Jesuh in thlanlung a thawn ter hngai (Jn.11:39) ih Lazaras a hung thawh tikah “a ruak tuamnak puan kha phoih uh” (Jn.11:44) a ti. Jesuh in lungpheng kha “thawn aw” tiah thupek sehla a thawn aw ko dingih ruaktuamnak puan khal a thongkam kamkhat in a poihter thei ko nan “thawn uh” “phoih uh” ti ih a fial hngaimi cu cangvaiter a duh hngai ruangah a si.Hi tawk lawngah a silo. Cana khua nupi thhitpuai, tidai sabit ih a canter lai khal ah “beel sungah tidai than uh” (Jn.2:7-8) a ti ih Bethzatha tili kiangah damduh in kum(38) a hngaktumina pa khal mi ih tawlrelsak ding lawng hngaklo in “tho awla na ihphah lak in feh aw (Jn.5:8) a ti. Jesuh in khuaruahhar thil lamdang a tuah tik poh ahminung a hmangtel ringring ih anmah pawl a cangvai ter ringring. Himi hinminung hi Pathianmuihmel keng kan sinak a langter lawng silo in ziang theilo, thing le lung vek fang silo in hmantheih, hmantlak kan sinak a langter ih kanmah lam cangvaihnak par ih a thiltitheinak langter a duh ti Pathian in a langter.
Rev. Hrang Peng Ling ih Sermon, "Thawhsalnak ih a Hmual: Lazaras Nun in" (Johan 11:1-44)" sung in ka lakmi a si.
No comments:
Post a Comment