Pathian ih Mangbangza Kutcak Hmu Thei Dingah

By San No Thuan

Texts: Matt 14:22-31

22Cule Jesuh in miseenpi pawl cu a tlunter. A dungthluntu pawl cu long sungah a luhter ih tili khatlam kapah a fehter hai. 23Miseenpi a tlunter hnuah amah lawng thlacam dingah tlang parah a hung kai. Khua a siim thlang nain cutawkah Jesuh cu amah lawng a um. 24Long cu tili parah hlat nawn a thleng zo ih thli a hmaiton in a hraan ruangah tilet in long cu suk le so ah a den ciamco.

25Zinglam nazi pathum le paruk karah Jesuh cu tidai parah a feh ih a dungthluntu pawl hnen pan in a ra. 26A dungthluntu pawl in tidai parih a feh rero an hmuh tikah an ṭih ngaingai. “Muthla a si lo maw?” tiah an ti ih thinphang in an raak ciamco.

27Jesuh in hmakhatte ah, “ṭih hlah uh! Keimah ka si! Zianghman phan ding a um lo,” tiah a ti.

28Cule Piter in, “Bawipa, nangmah na si ngaingai ahcun na hnenah tidai parin i fehter ve aw,” tiah a ti.

29Jesuh in, “Ra aw he,” tiah a ti. Curuangah Piter cu long sung ihsin a suak ih tidai par in Jesuh hnenah cun a feh. 30Asinain thli na pi ih a hran kha a hmuh tikah a ṭih ih ti sungah cun a pil deuhdeuh. Cutikah, “Bawipa, i run aw!” tiah a au.

31Hmakhatteah Jesuh in a hei dawh ih a hei kaih ngah hnuah, “Na zumnak a va mal so! Ziangah so na zum lo lawmmam?” tiah a ti.

32An pahnih cun long sungah an lut ih thli cu a dai. 33Cule dungthluntu pawl in long sungah Jesuh cu an biak ih, “Nang cu Pathian Fapa ngaingai na si,” tiah an ti.

Zumnak cak nei dingah thinlung pakhat lawng nei in Jesuh ih thu thlun a tul.

cc. 22 – 24 …. Lawng cu tilet in a suk le so ah a deng.

Kan sinak: kan nunnak ah harsatnak/riahsiatnak/beidongnak tilet le tisuar a thleng tikah, khui ah Bawipa cu a um?

cc. 25-26, 27 …. A dungthluntu pawl hnen pan in a ra, tidai par ah a feh, zianghman phan ding a um lo a hei ti.

Zir ding: kan thinhar lai ah Jesuh in in taansan dah lo.  Kan tihmi harsatnak pawl cu Jesuh cun, a ke tangah a ret. Jesuh ih hrangah buainak le ttihnung pakhat hman an si lo. Zianghman phang hlah uh tiah in ti. Cumi cu zum aw.

c. 28: Peter in kei tla ti par ah I feh ter ve aw tiah a ti.

Zir ding: Leitlun buainak le beidongnak pawl Bawipa I neh ter aw tiah kan ti vek khi a si.

c. 29: Jesuh in ra ve aw tiah a ti.

Zir ding: Jesuh ih thupek hngak ta lo in, thil kan tuah theu hi zumtu ih kan feh sualnak a si.

c. 29: Curuangah Piter cu long sung ihsin a suak ih tidai par in Jesuh hnenah cun a feh.

Zir ding: Zumnak thawn Peter in Jesuh ih thupek thlun in a feh tikah, a hmuh fiang ngahmi cu, “Bawi Jesuh hi ziangkim tlun ih thuneitu so maw a rak si” ti hi a si.

Peter in a rak ruahmi cu: minung ih tuahmi lawng/sumpai/minung/ le mawtaw pawl hi minung hrangah hnangamnak tha bik ah a rak ruat. Asinan, a hun hmuhfiangmi cu, hnangamnak taktak le nehnak taktak cu Jesuh ih thuthlun ih feh hi a si ual ti hi a si.

c. 30: Asinain thli na pi ih a hran kha a hmuh tikah a ṭih ih ti sungah cun a pil deuhdeuh. Cutikah, “Bawipa, i run aw!” tiah a au.

Zir ding: thinlung pahnih a nei.

Pathian ih mangbangza hmuh kan duh. Asinan, thil dang zoh le nuam phah ih feh kan duh (Heb 12:1).

Pathian ih mangbangza theinak ding ahcun, thinlung pakhat lawng a tul.

Thunetnak:

Pathian in mangbangza a kutcak kan hmuh theinak dingah, thinlung pakhat lawng nei aw. A thu lawng ngai aw. Amah lawng zoh aw. Amah lawng duhdawt bik aw. Kiang le kap, sualnak tisuar pawl zoh phah le ceen phah in, feh hlah aw, na tla ding. Cuhnak in, thinlung pakhat lawng nei in hmai ah feh aw.