Tui zing ka hung thawh in, Pathian thusimnak channel pakhat te TV ah ka zoh. Cumi lai ah American Football lam ih a thiamzetmi tlangval thazet ih tetikhanmi ka ngai ngah. Ahmin cu ka ngai man lo. Thazaang ka ngah ve tuk ih a tawi zawng in a tettikhanmi ka ngan.
A hlan ahcun, ziang ka tuah tinte, ka thuruahmi cu KEIMAIH hrang lawngah a si. Ziangtin ka nuam ding? Ziangtin ka hmin a thang thei ding? Ziangtin mi in in thei thei ding? Cumi pawl ah ka rak buai ngaingai.
Asinan, atu Jesuh ih duhdawtnak ka theih hnu cun, ka nunnak ih a tumtahmi cu lamdang ah a hoi. Cumi cu KEIHMAIH SUNLAWINAK hrangah timi in, PATHIAN SUNLAWINAK hrangah timi ah a thleng aw zo. Ziangtin ka nuam ding ti a si nawn lo, ziangtin ka nunnak in Pathian a lungawi ter thei ding? Ziangtin mi in in thei thei ding ti si nawn lo in, Pathian ih ziaza le hmuihmel kha ziangtin midang in ka nunnak ah an hmu thei pei timi a si thlang.
Ka hmailam cu a kut sungah a um. Ka football lehmi cu khui tikah a cem ding ka thei lo. Asinan, ka hmailam hrangah ka thin a phang nawn lo. Ziangah tile, ka hmailam cu Amaih kut sungah a um ti ka thei. Curuangah, kei ih tuanvo cu Bawipaih hrangah ka thinlung, ruahnak, cahnak le ziangkim pek awk ding lawng hi a si. Commitment to God is the most important one in my life. Ka nun san cu Bawi Jesuh kha ka nunnak in langter (represent) ding hi a si.
Tetti khantu: American Football Star
No comments:
Post a Comment