Thu Hmai hruai
Mirangpawl hnen ihsin kan cawn ṭul zetmi a um ih cawn lo dingmi khal a
um ve. Miram ah kan um zo ih
kan lu phumnak rama si thlang ruangah ram neitu pawl hnen ihsin kan
ṭhansonak ah kan cawn dingmi le cawn tlak lo mi pawl mal lai run
tarlang ka duh. Kan zate ṭhat tlangnak ti ruahsannak thawn
ka run tarlang ding. Ram ṭhangso ram ih ra thleng lai ding hrang
khalah a ṭul ding tin ka ruat.
Cawn Dingmi pawl;
1. I Love You. Nu/pa le fale pawl phone ih si maw, email in si maw, ka
rori in si maw, (I love you ) timi an hmanmi hi kan Chinmi pawl khal
in cawn tlak rori mi a si. Kan ning a zak lo pei. Thilṭha a si ih
Pathian duhzawng khal a si a zum um. Ka lo duhdawt timi hi hmang
thlang uhsi. Nupa tla cu sim awk leuhleuh dingmi a si.
2. Thank you, excuse me, sorry. Mit hmai pan ten zangfah ten, ka ti
pang-sorry, lungawi tuk timi hi ka Chinmi lakah a tam tuk hrih lo ih
cawng ih hman tlak a si.
3. Possitive thinking. Mirang pawl hi mi relsiat hi an hmang lem
lo.Thil hi a ṭha zawng ih ruah hi a thupi in thinlung hahdamnak cikhat
a si.Ṭhansonak khal a si.A tlangpi thu in Mirangpawl hi possitive- a
ṭha zawng ih khawruah hmangmi an si. Mi rel kan duh tuk lai hi cun
negative-a se zawng ih khawruattu kan si ti a fiang.Ka Chinmi pawl hi
thil hi a ṭhazawng lam hnak in a se zawng, a ṭha lo zawng, iksiknak le
dokalhnak thawn zoh hmang le khawruat kan tam deuh lai a bang. Kan
tlang cabawm sungih ca thlahmi pawl siar tik khalah thapek awk lam le
duhsak awknak lam hnak in do kalh awknak le sawisel awknak ca siar
ding a tam sawn lai hrih.
4. An hnaṭuan mi an zahpi lo. An hnaṭuanmi ah lungawi ten le
ningzahnak um riai lo in an ṭuan.
Kan Chinmi tampi cu hna ṭawnṭai cu ka paih lo, a zah thlak, ka
ning a zak ti kan cing tuk lai.
Ṭhansonak in khamtu a si. Cun ningzah an nei lo. Chinmi pawl hi
ningzah kan neih mi hin tampi in siat
suah. Ningzahnak ding ah zingzak loin ningzah lonak dingah hmuah
kan ning a zak lala fawn siri.
5. Upa le saya pawl an upat. Zalen zetih umnak ram a si nan mai hnak
upa le saya pawl upatnak an nei.
Hi hi cawn tlak zetmi a si. Mah hnak upa le nu le pa ca thiam lo
le mi ṭawnṭai te an si khal le an upat.
Chin mi pawl cu mi nin tla kan nei tuk lai a bang. Biaknak
lamah,mirangpawl hi localization ih feh an tam. Mirang pastor tawkfang
ka sut hai tikah kei cu hi local church ah kum 25,30,40 tvk ka ṭuan zo
titu an tampi. Chinmi pawl cu minin le miduh lo hnon mai kan cingi tuk
lai a bang.
Cawn Tlak Lomi Pawl
1. Living together. Nu/pa si hlan ih nupa vekih mai taksa duhnak ih um
tlang hi cawn hrimhrim lo ding
mi a si. Pathian thu kalh a si ih kan nunphung thawn khal a mil aw
lo. Kan miphun siatsuahnak a si.
2. Boy friends/girl friends neih hi cawn tlak lo mi a si. Nu/pa khal
si lo, ṭhitumnak khal nei lo,boy friend/girl friend thawn fa tampi
nei, innkhatah um tlang, rin awk veve hnuah, fa tampi neih hnuah
ṭhitumnak tuah sal ti vek hi Pathian huat zawng tak a si ih cawn ding
a si lo. Pastor pawl khal in Letṭhat sak lo ding a si. Hipawl khal in
Pathain hnaṭuantu pawl hnenah ṭhitumnak biak inn ah in tuah sak uh tin
khal dil ding khal an si lo.
3. Kum 18 kim cun pitlingah ruat in mai duhduh ih um ter hi cawn tlak
a si lo. Himi hi a ṭhazawng ih hmang thiamtu hnak in a si lo zawng, a
ṭha lozawng ih hmangtu hi 100 ah 85% an si ti a si. Mirangpawl kan
siatsuah awknak pakhat cu hi mi dan kan tuahmi hi a si ti tu an um
hnuahni. Kan nunphung thawn khal a mil aw lo ih cawn ding a si lo. Cu
le pitar/putar an si tikah an harsa tuk.
4. Siatni/thih le hloh ton tikih an zoh awk dan hi cawn tlak a si lo.
Kan nih Chinmi cu ramdang mirangpawl lakih kan um hnu khalah siatni ah
ṭha zet in kan umnak ram hlun lai vek in kan zoh aw kan hnem awk hi a
ropi tuk. Mirangpawl hrekkhat in cawntlak nan si inti tu an um. Hi kan
dan le dun/nunphung mawi le ṭha hi hmang vivo uh sih law.
Can kan neih ṭha len peh leh dingah.
Lungawi zet.
Pastor J Van B Cung
Mirangpawl hnen ihsin kan cawn ṭul zetmi a um ih cawn lo dingmi khal a
um ve. Miram ah kan um zo ih
kan lu phumnak rama si thlang ruangah ram neitu pawl hnen ihsin kan
ṭhansonak ah kan cawn dingmi le cawn tlak lo mi pawl mal lai run
tarlang ka duh. Kan zate ṭhat tlangnak ti ruahsannak thawn
ka run tarlang ding. Ram ṭhangso ram ih ra thleng lai ding hrang
khalah a ṭul ding tin ka ruat.
Cawn Dingmi pawl;
1. I Love You. Nu/pa le fale pawl phone ih si maw, email in si maw, ka
rori in si maw, (I love you ) timi an hmanmi hi kan Chinmi pawl khal
in cawn tlak rori mi a si. Kan ning a zak lo pei. Thilṭha a si ih
Pathian duhzawng khal a si a zum um. Ka lo duhdawt timi hi hmang
thlang uhsi. Nupa tla cu sim awk leuhleuh dingmi a si.
2. Thank you, excuse me, sorry. Mit hmai pan ten zangfah ten, ka ti
pang-sorry, lungawi tuk timi hi ka Chinmi lakah a tam tuk hrih lo ih
cawng ih hman tlak a si.
3. Possitive thinking. Mirang pawl hi mi relsiat hi an hmang lem
lo.Thil hi a ṭha zawng ih ruah hi a thupi in thinlung hahdamnak cikhat
a si.Ṭhansonak khal a si.A tlangpi thu in Mirangpawl hi possitive- a
ṭha zawng ih khawruah hmangmi an si. Mi rel kan duh tuk lai hi cun
negative-a se zawng ih khawruattu kan si ti a fiang.Ka Chinmi pawl hi
thil hi a ṭhazawng lam hnak in a se zawng, a ṭha lo zawng, iksiknak le
dokalhnak thawn zoh hmang le khawruat kan tam deuh lai a bang. Kan
tlang cabawm sungih ca thlahmi pawl siar tik khalah thapek awk lam le
duhsak awknak lam hnak in do kalh awknak le sawisel awknak ca siar
ding a tam sawn lai hrih.
4. An hnaṭuan mi an zahpi lo. An hnaṭuanmi ah lungawi ten le
ningzahnak um riai lo in an ṭuan.
Kan Chinmi tampi cu hna ṭawnṭai cu ka paih lo, a zah thlak, ka
ning a zak ti kan cing tuk lai.
Ṭhansonak in khamtu a si. Cun ningzah an nei lo. Chinmi pawl hi
ningzah kan neih mi hin tampi in siat
suah. Ningzahnak ding ah zingzak loin ningzah lonak dingah hmuah
kan ning a zak lala fawn siri.
5. Upa le saya pawl an upat. Zalen zetih umnak ram a si nan mai hnak
upa le saya pawl upatnak an nei.
Hi hi cawn tlak zetmi a si. Mah hnak upa le nu le pa ca thiam lo
le mi ṭawnṭai te an si khal le an upat.
Chin mi pawl cu mi nin tla kan nei tuk lai a bang. Biaknak
lamah,mirangpawl hi localization ih feh an tam. Mirang pastor tawkfang
ka sut hai tikah kei cu hi local church ah kum 25,30,40 tvk ka ṭuan zo
titu an tampi. Chinmi pawl cu minin le miduh lo hnon mai kan cingi tuk
lai a bang.
Cawn Tlak Lomi Pawl
1. Living together. Nu/pa si hlan ih nupa vekih mai taksa duhnak ih um
tlang hi cawn hrimhrim lo ding
mi a si. Pathian thu kalh a si ih kan nunphung thawn khal a mil aw
lo. Kan miphun siatsuahnak a si.
2. Boy friends/girl friends neih hi cawn tlak lo mi a si. Nu/pa khal
si lo, ṭhitumnak khal nei lo,boy friend/girl friend thawn fa tampi
nei, innkhatah um tlang, rin awk veve hnuah, fa tampi neih hnuah
ṭhitumnak tuah sal ti vek hi Pathian huat zawng tak a si ih cawn ding
a si lo. Pastor pawl khal in Letṭhat sak lo ding a si. Hipawl khal in
Pathain hnaṭuantu pawl hnenah ṭhitumnak biak inn ah in tuah sak uh tin
khal dil ding khal an si lo.
3. Kum 18 kim cun pitlingah ruat in mai duhduh ih um ter hi cawn tlak
a si lo. Himi hi a ṭhazawng ih hmang thiamtu hnak in a si lo zawng, a
ṭha lozawng ih hmangtu hi 100 ah 85% an si ti a si. Mirangpawl kan
siatsuah awknak pakhat cu hi mi dan kan tuahmi hi a si ti tu an um
hnuahni. Kan nunphung thawn khal a mil aw lo ih cawn ding a si lo. Cu
le pitar/putar an si tikah an harsa tuk.
4. Siatni/thih le hloh ton tikih an zoh awk dan hi cawn tlak a si lo.
Kan nih Chinmi cu ramdang mirangpawl lakih kan um hnu khalah siatni ah
ṭha zet in kan umnak ram hlun lai vek in kan zoh aw kan hnem awk hi a
ropi tuk. Mirangpawl hrekkhat in cawntlak nan si inti tu an um. Hi kan
dan le dun/nunphung mawi le ṭha hi hmang vivo uh sih law.
Can kan neih ṭha len peh leh dingah.
Lungawi zet.
Pastor J Van B Cung
No comments:
Post a Comment