Mithi zik pawl kilkhawi phah in zarh hnih thum hrawng caan
an hmang tlaang theu ih cutawk ah an sirawkmi thu culole rak tuahta sehla a tha
tuk ding nan nan timi in sim hram uh tiah thu a suh tikah a tanglam panga pawl
hi mi tam bik ih an simmi a si.
1.
Midang
ih nun ter in duh daan hnak in, keimah te a tha, a mawi ka timi rak tuah ngam
sehla ka duh tuk nan tiah an ti bik cio (Decision Making).
Mi tam sawn cu an san sung ih tuah
an duh zet nan an tuah ngam lomi, tuah thei lomi an lungthlitum tampi a um ti
an hmu. Midang ih nun ter in duh daan lawng ruat in, keimah ih lungthlitum ka
rak tuah ngah lomi ka sir aw tiah an ti cio. Keimah te thu thencat in ka duhmi
rak tuah sehla ka duh nan tiah an ti.
Curuangah, na san sungah tuah na
duh zetmi kha a zate pi ih na tuah thei lo khal le a hrek khat cu tuah ngah
ding in tum ko aw. Na dam nawn lo tikcu ahcun, cu pawl cu an cang thei nawn lo
ding.
2.
Hnatuan
teima luan tuk in rak tuan hlah sehla ka duh nan tiah an ti (Work).
An faa le pawl an falat le tlaangval lai
pawl tthitha in an zoh kilkhawi man lo. An nupi le pasal thawn nuam zet in caan
hmang in an pawlkom aw man lo. Hnatuan lawnglawngah an caan an cem termi kha
poi an ti cio.
Ruahnak pek in duhmi cu zozo khal kan sinfen
le umtu khuasak daan hi simple te in, le latest thil pawl ti ciamco lo in um
sehla tawkfang sumlut thawn cu nun nuam te ih nun a theih ko timi a si. Cun,
innsang nufa le midang hrangah caan pe thei sehla midang khal an nuam sinsin
ding tihi ruahnak pek in duhmi a si.
3.
Ka
duhmi le duh lomi, ka thinhennak le lungawinak pawl kha rak sim ngam sehla ka
duh nan tiah an ti (Feeling Expression).
Mi hrek khat cu an duh zetmi le an
thinnatnak pawl kha midang hmaisong ah an sup aw. Cutik ah, an thinnatnak le
huatnak in natnak tiang a thlen ter.
Ruahnak in pek duhmi cu midang in thudik
zet ih na sim tikah hmakhat te cu an lo hua tla si thei men. Asinan, thudikmi
kha thil tha sin ding duh ruangih na simsuak a si ahcun, neta lam ih nan
pawlkom awk daan a dam sawn ding ih nangmah khal na dam ding. Curuangah, na
feeling kha thiltha suah ternak ding a si ahcun ral tha zet in duhdawtnak thawn
sim ko aw.
4.
Ka
rualpi pawl thawn pawlkom/pehtlai aw thei ringring sehla ka duh tuk nan
(Friends)
Mi tampi ih rualpi tha neih cu a
sunglawi tuk timi hi an thihzik lawngah an theifiang. Mi tampi cu an hnatuan
lawng ruat in rualpi tha pawl thawn an pehtlai nawn lo, caan an pe thei lo,
sumpai khal an cem siang lo. Asinan, an thih zik taktak cun, rualpi pawl an
hlam ciamco.
In cah duhmi cu, sum le pai le
sinak tivek pawl hi thih zik tikah cun a thupi bikmi an si nawn lo. A thupi
bikmi cu duhdawtnak le rualpi tha take care tu neih hi a si.
5.
Nuam
deuh in rak um sehla ka duh nan.
Mi tampi cun, lungawinak le nuamte
ih um ding hi kan inn sungsang ah rak hril sawn lo in, mithmai bak le thintawi
le tawh-awk kan rak hrilmi a poituk tiah an sim. Kanmaih nun kel in nun kan tum
ringring ih, hni suamso mithmai te kan rak hril duh lomi kan sir aw tuk tiah an
sim.
Pathian thu ah nung tlaang in,
thlacam tlaang in kan innsangah duhdawtnak, le lungawinak mithmai pante lawng
tthangso ding in nung thlang uh tiah in cah.
___________________
A lettu: San No Thuan
Sharing to FBC Maryland at Dr. Za Hlei Thang’s residence
No comments:
Post a Comment