Galati 6:7-8
San No Thuan
Thuhmaihruai:
Ziangtin thu na ruahmi pawl hi na tthencat theu? Mihrek cu midang
in ziangtin in ruat pei timi a thupi bik ah re in thu an thencat (other-centered
decision making). Mihrek cu midang ih ruah daan khal thupi ah re lo in, maih
zawn lawng ruat, maih duhmi ngah ding lawng ruat ih thu tthencat an um (self-centered
decision making). Bible ca sungah, Pathian ih thluasuah a dongtu pawl cu
Pathian ih duhnak ziang a si pei timi (God-centered decision making) ruat ih
thu tthencat tu pawl an si.
Kan tuhmi vek in kan
at ding
·
Gal 6:7-8 – “Nangmah le nangmah bum aw hlah.
Zokhal in Pathian an dekcok thei lo. Milai cun an tuhmi vek cekci in an khawm
ding. Tisa duhnakih a tuhtu cun thihnak a khawm ding; Thlarau duhnakih a tuhtu
cun kumkhua nunnak a khawm ding.”
·
Thlaicii ciin thu:
o
Vainim kan tuhmi pawl hi thlamhmai hung rah
ciamco hngai sehla kan mang a bang tuk ding. Kan ciinmi vek in a rahpar kan khawm,
kan ei.
o
Cuvek in, tisa duhnak kim ter dingah na tikcu,
na fimnak, na sumpai, le nunnak na tuh ahcun na ah/khawm dingmi cu thihnak na
khawm ding. Na lungawinak a thi ding, na hnangamnak a thi ding ih, mithli le
sirawknak lawng na ah dingmi a si.
o
Thlarau ih duhnak, a nunnak ah a tuhtu cun
kumkhua nunnak a khawm ding. Thlarau ih duhnak na nun daaan, na thuruah daan le
ziangkim ah na tuh ahcun, lungawinak le Pathian ih nunnak asimi duhdim nun kha
na aat ngah ding.
o
Na tuhmi thlacii hi ruat sal aw: tisa duhnak
maw, thlarau ih duhnak?
Tisa duhnak a hril
sawntu pawl ih thuhla:
·
Adam le
Ave. Pathian in ei hlah uh a timi kha zawn lung in rak ei hlah hngai sehla
ziangtluk an nun a nuam ding. Eden dum ah nuam zet in an tefa pawl khal an
tlang ding. Pathian ih duhnak thlun lo in, Satan ih duhnak an thlun sawn tikah
camsiatnak an tuar. Eden dum in dawi an tuar. Pathian thawn an rak pawlkom aw
ringring nan, Pathian thu an ngai nawn lo cun Pathian thawn an pawlkom awknak a
rak cat.
o
Tui sun khal ah Pathian thu ngai sawn lo in,
tisa duhnak thu a ngaisawn tu, tisa lungput a keng sawntu pawl cu Pathian
thlarau thianghlim ih pawlkomnak le fimzirhnak na congah lo ding.
·
David. Bethsheba
ih ti kholh lai kha a hmuh tikah, a tisa duhnak diriam ding lawng ruat lo in um
sehla, inn sung a lut men ding ih zianghman buainak a tong lo ding nan. Pathian
ih duhmi hnak in amai tisa duhnak a hril sawn tikah, mi ih nupi a sualpi, a
pasal Uriah thattu ah a cang, a innsang ah Pathian ih hremnak nasa zet a tuar.
A fapa te a thih ter, a fapa Absalom in a siangpahrang a long; a nupi pawl a
sualpi.
·
Jonah.
Nineveh khua ah thusim duh lo in amaih duhnak Tarsus lam ih a tlaan tikah,
ngapi pum sungah a thleng.
·
Hi pawl in Pathian ih duhnak thlaicii tuh lo in,
maih duhnak thlaicii kan tuh tikah hivek in kan cang ding ti theicia ta hngai sehla
hivek in an rak um hrimhrim lo ding.
·
Pathian in kan hrangah kan cinken dingah a retmi
pawl an si. George Santayana timi cun, “Those who do not learn history are
doomed to repeat it.” A sullam cu, “Santhuanthu par ihsin a zir thiam lo tu
pawl cu veihnihnak palhnak an tong ding.”
Thlarau duhnak
thlacii a tuhtu pawl ih thuhla:
·
Noah. Pathian
in tlaangpar ah lawng a sak ter. Kum 120 a rei. A mipi pawl in Noah miaa pa an
ti. Asinan, Pathian ih fialmi, duhmi a si ruangah Noah cu tilik a hung thlen
tikah mifim bik ah a cang.
·
Moses. Pathian
in feh aw a ti tikah, ka tonghak, zianghman ka nei lo a ti nan, Pathian ih thu
a thlun tikah Israel mipi pawl runsuaktu ah Pathian in a can ter.
·
Daniel le
a ruali pathum. Zuu an inn ter, sa an ei ter. Asinan, zuu le sa ei duh lo
in, Pathian ih duhmi ti le rawl an hril sawn ih a um tikah, midang hnak in a
dam sawn ih a fim sawn.
·
Peter le
dungthluntu pawl. Thusim nawn lo ding in an kham, thawngthlak ding tiang in
an hro. Asinan, annih in ziang an ti, “We must obey God rather than men” (Acts
5:29). Minung hnak in Pathian ih thu kan ngai sawn ding tiah an ti.
Pathian thu kan
nunnak thlun theinak dingah, kan tuah tulmi pawl:
·
Pathian
ih kut sungah ziangkim a um timi kan zum a tul (Saam 103:19).
·
Kan
thatnak hrangah ziangkim khua in khan sak timi kan rinsan a tul (Rom 8:28).
·
Pathian
kan duhdawt a tul. Pathian duhdawt timi cu a thuthlun khi a si (1 John
5:3).
·
Bible ca
siar in a duhnak hawltu kan si a tul (1 Peter 2:1,2)
·
Thlacamnak
in Pathian thawn pawkom awtu kan si a tul. Thlacam tikah, Pathian ih duhmi
ziang a si timi ngai dingah caan pe ta aw. Nangmai duhmi lawng sim hlah.
·
Ralthat a
tul. Pathian ih duhmi thil thar le thami na tuah tikah midang in an lo do
ding. Ral tha zet in Noah bang in ding ko aw. Na ral thatnak cu na lamdannak a
si. Martin Luther cun, “Pathian thu thawn a mil aw lo timi in sim thei lawngah
ka tuahmi ka sir aw ding.” Pathian ih duhmi a si maw timi lawng ruat aw.
·
Pumap awk
a tul. Pathian na duhnak famkim tertu lawng i siter aw tiah na pum ap aw
ringring aw.
Pathian thungainak ih
a rah:
·
Na tuahmi kim ah na hlawh a tling ding (Joshua
1:8, Saam 37:4)
·
Na thlacammi khal pek a si ding (John 15:7)
·
Hnangamnak le lungawinak thawn na khat iamiam
ding (Saam 16:11)
·
Thlarau lam ah na tthangso deuhdeuh ding ih,
Pathian ih a lo pekmi taksa, thinlung le thlarau rundamnak kha famkim zet in na
co ngah ding (1 Peter 2:1,2).
__________________
No comments:
Post a Comment