Thinglamtah phur in I thlun seh timi cu?

By. S. N. Thuan

Mark 8:34-38

Dungthluntu taktak, Khrih ih sunlawinak cotu ding, pawl ih nun daan ding pathum:

1.     Maih duhnak kha el aw in, Khrih ih duhnak lawng tuah ding ih pumpeknak neitu si a tul;

2.     Khrih ih tuarnak vek a tulnak ah thih tiang tuartu si a tul;

3.     In hruainak hmun ah tangdorte le thungainak thawn thluntu si a tul.

Kan maih hrangah kan nun a si ahcun, kan hlo ta ding. Asinan, Khrih duhnak tuah dingah kanmaih duhnak hlo ko el aw tahrat in kan feh ahcun, kan hmu aw ngah sawn ding.

 “If we live for ourselves, we will lose ourselves, but if we lose ourselves for His sake and the gospel’s, we will find ourselves.”

Kan mah le mah kan el aw taktak maw timi thei dingah kan suhawk dingmi thu pahnih a um: “ka nunnak Khrih kut ah ka ap aw zo maw? A duhnak thlun ding in ka thinlung ka thencat zo maw?” timi hi kan suhawk dingmi a si. Hiti ih kanmaih duhnak elawk ding hi vei khat lawng in a ngah lo, Khrih in, “Nitin” a si a tul tiah in sim. Minung lam zoh cun, kan sung tuk tiah kan ruat men ding. Asinan, Pathian lam zoh cun, kan hlawk sawn a si. Khrih hrang ih kan nun tikah, Amah Khrih thawn kan bang aw deuhdeuh ih, kan sinak taktak kha midang thawn bang lo in lam dang zet in a lang.

Curuangah, Pathian ih duhnak tuah suak thei dingah, Thlarau Thianghlim in in bawm (Rom 8:13). Thlarau ih bomnak in nangmaih duhnak kha el awla, Pathian ih duhnak kha a har khal le tuar in thlun aw. Cucu, sunlawinak ih lamzin um sun a si. 

4 Ways to Affirm Your Ministry Team

October 29, 2012 By Rick Warren Leave a Comment

Appreciation carries with it an amazing power. As a leader, I hope that’s something you already realize.

Appreciation literally means to raise in value. It’s the opposite of depreciation. Depreciation is what happens when you buy a new car and it drops in value as soon as you pull out of the car lot! Appreciation, on the other hand, means to raise in value. If you raise the value of your wife, you appreciate her. If you want to raise the value of those you serve with, you appreciate them. The more you appreciate a situation, the more it raises in value.

Paul understood this. He had a continuous attitude of gratitude. Philippians 1:3-5 says, “I thank my God every time I remember you because of your partnership in the gospel from the first day.” When was the last time you thanked those on your team for their “partnership in the gospel”?

You should. Be an encourager. Continually value those you lead. You can affirm them in four different ways.

• Affirm their efforts. At one time at Saddleback, I regularly awarded the Giant Killer award. I picked up five stones from the same brook in Israel that David did before he killed Goliath. I mounted them on a plaque and handed it out for someone on my team who tackled the biggest problem of the month. They didn’t have to solve the problem. They just had to tackle it. That’s about effort.

• Affirm their loyalty. If you’ve been in ministry in your current location for any time at all, it’s likely you’ve had people with you that have stayed with you through tough times. Whether they’re serving in a paid position or a volunteer one, they could go elsewhere – maybe for better pay. Take some time to let those you lead know much you appreciate their loyalty.

• Affirm their differences. You should be glad the people on your team are different. It would be very boring if they were alike. Differences on your team are not weaknesses; they’re strengths. Good teams will have introverts and extraverts; people-orientated and task-orientated folks. God puts people with differences together on the same ministry team because it makes the team stronger.

• Affirm their ideas. As a basic rule, I try to say “yes” to any new idea. Then I come back later to figure out if something’s wrong with it. Since I usually take that approach, I typically ask those close to me to tell what’s wrong with their idea when they share it. We need someone thinking of potential pitfalls! Your ministry will be as creative as your organization allows it to be. Unfortunately, most churches have structures and traditions that limit or kill creativity. Don’t be like most churches. Affirm ideas that come from your team. When you affirm an idea, you greatly enhance the possibility of getting another one!

Be an affirming leader. Develop a culture of affirmation in your church. Those you lead will appreciate it. The Kingdom will be advanced because of it, too.

Raising Justin Bieber

 Gavin Godfrey, CNN

(CNN) – At the age of 17, Pattie Mallette threw herself in front a moving truck in a botched suicide attempt.

Six months later, Mallette learned she was pregnant with her son, now known to the world as pop star, Justin Bieber.

Mallette describes her dark past and bright future in the new book, "Nowhere but Up: the Story of Justin Bieber's Mom." Mallette told CNN she remembers the feeling the of hitting rock bottom:

[2:50] "When I was in the hospital for trying to commit suicide I was desperate and I just literally cried out to God and said if you are real you have to come and help me and if you have a purpose and a plan then it's got to be better than what I'm doing so let's see it."

As a single mother with a musically-talented son, Mallette uploaded videos of a young Justin to YouTube for friends and family, and found it hard to ignore all of the attention coming in from the music industry:

[4:04] "After the offers kept coming and Scooter, who is Justin's now manager, was very persistent, I had to give him a chance to have a voice in this and say what do you want do and then come along side him and support him. It took a lot of prayer and conversations with Justin."

Proceeds from Mallette's book will go to her Nowhere But Up foundation.

Editor's Note: Listen to the complete story above and join the conversation below.

Bible in Nunau Pastor Si Ding a Siang Maw?

Dear Zate'n,

Nunau pastor ti kherkher siloin, nunau Pathian hnat'uan tu le thusimtu thu ah fiangnak ka ngah mi ka rak ngan ve.

Nunau Pathian thusim ding thuhla hi napin khua ka ruat dah, cule ka thinlung sung ah, Kan Pathian hrangah nunau le mipa hi a hnat'uan tu hrangah cun a danglam tuk lo ding ti ka hmu suak. Himi ruahnak ka ngah dan tawite'n simfiangnak ka nei ding.

Kan Kawhhran ah Pastor Brian timi in thu a ra sim. A simmi pakhat ka thei ringring lai mi cu, "Jesuh khrih le Paul ih simmi a bangaw lo tikah, Jesuh ih simmi kan pom sawn," a ti. A sim lai ahcu cuvek teh kan Baibal sungah a um ngaingai maw si, tiin ka rak ruat. 

Asinan, Paul in nunau cu, 'cutin khatin umseh' tiih a ti mi le Johan. 4 sung ih kan Bawipa Zisu le Samaria nunau nu thu hi ka siar tikah, Pastor Brian ih simmi hi, himi teh a si pei maw? tiin ka ruat nasa. Johan 4 sungah Jesuh le Samaria nunau nu an biak awk theh hnu ah Jesuh in Messiah a si thu a phuang. (4:26). Cutikah nunau nu cu khawsung ah a feh ih mi senpi hnenah a hmuhton mi thuhla a va sim. Rundamtu Zisu Khrih ih thuthangtha cu misenpi hnen ah a phuang tinak a si. Cutiih nunau nu ih a sim mi ruangah khawsung ih a ummi Samaria mi tampi in Jesuh cu an zum. (4:39).  

Curuangah, Bawi Zisu Khrih a cotu, a hmu ngah tu, a tong tu cu, nunau siseh, mipa siseh an um men thei lo ih an hmuhmi le an theihmi an phuangsuak ringring sawn a si. Cucu, tulai t'ong in Pathian hnat'uan, Pathian rawngbawl kan tiih a t'uanvo hrangah dinhmun phunphun kan pek men khi a si.

Cule, Mari Magdalene hnen ih Jesuh a langnak kha hitin a si. (Johan. 20:11 ihsin)

A thok ah Mari in Jesuh cu a theithiam lo. Asinan, a mah Jesuh rori in Mari hnenah a phuangaw sawn ih Pa Pathian hnenih a feh ding thu kha dungthluntu pawl hnen ah va sim dingah a fial a si. Jesuh Khrih thihnak ihsin a thosal timi thuthangttha phuang hmaisabik tu cu nunau a si. Nunau rawngbawltu kan ti lala men pei cu. Kan Bawipa Jesuh Khrih thihnak ihsin a thosal timi cu thuthangtha lakih thuthangtha bik a si. Curuangah, nunau thuthangt'ha phuang a sian ahcu, hnat'uan dang pawl khal a sianglo nak ding san a um lo in ka ruat.

Cule, nunau le mipa kan timi hi kanmah milai pawl hrangih tuahmi men a rak si caan a um ding. Amah Pathian hrangah nunau le mipa a danglamnak a um lo ding. Ziangahtile, Thu. (19: 5) sungah Tuufa Nupi Thit Puai timi kan siar thei. San a cem tikah zumtu kan zate'n Jesuh nupi thitpuai ah kan tel thluh ding. Cuhrangah, Moneitu a rat tikah leitlun ih ummi zumtu pawl, nunau khal, mipa khal, kan zate'n "monu" kan si thluh leh ding. 

Nan zate'n Pathian thlausuah,

-Kunglal

HLAWHTLINAK TI MI HI RINUMNAK A SI KO LO MAW?

                                                               Timothy Sui Lian Mang



Amerika ram ih ram dang missionary hmaisabik Adoniram Judson cu Kawlram ah July 13, 1813 ah thuthangtha thawn a thleng. Kawlram a thlen tir ihsin a nunkhua cu harsatnak hlir, tuarnak hlir, tiduhdahnak hlir in a khat. Kawl tawng a zir, thu a sim. Kum 6 cem lam lawngah mi pakhat Khrih hnenah a hruai thei.

Tuluk ram ih Protestant missionary hmaisabik Robert Morrison khal taima zetih a tuan rero hnu, a kum 7-nak cem lam lawngah mi pakhat Khrih hnenah a hruai thei.

The Primative Methodist-pawl in Northern Rhodesia (Zambia) ah kum 13 sung rawng an bawl hnuah mi pakhat lawng Khrih hnenah an hruai thei.

Thailand ah tla hi cun a rauh sinsin. American Congregational Missionary-pawl cu 1831 ah Thailand an thleng. Kum 18 sung rawng an bawl hnu khalah mi pakhat hman Khrih hnenah an hruai thei lo. An bei a dawng ih 1849 ah an ram ah an tlungkirsal. American Baptist-pawl khal cuvek thotho in an tlungkir ve, kum 17 sung rawng an bawl ve ih, Thai mi pakhat hman an kai thei lo, Tuluk mi mimalte lawng baptisma co an um. Amerikan Presbyterian-pawl cu Thailand ah 1840 ah an lut ih, tumruh zetin beidawng duh mai loin an tuan, kum 19 an tuan hnuah mi pakhat te lawng Khrih hnenah an hruai thei.

Atu ah kannih Laimi in Kawlram ah miphun dangdang lakah mission hna kan tuan ve rero thlang. Hlawhtlinnak hmun a um ih, hlawhtlin lonak khal a um. Beidawng men lo ih tuan vivo dingin, a tlunih khuahlan ram dang mission hna a tuantupawl an hlawhtlindan le an hlawhtlin lodan zoh hin thazang la dingah ka lo sawm. Hlawhtlinnak ti mi hi rinumnak hi a si ko lo maw?

Rev. Dr. Stephen Hre Kio on the Chin Language

Ziangruangah Pathian in Kan Sualnak In Ngaithiam

Nupi Tha Thum or Nu Sunglawi?

A Woman of Excellence

Thufim 31:10-31

Thuhmaihruai:

Bible sungih Thufim (proverbs) vek lei tlun cabu ah thufim tampi a um. Asinan, Bible sung Thufim ih a danlamnak thu cu “Pathian tihzah aw” timi hi a si ih, thufim dang ah cuvek a tel cih lo.[1] Hi Bible Thufim sung ih nun daan pawl hi Pathian tihzahnak ih rah an si. Hi Thufimpawl hi a tam sawn cu Pathian in Siangpahrang Solomon hnen ah fimnak a pek ih, Solomon in a fapa (Rehoboam a si thei) nun a sim zirhnak a si.[2] Curuangah, tuih sun ah, hi thufim pawl hi a sangbik Siangpahrang Pathian ih fanu le fapapawl a simi kan zate theih dingah le thlun ding thazetmi an si.

Hi tawk Thufim 31:10-30 tiang ih a simmi hi nunau hrang lawngah si lo in, mipa hrang khal ah a si thiamthiam. Nunau hman in hi tluk an si dingah cun, mipa sinsin cu hi hnak in ke kar khat kar sinsin ding kan si timi hi thazang kan laknak ah cang hram seh. Cuih tlun ah, mino pawl in hi cu nupi nu le pacang pa hrangah a si tiah kan ti pang lo ding a thupi. Psychologist pawl in nu tha/pa tha si dingah cun, kum 20 sung na tha/pa tha ih ziaza kha zuam zet ih na nunpi a tul. Culawngah cuvek nun pawl cu na ziaza ah a cang cih ding tiah an sim.

1. Lei tlunmi pawl ih an uarmi le an dawtmi nunau cu zovek an si?

Mihrek cun hmel mawi, iang nei zet pawl an uar. Mihrek in sumpai tampi nei pawl an uar fawn. Mihrek in mihmai ih lar zet pawl, hlasak thiam, hnipuan hruk daan khal ah hot ih hot pawl khi a si theu. Mihrek in fimthiamnak sang nei an uar. Nangteh na uarmi le na dawtmi nunau pawl hi zovekpawl an si?

2.   Bible ih a uarmi, Rinsan le Upat Tlak Ziaza Neitu Nu (A woman of Noble character) tiah a timi pawl hi zovek an si ih, ziangvek ziaza nei pawl an si? Thufim 31:10-31 sungah kan hmuhmi kan zoh hnik pei.

1.     Rinsan a tlak zet (Thu. 31:10-12)

                                               i.     Nupi thathum:  (Mirang: noble, virtuous, honorable, worthy) ziaza lam ah cawn tlakmi nu tinak a si (c. 10).

                                             ii.     Rinsantlakmi sinak: Hna a tuanmi in a pasal kha nehsawh a tum lo (c. 11).

                                            iii.     Pumpekawknak: A hnatuanmi hi a pasal par ih thiltha thlen ter ding lawngah a tum (c. 12).

                                            iv.     Pa-fa ih rinsan tlakmi nu cu hmun hla ih um caan khal ah a pasal in a rinsan. A pasal le a fale pawl riahsiatnak ding thil tha lo tuah ding a tum in a tum lo tinak a si.

2.     Hnatuan a taima zet (Thu. 31:13-16).

                                               i.     Umlak ti nei lo in tuuhmul le patzaai puan a tak (c. 13). Sim duhmi cu hnatuanmi si hi a upat. To men, um huahhi men duhmi nu a si lo.

                                             ii.     Lam hlatpi in ti rawl a rak phur (c. 14). Dawr a fehnak in tirawl pawl a tlunpi.

                                            iii.     Zing khuavang hlan in a tho (c. 15).  Ziang a tuah? Innsang pawl rawl a suan sak (c. 15a). Rawlsuan le rawl timtuah a zaangzel lo.

                                            iv.     Leiram a hawl, a lei ih cabit kung a cing (c. 16). Sum hawl daan (business mind) a thiam ih, hnatuan a zuam tinak a si.

Vei khat fala nu in a nu pakaan pawl a kholh lai a zoh ih, thu a ruat. Ka nu hi vei ziat cawk hivek a tuah ti pawl a ruat ih, “Ka nu, hivek pakaan kholh tivek pawl hi na hne lo maw si?” tiah a ti. A nu in, “Kei pakaan ka kholh men a si lo, ka inn ka sak rero a si” tiah a sim. Thufim 14:1 sungah, “Nunau fim in an inn an sak ih, nunau aa pawl in a maih kut lala in an balsiat” ti a um. Nufim cun, an taimaknak san cu an inn sungsang tha te ih sak an duh ruangah a si.

3.     Taksa cahnak le ziaza lam felfainak (c. 17-19)

                                               i.     Taksa lam cahnak: Hnatuan a taima zet, a tha khal a cak (c. 17)

                                             ii.     Ziaza lam cahnak: Thil a tuahmi pawl kha man a neihzia a thei (c. 18-19). Ziangtluk in innsang kan tthanso ter/ttumsuk ter thei ti a thei.

                                            iii.     Emerson (American cangan thiam mifim) cun, “Minung pawl hi an hringtu nu ih hruai daan bang in an cang.”

                                            iv.     Nu fel cun a nun daan in a faale ih ziaza le lungput tha neitu ah a hruai.

4.     A siang zet (c. 20)

                                               i.     Mi farah le mi nunhar hnen ah a tirh a siang zet.

                                             ii.     A hnatuanmi pawl hi a maih hrang men ah a si lo. Midang tundinnak hrangah a si ti a langh ter.

5.     Innsang hrang a ruat zet (cc. 21-22)

                                               i.     An sungtein buuhlum zet in a ret (c. 21a)

                                             ii.     An sungte hrang tumtahnak a nei cia (c. 21b)

                                            iii.     Mawi zet ih a thuam aw (c. 22)

6.     Pasal a cawisang (c. 23, 24)

                                               i.     A pasal kha khua tlang ih upatmi si ding in a bawm. Her husband is respected at the city gate (khua tlaang ih upatmi) (c. 23).

                                             ii.     A hnatuanmi pawl hi a pasal ih kaihhruainak hlawhtling thei ding in a bawm. A upat ih a tung ding.  

7.     Sumsaw let a thiam (c. 24, 16)

                                               i.     Innsang sumsaw a karh ter (c. 24). A pasal ih hlawhmi lawng a ring lo. An innsang sumpai thangso ko a rak tawlrel ve.

                                             ii.     Pasal kut lawng zohtu pawl hi Bible in a dik a ti lo.

8.     Ziaza lam ah felfai zet in a um (cc. 25-27).

                                               i.     A thazang a cak (c. 25a)

                                             ii.     An upat zet (c. 25b)

                                            iii.     Hmailam hrang a thinphang lo/a lungawi (c. 25c).

                                            iv.     Fimkhur zet (c. 26)

                                             v.     Awka neem ten a tong (c. 26b)

                                            vi.     Innsang thu a tawlrel (manager hna a tuan) (c. 27). A zaangzel lo (c. 13, 27b).

9.     Tihzah upatmi a si (cc. 28-31)

                                               i.     A fale pawl in an thangthat zet (c. 28)

                                             ii.     A pasal khal in a lawmzet. An pa in, nu hmuahhmuah cu an tha ko nan, nang cu na tha hleice tiah a ti. (c. 28-29)

10.  Tihzah upat tlak a sinak ih thuthup (cc. 28-31).

                                               i.     An mawinak, fimthiamnak, le neihnak hi Bible ca in nunau pawl ih sunlawinak a ti hrimhrim lo (c. 28). Ziangahtile, iang neih le mawinak cu a rei hlan ah an ziam lohli thei tiah a sim.

                                             ii.     Pathian an tihzahmi lungput le ziaza khi a si tiah a ti sawn (c. 30).

                                            iii.     Tong dan cun, Khrih ih ziaza thawn bang aw in ke a kartu pawl cu sunlawih upat tlak an si a tinak a si. Cuih Khrih ziaza nei dingah:

1.     Pathian thawn nitin Thlacamnak le Bible siarnak in pawlkomawk a tul. Culawngah kan thinlung cu Pathian ih thu in in hruai thei ding (Kol 3:10,16).

2.     Na tuahmi tinkim kha Jesuh ih hmin lawng in tuah aw (Kol 3:17). “Jesuh hmin in thil tuah” timi ih sullam cu (a) Jesuh aiawhtu ka ti timi thei ringring in thil tuah aw (b) Jesuh ih sunlawinak hrangah ziangkim tuah aw. Midang in kanmah in sunlawi ter ding in si lo in, Jesuh ih hnen ih lungawi thu an sim in amah an duhdawt theinak dingah, ziangkim tuah aw.

                                            iv.     Pathian khuazing a tihzah tu cu a fim ding ih, a tlun ih simmi ziaza pawl hmuahhmuah khal neih theinak Pathian in a pe ding a si timi hi Thufim cauk ih simduhmi khal a si. Ziangah tile, Pathian tihzah cu fimnak ih hramthoknak a si ruangah a si (Thufim 3:7).

Thunetnak:

Thufim hi Siangpahrang faalepawl ih nun daan ding ih zirhmi thu a si. Nang le kei cu Pathian a saangbik Siangpahrang ih faa kan si ruangah, Pathian in Solomon le mifim dangdang hmang in in zirhmi thu pawl an si. Cumi pawl sungah, Thufim 31:10-31 sungih in zirhmi nunau sunglawi tiah a timi pawl cu:

1.     Rinsan tlalmi a si.

2.     Hnatuan taimi mi a si.

3.     Taksa le ziaza dam cahnak neitu a si.

4.     A tirhsiangmi a si.

5.     Innsang ruattu a si.

6.     Pasal cawisangtu a si.

7.     Sumaw hawl thiamtu a si.

8.     Ziaza ah felfai zettu a si.

9.     Midang ih thangthat comi a si.

10.  Leenglam mawinak hnak in sunglam mawinak a simi Pathian tihzahtu, ziangkim ah Bawi Jesuh aiawh in, Pathian sunlawinak hrangah cangvaitu a si.

---

[1] John F. Walvoord and Roy B. Zuck, The Bible Knowledge Commentary: OT (99), 906.

[2] Tom Fry, The King’s Family Altar (2012), 3.