Duhdawtnak Timi cu?

1 Cor 13:13; 10:31

Thuhmaihruai

Thlarau lam ah ziangtin ka tthangso le tthangso lo kan tah aw ding? Korea ah rawl suan an zuam aw. Pahnih teih suanmi kha a thaw tuk lawmlam. Zo deuh first kan pe ding ti an thei lo. Curuangah, ziangtin an suang timi thu kan sut ding ih an phi daan in first kan pe ding tiah an ti. Mi pakhat cun a rawl suan daan step by step in a sim. Pakhat cun, ka duhdawt bikmi ka fala nu hrangah ka suang ti in a let. First an pekmi pa cu duhdawtnak taktak thawn rawl a suangtu pa kha an pek. A netabik ih an tahfung cu duhdawtnak ih tuahmi a si maw timi a si.

Bible in teh ziangti in thlaraumi a si le si lo hi in tah?

1.     Lei tlumi pawl ih tah daan ahcun, thlaraumi pawl cu a khawm ringring, hlu pe thei ringring, hriat lo tong ih tong thei, thlarau sia tla dawi thei, mino khal dam ter thei maw ti pawl hi a si. 

2.     Bible cun, duhdawtnak a nei maw timi hi a tahfung a si. X le Y timi in kan simfiang ding ih. X cu kan nei/si nan Y kan neih lo ahcun zianghman ka si lo ti in simsehla. X ah na duhmimi re aw. Cule Y ah duhdawtnak kha re aw. X  ka nei/si nan duhdawtnak ka neih lo ahcun, zianghman thathnemnak a um lo tinak a si.

a.     X: ka lian zet

b.     Y: duhdawtnak ka nei lo.

c.     Result: Zianghman ka si lo.

Duhdawtnak ih a Hrampi cu Zumnak (The Root of Love is Faith)

Duhdawtnak timi nei thei dingah minung lam in kan nei thei theu lo. Duhdawtnak neih thei daan phun thum:

1.     Zumnak: Pathian in I duhdawt ih, ka sualnak tampi tla I ngaithiam timi a zumtu pawl, ka sinak vek in I duhdawt ti a zumtu pawl an si.

2.     Ruahsannak: Cupawl lawng in lei tlunah zovek ih in duhdawt lo khal le duhdawttu Pathian ka nei lai ti an ruahsan ngam. Pathian ka lam ah a ttang ringring ti an thei.

3.     Duhdawtnak: cu pawl cun Pathian in anmah a duhdawt daan in midang an va duhdawt thei ve.

Duhdawtnak timi cu:

1.     A thin a sau ih zaangfahnak thawn a khat (v. 4)

2.     Thudik hman in thil a feh tikah a lungawi (v. 6)

3.     A zumnak a hlo dah lo.

4.     Ruahsannak thawn a khat

5.     Tuar theinak thawn a khat.

Duhdawtnak a si lomi pawl cu: (v. 4-

1.     Mi a iksik lo.

2.     Tluang akhawng lo (porh aw)

3.     A puarthau fawn lo.

4.     Nun hel-hlong in a nung lo (rude)

5.     Amai zawn lawng a ruat lo

6.     A thin a tawi lo.

7.     Thincin a nei lo.

8.     Thiltha lo (injustices) parah a lungawi lo.

9.     A beidong dah lo (v. 7f)

Thunetnak

Thlaraulam ah kan tthangso maw timi tahnak cu thil dang in a si lo, duhdawtnak thawn kan tuahmi a si maw timi lawng hi a si. Duhdawtnak timi cu Pathian hmin in/Pathian mithmai zoh in midang parih thiltha va tuah khi a si.  

San No Thuan

July 11, 2014

Pu Sui Luai, Frederick, Maryland te inn ih ka simmi a si.