Chinmi/Chinram le Hmaisa Bik

Chin unau zaten,

Chinmi lakih mi hmaisabik pawl Salai Phun Hre Mang ih in rak sim mi kha a ttha tuk lawm mam. Khai record kha ka zohsal tikah Pakhat te kan hrelh pang asi hmang ti ih ka theih fiangmi  a um ih bet/rem sal dingin thu dik ka rak thawh ve nak a si. 

Salai Phun Hre Mang ih rak ngan vek a si le; 

"Zilthli mekazin avoi(10)nak sungta(cahmai 152-156)ih salai Lal Ram lian ih ngan mi a si.Theih cio kan duh ding ruah san nak thawn ka rak thlah/ngan nak a si." tiah a ti.

Zokhal nan mawh lo Information kan lo pek thei lohli lo ruangah a si.  

Chin Mi hmaisabik pawl lakih No. 97 nak Pilot (BAC) ---- Thangvel (Falam) ti hi  Burma Air Corporation (BAC) ti ih kan tah le a dik ding.  BAC hlanah hin Kawlram Acozah in Airways a neihmi cu Union of Burma Airways (UBA) an ti.

UBA cu Ttawhlanzi Acozah a kai 1962 hnuah BAC tiah a hmin an thleng ih a si dan cu amah kel a si.(1963 kum cem lam lole 1964 kum thok lam a si hmang)

Kawlram Acozah in UBA ti ih a kawhlai caan ah Falam peng Zathlir khua Pu Thang Cung Nung (Saikal Chairman) ih fapa Tlangval Than Kip Luai cu kawlram Acozah tirhthlah in England ram Scotland, Perth khua ah 1961 March thla ihsin Pilot zir dingah thlah a si ih 1962 November thla ah a ttheh. 1963 Febuary thla in Kawlram Acozah vanzam a mawng thok a si. Cu ruangah Chinmi lakah Comercial Vanzam mawng (Pilot) hmaisabik cu  Tlangval Than Kip Luai a si.

(Tu-ah cun Pu Than Kip Luai a si zo. Pu Than Kip Luai hi Fanu pakhat le fapa pathum a nei. A nupi Ngun Zi thawn Frederick khua, Maryland, USA ah an um)

Chinmi Pilot (Vanzam mawng) hmaisabik cu Air Force ihsin Pu Pau Khan Thang a si.  (Air Force)

(Pu Than Kip Luai ih sim vek asile a nih hnakin kum hnihthum lai a hmaisa a ti.)

Thuanthu cu rotling a si ruangah thu dik theih suakmi ka rak tarlangnak a si.

Salai Phun Hre Mnag in tlang cabawm ih a rak thlah dah micu hi tin a si.     


     

Chinmi/Chinram le Hmaisa Bik
                                                                                             
       HmaisaBik                                   Hmin (Peng)                          Kum
 
 1.Agriculture Deputy Commisioner      H.Siang Uk (Hakha)
 2.Apple Cing Tam HmaisaBik             Dam Za Go(Tedim)                   Prewar
 3.Assistant Director,Sibawi                   Khup Za Pum(Tedim)                1972
 4.Aungsan Thuriya Lawmman Ngahtu      Capt.Thai Sawn(Matupi)           1959
 5.B.A                                                   Siah luai(Falam)                      1938
 6.B.A (Numi lak ah)                             Hlawn Kip Thluai (Falam)          1960  
 7.B.A(Hons)                                     R. Tuang Hmung (Falam)          1941
 8.B.A (Ed)                                        E. Van Kyi(Falam)                   1956
 9.B.B.R                                            Revd Lal Than Lian(Kalaymyo)
10. B.Com(Numi lakah)                       Monica Cung Thluai(Falam)       1961
11.B.D                                           Revd S. Hre Kio(Hakha)            1962
12.B.E(Civil)                             Lal Bik (Falam)                       1953
13.Biak-inn hmaisabik            Khawsak(Tedim)          Feb 17  1906 
14.Bible hmaisa bik                      laizo,(Falam-Chin)                   1951
15.B.RE (Numi lakah)                   Khuang Nawn(Tonzang)           1976
16.Brigadier                                    Tuang Za Khai(Tedim)             1980
17.B.Sc (Numi lakah)                   Cer Cin(Falam)                       1965
18.B.Th                                      Revd D.Van Bik(Than Tlang)          
19.Burma GallantaryMedal(B.G.M )   Sub.Than Thio                          
20.Cafang(Alphabet)Tuah tu             Pau Cin Hau,Laipian(Tedim)       1897
21.Chin Champion League.Yangon   Buannel Football Club(Falam      2004
22.Chin Minister                            VawmtuMawng (Mindat)           1948
23.Chin- Myanmar Dictionary             Sui Sui Kyaw(Falam)                2005
24.Chin Study Bible (Lai Hrilhfiah Bible) Fundamental BCM (Falam)         2005
25.Chin Phunpi Ni Puai hmaisa bik     Mindat                       Feb 20   1951
26.Chin Radio(Aw suah)thuthantu Co Htwe(Falam)            Feb 20  1958
27.Chin Rifles                             Falam                                   1945
28.Colonel hmaisa bik                      Dal Za Kam(Tedim)                  1948
29.D.B.S(Doctor of Biblical Studies)    Timothy Sui Lian Mang(Falam)    1999
30.D.D (Doctor of Divinity)           Lal Than Lian  (Kalaymyo)               
31.D.Hum (Doctor Humanity)      Timothy Sui Lian Mang(Falam)    2000
32.Deputy Assistant Director,Sibawi  Ngin Thawng(Tedim)                 1948
33.Deputy Chief Engineer             C.K TaiKwel(Falam)                  1975
34.Director-General Commissioner   R.Tuang Hmung (Falam)            1947
35.Director- General (Custom)         R.Tuang Hmung(Falam)             1972
36.Director-General (Planning)         Sang Khup (Falam)                   1993
37.Dispensary                                Falam                                    1895
38.Football Club(Fel takih ding hmaisabik) Buannel FC,Yangoon                2002
39.Forestry Officer                        Ral Lian Sum (Falam)                 
40. F.R.C.S                                    Ni Khuai (Falam)      

41.Geologist Senior Officer               Ngaw Cin Pau (Tedim)              1953
42.Hla Bu(Hymn Book)                  Asho Chin                               1892
43.Hramthok Tlawng (Primary)      Falam                                    1906
44.Harhdam nak Janal hmaisa bik   Nunfu janal,FPTP,Magway         2005
45.Judo Champion (Kawlram)       Khuang Ling(Falam)                  1965
46.Karatedo Kawlram aiawh ih hril mi   Yin Hua Thawng Luai(Falam)      2001 
47.Karen Missionary                          Thra Sein Win (Hakha)              1900 
48.Kawfi Rialnak  Cet Tuah hmaisabik  Lam Za Thang (Tedim)                
49.Khristian(Zumtu)hmaisa bik )       Thuam Hang&Pau Suan (Tedim)   1904
50.Khristian Khawmpi(Convention)    Hakha                     April 22-26 1909
51.LaiCa Zir ih Hman mi tong         Laizo,Falam                              1925
52.Lailak Tlawng(Phun 7)         Falam                                     1913
53.Lairam leh Lai tlawng ta hla phuah tu     Za Nei Sum (Falam)           
54.Lansin Lunge Baho Kawmiti Sungtel  Ciang Za Dim(Tedim)
55.Lehnak lam thuthang hmaisa bik       Buannel FC thuthang ca           2003
56.Lieutenant Colonel                       Hrang Thio (Falam)                 1948
57.Litt.D (Doctor of Literature)         No Than Kap (Falam)              2004
58.LL.B(Numi lak ah)                        Sui Thluai(Falam)                   1973
59.M.A                                       S.T .Hau Go(Tedim)                1946
60.M.A (Numi lak ah)                     Dawt Sung (Hakha)                 1968
61.M.A (Science Education)       C.Thang Za Tuan(Tedim)         1975
62.Major                                 Kap Cong(Falam)                    1954
63.Major-General                    Tuang Za Khai(Tedim)                
64.Mass Education Officer                 Khua Hat (Hakha)                  
65.Mawtaw Mawng Thiam hmaisa bik    Revd Vial Nang(Tedim)            1938
66.Mawtaw nei hmaisa bik                  Lam Za Hang (Tedim)              1938
67.M.B.,B.S (Sibawi)                    Ni Khuai(Falam)                     1952
68.M.B.,B.S (Numi lak ah)            Sui Men Thluai(Falam)            1966
69.M.E (Civil)                             Lynda Tumpar (Falam)           
70.M.E (Electric)                       C.K. Tai Kwel(Falam)             1954
71.M.Ed                               Mang Za Suan (Tedim)          1977
72.M.RE                                S.T.Hau Go (Tedim)              1950
73.Missionary( U.S.A)                Revd A.E. Carson     Mar 15    1899
74.MissionaryTlawng                     Hakha                                1901
75.Model Girl(Ram pum ih lar ban)        Thet Mon Myit(Falam)           2003
76.M.Sc                                        C.K.Tai Kwel(Falam)             1954
77.Myanmar-Malay Speaking Cabu      Steven Cin Za Khai(Tedim)     2003
78.Myanmar -Thai Dictionary Ngantu Sa Tin Thawng(Falam)           2004
79.Nunau Tlawng                             Tlaisun (Falam)                     1929
80.Numi Zung Bawi(Army-Nurse)    Capt.Vial Khan Lun(Tedim)    
81.Numi Zung Bawi (Navy)            Lt.Betty Mundit
82.Nurse                                   Than Htwe (Falam)
83.Nurse Tutor Graduate                Ngam Cuai
84.Olympic Boxing ih zuam thei tu       Van Lal Dawl(Falam)            1972
85.Party Regional Committee Chairman  E.K .Kim Ngin                     1981
86. Pastor                                     Revd Thuam Hang(Tedim)     1907
87 Ph.D                                    Zam Khen Thang (Tedim)      1972 

88.Ph.D( Architecture)                    Saw Kulh(Falam)              
89.Ph.D(Ramsung)                                          Khup Za Thang(Falam)         2002
90.Ph.D(Theology)                                          S.Hre Kio(Hakha)                1984
91.Phun Hra awng                                          Dr. Hau Za Cin Pau(Tedim)    1931
92.Phun Hra awng(Numi lak ah)                         Hlawn Kip Thluai(Falam)       1956
93.Phun Hra ALL(5) D thawn awng                     Van Nei Kil(Falam)               1997
94.Phunsang Tlawng theh                                Bo Aung (Asho)                  1926
95.Phungsang Tlawng Zirh tu                            Ral Lian Sum (Falam)           1976
96.Pilot(Air Force)                                           Pau Khan Thang (Tedim)  
97.Pilot B.A.C                                                Thang Vel(Falam)           
98.Planning Deputy Director                             Sang Khup(Falam)                 1971
99.Planning &Worker Minister                            Pum Za Thang (Tedim)
100.Police Officer                                           Lian Kho Mang(Tedim)     
101.Po Pat (Pangangpat)zuattu                        Pum Kam ,Thuklai(Tedim)      1955
102.PoPat tahnak cet tuah tu                           Kam Khan Thang(Tedim)
103.Ramkulh Harhdam nak Bawi                        Dr.Ngin Thawng(Tedim)         1955
104.Ramkulh khawpi                                       Falam                                 1892
105.Ramkulh siizung                                       Falam                                 1978
106.Ram Palai (Ambassador)                            Dr.Vum Kho Hau(Tedim)         1955
107.Reverend                                                Revd Thuam Hang(Tedim)      1907
108.S.C.L,phun(9) awng(Numi lak ah)                Hlei Cuai                             1937
109.Session Judge Officer                               R.Lian Kim(Falam)
110.Social Welfare Minister                             Van Kulh (Than Tlang)             1978
111.Thil thit khawl tuah tu                              Pum Za Thang (Tedim)  
112.State Co-operative Officer                        L.Tun Thawng
113.State People's Council Chairman                 Kap Cung Nung(Falam)            1974
114.State Scholar                                         C.K Tai Kwel(Falam)                1952
115.State Scholar (Numi lakah)                        Hlawn Kip Thluai(Falam)          1961
116.Suakthuan Tlawng(High school)                  Falam                                  1935
117.Suakthuan Tlawng sayakhi                        Sum Mang(Falam)                   1948
118.Th.M                                                     No Than Kap(Falam)               1988
119.Thuthangca                                            Pawlpi,Falam                         1947
120. Union Cabinet Minister                             Za Hre Lian(Falam)  
121.UNO Meeting kaitu                                   Za Hre Lian  (Falam)
122.Vanzam(Numi) Khualhmuak tu                     Helen Lun Pum(Tedim)
123.Zaithiam(Mirang Pathian hla tapphel)           John That Luai(Falam)             2004     
124.Zaithiam(Rampi theihih milar)                      salai Sun Ceu(Falam)              1973
125 Zirhtu/tlawngsaya(Teacher)                        Khuang Sung                         1922 

Then sawng nak(Classification)
  
       Falam ihsin hmaisa bik..................................................65
       Tedim-Tonzang ihsin hmaisa bik.....................................35
       Hakha-ThanTlang ihsin hmaisa bik..................................10
       Asho ihsin hmaisa bik....................................................2
       Kalaymyo ihsin hmaisa bik...............................................2
       MinDat ihsin hmaisa bik..................................................2
       Matupi ihsin hmaisa bik..................................................1
       Adang ihsin hmaisa  bik..................................................8
 
                        Hmaisa Bik Zate kom   .............125

                                        Chinram ih Bik Pawl
 
 1.Tlang sang bil(Above sea level)  ........Victoria (Kanpelet)  ...............Pi 10200
 2.Lamzin sang bik(Above sea level).......Tedim khua...........................Pi 7758
 3.Khawpi sang bik(Above sea level).......Hakha khua.......................... Pi 6120
 4.Khawpi niam bik(Above sea lavel).......Paletwa khua........................ Pi 179
 5.Dikari ngah tam bik peng...................Tedim peng (1998)................ Mipum 1800
 6.Digari ngahmalbik peng......................Kanpelet peng(1998)............. Mipum 100
 7.Titlaser (Water fall)sang bik................Bungtla titlaser(Matupi)
 8.Tili tum bik.......................................Rihli (Falam).........................3pg.kv
 9.Peng tumbik.....................................Paletwa...............................3176.04 pg.kv
10.Peng fate bik...................................Tedim..................................949.69 pg.kv
11.Lilawn hminthang bik.........................Vaar Bridge(Falam)1945...........Pi 340
12.Hmun mawi bik.................................Buannel,Falam
13.MiCak(Hmin thang) bik......................Thuam Cak(ZoHmun,Falam)
14.Doctorate dikari ngah tam bik.............Timothy Sui Lian Mang(Falam) 4
                                                            D.B.S,D.Hum,D.D,LL.D
15.Editor tuan tam bik(Kum 1 sung).........Salai Lal Ram Lian(Falam) 4
                (Buannel,Thuro,CCL janal,buannel mekazin,Falam pawlpi mekazin:kum 2005)
         *  Chin Ambassadors
                      1.Za Hre Lian.............Falam Township
                      2.Dr.Vum Kho Hau......Tedim Township
                      3.R.Tuang Hmung.......Falam Township
         *Signatories of the pinlong Agreement (12-Feb-1947)
                      1.Hlur Hmung.............Falam Township
                      2.Kio Mang................Hakha Township
                      3.Thawng Za Khup......Tedim Township
        *Chin Ministers (1948-1982)
                       1.Vawmtu Mawng
                       2.Za Hre Lian
                       3.Thang Lian
                       4.Ral Hmung
                       5.Lun Pum
                       6.Shing Thang ATM
        *Council of State Menbers (1974)
                        1.Thakhin Aung Min
                        2.Khen Za Hmung
                        3.Van Kulh
                        4.Vawmtu Hashing
        *Dictionary Tuah tu
                        1.English-Tedim Chin Dictionary............J.Khat Suan..............1955
                        2.English-Falam Chin Dictionary............E.Van Kyi..................1959
                        3.English-Hakha Chin Dictionary.............D.Van Bik.................1987

( Hminsin: Theih sual mi.hrelh mi aum pang asi le cangan tu in ngaidam alo dil.)
  
                                           A Tlun lam ih ca ka rak thlah mi hi Zilthli Mekazin avoi(10)nak sungta(cahmai 152-156)ih salai Lal Ram lian ih ngan mi a si.Theih cio kan duh ding ruah san nak thawn ka rak thlah/ngan nak a si.

                                                                      Salai Phun Hre Mang (Mang Pi) 

Chin mi kan pa le pawl an duai lo, Ka lung a awi,

Lal Nei Mang

Note: A tlun lam ca pawl hi record ih ret tha a si tiah ka retmi a si ih, a dik lo nak zawn tla a um thei. Pu Lal Nei Mang ih thlahmi ka laksawngmi a si. 

From: lal mang <lalneimang@yahoo.com>

Subject: [chinpawlpi] Thuahthu dik rem salnak.

Date: June 8, 2012 11:35:52 AM EDT

To: Rih Li <Rihli@yahoogroups.com>, Lailun pawl <lailun@yahoogroups.com>, chinpawlpi@yahoogroups.com, falampawopi@yahogroups.com

Reply-To: chinpawlpi@yahoogroups.com

ZOHṬHIMTLAK PA

Joel Lal Cung Mang

Thufim pakhat ah hi ti’n a um, ‘mi hmuahhmuah hi pa an si thei nan,mi hmuahhmuah  hi zohṭhimtlak pa an si thluh thei lo’ ti a si. Thufim pakhat leh ahcun, ‘pa ṭuanvo na lak thei lo ding a si ahcun pa khal si duh hlah’ ti’n a um. Innsung sang pakhat ih tlaksiatnak le ṭthansohnak, camsiatnak le thlawsuahnak hi innsang pa bik parah a ṭhum-aw. Curuangah Pathian ih dinmi innsung sang a kaihruaitu pa le pawl kan nunnak ah zohṭhimtlak nun kan nei theinak ding ah a hnuailam vekin Pathian thu thawn zirnak le thazaang laknak kan nei tlang ding.

ZOHṬHIMTLAK PA:

1. Biaknak lam ih kaihruaitu

Khristian innsung sang pakhat ah pa bik in ṭuanvo tumbik le thupibik a neih-mi cu a innsang zate’n Pathian thu ih kaihhruai ding le cawmdawl ding hi a si. Hi vekih Pathian thu ih innsang a kaihhruai theinak dingah amah rori kha Pathian thu ah mi piangthar, Pathian thu ngaina, khawm ringring, Baibal siarnak le thlacamnak nei ringring a si hmaisa a ṭul.

-Jacob cun a innsung sang le tefa zate’n Pathian thu ah a kaihruai (Seem. 35:1-7)

-Israel pa le pawl cun biaknak lam ih ṭuanvo an neihmi innsang ah an ṭuan (Suah. 12:3)

-Elkanah in a innsang (nu fa) cu Pathian thu ah a kaihruai (ISam. 1:21)

*Zohṭhimtlak pa kan si theinak ding ah kanmah rori Pathian thu ih ke kan kar hmaisa hnu ah kan innsang cio hi Pathian thu ah kaihruai le cawndawl ding kan si.

2. Fa le fimthiamnak ṭuanvo neitu

Thufim pakhat ah hi ti’n a um, ‘zirhtu sayagi zakhat hnak in faate hrang ahcun pa pakhat a thupi sawn’ ti a si. Innsang ih pa hi te le fa fimthiamnak, ṭhansohnak le mi an bangnak hrangah zirhtu ṭhabik a si. Fimthiamnak, ṭhansohnak le mi an bangnak ding ah Pa in fa le pawl cu thatho zetih thazaang peknak le simzirhnak neih ringring a ṭul. Tlawngkai ih fimthiamnak a hawltu tlawngta pawl nunnak zoh tikah innsang pa le pawl ih thazaang pekmi fa le pawl cu an dang ngenge, ca khal an thiam hleice. Kanmah cathiam lo kan si hman ah tefa pawl ca an thiamnak, fim an zirnak hrang ahcun nasateih ṭanpi le thazaang pek ding hi a thupi tuk. Hmailam fale pawl fimthiamnak ih an hlawhtlin le tlin lo cu pa le pawl parah a ṭhum-aw a si. Fale fimthiamnak ih kaihruai hi:

-Pathian ih fialmi le thupekmi a si (Seem. 18:19)

-Pathian ih duhmi le thupekmi a si (Daan. 4:9-10)

-Pathian in pa le paw hnen ih ṭuanvo a pekmi a si (Efe. 6:5)

*Zohṭhimtlak pa kan si theinak ding ah kanmah rori in kan fe le pawl fimthiamnak le ṭhansonak hrnagah theitawkin ṭanpi le thazaang peknak kan neih ringring a ṭul.

3. Fa le nunsimtu

Fa le nun sim ih thupitzia hi ti’n mi pakhat in a ngan, ‘fate nun na sim le sim lo ih a rahsuah hi tuih hnu kum 20 hnu lawngah na fiang leh ding’ ti a si. Fate nunsimnak hi atu rori ah ṭhathnemnak nei lo le umzia nei lo vek a bang vek nan, fa le pawl an upat le pitlin tikah a rahsuah a lang. Kan Pathian thu tla cun fate nunsim daitlanh hi a duh hrimhrim lo, thei tawkih nunsim ding in in zirh. Thuanthu pakhat ah hi ti’n an ngan dah,

‘fapa pakhat an neih sun cu an duat luan tuk ruangah nun an sim dah lo. A upat tikah damiah le mi that ah a cang ih a dam sung thawng ah ret ding ti a si. Cuih misual pa ih ṭongsuak mi hi ‘hi vek tiang ka thlennak hi ka nu le pa ih ruangah a si. Ka nauhak lai ihsin tuih ni tiang nun in sim dah si lo a poi tuk’ ti’n a ṭap rero ti a si. Baibal sung ah hi ti’n kan hmu:

-Fa le pawl cu kawk, zirh le nunsim ding (Thuf. 3:11-12)

-Nunsimnak ah a ṭul ahcun funghreu khal hman ding (Thuf. 23:13-14)

-Nun simnak cun nun ṭha le nun mawi a rahsuah a si (Thuf. 22:15)

*Zohṭhimtlak pa kan si ih zohṭhimtlak fate a neitu kan si theinak ding ah fa le pawl nunsim, a ṭulnak ih kawk le vuak hi daithlang lo ih kan tuah tengteng ding mi a si.

4. Fa le ṭulnak bawmtu / cawmtu

Mirang thufim ahcun, ‘pa hi Pathian ih pekmi sum neitu a si’ ti’n a um hngehnge. Thufim pakhat leh ahcun, ‘na fate ih ṭulnak na zoh thei ding lo cun fate nei duh hlah’ ti a si. Pa in a hrinmi fahniang ih ṭulsammi pawl bawmtu ding ah ṭuanvo tumpi a nei tinak  a si.

RAALRIN DING:

Kan Laimi nu le pa tampi kan thinlung put daan a dik  thluh lomi pakhat cu ‘fate hi in cawmtu ding ah kan ruat ringring’. Curuangah an hung upat ih nu le pa an cawm thei lo tikah nu le pa in fate mawhthluknak le camsiatnak tiang a suak. Himi zawn ahcun TULUK (Chinese) pawl hi cawn an tlak zet. An fa le pawl ih cawm an beisei hrimhrim lo, anmah sawn in an tarkun tiang fa le an cawm sawn. Fate hi in cawmtu ding ah maw, kan cawm ding ah kan nei? Nu le pa zoh ṭhat le cawm ding hi fate hi ṭuanvo a si vekin, nu le pa khal in fa le ih zoh le cawm ding hi beisei bik ding  a si cuang lo. (Fate in nu le pa cawm lo ding kan tinak a si lo, nu le pa sawn in fate ih cawm lawnglawng beisei ding a si lo tinak sawn a si. Nu le pa ih ṭuanvo le mawhphurh tumzia langternak sawn a si).

Himi thu ah Pathian thu ih kan hmuh mi cu:

-Nu le pa sawn in fate cu cawm ding a si (IIKor. 12:14)

-Fa le pawl thinnauter (cawm thei lo ruangah vuivai tla a si ke cu) lo ding (Kol. 3:21)

*Zohṭhimtlak pa kan si theinak ding ah Pathian ih in pekmi fahniang pawl hi in cawmtu ding lawng beisei lo in, kanmah sawn in thei tawkin cawm ding a si.

5. Thlawsuahnak petu

Greek pawl ih thufim ahcun, ‘Pa pawl hi Pathian in amah aiawhtu ding ah leitlun ih a retmi a si’ an ti. Pa le pawl hi fa le pawl hrangah camsiatnak le thlawsuahnak petu kan si. David ruangah Pathian in Solomon cu siatsuah lo in a um, Solomon ruangah a fa le san ah Israel ram cu hmun hnih ah an ṭhenaw (ISiang. 11:11-12). Kanmah ih ṭhatnak le Pathian ṭihzahnak ruangah fa le pawl in Pathian thlawsuah an don thei vekin, kanmah ih ṭhatlonak le Pathian ṭihzah lonak ruangah fa le pawl in camsiatnak le siatralnak an tong thei a si. Fa le pawl parih ṭongkam sia le awhrang hman tivek tla hi raalrin a ṭul zet. Fa le pawl parah a thlummi le thlawsuahnak ṭongkam hman a ṭha. Kan ṭongmi vekih Pathian in a thlenter thei a si.

 Hlanlai zumtu hmaisa pawl nunnak kan zoh tikah:

-Isaak in Jakob cu thlawsuahnak a pek ih mi thlawsuak ah a cang (Seem. 27:27-29)

-Jakob in a fe le pawl thlawsuahnak a pek ih Israel cithlah pawl cu leitlun thuanthu hmuahhmuah ah Pathian ih thlawsuah bikmi ah an cang (Seem. 49:1-28).

*Zohṭhimtlak pa kan si theinak ding ah kan ṭongkam, tuahnak le ziangkim ah fa le hrangah thlawsuahnak petu kan si ding a thupi.

Duhdawtmi Laimi Pa le pawl, kan hrinmi fahniang le pawl ih lawmzet mi pa maw kan si? Asilole mawhtluk le vuivo rero mi so kan si? Hrinmi fahniang le tefa hrangah zohṭhimtlak nun neitu kan si cio maw? Innsang te le fa hrangah zohṭhimtlak nun neitu kan si maw? ZOHṬHIMTLAK PA kan si theinak ding ah: fa le pawl hi Pathian thu ah thei tawkin kaihhruai in, fa le pawl fimthiamnak hrangah thei tawk ṭanpi  / thazaang pe in, fa le nunsim daithlang lo in, fa le pawl ih ṭulsamnak theitawk bawm in thlawsuahnak a petu si thei ding in zuam cio uh si!!!

“ZOṬHIMTLAK PA CUN ZOHṬHIMTLAk FA A NEI”

I hrangtu le I duhdawt biktu ka pa Pu Lian Hre (Hmunṭha khua ih um) upatnak le sunlawihnak hrangah ti’n,a fahniang ih ka ngan hnelhno mi a si.

Joel Lal Cung Mang

KL,Malaysia

Midang in na thu an lo relsiat tikah:

1.     Ziang tivek ih na um khal le na thu cu an lo relsia thotho ding. Curuangah, na tuah dingmi kha tuah mei aw.

2.     An lo relmi kha a dik maw ti sut aw awla, a dik ahcun, rem aw. A dik lo ahcun, taan san men aw. President Abraham Lincoln kha mihrek in a siatnak an rel ciamco. Cutikah, a rualpi pawl in ziangah na let hngai lo tiah an sut. Cutikah, a timi cu, “Ka thuhla a dik lo ih an simmi hmuahhmuah ka leh ahcun, thil thupi dangdang tuahnak caan ka nei nawn lo ding” tiah a ti.

3.     Veikhat ah minung 10 innsangpi kai an zuam aw. Mipi in tha an pe ih an kai. Sinan, a hrek hrawng an thlen tikah, a hrek mipi in rungtum men aw tiah an auh. Mihrek in na tla lak ding, na kai thei nawn lo le tum aw tiah an ti ih, an kai dingmi le tthat 100 a si fawn. Midang pawl an ttum theh lai ah, pakhat cu a kai sinsin ih tthat 100 cu a kai suak. Ziangruangah si pei tiah interview an tuah tikah, cupa cu a hna a rak set ti a si. Thanaunak aw pawl kha hnaset tun mei aw la, na tuah dingmi kha ka thleng tengteng ding timi ruahsannak thawn kai vingvo aw.

4.     Tlaangleeng mawngtu si aw la, na tlaang lengah mi zapi tein an khah hlan lo ka feh lo ding tiah na ti ahcun, khui tik hman ah na tlaangleeng a feh thei dah lo ding. Cuhnak in, mi pakhat te an si khal le, feh aw, mihrek cu hmat deng pahnih thumnak in an ra kai leh ding. Feh rero mei aw.

a.     Hna na tuan tikah, hmakhat te ah hlawhtlin ding ruat hlah. Na tuah dingmi lawng tuah mei aw la, nuam tete in thil fate pawl kha na theh suak vingvo ding. Thil fate tampi theh suaknak pawl a komawk tikah tampi na theh suak thawn a bang aw.

b.     Mizapi in an lungkim le lawng ka tuah ding tivek ih na ruah ahcun thil na tuah suak thei dah lo ding. Mihrek cun, na tuah hnu tawkfang in an lo kom leh ding.

The Most Effective Time Management Strategy: Doing God’s will

By San No Thuan

Matt 6:33

John Bright: “Ziangkim ka tuah tikah, Pathian ih I fialmi zoh in ziang ka tuah hmaisa ding ti ka ruat ringring.” He is a Campus Crusade founder.

Problem:

·      Kan tuah tulmi tuahnak caan hi ziang tin kan ngah thei ding?

·      Caan kan hman daan in zovek ka si (who we are) tile, ziang ka cang ding (what we are) ti kan thei thei.

·      Plato,  “Cekfel awknak nei lomi nunnak cu nunpi a tlak lo.”

·      Plato, “Unexamined life is not worth living.”

Answers:

1.    A thupi bik in thok aw:

a.     Mi hlawhtling lo pawl ih daan cu a thupi lo bikmi in hnatuan an thok.

b.     Major le minor: thupi le pi tuk lo thleng dang aw.

c.      Thil tumpipi vei khat ah theh tum hlah. Thil fatete in a thupimi kha theh tum aw.

d.     Ziangruangah mi tampi in thil an tuahmi an hlawhtlin thei lo tile, vei khat te ah thil tumpi tuah an tum ruangah a si. Hlawhtlinnak timi cu thil fatete hlawhtlinnak in a rami a si.

a.     One of the greatest reasons people cannot mobilize themselves is that they try to accomplish great things. Most worthwhile achievements are the result of many little things done in a single direction. NIDO QUEBIN

 

2.    Ziangtin thil thupi le thupi lo kan then ding?

a.     Pathian ih duhmi ziang a si ti hawl hmaisa bik aw.

b.     Mark 1:35 – Zingtin Jesuh cu a tho ih thla a cam. A pa thu a ron.

c.      Pathian duhnak kim ter ding kha na tumtah bikmi a si ahcun, ziang a thupi bik, ziang a thupi lo timi na tthen thiam ding.

d.     Pathian ih hruainak lawng thlun aw. Nangmai duhmi le hruainak kha thlun hlah. Thlacamnak thawn apta aw.

e.     Pathian hruainak tel lo ih maih duhmi tuahnak ih fehpimi nun cu suncaw heu le calpal cim men a si. Cu pawl hmuahhmuah kha kan cancel theh ta a tul.

f.      Na thinlung in tuah ding na ruah tikah, na thinlung nan tthencat hlan ah Pathian ron ta hmaisa aw.

·      E.g. John Bright hrang ahcun, “Pathian ih fialmi, mi hmuahhmuah ka dungthluntu va si ter uh timi hi ka thuruahnak ih hrampi a si.” (Matt 28:18-20)

·      Mi hrek khat cu hnatuan an thiam zet ding. Asinan, an hlawh tlin lo. Ziangah tile, hna cu an tuan nan, tuan ding si lo mi hna kha tha zet in an tuan. Hlawh tlin pawl cu tuan ding simi hna kha tha zet in an tuan. Cumi thei dingah kan boss a simi Pathian thawn kan rel tlaang ringring a tul.

3.    Zuam aw.

a.     Kan hnatuan cu taimak suah in zuam ding. Pathian ih hnatuan cu thluasuah in pe ding. Thlaicii tuh ding cu kan tuan vo. A keuh tertu ding le, vanruah a sur ter tu ding cu Pathian tuanvo a si.

b.    Thufim 16:3  … tuan lo pi in ap hlah. Tuan aw, na tuanmi kha Pathian thluasua pek ter aw. Na tuan ruangah na hlawhtling ti ruat hlah.

c.     Education is important but zeal is more important.

4.    Cawlh caan thiam aw.

a.     Mi pakhat cu cawl lo in hna a tuan. A bang tuk ih, a thin a tawi, customer pawl a biak daan a tha lo ih, customer a nei nawn lo.

b.     Insurance tuahtu pakhat cun, “Zaan 6:00 pm ih ka hnatuan ka theh lo ahcun, cuih paisa cu ka tul lo” tiah a ti. Cun, innsang pawl le, rualpi pawl thawn pawlkom awknak a nei.

c.      Zuamnak men lawng a tawk lo. Thil thupi dang tla tuah man ding in caan an tthen thiam a tul.  

d.     Thusimtu 3:1-8 .. Caan dang thupimi pawl tla tuahnak caan ret ding tum aw.

Ziangruangah Pathian in Thitumnak A Rak Tuah?

by San No Thuan

Thuhram thawhnak

Zo in thitumnak a rak tuah?

·      Pathian ih in tuah sakmi le in pekmi a si. Minung ih tuahmi a si lo.

·      Seem 2:18

o   “Cun Bawipa Pathian in, “Minung hi amah lawngih a um ding cu a rem lo; amah bawmtu ah rualpi ka tuahsak ding,” a ti.

o   Cutin Adam ih hnakruh sung in Eve a tuah.

·      A hmaisabik thitumnak cu Pathian in Eden dum sungah a tuah.

·      Thitumnak timi cu Pathian thluasuah/laksawng a si. Ziangruangah a rak tuah timi kha phunthum in sim ka duh.

Ziangruangah Pathian in thitumnak in tuahsak?

1.     Bawmtu le thazaang petu rualpi tha nei dingah (for our companionship to have mutual help and encouragement – to enjoy phileo love)

a.     Seem 2:18 … Amah lawng um a tha lo. Amah bawmtu rualpi ka tuah sak ding.  

b.     Na nupi /pasal ih rualpi tha bik na si maw?

c.      Nangmah kha a rualpi tha bik ah si aw (Be the best friend for your partner).

d.     Rualpi tha cun, tul caan ah mi a bawm ih, riahsiat le thanau caan ah thazaang mi a pe. Ziangkim thu ron aw tein thil an tuah.

e.     Rom 12:9-13

9Duhdawtnak kan ti tikah thinlung taktak thawn duhdawt ding a si. A ṭha lomi cu hua uhla a ṭhami kha kai hnget uh. 10Khristian unau nan si ruangah pakhat le pakhat sunsak awzet tein duhdaw aw ton uh. Pakhat le pakhat hmaizah awknak thiam uh. 11 Zaangzel hlah uh; napi in hnaṭuan uh. Nan thinlung zate pe in Bawipa ih hna cu ṭuan uh. 12Nan beiseinak in nan lung lo awiter seh; harsatnak nan ton tikah thinsau in um uh; cat loin thlacam uh. 13A tlasam mi Khristian unau pawl thawn nan neihmi kha hlawm aw uh. Cule mikhual pawl hrangah nan saangka ong uh.

2.     Lungawi te in innsaang nuam dintu dingah (designed for pleasure and being a family: to enjoy eros love)

a.     Nuam tlaang dingah: Seem 2:24-25 … pum khat ah an cang, lawngfang kheh in an um nan, ningzah an thei lo.

b.     Telefa thawn innsang nuam si dingah: Seem 1:28 – “And God blessed them, and God said unto them, Be fruitful, and multiply, and replenish the earth, and subdue it . . .”

c.      Duhdawtnak ah nupa vek ih duhdawt awknak cu tthen khat te lawng a si. A thupi bik sung ih pakhat lawng a si. Pathian ih thluasuah pekmi a si. Asinan, marriage hnu ih neih dingmi ah Pathian ih a retmi a si.

d.     Nu le pa pawlawknak cu tappi meisa vek a si. Tappi meisa khi tappi ah re lo in, cuih thingthu bul kha hmun dang ih na ret ahcun, na inn a kaang theh ding. Cuvek in, Eros love hi duhdawtnak fek tertu ah na ruat ih hmun kip ah na ret ahcun, na nunnak na buai ding.

3.     Jesuh Khrih nunnak lang ter tu dingah (to reflect Christ: to reflect agape love – the love of sacrificial commitment).

a.     Duhdawtnak taktak timi cu ziangvek a si?

b.     Jesuh Khrih ih duhdawtnak ah kan hmu thei = Agape love.

·      Efe 5:22-33 .. Khrih ih a Kawhhran a duhdawt vek in nan duhdawt aw pei. Agape love a si.

c.      Agape love - is an act of will – a conscious decision to do what is best for the other person instead of ourselves)

·      Keimaih hrang hnak in a hrangah thil tha bik ka tuah sak ringring ding timi thinlung thencahnak a si. 

·      A uk in a uk lo ih, an zoh thim ding in riantu (serve) a tuan sawn (MK 10:45).

·      “Fall in love” a silo.  Midang a that caan ih duhdawknak feeling menmen a si lo. Agape love is not generated by feeling.  

·      “Walk in love” a si.  Agape love is a deliberate choice to love others. Midang hrang thatnak kha ziangvek an si khal le ka tuah ding ti ih duhhrilnak neih khi a si.  

Ziangruangah innsang ah buainak a suak? Basic problem

A tampi ding nan, a hrampi bik cu: maih zawn lawng ruahnak in thok (selfishness)

d.     Phili 2:3-4 … midang in an hrangih thupi tiah an timi hmuhzia thiam uh.

e.     Duhdawtnak ih letlam cu huatnak ti lawng a si lo. Maih zawn lawng ruahnak a si.

f.       

Thunetnak:

Christian thitumnak timi cu a tanglam ih thu pathum hi Pathian hmai le mipi hmai ah tuah ding in ka thinlung ka thencat (commitment) ka nei ti ih thu kam awk khi a si.

1.     Na rualpi tha ka si ding (Rom 12:9-13)

2.     Innsang nuam ka lo din pi ding (Seem 2:24-25, Seem 1:28)

3.     Khrih ih I duhdawt vek in na hrangah ziangkim a tha bik in ka tuan ding (Efe 5:22-33) ti ih thukam hi a si.

Matt 19:6 … Pathian ih a kom zomi, zokhal in then hlah hngai seh tiah a tinak a si.