by Lal Hre
1. Thudik Rel An Hreh
Lo
"Na ti dik lo san relfiah hnakin dikzet ih ti mai hi a
awlsam sawn a si" {Henry Wordsorth Longfellow}.
Kan ti dik lomi rel mai ding hi kan hreh t'heu ruangah khuh
mawi awknak hawl in kan helkual ciamam t'heu.Ti dik lomi cu helkual duh rero
loin "ka ti dik lo, ka ti sual" ti vohvi mai hi mai hrangah a hahdam
ih, mi nehnak le mi ngaisan zawng arak si fawn.
Mi ropi pawl cun thudik hi an uar. An sualnak le palhnak hi
rel an hreh lo.
2. An Thiltimi Parah
Rinawknak An Nei
"Kan rinawk dan vek in thiltitheinak kan nei
t'heu" {Willian Hazlitt }
"Na ti dingmi dik tak na ti sungah hlawhsamnak ruangah
thin um nuam loin umawter duh hlah"{Mother Teresa }
Kan ti dingmi diktak kan tinak ah mah le mah rinawknak kan
neih a t'ul. Mah le mah rinawknak hin thil tampi a rak ti thei. Leitlun ih mi
hlawhtling thei lo pawl le huham nei thei lo pawl khi mah le mah rinawknak nei
lo an si tlangpi.
Mah le mah rinawknak nei pawl cu an thiltimi ah an
ding hnget. An thin a thi depdep. An hlawhsam tik khalah an thin a nau in an
bei a dawng mai lo. Dodaltu, nautattu le sawiseltu an neih tik khalah an
hnaberek a thak loih an feh dan kelten an feh ngetngo.
3.An Thiltimi Parah
An Zuam, An Taima
"Ziangtik khalah na zuam lole, Ziangtik khalah na
hlawhtling dah lo ding"{Abraham Lincoln }.
"Mitin in kan theihtawk cio hi tuah suak sehla cu
kanmah rori hmanin mak kan tizet ding"{Thomas Alva Edison }.
Abraham Lincoln le Edison hi ziangtluk an zuam ti cu kan
theih t'hehmi a si. Leitlun ih mi ropi le mi hlawhtlingpawl hi mi zangzel an um
lo. Mihrek cu hlawhtlin kan duh na'n kan zuam paih lo. Theihtawk kan suah
lo ruangah tuni ting kan hlawhtling thei lo. Kan thiltimi ah kan zuam ih taimak
kan suah phawt cun kan hlawhtling tengteng.
4. Dodaltu Le
Nahsiiktu An Neih Tikah An Lungawi
"Zangfahmi si hnakin nahsiikmi si hi a t'ha
sawn"
{Herodatus }
"Nahsiiknak hi sunlawihnak phunkhat a si" {Thomas
Gray}
Mi thinlungte pawl cu nahsiiktu le dodaltu kan neih
tikah an parah kan thinheng. t'ongkam t'ha le mithmai t'ha in kan bia in
kan zoh thei lo. Leitlun ih mi ropi, mi hlawhtlingpawl cu nahsiiktu le dodaltu
an neih tam le an lung a awi sinsin.
Zumnak lam ih kan pa le mi ropi, mi hlawhtling pawl Moses, Josef,
David, Nehemiah le Daniel pawl kan zoh tik khalah nahsiiktu le dodaltu nei hlir
anrak si. Nahsiiktu le dodaltu kan nei lo a si ahcun mi menmen kan si lai tinak
a si. Nahsiiktu le dodaltu kan neih cun mi menmen kan si nawn loih mi ngaisanmi
thiktlak kan si zo tinak a si.
5. An Thiltimi ah
Hlawhsam Le Mualpho An Ngam
"Huaisen zetih hlawhsam ngam pawl hi ropi zetin an
hlawhtling t'heu" {Robert Kennedy }
"Thil ti sual dah lo pawl cu thil ziang khal tuah dah
lo pawl lawng an si" {Roosevelf }
"Ka thin a nau mai ding maw? Hlawhsamnak le tisual pang
ih piangin t'hansohnak a um zel ti ka thei si ih"{Thomas Alva Edison
}
Mi hrekkhat cu hlawhsam le mualpho kan t'ih ruangah
zianghman ti ngam loin kan um t'heu. Mualpho t'ih ih zianghman na tuah ngam
lole ziangtik khal ah na mualpho lo dingih ziangtik khal ah mi ropi le
mihlawhtling na si thei fawn lo ding. Leitlun ih mi ropi le mihlawhtling pawl
hi voi tampi rak hlawhsam le voi tampi rak mualpho an si tlangpi.
"Voi sarih na tluk le voi riat tho aw"{Chinese
thufim}
6.An Tum A Ruh
"Mi hlawhtling tiih kan sim t'heumi pawl hi an thiltum
thleng dualdo loih thinlung ruhseh zetih tuah t'heu pawl an si" {Cecil De
Mille }
"Tumruhnak hi hlawhtlinnak lamzin ih ka theihmi umsun a
si"{William Feather }
"Tumtahmi a niam le nun a niam t'heu. Curuangah na
theihpatawp ih sang le kauin tumtahnak tuah t'ha aw"
{Stephen Collins
Foster }
Tumruhnak cun duhnak le beiseinak a suahter.
-Beiseinak le
duhnak cun zuamnak le aatcilhnak a suahter.
Zuamnak le aatcilhnak cun
hlawhtlinnak a suahter.
-Hlawhtlinnak cun lungawinak a suahter.
No comments:
Post a Comment