Kawhhran khal in hnatuan le puai tivek a nei ve.
Mission hna khal a tuan ko ding.
Puai khal a tuah ko ding.
Mah le kawhhran sung khal a kilkhawi ko ding.
1. Rundamnak thu a phuan caan khal a um ding.
Crusade & Camping a tuah caan khal a um ding.
Thuthangtha phuangtu pawl, khuaza ramkip ah a thlah ding.
2. Rundam cia mi pawl pawlkom-awknak caan khal a um ding.
Rundamcia mi pawl ,pawlkom-awk caan ah cun rundamnak thu cu an zir nawn lo ding.
Cuvek caan ah cun,
Khristian nun an zir sawn ding.
Cu vek caan ah cun,
'' Piangthar uh'' ti caan a si lo.
Piangthar cia pawl '' nun daan ding '' zirh-awk caan a si.
3. Puai tuah caan khal a um a ttul.
(Pathian a mah rori in puai tuah a rak fial mi tampi kan hmu thei.)
Puai caan ah cun, thildang ciamco tumtah le khengfuh a tuul lo.
Kan tuah mi puai nuamzet le Pathian thangthat phah in kan tuah cun a famkim ko.
4. Khristian pawl leitlun fimthiamnak phunphun le pursum leilawn thu khal zirh-aw thei seh la a ttha sinsin.
5. Kawhhran sung zohkhen-awk nak khal a thupi zet.
Tuah dingmi tampi a um ih,
Pakhat le pakhat a phun dangdang. A bangrep lo.
Famkimten tuah thei tu cu Kawhhran tlamtling a si ding.
Mi pakhat in, Pathian thangthat phah in,
an khua ah puai a tuah ih paisa tampi a cem.
Soisel ding a si lo.
Kawhhran pakhat in Pathian thangthat nak ah puai tumpi a tuah.
Soisel ding a si lo.
Korea kawhhran piangthar zetzet pawl khi '' puai '' an tuah tam nasa.
Korea ah kum 8 zikte ka um ih,
Yongkicho te biakinn ( Yoeido Full Gospel )khi vei tampi ka khawm.
Full Gospel Church ti ah biak inn hmaiah an tar nan, AG an si.
Onnuri Church khi vei tampi ka khawm.
Piangthar zetzet kawhhran an si.
Puai tum zetzet an tuah ttheu.
Onnuri Church tla cu ( Chrismas )puai tuahnak ding ah ( Laimi pawlkom )paisa in pe ttheu.
Onnuri Mission in Leitlun hmun kip ah Missionary ( 2000 ) thawnghnih an thlah.
Veikhat tla cu Bus ( 200) zahnih lenglo thawn hramlak hmunnuam ah in feh pi.
Mah te mawtaw ih feh pawl thawn minung thawngkul luan kan si.
Onnuri Church hi member ( 70,000 ) thawngsawmsarih luan an si.
Rawl in do. Pawlkom-awknak, theihthiam-awknak caan a si.
Paisa tampi an cem. Hi mi ni ah cun '' Piangthar uh '' ti caan a si lo.
Zumtu pawl theihthiam-awk, pawlkom-awk caan, rawl-ei tlang caan a si.
Tui CBANA khawmpi hi kawhhran pawl, pawlkom-awk caan a si ka zum.
1. Zumtu pawl khristian nun thawn pehtlaih-awknak a si ka zum.
Zoh mawi le Pathian thangthat phah in nantuah a si ah cun,
nan tumtah mi nan kheng fuh ko ding.
Kawhran in hnatuan tampi a nei.
Pakhat te lawng a si lo.
Ka ngan cih lo mi khal tampi a um hrih.
Siang Mang.( Lai pacang ).
No comments:
Post a Comment