Matt 7:6
“A thianghlimmi thil kha uico va pe hlah uh; her tahratin nanmah riangri sawp seksek in a lo keu ding. Nan keplung mankhung pawl cu vok hmaiah thlak hlah uh; a ke in a pal lak men ding a si."
Himi thu ka siar ban tawk Bible thiam pawl ih simmi ka lo hlawm ding.
Matt 7:6a "A thianghlimmi thil kha uico va pe hlah uh; her tahratin nanmah riangri sawp seksek in a lo keu ding."
"A thianghlimmi thil” timi cu "Pathian tongkam tinak" a si.
“Uico” timi cu "Pathian tihzahnak hrikti tia te hman nei lo ih, zumtu pawl khal nautat ih hremtu, hrang emem minung tinak a si.” Hivek minung hnen ah a thianghlimmi Pathian tongkam va sim hlah tinak a si. Hivek minung hnen ah Pathian na sim ahcun, na simmi thu zianghman ih a siar lo ih hlei ah, nangmah tiang a lo siatsuah ding tinak a si.
Matt 7:6b "Nan keplung mankhung pawl cu vok hmaiah thlak hlah uh; a ke in a pal lak men ding a si."
“Lung mankhung” timi cu “Pathian thu thawi nun simnak” a ti duhnak a si thei.
“Vok” timi cu sualnak le borhhlawhnak thawn a khat ih Pathian thu zianghman ih a siar duh lo tu tinak a si. Misual ciocio hman ah Pathian thu a cohlang duhtu le zianghman ih a siar lo tu an um. Zianghman ih a siar duh lo tu cu na simmi thu kha a pal lak men ding.
Hminsin: mi zokip hnen khal ah Pathian ih thuthangtha cu kan va sim ko ding nan, ka thusimmi a ngaitu hi mi puarthau, hngal hngawng, Pathian thu ziangkhal ih siar lo tu a si maw timi kha kan zohthiam cu a tul ding tinak a si.
No comments:
Post a Comment