Kutke Nei Lo Pa ih Thucah

Mizaan sunah TV ka zoh ih cu tawk ah ka mitthli tiang hal theh ko i tuah tu thu pakhat a ra. Cui TV sungah cun, tlangval pakhat a hmel mawi zet a um. Asinan, a suah in a kut le a ke a kim lomi a si. Cumi pa in tetti a khan ciamco ih thazaang ka ngah tuk lawmlam. A tetti khanmi pawl a tawi zawng in ka ngan duh. 

1. Nitin na nunnak ah lungawi thu sim thiamtu si aw. Kei cu kut le ke ka nei lo. Nan mah bang in feh khal ka feh thei lo. Kut le ke Pathian in a lo pekmi hi lungawi thu sim uh. Pathian in a lak ih a lo pekmi an si lo. Amai sunlawinak hrangah hmang ding in a lo pekmi a si. Na nunnak tla duh aw lo in na um pang maw? Diriam lo zet in na um pang maw? Kei hi a zoh hnik uhla, lei lung pum puluk ah, ka feh ih thu ka sim. Rang ka to, lawng ka to. Mi thazaang ka pe. Ka kut ke a kim lo nan, ka nunnak ah Pathian ih a tumtahmi a um ko ti ka thei ih, um men lo in, midang pawl Pathian ih thlawsuah siar an thiam ih lungawi thu sim thiamtu an si theinak dingah Pathian in i hmang zet. 

2. Kutke nei lo ka simi hnak in, thinlung ah Pathian rinsannak nei lo in tumtahnak a nei lo mi pawl khi zaang an fak sawn.