timi kha a lang ter duhnak a si. Curuangah Jesuh in hi thuanthu in in zirh duhmi cu:

1.     Midang cu kanmah hnak in Pathian an thei lo sawn.

2.     An piangthar lo sawn.

3.     An niam sawn tivek pawl

Cuvek lungput thawn midang va hmu lo ding in in zirhnak a si. Midang hnen ihsin zir ding tampi ka nei timi thei in midang hnen ah ziang ka zir pei timi lungput thawn mi va pawlkom ding hi Jesuh ih in zirh duhmi a si.

Thunetnak:

1.     Jesuh in Canaan nu kha na zumnak a fek tuk ual tiah a tinak cu:

a.     A fanu duhdawtnak thawn a khat. Midang duhdawtnak, zawnruahnak na nei maw?

b.     Ziangtluk in midang pawl in beidong ding in an tuah khal le Jesuh in a dam ter ko ding timi thawn Jesuh a pan.

c.     Tangdor te in Pathian hmaika le minung hmaika ah a um ringring.

2.     Hi thuanthu hmang in Jesuh ih in zirh duhmi a dang pakhat cu midang kha nangmah hnak ih niam sawn in va zoh hlah. Nanmah hnak in zumnak cak zetzet an rak si thei timi kha thei in an hnen in zir ding hawl ringring aw.

___________________

San No Thuan

Friday Zaan khawm (Nu Than Par) teih inn

May 16, 2014