Efesa 6:1-4
Vei khat ah, Billy Graham in nuhmei nu
ih thu, hi ti in thu a sim. Nufa te cu a pa in a tansan hnu ah anmah lawng an
si ih, a nu in ka fa hi fimnak thiamnak saang zir ko ka tuah ding a ti ih,
haangdum a tuah, ar a zua. Pakan kholh in paisa a hlawh. Cuti in a fapa te cu
University tiang a ret. Degree a lak tikah, a faate cu laksawng la ding a si.
Cun, cathiambik a pakhatnak a ngah ruangah, mipi hmai ih thusim theinak khal cu
an pek. Cu tawk degree laknak hmun ahcun, ka nu ra ve aw tiah a va sawm. A nu
in, “Kei mi-aa, hnipuan hman tthitha nei lo in ka ra duh lo ding” tiah a el.
Asinan, a faapa te in na neihmi te hru aw la, ra ko aw a ti tikah, a nu cu a
lungawi tuk ih a ra ve. Hmun sir te ah, a rualpi pawl ih nulepa,
milian thatha pawl ih kiang ah a to. A fapa cun, laksawng a lak ih thu a sim
theh tikah, a va feh ih, a nu cu sunloihnak an pekmi medal cu a va pek ih, a
degree ngahnak cazual khal a nu ih kut ah a va ap ih, a timi cu, “Ka nu
hi pawl hi nangmai ta an si. Nangmah ih ngahmi a si” tiah a va ti.
Hi tlangval pa te ih tuahmi cu duh a va nung ve ti uh law. A nu
kha, cathiam lo te asinan a zahpi lo. Cun, a nu ih tumtah sakmi lungthli tum
kha thleng ko a zuam. Cun, cui lungthlitum a thlen tik khal ah, himi hi ka nu
in, ka nauhak lai in arfa note bang in in khurhom ih ruangah hi dinhmun ka
thlen theinak a si ti a thei fiang a si.
Hi tlangval pa te ih tuahmi cu duh a va nung ve ti uh law. A nu
kha, cathiam lo te asinan a zahpi lo. Cun, a nu ih tumtah sakmi lungthli tum
kha thleng ko a zuam. Cun, cui lungthlitum a thlen tik khal ah, himi hi ka nu
in, ka nauhak lai in arfa note bang in in khurhom ih ruangah hi dinhmun ka
thlen theinak a si ti a thei fiang a si.
Nulepa
upat timi cu?
1.
Lungawi ter khi a si.
a.
Thufim 23:25 – “Na nu le na pa lungawiter
aw, Nangmah a lo hringtu na nu cu lungawi in um seh.”
2.
To think highly of them (giving
preferences = tihzah upat tlak ih ruat ih biak)
a.
Rom 12:10 – pakhat le pakhat tihzah
upatnak thawn pawlkom aw uh.
3.
Thungainak a si
a.
Thufim 23:22 – “A lo hringtu na pa ih thu
ngai aw; Amah um hlah sehla na seem lo ding. Na nu kha a tar tikah nautat
hlah.”
4.
Practical in duhdawtnak lang ter ding.
a.
Isai 29:13 – Lip service lawng si lo
ding.
5.
Midang hmai khal ah thangthat ding
a.
Thu 31:28-31 – a pasal le a faa le pawl
in an thangthat.
6.
Result:
a.
Suah 20:12; Daan 5:16 - Nun nuam le
sansau in na nung ding
b.
Thungai timi ah, Pathian tihzah lomi pawl
ih thu ngai a tul lo.
i. Herodias
in a fanu – Salome thu
Nulepa upat lo timi cu?
1.
Nu le pa kha an camsiat.
a.
Thufim 20:20 – “Na nu le na pa na camsiat
asile, Khawthim lakih mei-inn mit bangin na nunnak a cem ding.”
b.
Camsiat timi hi Hebrew tong cun, qalal
ti a si ih, a sullam cu “camsiat, zianghman ih siar lo, kawk, zawmtai” tinak a
si. Na nulepa kha zianghman ah na siar lo ih, na kawk, na zawmtai, tong sia kha
in na biak ahcun na fehnak lam a thim ding ih, thluasuah dong lo in na thi ding
tinak a si. Cuvek ih na rak tuah dah pang ahcun, na nulepa ih hnen le Pathian
hnen ah ngaithiam dil sal aw, mi thluasuak na si sal ding.
c.
Result:
i. Cuvek
ih na camsiat ahcun, a rah cu na nunnak a cem ding (Thufim 20:20)
ii. Thih
sia in na thi ding (Thufim 30:17)
Thunetnak
Fanu fim/fapa fim cun a nulepa an lung a awi zet. Na nu khal na
pa khal a lungawi a si ahcun, Pathian thluasuah dongtu mifim na si. Nu le pa hi
leitlun ih kan mithmuh theimi Pathian an si ti thei in nulepa a tihzahtu le a
cawmtu pawl ih hnen ih a thlengmi thluasuah cu, “Leitlun ah an lam a tluang ih an
san a sau ding a si” tiah Bible ca in thu in kam. Curuangah, fapa fim le fanu
fim cun, an nulepa an upat ih, an duhdawt. An thusim an ngai ih, an lungawinak
tuah sak ding an tum tah.
Daan
30:15-16
“Tuih sunah a ṭha le a sia, nunnak le thihnak
hril dingin nan hnenah ka lo pek a si. 16 Bawipa nan Pathian ih thukham, tuih
sunih ka lo pekmi hi nan thlun ih amah nan duhdawt, a thu nan ngai ih a daan
nan tuah a si ahcun nan ṭhangso
ding ih miphun tumzet ah nan cang ding. Bawipa nan Pathian in nan luah dingmi
ramah hin mal a lo sawm hai ding.”
No comments:
Post a Comment