A THI THEI LOMI AN THUANTHU MAWI

                      by  Lal Hre Luai


Josef cu Potifar nupi in nitinte a thlem nain a thlem thei lo.Thlemtu ih thu a ngai lo.Nitinte a thlem ih nitinte a el.{Sem 39:10}
  -Pathian tihtu pawl cun sual thlemnak hi an lungkimpi thei lo.Pathian duhmi hi an duhih Pathian huatmi hi an hua.

Josef cu Potifar nupi in Potifar um lo laifang ah a thlem.A pasal um lo laifang hi sual tuahnak caan remcang ah hman a rak tum.Josef cu Potifar le an kiangkap ih zohman um lo laifang khalah a sual lo.Minung mithmai a zoh lo Pathian lawng a zoh.
 -Pathian t'ihtu pawl cu sual tuahnak caan remcangte um caan khalah sual an tuah lo.Pathian ttihtu hrangah sual tuahnak ah caan remcang an nei ve lo.Pathian ttihtu pawl cun kiangkap an zoh hrukhro loih Pathian lawng an zoh.Pathian ttih le ttih lo thei awlnak bik cu sual tuahnak ding caan remcang a um tikah a si.
Josef cu thlemtu ih thlemnak a tlansan.{Sem 39:12}
-Pathian ttihtu pawl cun sual an hua.{Thuf 8:13} Sual an tlansan.{Thuf 3:7}
Ziangruangah kan piangthar hnu khalah sual awlten kan tuah thei?
-Sual huatnak ngaingai/taktak kan neih lo ruangah.
Ziangruangah sual huatnak ngaingai/taktak kan neih lo?
-Pathian kan ttih lo ruangah.
   Pathian ttihtu pawl cun sual hi tlansan t'heu.Sual kan thlansan siannak ih piangah sual thlemnak in kan luat t'heu.Pathian ttihnak nei lo pawl cun sual hi awlten an tuah ih awlten sual an tuahmi cun caan reipi hrarsatnak a pe.Sirawknak in an khat sal t'heu.Pathian ttihnak ruangih sual tlansantu pawl cu a luangliammi lungawinak in an khat t'heu.

Josef cu a rinum.A hant'uanmi parah rintlak in a t'uan.
 -Pathin ttihtu pawl cu ziangkim ah an rinum.Ka hnat'uanmi hi a ropi maw? hna picang maw hna tenau? ti ding a si loih ka t'uanmi parah rintlak in ka t'uan maw? ti sawn ding a si.Rintlak/Rinum lo minung cu nung cingih thi kan si.

Josef cu a nundan/ziaza in a pu Potifar thinlung a neh.
 -Tulai ah nun tel lo kaa lawngih zumtu kan tampi.Kaa in mi neh taktak a theih lo.Ziangvek t'ongkam t'hat'ha hmang in thu t'hat'ha rel/sim rero khal sela, kan nun in a thlun lo ah cun zawi nun hman kan neh thei lo.Pathian thutak nunpitu,nuncilhtu kan Chin miphun in kan t'ul a si.
 Josef cu Potifar innih a tlen vete Potifar cu Pathian in mal a sawm ciammam.
  -Pathian ttihtu pawl cu an thlennak ih pingah mihrang malsawmnak phurtu ah Pathian in a hmang.
   Duhdawtmi Chin u le nau kan thlennak ih piangah Pathian ttihzahtu le ziangkim kan tuahnak ah rinumnak thawn tuah/t'uan ihThuanthu Mawi neitu le mi hrang malsawmnak phuntu kan si cio theinak dingah Pathian in malza sawm hram seh.

   
 Peh lai ding..