Khrihfa pawl in riahsiatnak kan ton tikah ziang kan tuah ding?

1 Thess 4:13 “Ruahsan ding zianghman nei lomi bangtuk in nan riahsia hlah uh.”

Khrihfa pawl in riahsiatnak kan ton tikah ziang kan tuah ding?

1.     Na riahsiat tikah na mangbang hlah. Na zumnak a mal ruangah a si lo. Na duhdawtnak a tum tuk ruangah a si sawn (Rom. 12:15).

2.     Bawipa, ziangruangah (why) ka parah hivek na can ter timi hnak in, Bawipa I duhdawt tuk ti ka thei. Ziangmi (What) I zirh duh timi sawn sut aw la, ka hrangah ziangkim a tha bik in lam I hruai ding ti ka thei ti in na hmailam a mah kha tuanvo pe mei aw (Rom 8:28).

3.     Pathian kha dungtun in nangmah lawng tuar hlah. Pathian hnen ah na thinharnak le riahsiatnak pawl kha ap sawn aw. Pathian thawn pawlkom aw in, na riahsiatnak pawl hmuahhmuah kha a mah sim in ruah sawn aw. (Saam 55:22, Matt. 11:28).

4.     Na riahsiat laitak ah lungawi thu sim aw (1 Thess. 5:18).

a.     Na tonmi harsatnak ruangah lungawi thu sim aw tinak a si lo. Anmah thawn kum ziang maw zat sung caan nan hman tlaangmi parah lungawi thu sim aw.

b.     Pathian in ka hrangah a thabik in hi vansiatnak par in, lam I hruai ding timi thu sawn ah lungawi thu sim aw (Rom 8:28). E.g. Jawti nu in a taansan tikah zokhal in kan thinhar cio ih kan riahsia. A faale pawl ziangtin khua an sak ding ti kan thinhar. Asinan, Jonathan timi mirang milian pa in a lak ih inn tha zet ah a ret, tlawng a kai ter, hnatuan thazet a hawl sak ih a tu cu a nu ih umlai hnak in an fim sawn, an cangkaang sawn.  

c.     Vanram ah nun nuam zet in na ret zo ruangah lungawi thu sim aw (1 Thess. 4:13ff, John 11:25).

5.     Na riahsiat lai tak ah, midang riahsia ninghangmi pawl kha hnem tum sawn aw (Kal. 6:2). Midang a hnemtu cu Pathian in midang hnem theinak le mah le mah hnem awk theinak khal a pe ve ding.

______________________

San No Thuan

November 13, 2013

U Phun Kar Thang teih inn

A u nu in a taansan lai