Thinlung Nuamte le Hnangam (Contentment) ih Um Theinak ih Thuthup

Phil. 4:10-23

Thuhmaihruai

·      Ziangvek caan khal ah thinlung nuam te um ka thiam zo tiah Paul in a au.

·      Himi nun hi a ol hrimhrim lo. Pastor khal minung kan si. Riahsiat caan tampi kan nei.

·      Na nunnak hi Thermometer si lo in, Thermostat si sawn aw.

·      Thermostat le Thermometer hi an bang aw lo.

·      Thermometer: kiangkap a sat le a meter kai, dai le a meter tla

·      Thermostat: A meter in kiangkap a dai le cu sa ding in a tuah, kiangkap a sat le dai ding in a tuahtu khi a si.

·      Paul ih nunnak cu thermostat vek a si. A kiangkap thil cangmi in a nunnak an thleng ter lo ih, amah sawn in a kiangkap kha a thleng ter sawn.

·      Ziangtin a tuah si pei? A nunnak ah ziangvek thleng khal sehla, Jesuh Khrih ih pekmi Thlarau thazang thawng in lungawi le hnangam tein a um.

·      Cui thlarau thazaang a lakmi pawl cu ziang an si pe?

Thinlung nuam, thinhnangam or Contentment timi cu:

·      Thinlung nuam timi cu midang kha zianghman siar lo ih um a si lo.

o   Midang ih tul poimi kha bawm thei ding in zuam sawn khi nun diriamnak/thin nomnaknei pawl ih ke kar daan.

·      Thinlung nuam timi cu zianghman zuamnak um lo ih nun a si lo.

o   Zuam zet cing, buai zet cing in hnangamnak nei khi a si (Phil 4:11).

·      Hnangamnak timi cu mahte nun hlim zet um thei khi a si. Asinan, Khrihfa pawl ih kan nun diriamnak cu kan neihmi parah si lo in, Jesuh Khrih parah a si. Ziangkim nei, ziangkim thei le ti thei kan sungah a um, in umpi timi theinak parah a si.

·      Nun diriamnak timi cu Pathian ih kutcak le thatnak pawl hmu tam, thei tam, le tong tam pawl ih nun a si. Paul khal in cuih nun cu ka zir ngah zo a ti.

·      Paul ih a zir ngahmi, “Ziangtik lai khal ah Thinlung Nuam ih Nun ka thiam zo” a timi theinak cu:

1.     Pathian ih khuakhan ciammi a um timi parah a tthum aw (Rom 8:28)

a.     Filipi kawhhran cun zawnruahnak an nei tuk nan, bawm theinak caan tha an ngah lo (Fil. 4:11). Tulai ahcun, caan tha Pathian in in pe zet nan, zawnruahnak kan nei lo. Midang bom kan duh lo.

b.     Ka nun ka diriam a ti lo. Khrih in ka hrangah khua a khancianak parah ka lungawi a tinak a si. “Khrih thawn kan pehzom awknak parah ka lungawi ngaingai a ti (Fili. 4:11).

c.     The circumstances do not change Paul because he is content (sufficient) not in himself but in Christ’s providence (v. 11).

d.     Khua khang cia timi cu Pathian in kan hmailam kha tha bik in a hmu cia ih a tumtahmi kim thei ding in ziangkim a tuah tinak a si.

e.     Joseph in, “Pathian in nanmah hlan ah i rak kuat sungnak cu kan nunnak humhim dingah a si” (Seem 45:5).

f.      Abraham in, “Pathian cu Jehovah-Jereh” tiah a ti (Seem 22:14). Pathian in a fapa a dil tikah, Abraham cu a riah a sia zet ding. Asinan, Pathian in a tul asile i pe sal ding timi Pathian ih khuakhannak parah a thum-awk tikah “Jehovah Jereh” a sinak kha a hmu fiang.

g.     Curuangah, thinlung hnangamnak le thinnomnak ih hrampi cu Pathian in ka hrangah a thabik in khuakhan ciami a nei ringring timi zumnak a rami a si.

2.     Pathian ih kutcak lawng a rinsan (4:13).

a.     “Ziangkim ka ti thei” timi cu hngal tong a si. Asinan, “Khrih thawng in” “Pathian thawng in” kan dam, kan cak, kan ti thei timi cu Pathian ih kutcak kha sunlawinak le thangthatnak pek a si sawn.

b.     Paul ih kutken, “I can – through Christ!” “Khrih kutcak thawn in ziangkim ka tuah thei!” ti hi a si.

c.     Nangmaih felnak le thil ti theinak kha rinsan aw hlah. Cuhnak in, Pathian ih felnak le rintlak sinak kha rinsan sawn aw.

d.     Asinan, kan tuanvo cu Khrih thawn pehzomawk ringring ding lawng khi a si.  Cutikah, Rahpar tha le huham cahnak cu na sung in a luang mei ding (John. 15:5).

e.     Tuih sun teh Pathian thawn nan pehzom aw maw? Bible siarnak, thlacamnak le Pathian thu ngainak in nan pehzom aw maw?

f.      Mi in an lo tuah siat khal ah na cahnak in lehrul tum hlah. Pathian ih cahnak kha ring men aw (Rom 12:19)

3.     A thleng aw dah lomi Pathian ih thukamnak: pe aw, pek in na um ve ding (4:14-20)

a.     Paul in Philippian kawhhran pawl ih siang zet ih an pekmi parah lung thu a sim.

b.     Kei khal lungawi thu lo sim ka duh. Ka harsat lai caan ah in rak bawm zettu kawhhran cu nanmah lawng nan si.

c.     Filipi 4:17 – sungah, Paul in a sim bang in, nan laksawng cu in pekmi cu ka duhbikmi a si lo. A duh sawnmi cu duhdawtnak an neihmi lungput sawn khi a si.

d.     Kawhhran in sum le pai in in rak pe, asinan, Pathian in thlarau lam in a rak cohlang a si. Pathian nan duhdawt ruangah, a hnatuantu nan pekmi hi Pathian in nan parah le kawhhran parah, pe sal lo in a um dah lo ding (c. 17-18).

e.     Curuangah, Paul in ziangtin a ti? (cc. 18, 19)

                                               i.     Pathian hnatuantu ih tulsammi nan kim ter, curuangah, Pathian in nan tul sammi a lo kim ter ve ding tinak a si.

                                             ii.     Hudson Taylor cun, “Pathian in sunlawinak hrangah Pathian duhmi kan tuah a si ahcun, Pathian in nan tulmi pe sal lo in a um dah lo ding.”

Thunetnak

Ziangvek tikcu le caan khal ih thinlung hnangamnak a neitu pawl ih nun daan thuthup cu:

1.     Pathian in an hrangah khuakhan cia a nei timi an zum.

2.     Pathian ih kutcak ring in ziangkim ka ti thei ti an zum.

3.     Pathian kan duhdawt ruangah midang bawmhnak kan pekmi cu Pathian in pe sal lo in a um dah lo ti an zum.