3.3. Na ruahsannak kim theinak ding ah midang hnak in Pathian parah bun sawn aw la, nan pawlkomawknak in Pathian lungawi ter aw.

Instead of fixing your hopes and dreams on another person, fix your hope on God and seek to please him through this relationship.

Thitumnak thu kan thlen tikah, Hollywood daan ih feh cu lam pengah ah in hruai sual sawn theu a si. Hollywood daan ahcun, a tthi awtu te pahnih in a thupi bik ih an simawkmi cu, “Nang cu ka nunnak ah a thupi bikmi na si. I fam kim ter. Ka lungthlitum ii kim ter tu na si” tiah an ti aw.

Asinan, Pathian ah hram a buntu zumtu cun, “Pathian cu ka nunnak ah a thupi bikmi a si. Pathian in ii bawm ding ih, ka minung sinak ih a tlin lomi duhdawtnak thawn ka lo duhdawt ding ih a hlanhnak in ka lo duhdawt ding” tiah an ti aw.
Jesuh Khrih ih nun daan kan zoh tikah, ziang tik hman ah kan lungawinak ding men in thil a tuah dah lo. Pathian ih lungawinak ding hrangah ziangkim a tuah sawn. Lei tlun ih tthitumnak tampi in an tumtah bikmi cu pakhat le khat lungawiawk ter ding hi a si. Asinan, Bawi Jesuh in a nun daan in zumtu pawl ih kan pawlkomnak le tthitumnak khal ih kan tumtah dingmi in zirhmi cu pakhat le khat kan pawlkomawk daan in Pathian lungawi ter sawn ding hi a si. A tlun ta thawn ziang a dang aw? A danawknak cu Pathian lungawi ter lo khal in milai cu pakhat le khat lungawi terawknak kan tuah thei. Asinan, cu vek duhawknak cun, rei a daih lo theu.
Caan tampi ah midang thawn kan pawlkomawknak ah buainak kan tong theu. Cu ti ih buainak kan ton tikah, midang ih sualnak le palhnak hawl hnak in, Pathian ih si ter in duhmi ziang a si tiah sut in hawl sawn ding kan si. Caan tampi ah, kan mah ih ttulnak le lungawinak (self-centered life) kha a thupibik ih kan ret ruangah buainak a suak sawn theumi a si. Zumtu cu Pathian in kan lungawinak hnak in Amah Pathian ih lungawinak hawl sawn ding kha in duh sak. Cui a lungawi zawng cu ziang a si ti sile, duhdawtnak thawn midang ih ttulnak kha thupi sawn ah re thiamtu si ding kha a si (Phil 2:4).
Ka duhnak kim ter dingah midang kha ka pawlkom lo ding timi lungput thawn kan nun ahcun, kan mah pumpak ah le midang thawn kan pawlkomawknak khal ah tthansonak tampi a thleng ding a si. Pathian lungawi ter dingah duhdawtnak thawn, midang ih ttulnak ka famkim ter ding ti in kan feh ahcun, a har zet ko ding nan, cui nun cun kan duh zetmi a thuk bikmi duhdawtnak le, a thlum zetmi pawlkomnak ah in hruai sawn ding a si.

Peh bet ding ..... ..... .....

3.2. Uar aw men hlah uh, Duhdawtnak sungah feh uh. (Instead of falling in love, walk in love)

Uarawknak silole, ngaiawknak, le duhdawtnak sung ih feh timi hi a bang aw lo. Uarawknak timi cu kut kai aw in, tlangleeng tlaang, mit le mit zoh aw in thinlung sung ih suai awknak khi a sawh deuh. Asinan, duhdawtnak sung ih feh timi cu Khrih ih in duhdawt daan ih duhawk khi a si. Khrih in ziang tin in duhdawt? Efe 5:1,2 ah, Khrih cun in duhdawt tuk ruangah a nunnak in pek tiah in sim. Curuangah Khrih ih duhdawtnak thawn pakhat le khat duhdawtawk timi cu midang tthatnak hrangah mai duhnak taanta in pumpek awknak khi a si.

Duhdawtnak sung ih feh timi sungah cun, midang ih ttulnak kha ngah ding an tlak lo zet lai ah, va tuah sak, le va pek khi a si. Cucu Pathian in kan par ih in tuah sak daan a si. Kan tlingtlak lo zet lai ah Pathian cun, kan ttulmi kha in pe ringring a si. Nun sim ttul khal le in sim, thluasuah pek a ttul khal le in pek. Sual ngaithiam kan ttul tik khal ah ngaithiam kan tlak lo zet cing khal in in ngaithiam. Asinan, Pathian in kan duhmi hnak in kan ttulmi in pe ringring sawn timi hi kan theih ringring a ttul. A caan ahcun, duhdawtnak taktak cun, kan tuar a har ding khal le a ttul ahcun, ral tha zet in a ttulmi cu in sim. Cui' duhdawtnak sungah cun, midang siatsuah duhnak, mi dang va uk duhnak le mi nahsuahnak a um lo.

Duhdawtnak sung ih a fehmi nunnnak cun, midang kha ttihzah upatnak a pek. Lei tlun ih kan nun sungah pakhat le pakhat upatawk thiamnak hi a thupi ngaingaimi a si. Upatawknak a um ruangah, pawlkom timi hi a um ih, rampi khal hi a ding. Upatawknak a um lo nak hmun ahcun, buainak, thu elawknak le daan nei lo ih kekarnak a tam. Curuangah, upatawk a thiammi miphun cu miphun pi khal an cang ih, an tha khal a cak. Upat awknak ti tik ah, kan ttong daan ah le, kan umtu daan khal in, midang kha cawisan thiam, hmun kian (usa) thiam, a thiltha tuahmi kha hmuh thiam, khi a si. A hlei in, Jesuh Khrih sung ah Pathian in a sinak a hmuh daan: Pathian ih fanu/pa ti ih, upat thiam khi a si.

A tawi zawng in kan sim ahcun, duhdawtnak sung ih feh timi cu midang ih duhnak kha mai duhnak hnak in a thupi sawn ih ret thiam khi a si. Mirang cun, "the Love that walks is an other-centered love."

Dal. 3.1. Khal na siar thei sal.
peh bet ding ..... ..... .....

3. A Hngetmi Duhdawtawk Daan Pathian Ih In Zirhmi Phun Li

*Eph 5:1,2 “1Nannih tla cu Pathian duhdawtmi fahniang nan si ruangah amah bangtuk si dingin zuam uh. 2Khrih in in duhdawt ih a nunnak kan hrangah a pek zo; cuih a pekmi a nunnak cu Pathian lungawitertu rimhmui pekmi le raithawinak ih pekmi a si. Curuangah nan nunnak cu duhdawtnak in lo uk seh.”

Hollywood Daan ih Duhdawtnak Hawl Daan 

1. Rual tha hawl aw (Find the right person).
2. Duh mei aw (Fall in love).
3. Na ruahsannak pawl a par ah thum aw (Fix your hopes and dreams on this person for your future fulfillment).
4. Nan remcaang lo le pakhatnak in thok aw (If failure occurs, repeat steps 1,2,3).
Pathian ih in zirh daan
1. Rual tha si aw (Become the right person).
2. Duhdawtnak sungah feh aw (Walk in love).
3. Na ruahsannak pawl Pathian hnenah ap aw (Fix your hope on God and seek to please him through htis relationship).
4. Nan remcaang lo le, pakhatnak in thok aw (If failure occurs, repeat steps 1,2,3).
A Hngetmi duhdawtnak Pathian Ih In In Zirh Daan Pali
Dal 3.1. Rual tha hawl ding hnak in rual tha cang sawn aw. (Eph 5:1).
Midang ih rual tha ah va cang timi cu ziang a si tile, Pathian ih in duhdawt daan bang in midang va duhdawt le pawlkom khi a si. Cui’ nun cu Pathian hnen ihsin kan ngahmi duhdawtnak a si ruangah, Pathian ih nun daan a thluntu kan sinak a si. Pathian ih nun daan cu ziangvek a si? Ziangvek caan lai khal ah nun nemte in in bia ih, kan hrangah thatnak tuah ding a baang dah lo tu a si. Kan sualnak vek in thu in then siang lo tu a si ih, kan sinak vek in in cohlang ih kan sual in ngai thiamtu a si. Cuvek ih kan nun tikah ah Pathian ih nun daan a thluntu kan si.

Curuangah Efesa 4:32 sungah, Pathian in Khrih sung in a lo ngaithiam bang in pakhat le khat tlun ah duhdawt zaangfahnak nei uh la, nan sualnak ngai thiam aw uh tiah in ti. Cuti ih Pathian in in duhdawtnak, a thatnak le kan lam ih a ttannak cu Amai par ih kan that ruangah a si lo. Asinak hrimhrim a si. Rom 8:32 sungah, “Fapa hman ui lo ih in pe siangtu cun, thil dang hmuahhmuah khal kan hrang ah siang lo in a um ding maw?” tiah a um. Jesuh in a nunnak kan hrang ih pek tiang in duhdawtnak cu Amah kan duhdawt ruangah in duh a si lo. A hram thok in in duhdawt hmaisa sawn ruangah a si (1 John 4:19).

Pathian ih in duhdawt vek ih mi va duhdawt thei dingah milai thazaang le thinlung in a tlin thei lo. Amah Pathian ih duhdawtnak bang tuk duhdawtnak cu kan nunnak hrimhrim ah kan teh ih, sual ngaidam kan sinak pawl kan nun in a teh ngah hnu lawngah, midang par khal ah kan nunnak sung in a luang liam thei ding a si. Pathian cun Khrih sungah in ret ih, a sunglawi bik, a mankhung bik, a cem thei lomi a duhdawtnak cotu ah in tuah ih in cohlang a si. Khrih sung ah Pathian ih a lo hmuh daan, na sinak (identity) hi na theih awk ta hlan ahcun, midang hnen in duhdawtnak, porh le lom na hawl tum ringring ding ih, nan pawlkomawknak a hlawhtling thei lo ding.

Pathian ih in duhdawt daan le in pawlkom daan kan zoh tikah, rual ttha ding tlak pawl kha hawl aw timi hi a dik lomi a si. Cuhnak in, midang thawn hnget zet ih pawlkomawk theinak ding hrangah a thupi bikmi cu “Nangmah kha an rual tha ah va cang hmaisa sawn aw” timi a si.

Dal khatnak le Dal Hnihnak khal siar sal bet theih an si.

Dal Linak peh bet ding .......... ........... ............

Pathian Ka Duhdawt Timi Cu!

Pathian, ka duhdawt timi cu "Pathian ih a duhdawtmi a tuu pawl va cawm, va kilkhawi" khi a si. John 21:15-17 tiang kan zoh tikah, Jesuh le Peter ih biakawknak thu kan hmu thei. Jesuh in a thawhsal hnu veithum a langhnak ah dungtolh sal in a umtu Peter le a rualpi pawl hnen ah a lang. Cu tawk ah Peter kha Jesuh in, a thusuh bang veithum a sut. "Peter, hi thil hmuahhmuah hnak in i duhdawt sawn maw?" tiah a sut. Peter in, ka lo duhdawt ti na thei, Bawipa tiah a ti. Cutikah, asile, "Ka tuu pawl va cawm maw" tiah a ti. Vei hnihnak khal le cu thotho a sut. Ka lo duhdawt a ti sal lala tikah, "Ka tuu pawl va kilkhawi aw" tiah a ti lala. Veithum tiang a sut ih, a fialmi cu "Ka tuu pawl va cawm maw, va kilkhawi aw" timi lawnglawng a si. Curuangah Pathian kan duhdawt kan ti asile, Bawipa ih in fialmi cu a tuu cawm ding hi a si. Asile, zo pawl si Bawipai' tuu pawl cu? Ziangti in kan cawm ding?

Saam 23:1 sungah David in Bawipa cu tuukhal bang in i khaaltu a si tiah a ti. Cui' Bible cu kan siar tikah, kan nih khal Pathian ih tuu kan si ih, in khaaltu cu Bawipa a si tiah kan ti. Bawipai' khalhmi kan zate in Bawipai' tuu hlir kan si.

Ziangti in Pathian ih tuu pawl kan cawm ding? Kan khal ding? Tuukhal in ziang a tuah timi hi kan zoh hnik pei. A pakhatnak ah a tuu pawl kha a duhdawt (love). A pahnihnak ah a tuu pawl ih tuarnak le aihramnak pawl kha a ngai (listen). A pathumnak ah, a tuu pawl kha a zohkhen (lookafter). An dam lonak pawl a va tuam hlawm. A palinak ah, rawl thami, le a himdammi buk ah feh pi dingah, hmailam in a hruai (lead). An ral pawl kut sung in hum ding ah, hmaiah a suak ih, ral thazet in a do. Pathian khal in kan nunnak hi cu bang tuk in in kilkhawi a si. Kan taksa, thinlung, le thlarau dam cak zet ih um dingah, niti'n lam in hruai a si. In duhdawt ih a nunnak tiang kan hrangah a liam. Kan thlacammi in ngai ih thluasuah in pe. Kan thin bang tik le kan riahsiat caan kip ah Amah cu kan kiangnai ah um in, kan rual tha bik ah a cang. Kan fehnak kip ah a mah cu in hruaitu a si ih, kan fehnak kip ah lamzin ding ih feh thei dingah, kan hmailam in in hruai. Amah zoh lo ih kan pial caan hman ah in ko sal ih lamzin dingah in feh ter sal. Kan sualnak in ngaithiam ih, a mai' lam ah in hruai kir sal. Curuangah, midang ih nun kha kan va cawm, kilkhawi tikah, thil dang ruangah silo in, Pathian kan duhdawt ruangah a thupek a simi "Ka tuu pawl cawm aw, kilkhawi aw" tiah in timi kha kan va tuah dingmi a si.

Tuukhal pahnih ih thinlungput lang ter ka duh. Samaria mitha pa ih thuanthu kan zoh ta pei. Jerusalem in Jericho khua lam ah a fehmi pa kha misual pawl in an thawi ih lam kap ah a taan ta. Cumi cu Levimi (an deacon) le, puithiam (pastor) pa khan an hmuh tikah, an timi cu "Ee, kan vun bom a sile, mithiang nawn lo ah kan cang ding ih, Biak inn lam ih hnatuan lai ding le kan si fawn ih, a cang thei lo" tiah an tiih an taansan ta. A tawizawng in an thinlungput kan ngan a sile, "Ka vun bom ta le, ziang ka cang ding?" timi an ruat. Asinan, Samaria mitha pa in a vun hmuh ve tikah, a khual tlawn ding lam a hla ko nan, "Ka vun bom ta lo le ziang a cang ding?" timi a vun ruah tikah, bawmta lo in a um thei lo. Cui' Samaria mitha pa kha Jesuh in a thangthat ih a mah bang in va tuah ve uh tiah in ti.

Kan thu a tawizawng in kan khai khawm a sile:

1. Pathian ka lo duhdawt tiah kan ti a si ahcun, a tuu pawl cawm ding kan si.
2. Pathian ih tuu pawl cu a kilkhawimi kan zate in kan si. Midang nun va cawm le kilkhawi cu Pathian kan duhdawtnak a langhnak a si.
3. Ziangti in kan kil khawi ding? "L" pali asimi: "Love, Listen, Lookafter, Lead" ti in kan hruai ding.
4. Pathian ih tuurual kan kilkhawi tikah Jesuh ih in neih termi lungput cu: Ka va bom asile, ziang ka cang ding timi silo in, ka va bom lo le, ziang a cang ding timi sawn hi a si.

Ninghan Riahsiat Caan Ah Khuiah Pathian a um?

By San No Thuan

Dung 7:55,56
“Vancung kha a hun zoh tikah Pathian sunlawinak le Pathian vorhlamih a dingmi Jesuh kha a hun hmu. Cutikah, ‘Zohhnik uh! Van a ong aw ih Pahtian vorhlamah Milai Fapa a ding ka hmu!’ tiah a ti.”

Thuhmai hruai:
Kum no zetzet in, kan thih caan a cut hlaan ih minung pawl kan thih hi Pathian ih a duhmi a si pei maw? Natnak a phunphun tuar in kan thih hi Pathian ih a duhmi a si pei maw tihi thu ka ruat zet. Hivek in kan tuar lai ah teh Pathian hi ziang a tuah si pei?

John 10:10 sung ih kan zoh tikah, “Kei cu nunnak nan neih ih duhdim nunnak nan neih theinak ding ah ka ra” a ti. Kan nunnak ah lungawi hnangam te ih um ding, dam cak zet ih um ding in duhsaktu a si. Curuangah, Pathian in a caan kim lo pi ih kan nat le kan thih hi a duhmi a si lo ti a fiang. Kan duhdawt zetmi hi kan siang lo cing in le a caan kim lo pi in Pathian kan hnen in ziang mumal khal ruat lo in laksak a si lo. Rom 8:28 sung kan zoh tik khal ah kan par ih thil a thlengmi zate in Pathian ih duhmi an si tiah a ti lo. Kan par ah ziang bang tuk thil khal thleng khal sehla, in duhdawt biktu kan Pathian in kan thatnak ding hrangah in tuah sak sal timi hi a sim duhmi a si. 

Asile, ziang ah natnak le thihnak cu kan tong? Leilung tlun cu famkim lonak ram a si. Famkim lonak ram ih a nungmi pawl cun, riahsiatnak, zatlaknak, natnak le thihnak kan ton dingmi hrimhrim a si. Cutivek ih kan riahsiat le kan thin a har caan ah, kan mah te tuartu kan si lo ding a thupi. Asile, khui tawk ah kan biakmi Pathian a um? Amah cu zo a si?

1. Kan biakmi Pathian ih hmin cu Immanuel Pathian a si (Mtt 1:23).
Amah cu kan hnen ah a kumkhua in in umpi ringringtu Pahtian a si. “Ka lo tlansan lo ding, ka lo hnong lo ding” tiah thu in kamtu Pathian a si (Heb 13:5). Kan tuarnak in theihpi tu a si. Israel mi pawl Egypt ram ih an tuar tuk tikah, Pathian an ko. Curuangah, Pathian in ka mi Israelmi pawl ih tuarnak le aihram aw ka thei a si tiah a ti. “Ex. 3:9 The cry of the Israelites has now come to me; I have also seen how the Egyptians oppress them. Pathian in kan tuarmi a thei ringring a si.” Curuangah, “ttih hlah uh” tiah vancungmi cun, Christmas caan in simmi cu a si.

2. Kan nunnak famkim ter dingah, “Khrih bang sin dingah,” Pathian in hna a tuan rero a si (1Pet 5:10).
Pathian in harsatnak tong lo dingah zumtu pawl thu in kam lo. In buai pitu harsatnak pawl hmuahhmuah khal neh in, Khrih a bang sinsinmi kan si theinak dingah hna a tuan rero a si. Na feeling par ah na zumnak kha bun hlah aw. Pathian ih thukam par sawn ah na zumnak kha bun sawn aw. Cui Pahtian thukam cu, “Cule caan malte sung nan tuar hnuah zaangfahnak in a khatmi Khrih thawn nan pehzom awk ruangah amah thawn kumkhua sunlawinak hlawm aw dingih a lo kotu Pathian Amah rori in a lo famkimter ding ih hngetkhohnak le thazaang cahnak a lo pe ding” (1Pet 5:10). A lo famkim ter sal ding tiah thu in kam a si. Thinglamtah a um ahcun, thawhsalnak timi cu a um ringring ding a si. Tuarnak a um tikah, Pathian in cui tuarnak pawl neh in thawhsal theinak in pe ding a si.

Asinan, lei tlun cu kan zate in a laangte sunglawng a hmunmi kan si. Everything is temporary. Bawi Jesuh ih a dam termi pawl khal an thi sal thotho. A dungthluntu rori pawl khal a thi thotho. Cu ti ih kan thih tikah teh Pathian cu khui ah a um?

3. Vancung saangka ong in in hmuak (Acts 7:55, 56).
Stephen kha Bawi Jesuh cu Pathian fapa taktak asinak thu pawl a sim ciamco tikah, Judahmi pawl cu an thin a heng tuk ih thah ding in a tum. Cu tikah, Stephen cun, “Vancung kha a hun zoh tikah Pathian sunlawinak le Pathian vorhlamih a dingmi Jesuh kha a hun hmu. Cutikah, ‘Zohhnik uh! Van a ong aw ih Pahtian vorhlamah Milai Fapa a ding ka hmu!’ tiah a ti.” Zumtu pawl kan thih tikah, thihnak cu kan netnak a si lo. Vancung sangka ong in kan Bawipa in in hmuak a si ti zumtu a fehcia zo pawl in fiang te in an hmu a si.

Thunetnak
Kan riahsiat le mitthli tlak caan ah kan Pathian cu khui tawk ah a um?

1. Kan hnen ah in um pi. Kan tuarnak khal in theihpi a si.
2. In buaipi tu pawl neh in in famkim ter sal in Khrih a bangmi lungput le nunnak kan neih sinnak ding hrangah hna a tuan rero a si.
3. Lei tlun kan nunnak a cem tikah, vancung saangka ong in in hmuak a si.

Avei 44nak US President Barak H. Obama Pumapnak

Tui sun cu zing ka thawh ve in a vei 44th nak US President Obama ih President thukam a tuahnak le Pathian hnen ih apawknak zoh ding in kan Sayakyi President Phillip Krey in tlawngta zate in in sawm ih kan tlawng hall khanpi sungah ah kan zoh.

Minung tampi ah lungawinak mithli a luang. Ahleice in midum pawl cu, hi ram ah sal ih rak kaih dahmi le mi ih zomtaih nautatmi an rak si. Atu ah, midum fapa pakhat in a hmaisabik President a ngah tikah, an thinlungah thu a phunphun a suak. Mihrek khat in, miluatmi taktak kan sinak a langnak a si tiah an ti. Mihrek in, United State ahcun, a zuamtu kip in a zuam bang in bangraan zet te in thanso theinak a nei thei a si ti a tak in a lang tiah an ti. Asinan, a hrek cun, bangraanmi kan sinak hi a thoknak lawng a si lai. Tampi thleidanawknak a um lai tiah an ti ve. Ziang khal a sil e, tuisun cu U.S thuanthu sung ih a um dah lomi midum President hmaisabik apnak a si ih, mipi pawl ih lungawi daan le, lompi daan khal a nasabik tiah thuthang thantu pawl in an sim.

Obama in apawknak ih a thusimmi sung in ka duhmi hrekkhat a tawi zawng in ka ngan ding:

1. Harsat lai caan ah ttihnak ai ah ruahsannak, remawk lonak ai ah tumtahnak zoh ih lungrualnak kan hril ringring a tul.
2. Kan tesin fa pawl tiang ih kan sim dingmi cu: Pathian in zokhal bangraan te'n in sersiam, zalennak in pek, zokhal an mai saduhthah kim theinak thu an nei timi hi a si.
3. Ram maksakmi kan si theinak ding ah, maksaknak (greatness) cu kan neihmi a si lo. Ngah ding ih kan zuam dingmi a si.
4. Tui sun ih kan suhawk dingmi thu cu kan hruaiawknak (cozah) hi a tum maw, a fate timi a si lo. Cuhnak in, kan mipi pawl thangso ih an um theinak dingah kan hruaiawknak in hna a tuan maw timi sawn a si.
5. Kan ram hrangih a tuantu pawl tihzah upat tlak an sinak cu kan zalennak kilkhawitu lawng an si lo, an mai' hrang hnak ih midang rian ding kha thupi sawn ih a retu an si ruangah ah a si.

"Rintlak zet in US ram ka uk theinak ding hrangah Pathian i bawm hram aw" tiah thukamnak a tuah laifang a si.

A kut kehlam hi a nupi Michelle in President Lincoln ih thutiamkamnak a rak tuahlai ih a hmanmi Bible a kensakmi par ah a suang. A vorhlam kut a tung ih thutiamnak a tuah. President Lincoln ih tuahmi bang in thil dang tete khal a tuah. Ka umnak Philadelphia ah US rampi zalennak an ngahnak hminsinnak darkhing a um ih, cumi a zoh theh hnu in Lincoln cu tlaangleeng to in Washington a rak feh bang in Obama khal ka umnak khua Philadelphia ah a ra ta ih, tlaangleeng in Washington ah a feh ve. Ziang ruagnah si pei?

A thupi bik cu President Lincoln cu US ram ah sal timi um nawn lo ding ih a rak dodal ruang ih thah a rak tuartu President a si ruangah, upatnak a peknak a si. Cui' tlunah, Lincoln ih thinlung bang in a ral kha rualpi ah tuah ih nehnak latu le, zuamnak le midang riannak in mi a hruaitu President si a tum ruangah a si.

President Bawmtu Mr. Joe Biden thawn

Washington D.C ih a fehtu mipi pawl













Apawknak ih thu a sim laifang













President Lincoln hngilh lonak innpi hmai ah thu a sim.












Apawknak an theh hnu ah, White House ah an fehpi lai.

Dr. Martin Luther King Jr. Ih Thuanthu Tawi

January thla ih zarh thumnak tlawngkai ni khat ni hi Martin Luther King Jr. (1929 – 1968) kha America rampi in upat sunloihnak an pekni a si. Curuangah, Dr. King ih thuhla hrek khat te le a ttongmi kam khat hnih te amah sunloihnak ding hrangah ngan ka duh. Prineton Theological Seminary ah 2004 ah khan, Dr. King ih Theological Ethics timi kan zir ih cumi ihsin, a lungput le a nun daan hi ka nunnak ih ka zoh tthimmi le ka thuruahnak ii silhkhuhtu bik pakhat a si.

Dr. King hi January 15, 1929 ah Atlanta Georgia ah a suak. A pu hi 1914 in 1931 tiang Atlanta ih Ebenezer Baptist Church ah pastor tuanmi a si. A pu thehhnu ah a pa in pastor a run tuan ih Martin Luther King a thihnu reipi tiang a run tuan. 1960 in Dr. King khal hi EBC Church thiamthiam ah a pa bawmtu ah co-pastor a tuan ih a thihni tiang a tuan. 1948 ah Morehouse College in B.A a ngah. 1951 ah Crozer Theological Seminary, Pennsylvania in B.D a ngah. 1955 ah Boston University in Ph.D a ngah. Boston ih tlawng a kainak ah fala mawi zet le fim zetmi Coretta Scott thawn an tong aw ih an tthi aw. Fapa pahnih le fanu pahnih an nei.

1954 ah, Dexter Avenue Baptist Church, Montgomery, Alabama ah pastor a tuan. Pastor a tuan phah ah, midum pawl tthanso theinak rampi huap pawlkom tiah timi National Association for the Advancement of Colored People (NAACP) ah hruaitu E.C sungtel sungah a tel ve. 1955 ah Negro pawl in midum le mirang thlei daannak ummi hi hriamnam hmang lo in lamzin ah kan duh lonak kan lang ter ding tiah an ti tikah, Dr. King cu hruaitu ding ah zaangfah an dil. A rak el zet nan, nangmai’ in hruai lo ahcun tiah an ti tikah a rak cohlang.

Bus sungah midum pawl cu dunglam ah, mirang pawl cu hmai lam ah, mirang an rat le midum pawl in tonak nan kian ding ti pawl ih thleidannak ummi kha an duh lo ruangah, midum hmuahhmuah bus hrimhrim nan to lo pei tiah thu an suah. Bus zo hman to lo rori in midum pawl khal lungrual zet in ni 382 sung an um. Bus a totu tam bik cu midum pawl an si theu ruangah, bus tampi cu totu an um nawn lo ih bus tampi an cawl. Curuangah, December 21, 1956 ah Supreme Court rori in, midum le mirang bus sungah thlei dannak a um nawn lo pei tiah thu an relcat ih an than.

Cu ti ih, midum pawl in lamzin ah a rual a rual in an feh ih midum le mirang thlei dannak an do laifang ah, Dr. King cu thlawngthlak a tuar. Casia a phunphun kuat a tuar. Zaan laifang khal ah phone in an ko ih, “Negro pa, na thil tuahmi na colh lo ahcun, nangmah le na innsang zate in hmai zarh sungah kan lo that ding” tiah an hro. Culai ah, Dr. King ih a timi cu, “Ka ttih tuknak ah ka tthia thluah thlo. Ka nufa le pawl cu ziang thei lo in ihhmu thaw zet in an it that. Cui’ lai caan ahcun, ka zirmi theology thuk zetzet pawl in hnangamnak in pe thei lo. Hnangamnak cu ka pi ih ii rak sim theumi ‘Pathian cu na kiangnai ah minung bang in a lo umpi ringring sokhaw’ tiah ii timi minung bang in ii umpi tu Pathian timi te cun, ka hna ii ngam ter” a ti. Cu ti ih ka ttihtuk lai ah thla ka cam ih, Pathian ih ii umpi zia ka tep ngah a ti. Mipa khat in hi ti in thu ii sim vek in ka thei, “Dingfelnak le thutak hrang ding aw. Pathian cu a kumkhua in na lam ah a ttang ding” tiah ka hna thlam ah ka thei a ti. Zaan thum hnu ah, an sungte in an sung khat te ih inn ah an riah lai ah, a inn cu bomb in an puah sak. Asinan, thil dik lo hmuahhmuah do ding ah hmai ah ka feh thotho ding a ti ih, Negro pawl hruai in a feh thotho.

1957 ah civil rights cangvaihnak caksin dingah tiah tuahmi pawlkom, Southern Christian Leadership Conference (SCLC) ah president ah an hril. Hi pawl kom in an do betmi cu midum pawl rampi hril awknak khal ah bangraan te’n vote tuah thei ding in an nor pi. A thuruah daan le a ttannak hrampi cu Christian zumnak ah a bun ih, an sandahpiah daan cu Gandhi feh daan a zoh tthim. Kum hlei khat sung, 1957 in 1968 tiang midum pawl a hruainak ah, peng ting sawmruk khual a tlawng, vei thawngkul hluannga thu a sim. Khua kip ih a feh tikah, ‘kan khua lam ah ziang na ra tuah, kir aw’ tiah an rak ti tikah, “Thleidannak le diklonak um hlah sehla ka ra lo ding” tiah a sawn.

Cutluk ih a hnatuan a tam lai ah, ca-uk panga a ngan man lai h, cahram ti cawk lo a ngan man thotho. A thusimmi lak ih a hmin thang bikmi cu “I have Dream,” “Sunmang Ka Nei” timi a si. Cumi sung ih a sunmang a tawi zawng cu, “Ka fale pali hi nikhat ni ahcun, an taksa rong (color) ruangah silo in, an nuncan ziaza par ih zir in thu a tthentu ram ah an tlangleeng leh ding ti hi ka sunmang a si” tiah a ti. Mirang in, “I have a dream that my four little children will one day live in a nation where they will not be judged by the color of their skin, but by the content of their character.”

Vei kul thawng thlak a tuar ih veili hnak ih mal lo thawi le vuak a tuar. Upat sunloihnak degree panga a co ih, 1963 ah Time magazin in “Kum Khat Sungih Milangsaarbik” ah a hril. A kum 35 ah, Noble Peace laksawng a ngah. Noble Peace Prize ngahtu lakah mino bik a si. A laksawng ngahmi $ 54,123 cu civil rights cangvaihnak ih hman ding ah a hlu. April 4, 1968 ah Memphis, Tennessee ih riahbuk motel pakhat ih a um lai ah, an rualpi hrek khat thawn an veranda ih an din laifang ah, a mah a huatu pawl ih mithal in a nunnak a liam ta. A tongmi hrek khat:

1. Thimnak cu thimnak in a dawi hlo thei lo; tleunak lawng in a ti thei. Huatnak cu huatnak in a dawi hlo thei lo; duhdawtnak lawng in a ti thei.
2. Zokhal in duhdawtnak khuatleu sungah ka feh ding maw, mai hrang lawng ruatmi siatralnak khuathim sungah ka feh ding timi a hril tul.
3. Mi pakhat in hih thu cu ka nunnak liam in kan ttanpi ding timi thu pakhat khat tal a hmuh hrih lo ahcun, a nun daan man a nei hrih lo.
4. Minung nunnak ah ziang tluk a nun a sau tihnak in ziangtluk man nei zet in a nung timi hi a thupi sawn.
5. Mi pakhat ih man taktak cu nun nom lai ah khui ah a ding timi ah a si lo. Thubuai a um caan le dotu an um caan ah khui tawkah a ding timi ah a tthum aw sawn.
6. Hitler khal in Germany ram ih a tuahmi kip khi an ram daan thawn a mil aw (legal) lomi a um lo ti hngilh hlah.
   
7. Thil thupimi par ah daite ih kan um men ni ihsin, kan nunnak cu cem hram a thawk.
8. Mi hmuahhmuah in an hmin a thang thei lo men ding. Asinan, mi hmuahhmuah cu mimaksak an si thei. Ziangah tile, maksaknak (greatness) timi cu midang hrangah ziang tluk in a nung (service) timi parah a tthum aw a si.
   
9. A ttongmi dang pawl siar paihtu pawl hrangah: http://www.brainyquote.com/quotes/quotes/m/martinluth109228.html
   

2. A Hngetmi Duhdawtnak Hawl Daan Phun Hnih

Tulai kan san ah a hmunmi duhawknak hawl daan phun hnih in a um. Phun khatnak pawl ih a thupi ti ih an ruahmi a tanglam ah a sangsang in kan tarlang ding.

1. Taksa dai-awk (The Physical Phase)

Nunau a si le anki ciat nawn, sikat tawi nawn hruk ih sexy nawn pawl khi mipa in an ha a hio mei. Cuvek thiamthiam, mipa balah tha nawn, jean bawngbi ciat nawn le hmel ttha nawn cu fala in an uar mei. Cu ti in taksa ruangrai le leenglam sinak lawng a zohtu in an tuah betmi cu a rei lo te ah, thei aw cu ca ngaingai lo in, an it tlaang mei theu. Cu tikah, tthen aw thei nawn lo ding vek in a lung sungah an suai aw ciamco.

2. Lungsung ih suai-awknak (The Emotional Phase)

Taksa vun dai-awk ttheh hnu ah, an thinlung sungah an duhmi nu/pa lawnglawng a taang ih, a mah um lo in nung thei lo ding khop in an thinlung a um theu. A siatnak le a tlaksamnak khal an hmu thei nawn lo ih, amai simmi lawnglawng a hman ah an ruat cih theu. An duhawknak cu thik thusiatnak in a thlun ciamco ih, cumi ruangah tul lo pi ah thu el awknak a suak theu. Hi tawk khal ih a duh aw hrih pawl cun a then thumnak ah a hung thleng.

3. Unau Sungkhat (The Social Phase)

An fala le tlangval kha an rualpi le sungkhat unau pawl thawn hmel theihnak an tuah ih an mai lungkim pimi si ding ah an sim. A hrek khat cu, na tthi hrimhrim lo ding tiah nulepa le sungkhat in an ti. Asinan, a tam sawn cu an mai duhmi cu nulepa in an lungkim lo khal le an pah thotho.

4. Thinlungput Daan (The Psychological Phase)

Caan a hung reu deuh tikah, pakhat le pakhat ih lungput kha thuh theih lo in a hung lang vingvo. Pakhat le pakhat ih ziaza an hmu aw vingvo ih, an nunnak ih thupi bik tiah an ruahmi pawl kha an hun thei aw. Hmailam ih tumtahmi pawl an thei aw. Cu tikah, pakhat le khat an sinak vek ciah in an hmuh awk tikah, midang ka hawl le a tha deuh ding tiah mitampi cu an hun ruat hruthro thlang. A leenglam ih mawinak lawng in an duhawknak a hnget thei nawn lo. Hi tawk hmun ih a tthen aw lo pawl cu, an duhawknak kha hnget thei ding ah ttitawk ding an tumtah.

5. Thlaraulam nun (The Spiritual Phase)

Fala le tlangval tampi cu an karlak ah buainak ding thu tampi a hung um tikah, biaknak lam le thuthennak zung ih theihpi in an duhawknak fek ter an tum. Thitawknak cu a thi cuahcomi an pawlkomawknak kha nun ter ding fangah a si theu. Pathian ih lungawinak hawl tlaang in a thluasuah kan dil pei ti silo in an duhawknak fek ter ding fang lawng ah a si.

An um tlaang ih a rung rei deuh tikah, biaknak le thuthentu pawl ih kutsihnak khal in a duhawknak cu a hmun ter thei theu lo. A dang hawl ding in an lungah a hung suak. Cu tikah, an pahnih in mitthli thawn an tthen aw sal theu. Himi feh daan ih a sualnak cu thil dang a si lo, a thupi bik kha thupi lo bik ah an ret ruangah a si. Hih a tlun lam ih umtu daan hi Hollywood ih duhdawk daan thawn a bang aw ko. Hollywood daan ahcun, (1). Na hrang ih a thami hawl aw, (2). Duh mei aw, (3). Na ruahsannak le na tumtahmi kha a parah thum aw, (4). Nan rem caang lo le dot khatnak in thok sal aw.

Phun hnihnak le Pathian ih si ter in duhmi duhawknak daan cu Hollywood daan thawn a linglet. Minung cu kan duh daan a dang aw theh. Cui’ a dang awmi kha Jesuh zoh (focus) tlaang in Pathian ih duhmi kha a pakhatnak ih kan ret tlaang tikah, lungrualnak le a hmunmi duhdawtawknak a hung um a si.

Eph 5:1-2 sungah, “Nannih tla cu Pathian duhdawtmi fahniang nan si ruangah amah bangtuk si dingin zuam uh. ²Khrih in in duhdawt ih a nunnak kan hrangah a pek zo; cuih a pekmi a nunnak cu Pathian lungawitertu rimhmui pekmi le raithawinak ih pekmi a si. Curuangah nan nunnak cu duhdawtnak in lo uk seh.”

Pathian ih a duhmi duhawk daan a sangsang cu:

1. Thlarau lamah: Pathian ih duhnak kha hmaisa bik ih a re veve tu si ding in duh sak.
2. Unau sungkhat lungkim pinak
   
3. Thinlung le ziaza lam
   
4. Lung sung ih suai-awknak
   
5. Taksa dai-awknak

Dal Khatnak khal na siar sal thei.

1. Hollywood Nun Daan Ih A Hngetmi Duhdawtnak Hawl Daan

Tui kan san ih thil um daan pawl kan zoh tikah, hla ah siseh, ca ah siseh, magazine le nun thuleeng pawl vun zoh tikah, kan thinlung a la tu bik thu pawl cu “duhdawtnak (love), nu le pa pawlawknak (sex) le pawlkomawk daan (relationship) timi pawl hi an si. Thuthimnak ah, hla pakhat sungah tla cun, “Nangmah ka lo duhmi hi a sual a si ahcun, a hmaanmi si ka duh thei lo ding” tivek, “Dawtte, nang lo cun lei tlun nun kan paih lo” tivek maw a phunphun in an ngan cio. Asinan, lei tlun ih duhdawtnak tampi hi mitthli tlak tertu ah an cang sal theu. Ziang ruangah si pei? Zo khal in a hmun camcinmi duhdawtnak thawn duh aw ding kan duh cio nan, ziang ah a cang thei theu lo? A fekmi duhdawtawknak thawn duhdaw thei ding ah, Chip Ingram, Love, Sex, and lasting Relationships: God’s Prescription for Enhancing Your Love Life timi cauk ka siarmi lo hlawm ve ka duh.

Hi thu ih a tumtahmi cu fala le tlangval nan si le, duhdawtawk daan a lo thiam ter ding ih, nan pehtlaihnak kha a dik maw dik lo tiah a lo hmuh ter ding. Pathian ih a lo duh sakmi duhawknak thawn nan duhdaw aw thei sin ding. Nupi pasal nei zo nan si le nan duhdawt awknak thuk sin ah lo hruai sin ding ih, innsaang nuam a lo si ter ding. Then aw zomi nan si pang le, a liamcia caan ih thilcangmi kha zoh ter hna a lo thiam ter ding ih, thinlung thar thawn hmailam ah a lo feh ter sin ding.

1. Hollywood Nun Daan Ih Duhawknak

A hmunmi duhdawtnak thawn duh awk daan hi khui tawk in kan zir bik? Minung cu kan zirmi, kan hmuhmi, le kan siarmi pawl in kan ruahnak le nun daan pawl cu in silkhuh theu a si. Kan kiangkap ih nun daan le kan hmuhmi tampi cu Hollywood nun daan in duhdawtnak an hawl ih an nung tam zet. Hollywood nun daan ih duhdawtnak hawl daan dot li:

Dot khatnak: Na Hrang ih A Thami Kha Hawl Aw (Find the Right Person)

Na hrang ih a thami le a tlakmi cu na suhsohnak ah thlir phah aw la, rin lo pi in na hmu mei ding. Va tawivak aw la, rin lo pi in na tong leh mei ding. Duhdawtnak cu minmin chin chit mih de timi bang tuk kha si ko tiah an ti.

Dot hnihnak: Duh Aw Mei Uh (Fall in Love)

A hmin hman na theih hlan ah na hmuh ve te in na duh zet ding. Na uar zet ding. Midang in ziang an lo ti khal le na thinlung sung ih a caam bikmi a si ahcun, sah mei aw culole, a phi pe mei aw. Ka lo duh tiah ti mei aw. Thudang theih khal a tul lo. Duhdawtnak a thupi bik tiah an ti.

Dot thumnak: Na Hmailam ih Na Lungduh Kimnak cu Amai Parah Bun Aw (Fix Your Hopes and Dreams on This Person for Your Future Fulfillment).

Nan duhawk tikah, cumi nu/pa ih par ah, na thinnomnak, na ruahsannak, na sunmang pawl le na saduhthah kim theinak ding pawl bun theh mei aw. A mah lawng in ka lungthlitum ii kim ter thei ding tiah na thinlung diriamnak hawl tiah an ti. Hollywood duhdawtawk daan cun, duak ti ih an thinlung ih an hun uarmi le duhmi kha duhdawtnak taktak thawn bang aw in an cokpolh pang theu.

Dot Linak: Nan Remcaang Lo Le, A Dot Khatnak in Thoksal Aw (If Failure Occurs, Repeat Steps 1,2. And 3).

Nan duh aw ding ih na tumtahmi vek le na saduhthah bang ih a lo kim ter thei lo le, cumi nu/pa cu na hrangah a thami a si lo tinak a si. Curuangah, dot khatnak in thawk sal aw la a dang hawl mei aw tiah an ti. Cucu, tumtahnak, Plan (B) tiah an ti. Plan “A” hlawhtlin lo le “B” thleng mei ding tiah an ti. Hollywood nun daan ih a hmunmi duhdawtnak hawl daan cun, na hrang ih a thami (right person) hawl aw la, na hmuh hlan lo thleng rero mei aw ti hi an fehpi daan a si.

Hih a tlun lam thu hi miza te hrangah cun a si ciah lo nan, a tlaangpi thu ih thil feh daan a si ih, minung tam sawn khal in kan thlun reromi feh daan a si. Hih nun daan in minung tampi kan feh tikah, kan nunnak ah duhawk timi cu mi thin a nat tertu men a si tiah a ti tla tampi an um zo. Tlangval neih ding, fala neih ding tiang a paih nawn lo le ttih tiang thinlung natnak an tuar theu. Innsaang nuam din ding khal a cang thei lo ding tluk ih a ruattu tampi. Pathian in hi vek si dingmi in duh sak lo. Pathian ih in duh sakmi cu a hmunmi le taksa, thinlung le thlarua tiang nun nuam le hnangam te ih kan um thei dingmi hi a duhmi a si. Pathian ih in duh sakmi duhdawk daan cu kan peh sal leh ding.

Ziaza Mawi

Mifim pakhat in a ti dahmi cu: minung pakhat na hmuh a si le cumi cu cauk pakhat vek a si tiah a ti. A sim duhmi cu, cumi nu/pa hnen in zir dingmi le zir lo dingmi tampi kan hmu thei. A hnipuan hruk daan,  a ttong daan/mi, a um daan le a hoi her daan pawl hi na zoh rero tikah, cauk pakhat siar vek na si tiah a ti dah. 

Tulai mihrek khat thawn kan pawlkomawknak in ka zirmi tete ngan ka duh. 

1. Lungawi thusim

Lungawi thu na sim tikah, kan hngilh lo dingmi pahnih a um. A pakhatnak ah, na mit in na hmu lo nan, a lo bawmtu pawl hmuahhmuah kha lungawi thu sim aw. Asinan, mitampi ih kan hngilh theumi cu kan kiangnaibik ih ummi pawl kha lungawi thusim kan hngilh theu. Thuthimnak ah, kan dungah kan kawhhran hrangah sabitti le sangreu innnak khuat le kheng pawl kha kawhhran pakhat in in hlu ih lungawi thu ka sim tikah, a hlutu church hnen lawngah lungawi thu ka sim. Asinan, khami hlu kha ngah ko in dil saktu, kan director pa cu lungawi thu ka sim nawn lo pang. A poi ka ti zet. Cun, a can thei le, mi pakhat in an lo bommi kha ca te tal in lungawi thu kha sim ding hngilh hlah.

2. Na man lo tikah

Mi pakhat in a lo biak tikah, a lo chat tikah, le phone in an lo biak tikah, na man lo asile, "Ka man hrih lo ih, zaangfah te in neta ah kan bia aw thei pei maw?" tiah a mah kha zaangfah dil aw. Cu tikah mifim an si le an lo theithiam tuk ko ding. Cuti ih ti lo in, an lo biakmi kha ziang siar lo in na um asile, mi ziangsiar lo ah an lo hmu ding ih zo thawn hman nan kom aw thei lo ding. Thuthimnak ah, J.M timi pa kha kan tong duh. Rualpi pawl thawn thu an rel lai fang a si. Kan hngak rero ih kan hngak thei nawn lo. Curuangah, malte duak in kan lo tong thei pei maw tiah ka ti. Zoh tla i zoh lem lo in, a card i pek ih phone in kan bia leh ding tiah i ti men. Ka thinlung sung ahcun, "Oh, cui um daan cu cawn ding ka va duh lo ve" tiah ka ti ta.  

Criticism…Gain that's Worth the Pain

By Tom Pryor

Blessed is the man who can take bricks thrown
at him and build a strong foundation.

Sometimes I feel critics are like needles in a balloon factory, simply looking for an opportunity to "pop" my project, "blow away" new ideas or "deflate" recent accomplishments. On the other hand, Norman Vincent Peale says, "The trouble with most of us is that we would rather be ruined by praise than saved by criticism." A balance of praise and criticism are required to achieve a successful personal and professional life.

All of us will be criticized at one time or other. In fact, if you are a creative person, committed to excellence, you'll be surrounded by critics. Ben Franklin was criticized for flying a kite in an electrical storm. President George W. Bush was criticized by actor Richard Gere for declaring war on Osama Bin Laden. You will be criticized for making excellence your goal, sharing your faith, taking a stand, accepting a leadership position, not compromising your principles, speaking out or implementing change.

Critics and criticism will come your way if you're leading the implementation and use of Activity Based Management (ABM), Six Sigma or any other process of improvement. There will be critics of your good work, bad work or your inactivity. Therefore, it's important to understand the sources of criticism and determine what you're going to do when it comes your way. Are you going to throw the "bricks" back, duck, or use them to build a strong foundation?

TYPES OF CRITICISM

1. Constructive Criticism
   Constructive comments reinforce good behavior or motivate us to make positive changes. Comedian Milton Berle was dining with his wife when a waiter put too much pepper on her salad. Mrs. Berle tasted it and offered a constructive criticism "Needs more salad."
   
   
2. Destructive Criticism
   Negative criticism is unjustified when it results from the wrong motive. Psychologist and author Henry C. Link says, "If you wish to make enemies, tell people simply, 'You are wrong'. This method works every time." If they cannot explain why you're wrong, their motive is likely destructive, not constructive.
   
   
3. Misleading Criticism
   Some criticism results from errors or lack of knowledge. Stanley Marcus, chairman emeritus of the Neiman Marcus stores, is concerned about misleading, inflated compliments. "We frequently hear something described as 'terrific' when it's merely OK; or 'fabulous' when it is just good. Unsophisticated audiences are likely to react to artistic performances in one of two ways. One is to sit on their hands and not applaud because they don't know what is good or bad. The other is to over-respond by reacting to a symphony in the same manner as a football crowd does to a forty-yard pass. Both reactions reflect a lack of knowledge which is not necessarily the fault of the members of the audience." Consider the source of your criticism. Are they knowledgeable? If not, educate them.
   
   
4. Absence of Criticism
   Absence of criticism may sound appealing, but it often signals a lack of concern by those around you or an absence of leadership. A Gallup Poll published in First Break all the Rules found the most profitable companies are those where employees receive praise or criticism once a week. Silence leads to slippage, not success.
   
   
5. Requested Criticism
   The person who holds an attitude of "I'm perfect" or an organization with employees who feel "we don't need to change", are destined to fail. Eye on Excellence trainer Steve Phillips always closes his workshops with a request: "If you don't rate me as outstanding, tell me why."

To decide if criticism you've received is valid and useful, it is helpful to define the root cause of the critic's comment. For example, the reasons why ABM critics say, "ABM is only for manufacturers"; "ABM is only for big companies"; "ABM systems cost too much"; or, "ABM systems are not useful" can be attributed to one or more of the following root causes:

CAUSES OF CRITICISM

1. Lack of Trust
   Trust is as important as competence. Skeptics tend to criticize the unknown. Do you over-promise and under-perform? Define steps to build your critic's trust. Trust requires time, talent and a track record of success.
   
   
2. Ignorance
   Field Marshall Bernard Montgomery said there are four types of soldiers in the British army: (a) smart and lazy; (b) smart and hardworking; (c) stupid and lazy; or, (d) stupid and hardworking. "You can work with or manage any combination but one. Stupid and hardworking!" What category fits your critic?
   
   
3. Jealousy
   When you're on to something good, critics that want you to fail will often appear. Thomas Stanley, Ph.D., author of The Millionaire Mind, says, "Successful people are different; they don't follow the crowd. This often results in criticism from people in the crowd who want to steal your success." Success often comes at the price of not being one of the gang.
   
   
4. Fear
   A person can be defined by their fears. Fear of the unknown will bring out crowds of critics, especially when it comes to Activity Based Management, e.g. "What's going to happen to the people who perform non-value activities?" What are your critic's fears?
   
   
5. Negotiation
   Negative criticism is sometimes used to gain an advantage in a transaction. While being interviewed on CNN's Larry King Live, Donald Trump surprised King when he said, "Larry, do you mind if I sit back a little? Your breath is very bad." The confused talk show host paused and then realized, "That's how you get the edge in negotiations. That little comment you threw at me is something no one has ever told me." Trump conceded, "You're right Larry, your breath is great!" Is your critic a participant in a negotiation?
   
   
6. Human Nature
   It is instinctive for people to focus on the negative instead of the positive. Author, speaker and teacher Howard Hendricks uses the following illustration and group exercise to demonstrate human nature. He asks students to write comments about the following proposed wheelbarrow design:
   
   
   
   Most people respond with negative criticisms of the design, e.g. wheel too small, handle too short, won't hold much. It is human nature to criticize, to focus on flaws and denigrate new ideas like Activity Based Costing. Ask your critic to list three things they like about ABM/ABC. If they refuse, find out why. If they can't articulate the reasons, educate them.
   
   
7. Majority Rules
   Psychologist Ruth Berenda and her associates performed a series of experiments to show how people handle group pressure. Groups of ten teenagers were brought into a room. At the front of the room was a chart with three lines, each a different length. What one teen did not know is that the other nine had been instructed ahead of time to vote for the second-longest line on a chart in the room. When the instructor pointed at the second-longest line and said, "Raise your hand if you think this is the longest line", 75% of the time the stooge would glance at the other hands being raised and slip his hand up with the group. New methods, movements or ideas always have critics. This is especially true for Activity Based Management.
   
   
8. Politics
   If your critic is from a different "political" party, their criticism may be rooted in opinion, not fact. Mark Twain once said, "We all know that in all matters of mere opinion that man is insane. Democrats are insane to Republicans and Republicans are insane to Democrats. The rule is perfect: in all matters of opinion our adversaries are insane." Recognize that some criticism will come your way because of your "party", not you personally.
   
   
9. Change
   People will often attack things they don't like, not things that are wrong. One of the things people don't like is change. There are four prerequisites to effective change: (a) a clear, shared vision; (b) an internal capacity for change; (c) an external pressure to change; and, (d) actionable first steps. If any one is missing, the chances of success are seriously reduced. Are any of these four prerequisites missing in your organization?
   
   
10. Concern for Others
    Criticism can result from valid concerns. You may be doing an awesome job based on your targeted service level, but the recipient may have a completely different understanding. Communications and negotiations are required to bridge the expectations gap.

HOW TO DEAL WITH CRITICISM

1. Be active, not passive
   "I'm not into working out. My philosophy: No pain, no pain." says comedian Carol Leifer. Despite what you might think, not implementing ABM or some other improvement may actually bring you more criticism than implementing it poorly. Character is developed through adversity, not when you're coasting. Pain is inevitable; suffering is optional.
   
   
2. Speak the truth
   False prophets are well spoken of because they don't speak the truth. Truth sometimes hurts and it often alienates, but it is still the truth and the right thing to do. A man is known by his enemies. There are some people that I want as my enemy! You may have some critics for all the right reasons. An Air Force pilot once told me that the closer you get to the target, the greater the flack.
   
   
3. Invite written criticism
   Verbal criticism is often full of holes, poorly thought out and oft invalid. Invite your critics to submit their recommendations in writing. Don't grieve over criticism pointed at you in unsigned letters. That's a waste of your time. Unsigned notes indicate one of two things: the critic either didn't have enough conviction to put their name to it or the sole intent was to hurt, not help you.
   
   
4. Look for grains of truth
   Repeated criticism can be a valid warning. If three people independently provide criticism on something you feel confident about, look for grains of truth in their comments. Engage your critics help by asking them three questions: (a) What's positive about this idea?; (b) What's interesting about it?; and, (c) What can I change to improve the idea? These responses turn a negative into a positive. Some times you won't find a grain of truth in criticism. Even when you have been "falsely accused", you can almost always find a "warning". Ask your critic, "What are you afraid of?" Even when criticism is invalid, sometimes their fear is sound.
   
   
5. Sort feelings from facts
   I can't look up someone's feelings in a database to confirm their validity. If someone tells me, "I feel that ABM is not that good", I won't change their mind with an argument that begins with "You're wrong!" Perceptions are factual. You have to deal with feelings when your business is all about perception. At ICMS we believe that perception is reality. We look for the drivers that cause people to feel as they do.
   
   
6. Look for role models
   How should we respond when criticized? We should look to replicate the actions of past or present role models. Look for people who have dealt with criticism effectively. Former Dallas Cowboy coach Tom Landry is one of my role models. He faced daily criticism during his 29 years as a NFL coach. Landry never lost his composure, maintained a firm commitment to excellence and never compromised his Christian faith. Who is your role model?
   
   
7. Use discernment
   Discernment is the ability to separate fact from fiction and the important from the trivial. To be able to discern the correct response to criticism requires wisdom. Wisdom that comes from study, experience and sometimes prayer. Develop a plan for handling criticism. Learn to get to the root cause of criticism, keeping your eyes on the big picture. A man once told me, "When you swim in the ocean, you get attacked by sharks and guppies. Don't worry about the guppies."
   
   
8. Respond as a friend, not a foe
   Human nature is to repel or run from criticism. It's best to receive it and then deal with it. If criticism is misdirected, play the role as a friendly facilitator, e.g. "I am not the one you need to talk to, but I will help you make the connection you need."
   
   
9. Have a sense of humor
   Humor helps diffuse destructive criticism and gracefully accept that which we need to apply. Charles Swindoll, in Laugh Again, says, "A good sense of humor enlivens our discernment and guards us from taking everything that comes down the pike too seriously. By remaining lighthearted, by refusing to allow our intensity to gain the mastery of our minds, we remain much more objective."
   
   
10. Combine criticism with praise
    Mary Kay Ash, founder of Mary Kay Cosmetics, died last week. She had a phenomenal positive impact on thousands of people during her lifetime. One of her most famous sayings was, "Sandwich every bit of criticism between two heavy layers of praise." Her advice makes every criticism a positive event. If your business associate had ten things to do, eight of which were done to perfection, don't spend 80% of your time talking about the two things they did wrong.

I believe there is a fundamental need for every person to know that someone cares if we are good or bad. I remember staying up all night finishing a research paper for a college class. I handed it in Monday and got it back Wednesday with only a little pencil check next to my name. Clearly the teacher never bothered to read it; he just gave me credit for doing it. How did I feel? I felt cheated. Why knock myself out if nobody cares? Criticism given, whether negative or positive, means somebody cares. Don't be discouraged by criticism. Instead be encouraged that you've gained someone's attention with your words or actions.

Dungtolh Tu Pawl A Hnong Lo Tu Bawi Jesuh

By San No Thuan

John 21:4-9

Dungtolh nun timi cu?

Dungtolh nun timi cu Pathian hnak in thil dang kha va duh in thupi sawn ih ret khi a si.

Peter kha Bawi Jesuh in a kawh tikah, “Nga kaitu in minung kaitu (Pathian duhdawtnak sim zirhtu) ah ka lo hmang ding” (Luke 5:10) tiah a ti. Asinan, Bawi Jesuh a thih tikah, Peter cu ka hnatuan bang ka tuan sal ding tiah dung ah a tolh sal. Pathian ih duhdawtnak sim le zirh in midang pawl ih nunnak cawm dawl nawn lo in, ngakaitu men ah a cang sal. Bawi Jesuh ih duhdawtnak le a fialmi kha a pakhatnak ah re nawn lo in, kan mai duhmi sawn kha thupi sawn ih kan ret tikah dung tolh hram kan thok tinak a si.

Hruaitu dung a tolh le hruaimi pawl in an thlun mei.

Peter cu dungthluntu pawl karlak ah upa hruaitu a si. Anih in Jesuh a thih hnu ah kei cu sur ka vorh sal mei ding tiah a ti tik ah, midang pawl cun kan nih khal kan lo thlun ding tiah an ti mei (John 21:3,4).

Nangmah le mah zianghman ka thupi lo tiah na ruat aw men ding. Asinan, na ttongmi lo thluntu pawl tampi an um ti hngilh hlah. Vei khat ah, Ramthlo ah pastor ka tuan lai ah, mino te ka si fawn ih ka ttongmi hi midang in cu tluk in ziang an ruat lemlo ding tiah ka rak ruat. Asinan, veikhat cu Chin National Front pawl le kawl ralkap pawl karlak ah buainak a thlen tikah, kawl ralkap pawl in Ramthlo ah an ra ih a phunphun in harnak an pek. Curuangah, kei khal in hi ti ih kawlral kap pawl an um ringring ahcun, vaih tla a tha men ding ee tiah ka rak ttong. Cumi ka ttong ruangah maw cu ka thei lo. A rei hlan ah, kan Khrihfabu upa thatha inn hra zik lai Kawl ah an vai ta riai!

Dungtolh nun ah thluasuah a um lo.

Kum 2008 sung ah, Bawipa ih in fialmi pawl tuah lo in, Pathian thawn pawlkom aw lo in, kan mai duhnak thawn lawng kan nung pang maw? Dung kan tolh pang maw? Dung tolh nun ah thluasuah a um lo ti cu sim tul lo in kan thei theh. Peter le a rualpi pawl cu zaanvaar te in nga an dawi nan, ziang nga hman an kai lo (John 21:5). Thluasuah cu Pathian ih ta a si ih amai hnen in a rami an si (Daanpeksannak 8:18).

Kan Pathian cu dungtolhmi pawl hnen ah a feh. 

Dung lam hoi in nga kai ding ih an feh sal tikah, Jesuh in dungtolhtu a dungthluntu pawl a hnong lo. An mah in cu an thei lo nan, an hnen ah a va feh ih, nan sur kha nan vorh lam ah hei sep hnik uh tiah a ti tikah, a ti vek in an tuah ih nga ti cawk lo in an ngah (John 21:6). An vorh cia nak a si ko nan, Pathian ih thu an thlun tikah, an duhmi cu a famkim ter ve a si. Curuangah, Bawi Jesuh in “Pathian ih uknak le tuah ding ih a fialmi kha hawl hmaisa sawn uhla, a dang cu a lo pe ding” a si tiah a ti (Mtt. 6:33). Dung kan tolh lai caan khal ah kan Pathian cu kan kiangnai ah a ra thotho ih thluasuah cotu kan si theinak ding ah in bia ih in ko thotho ti a fiang.

Kan Pathian cu dungtolhmi pawl hrangah rawl a timtuah sak.

Tipi kap ih an thlen tikah, Bawi Jesuh in rilrawng le a bang zetmi a dungthlun pawl hrangah meisa a rak muah sak ih, nga le sang tla an rawl ah a rak timtuah sak (Jon 21:9) ah kan hmu. Jesuh cu a mah phatsan in dung kan tolh lai caan khal ah kan hrangah rawl in timtuah saktu a si. Kan pum puar ding le kan nun nom ding a duhtu a si. Kan mah thawn biak aw ding ah kan kiang nai ah a ra ih in pawlkomtu a si.

Thunetnak

1. Dungtolh nun timi cu Pathian hnak in thil dang duhdawt khi a si. 
2. Hruaitu dung a tolh tikah, hruami pawl cu sim tul lo in dung a rak tolh hlo zo.
3. Dungtolh nun ah Pathian ih thluasuah a um lo. Thluasuah cu Pathian ih ta a si.
4. Asinan, dungtolhmi pawl kha Pathian in a naih ih, hruai kir sal a tum ringring.