Cak Sinsin Uh!

- Rev. Run Cung Mang

Khrih Jesuh cu kan Bawipa a si ti ih nan pom ngah zo ruangah Amah thawn pehzom aw in nung uh. Amah sungah nan hram cu thukzet in bun uhla, nan nunnak cu Amah sungah inn bangin sak uh; zirh zo mi nan si vekin nan zumnak ahcun cak sinsin uh; cule lungawinak in khat uh. - (Kolose 2:6-7)

Thuhmaihruai:

Zumtu kan thlarau nun tthanglian pitling sinsin dingin tharthawh ringring a ttul. Daithlang le zaangzel ih um ding kan si hrimhrim lo. Jesuh Khrih - lamzin thar le lamzin nung (Hebru 10:20) sungah nun tharnak le nun thlengh awknak taktak nei dingah ka lo sawmngiar duh a si. Paul in Kolose 2:6-7 sungah zumtu thlarau nun cak sinsin dingih a forhnak ihsin thlarau thazaang la tlang uhsi!

1. Khrih thawn pehzom sinsin uh (Kolose 2:6)

Paul in: “Amah thawn pehzom in nung uh,” (c. 6) a ti. Khristian cu Khrih thawn pehzom aw ringring ding kan si. A sungah kan um ih kan sungah a um ringring a ttul. Jesuh in, “Keimah thawn pehzom uhla kei khal nanmah ka lo pehzom ve ding. Sabit hnge cu amahte lawngin rah a rah thei dah lo; sabit hripi thawn a pehzom awk lawngah a rah thei a si. Cubangtuk in keimah thawn nan pehzom awk lo ahcun nan rah thei hrimhrim lo ding” a ti (John 15:4). Khrih thawn pehzom aw sinsin dingin thlacamnak le Bible siarnak ah taimak suah uhsi!

2. Khrih sungah nun hram thuk bun sinsin uh (Kolose 2:7)

Paul in, “Amah sungah nan hram cu thukzet in bun uh” a ti. Kan thlarau nun Khrih sungah thuk sinsin ih kan bun lawngah a tthanlian ding. Paul in thlarau nun cu engineer ih innsak thawn a tahtthim. Inn saangpi sak tikah innhram (foundation) thukzet a ttul. A foundation a thuk lo asile innpi a fek lo ding. Jesuh in vutnel parih innsaktu le lungto parih innsaktu tahtthimnak a sim (Matt. 7:24-27). Pathian Thu a thei ih a thluntu cu lungpi parih innhram ttohtu bangin ruahsur le thlisia hrang lak khalah a sawn lo a ti. Thlacamnak le Bible siarnak thawn Khrih sungah hramthuk sinsin in bun uhsi!

3. Khrih parah thlarau nun inn bangin sak sinsin uh (Kolose 2:7)

Paul in, “Amah sungah nan nunnak cu inn bangin sak uh” a ti. Khristian nun cu tthareh nun a si lo, amah kel ringring a si lo. Kum khat hnu kum khat thlarau nun sang deuhdeuh in sak sinsin ding kan si. Khrih thawn pehzom sinsin in Khrih sungah hramthuk bun sinsin ih thlarau nun saangsin ih sak sinsin ding kan si. Zumtu sinak ihsin dungthluntu ah, cuihsin Khrih hrang ih thlahmi dinhmun ti’n Khristian nun ah a dotdot in tthanglian pitling vingvo ding kan si.

4. Khrih nan zumnak ah cak sinsin uh (Kolose 2:7)

Paul in, “Nan zumnak ah cak sinsin uh” a ti. Zumtu thlarau nun cu cak deuhdeuh le fek deuhdeuh ding a si. Thlarau nun ah tthangso thei loin amah kelte si ringring ding a si lo. Khrih thawn pehzomnak, Khrih sungih hramthuk bunnak le Amah parih thlarau nun saknak in zumnak thazaang cak sinsin ding kan si. Bible le Nitin Thlarau Rawl siar, Bible zirzoinak nei tam sinsin, thlacam taima sinsin Khrih hrangah pumpek sinsintu si dingah in sawmngiar.

5. Lungawinak in khat sinsin uh (Kolose 2:7)

Paul in, “lungawinak in khat uh” a ti. Zumtu nun cu ziangtik khalah lungawi ringring ding kan si. Zumtu tisa mi si loin zumtu thlarau mi taktak cun a nitin nun ih a hmuhtonmi parah Pathian hnen lungawi thusim thei ding hi a si. “Cat loin nan lungawi uh. Thlacam ringring uh. Ziangvek dinhmun khalah lungawithu sim uh, Cumi cu Khrih Jesuh ah Pathian ih a lo duhsakmi a si” (1Thes.5:16-18). Jesuh a pakhatnak ah ret, midang a pahnih ah ret ih mah le mah netabik ah ret awtu pawl nun cu ziangtik khalah lungawinak in a khat ding.

Thuneitnak:

Duhdawtmi zumtu, kum zabu 21 ih kum hrabu hlun (2001-2010) cu kan taanta zo ih kum hrabu thar (2011-2020) sungah kan lut zo. Calendar, Diary le Notebook thar kan thlengh bangin kan vision le kan life style tla a thar in kan thlengh thluh a ttul! Jesuh Khrih cu i Runtu le ka Bawipa tiih kan zumnak fekter sinsin ding, Amah thawn kan pehzom awknak thukter sinsin ding. A sungah hramthuk bun sinsin ding le kan zumnak cak sinsin dingin thlacamnak le Bible siar, khawm le tettikhan, pumpek cangvaihnak in zuam sinsin ding kan si. Cule khawvelmi bangin phunzai hmangtu si loin, ziangtiklai caan khalah Pathian thangtthatnak le lungawinak thawn khat sinsin ding kan si.

Khrih le miphun hrangah rinsantlak zumtu ttha si dingin zuam sinsin uhsi!

Midang Tungding Aw

by Monsie Khun Siang Mawi

Building Others UP

Baibal:- Ephesians 4:29

29Nan biak awk tikah ṭongkam hraang hmang hlah uh; nan ṭong a theitu pawl in ṭhathnemnak an ngah theinak dingin ṭongṭha le ṭongmawi hmang uh.

1 Thessalonians 5:11

11Curuangah atuih nan tuah rero zo bangin pakhat le pakhat thazaang pe aw-in bawm aw uh.

Romans 14:19

19Cuti a si ruangah, daihnak a suahpitu thil le pakhat le pakhat karlakah thacah ṭhansonak a suahpitu thil pawl cu kan hmuitin ringring dingmi an si.

Paul in Pakhat le pakhat kan pehawnak (relationship) siat suah lo ding ah Church pawl le community pawl ah a cah ringring. Community lak ih buainak tambik cu mi ih mawhnak sim (criticize), soisel awknak, a luan tuk ih pakhat le pakhat porh aw nak, tvp pawl ruang ah a si. Hi vek thil pawl a tuah paih tu pawl cu an mah le mah dik hman nak a nei tuk lo mi le midang hnak in ka thupibik tiih ruah aw mi minung pawl an si. Midang control duhnak thinlung nei pawl le sinak(power) duh mi lungput nei pawl an si fawn.

Himi thin lungput pawl kan nei lo nak ding in cu Pathian thei rori ih a nuncan thlun ih a baibal ca thianghlim nitin siar si le kan harsatnak (problems) pawl nuam tete'n kan thlah thei ding.

Cule, pakhat le pakaht 'A porh aw tuk, soisel a duh tuk ," ti men lo in thatnak lam ih kan bawm awk ding hi Pathian in a duh. A tha (Positive) lam ah kan hruai aw vivo asile kan community le kan church ah love (duhdawtnak), Joy (nuamnak) le Peace (daihnak) a um ding.

Methew 5:9 sung ah

9Remnak a tuahtu pawl cu mi

thluasuak an si;

Ziangah tile Pathian ih fahniang

tiah kawh an si ding.

James in daihnak a tuahtu pawl (peacemakers) cu thatnak rah an seng ding a ti;

James 3:18

18Cule remnak a tuahtu pawlih daihnak thawn an tuh-mi thlaici ihsin an khawmmi rah cu ṭhatnak a si.

Methew 7:12

“Mi in kan parah tuah haiseh ti nan duh vekin mi dang parah tuah ve uh. Himi hi Moses Daan le profet pawl thuzirhnak ih sim duhmi taktak cu a si.

Ziang ruang ah hi mi bibble cang hi pakhat le pakaht pawlkomnak ah a tha zet? A ruangah, remdaihnak tuah thei dingah cun, midang ih thatnak hawlnak in (positive view) le duhdawtnak thawn lawng in a tuahthei ruangah a si.

Voikhat ah khua pakhat ah Lothlo (farmer) pa in an khua le tifingriat karlak ih tlangpuk rawn nawn ah Lo a tuah. Paisa tambik a laknak a si hlei ah a lo sung ih fangcang pawl cu an tha zet ih hlawhfa tuan tla an tam zet. Nitin a zoh ringring a lunghmui ter tu bik a si. Veikhat cu tifingriat ih siin tisuar a hung tho mi a hmu tik ah an khua a siat theh ding mi kha a ruat ih a hlawhfa tuan pawl zangram ten a ko ih fangcang vui pawl kha khang theh ding ah a fial. an khang theh tik ah fangcang vui misa tal mi in tisuar cu tikhu ah a can ter ih an khua senpi cu thih nak ih siin an luat.

Suhnak:-

Kan nih teh kan nun ah midang thatnak hrang ah kan thatnak mi kan pek siang maw?

Financial crisis of 2008 avoidable, says US inquiry

Banks took excessive risks in the run-up to the crisis, the commission said

Continue reading the main story

US Economy

• US Fed signals no policy change
• US new home sales in record low
• US deficit to hit record in 2011
• Q&A: The Fed's QE gambit

Regulators, politicians and bankers were to blame for the 2008 US financial meltdown, a report has claimed.

The US Financial Crisis Inquiry Commission, tasked with establishing the causes of the crisis, said it was "avoidable".

Its report highlighted excessive risk-taking by banks and neglect by financial regulators.

Only the six Democrat members of the 10-strong commission, set up in May 2009, endorsed the report's findings.

"The crisis was the result of human action and inaction, not of Mother Nature or models gone haywire," the report said.

"The captains of finance and the public stewards of our financial system ignored warnings and failed to question, understand and manage evolving risks within a system essential to the well-being of the American public.

"Theirs was a big miss, not a stumble."

Ethical breaches

Continue reading the main story

“Start Quote

The greatest tragedy would be to accept the refrain that no one could have seen this coming and thus nothing could have been done”

Phil AgelidesFinancial Crisis Inquiry Commission

The damning report criticised the extent of the financial deregulation overseen by the former chairman of the Federal Reserve, Alan Greenspan.

It concluded that the crisis was caused by a number of factors:

• Failures in financial regulation, including the Federal Reserve's failure "to stem the tide of toxic mortgages"
• A breakdown in corporate governance that led to "reckless" actions and excessive risk taking by financial institutions
• Households taking on too much debt
• A lack of understanding of the financial system on behalf of policymakers
• Fundamental breaches in accountability and ethics "at all levels".

It added that "collapsing mortgage-lending standards" and the packaging-up of mortgage-related debt into investment vehicles "lit and spread the flame of contagion".

These complex derivatives, which were traded in huge volumes by major investment banks, then "contributed significantly to the crisis" when the mortgages they were based on defaulted.

The report also highlighted the failures of the credit ratings agencies in recognising the risks involved in these and other products.

Blame game

Establishing blame was essential in preventing future crises, the report said.

"Despite the expressed view of many on Wall Street and in Washington that the crisis could not have been foreseen or avoided, there were warning signs," said Phil Angelides, chairman of the commission.

"The greatest tragedy would be to accept the refrain that no one could have seen this coming and thus nothing could have been done.

"If we accept this notion, it will happen again."

The commission interviewed more than 700 witnesses and held 19 days of public hearings across the US.

Confess your sins to one another

by Monsie Khun Saw Mon

James 5:16

16Cutiin a si ruangah nan sualnak cu pakhat le pakhat hnenah phuang ton aw uhla thlacam ton aw uh; cutiin harhdamnak nan ngah ding. Mi dingih thlacamnak cu a cak zet ih hmual a nei a si.

Kan kiangkap ( rualpi, innsungsang, tvp) thawn hmuhthiam lo nak a um tik ah pakaht le pakhat kan sual nak kan phuang awk tik ah kan thin har ih itthat thei lo, rawl ei thei lo le kan thinheng nak pawl in dam tar a si. Mingaithiam thei mi thinlung put a nei tu cu mitlasuah mi an si.

Church ah maw a si lo le community ah maw na thin a lo heng ter tu ruang ih church na feh duh lo nak le community ih na ngaih lo mi ruang ah na community sung ih na um paih lo nak kha a lo nat ter tu a si ruangah na rinsan mi mi nung hnen ah confess (phuang) aw la na nat nak tam zet a lo dam ter ding ih mithawn Pathian biak nuam na ti ding ih milak tlangleng tla nuam na ti dingih cu tiin thinlung taksa damnak na hmu vivo ding.

A si nan sual phuang aw (confess) kan ti tik ah rinsan tlak lo mi hnen le a lo ngaithiam thei lo mi minung hnen ih na phuang aw a le zawmtaihnak le hi pa/nu hi rinsan tlak lo a si tiin an lo ti thei.

Nupi le pasal, pa le fa, nu le fa nei mi pawl cu pakhat le pakhat sim aw ton in ngaithiam aw ih hmai lam ah a tha thei bik ih Pathian thu thawn nung tlang ding a si.

A tha bik mi cu, ka sual hmuah hmuah kha in duhdawt bik tu kan biak mi Pathian hnen ah phuang aw a tha bik. Cu le ngaithiam dil ih neta ih sual kan tuah nawn lo nak ding ah Pathian thu sung ih um ringring a tul.

1Peter 5:7

7Nan donharnak hmuahhmuah cu Amah ih hnenah ṭhum uh, ziangah tile Amah cu nan zawn a lo ruattu a si.

Minung in tla an lo bawm thei ko e a si nan bawm nak tha bik le ngai thiam thei nak tha bik cu Pathian in a lo pek ring ring.

MKSM

Hngaithiamnak

1. Leilung ih a siar duh mi Bible,a thlun duhmi zumnak leh a ngai duhmi sermon kan si. Billy Graham.

2. Na thin naa piin a lo nat ter-tu ngaithiam aw. . . . .Joyce Meyer.

3. Mi kan ngaithiam tikah an hrang hnak in kan hrang ah a ttha sawn. Joel Osteen.

4. Kan parih in timi ih a linglet zawng in kan ti hngai sal tik ah Daihnak a um.

Pathian nih hman in ngai thiam zo si. Billy Graham.

5. Phubaa laak sallo-nak cu a hrekkhat lawng ngaihthiam nak a si. Pope John Paul II.

6. Ngaihthiam theilo-mi sualnak cu Thlarau Thianghlim hmuhsuam-nak hi a si. Benny Hinn.

7. Duh a nungmi hmurkaa neih na duh le zaangfah-nak ttongkam hmang aw. SWCHC.

8. Na ttawl duh le na rawl mi seu aw. SWCHC.

9. A mawi mi mit neih na duh le mi tthat-nak lawng hmu aw. SWCHC.

10. Joseph cu a u te pawl nih duh tawkin an rak hrem dah naan a ngaithiam hngai thei thotho.

A hnam hngai betbet hlei ah ti leh rawl, hni leh puan, inn leh lo a pek hngai. Dr. Kendall.

Ka lung awi

Baw Boih(Saw Cung Zing)

Canada

Forgiveness

By Monsie Khun Saw Mon

Forgiveness comes from a heart that God has changed. Ephesians 4:32 32Cupawl ai ah pakhat le pakhat zaangfah thinnemnak nei aw ton uhla, Khrih sungin Pathian in a lo ngaidam bangin pakhat le pakhat ngaidam aw uh. Ezekiel 36:26 26Thinlung thar le nunnak thar ka lo pe ding. Lungto bangih a hak mi nan thinlung cu ka la ding ih thinlung neemte ka lo pe ding. Matthew 5:23-25 25“Mi pakhat khat in a lo khiing ih zungih a lo thlenpi a si ahcun, zung nan thlen hlan a tikcu um laiah amah thawn remnak va tuah aw. Luke 17:3-4 34Jesuh in, “Ka pa, an sualnak run ngaithiam aw. Ziang kan tuah ti an thei lo,” tiah a ti.* Luke 23:34 34Jesuh in, “Ka pa, an sualnak run ngaithiam aw. Ziang kan tuah ti an thei lo,” tiah a ti.* psychologist le counsellors pawl nih Religious ruang ah mi a tih(fear) tir ih sual (guilt) khal a tam an ti. A si nan hi mi ruat nak hi a hman lo, ziang ruang ah ti le nitin bible siar, bible zoh lo ngah nak in mi ngaithiam nak a pe ih mi a ti dam. Na zum lo a si le na nun ah bible thlun in practice hnik aw , dam nak na hmu ding. Ka biak mi kan Pathian, Jesuh , ih in ngai thiam daan hi ruat hnik, cross par ah a mah ih tuah a mah ih sersiam mi nung pawl nih an that cu mi hman ah a pa hnen " Ka pa an sual ngaidam aw" tiin a duhdawt tho tho. A caan caan ah cu mah ruat nak in mi kan thei thiam lo ih kan hua theu, cu mi nih nat nak a lo tleng tar. Sut nak ziang tin si na ruah nak ih na hua mi kha , na ngaithiam thei ding ih na nat nak a lo dam tir ding?

Zalai Khua: Ebenezer Baptist Church Kum 25 Kimnak ih Ka Thucah

Rev. Hrang Tho le duhdawtmi ka khuapi pawl,

Saya Run Cung Mang ih a thinlung sung le a nunnak ih a tonmi thawn ruahnak kaupi nei in, a sunmang a lo simmi hi thungai thlak in kan khua hruaitu upa le Saya le pawl in nan ruah ding a thupi tiah ka ruat. Kan mah lawng um maw, LTBA kan kom ah a tha timi thu hi kan khua Local ih kan din kum 25 kimnak ah napi ruat tlaang dingah zaangfah ka lo dil.

Kan khua tthansonak hrang ih kei khal ih ka sunmang le ka thlacamnak cu: kan khua hi LOCAL sinak in, LTBA ah kom thlang sehla, kan tthangso sin ding timi hi a si. Kum 25 sung kan khua kan mahte local ih ke kan kar ruangah, a thatnak le tlaksamnak thupi zet ih kan ruah lo cun, kan mino pawl, midang khua le ram ih fale pawl an bang nawn lo leh ding. A tui ka simmi fiang dingah, nan fahniang pakhat a simi keimah No Kolh ih, ka nunnak ih ka tonmi pawl ka lo sim duh.

Pathian zaangfahnak in, ZTC Bible tlawng B.Th kai ka theh tikah, FBA ramsung ih Baptist kawhhran khui tawk khal ah hnatuannak kaupi Pathian in i on sak. FBA sung ih hnatuan tengteng hi a thupi lo nan, midang thawn kan pehzom awk lo ahcun, Pathian hna kan tuan theinak hmun le hma tampi, a hlei in, kan fale nonawn pawl hrangah a fiak ter a si ti cu el theih lomi thu a si. Baptist pawlkom ih ummi pakhat ka sinak ih a thathnemnak pawl lo sim ruah bet ka duh.

M.Div khal kan kawlram ih tlawng thabik MIT ah ka vung kai tik khal ah, Scholarship pek ding an ti tikah, Hakha Baptist Association in, Tedim Baptist Association in, Falam Baptist Association ih tefa sung in zo si kan hril ding an ti ih, FBA in keimah, in rak hril. Ka ttheh tik khal ah miphun za rawi bik umnak MIT tlawngah, FBA aiawh in siseh, Falam mipi aiawh khal in siseh, tlawng saya tuan ngah ding in Pathian in i zaangfah lala. Kawlram pum puluk ah Baptist hi a tum bik an si bang in, Baptist kawhhran kip ah, Pathian in hnatuannak lamzin khal i on bet a si. Pawl tin kim kom awknak MCC le Baptist pawlkom pi a simi MBC khal ah tuan theinak Pathian in lamzin i on a si.

Ram dang ah tlawng ka kai zik tikah, Falam le FBA aiawh in siseh, Kachin, Karen le Kawl pawl kar lak ah, Laimi aiawh khal in, kai ngah ding in, Pathian lam i on lala. Hi tawk tlawng ka kai tikah, ka kainak ding paisa in a daih nawn lo ih, American Baptist Churches pawl in MBC in, na kai ding an lo theihpi ahcun, dollar thawng hlei riat kan lo bawm ding in ti ih, cumi pawl khal MBC ah ca ka dil ih, in theihpi tik ah, paisa cu zat khal ka tlawngkainak ah ABC-USA in, in pek sak theh.

Cun, ram dang US ih ka ra thlen tikah, kawlram ih a rami pawl ih dinmi kawhhran pawl a hung suak ciamco ih, Baptist ih pastor a tuan ciami pawl cu anmah lam ih sambaunak an neih lo ahcun, kawhhran tin in Pastor ah hman an duh. Baptist ih a rak tuan dah lo pawl cu, theitu cuca an nei lo ih, Pastor ih a ko tu an mal ngaingai. Kei khal a tu hi tlawng ka kai phah ah, kan Falam mi upa thatha pawl (Dr. Za Hlei Thang, Saya Phun Kar Thang, Dr. Kyaw May Htwe, Pu Lal Nei Mang .. ) ti pawl umnak ah, "Ee.. na thuhla cu Falam lai le kawlram lai in kan lo thei si, Pastor in ra tuan sak aw tiah" in ko ih, ol te in pastor ka tuan. Reverend khal thatho zet in mirang pawl in pek.

Mirang Baptist Kawhhran Pawlkom pi in hi tawk ih, Pastor hna a tuan pawl hi kawlram ih Ordination a ngah ciami an si cun, a hlei in Baptist pawl ih pekmi an si cun, "Reverend pek na tul nawn lo. Kan mission ih rah nan si" an ti ih, an Reverend an pom sak ih, an hmailam a tluang zet.

Hi a tlunlam pawl cu, pawlkom tumpi pakhat sung ih um a hlawk zia pawl ka ngannak a si. Kei khal, LTBA tefa ka sinak, cun, FBA sung ih mino pakhat ka sinak pawl kha Pathian in thluasuah a pek ih, Baptist pawl hmang in, Pathian in, hi tluk in hlawknak i pek a si.

Pawlkom-awknak le pehtlaih-awknak a um lo tikah, Pawlkom hmin in training an tuah tikah, kan khua pawl kan sung thlang ding. Kan tlaangkulh pawl hrang hna kan tuan ding tiah kan ti tikah, a tu cu keimah le Pa Mang kan um ih, kan khua hrang kan telh cih ding tiah kan ti ruangah, nauhak tlawng hrang le telephone khal bomnak kan khua in kan co ngah ve. A dang khal Pathian in tuah theinak kan tlaangkulh pawl hrangah thluasuah in pek vingvo leh ding tikah, kan khua khal Laizo Tlaangkulh Baptist Area ih nan tel ve ahcun, tampi thuhla rel a ol zet ding. A tu lungpi pawl tla, LTBA ah an rung kom ti ka thei ih, ka lungawi zet.

Cun, mihrek in Local ih kan um le, kan mahte duhzat in lakkha kan pe aw ding, thil kan tawlrel thei ding, Saya khal kan duhmimi kan sawm thei ding tiah nan ti ding. A si cumi cu a dik. Asinan, Laizo Tlaangkulh Baptist Area ih nan kom khal ah, himi pawl hi nanmah te nan tuah thei thotho. Baptist ih kaihhruai awk daan ah, Local church cio in anmah le rem ti daan cio in, feh theinak thu an nei pei timi hi Baptist ih fehpi daan a si. Asim duhmi cu, FBA le, LTBA in Ebenezer Baptist Church cu a uk lo pei. Amah le rem ti daan in a feh pei ti duhnak a si. Curuangah, a tu ih, nanmah te nan tuah theimi pawl, nan kom ruangah, nan tuah thei lo dingmi pakhat hman a um lo ti hi ka lo sim duh.

Kan mifim deuh pawl zoh hnik sehla, Saya Za Thio khal khi, UPC ih an luu bik a rak si nan, a fale pawl ih thansonak ding lam zin le Pathian hna a tuan theinak kauh ter a duh tikah, Baptist ah a lut ih ziangtluk kau in Pathian in a hmang. Ram dangdang tiang hman in an sawm.

Saya Tha Nei Fai, tlawng dangdang ah tlawng a kai ko nan, Baptist kawhhran ah a um fefe ih ziangtluk a hnatuan theinak a kau.

Pu No Than Kap hman Pathian thu sim lo, naingnganzii hril awknak ah ngah a duh tikah, Baptist ih luh lo cun, ka cang thei lo ding ti a theih tikah, Falam Baptist Church, Yangon ah member a lut.

Culai ah, Saya Cate, Baptist in pawl dang ah a feh ih, a tu ah Pathian hna a tuan theinak ziang tluk in a fiak. MBC le MCC level tiang ih tthangso thei dingmi pakhat zohman ih hman lo in, hram lak ah a par men. Lei tlun ramkip ah midang ih sawm rero dingmi a lam a fiak theh. Ka pamhmai zet.

Kan mifim le Pathian ih mihman pawl kan timi pawl in an hmu fiang tuk. Pawl dang pawl hi an tum a bang nan, Baptist pawlkom leh pehtlaih awknak tluk ih a fek le a kau kawlram ah a um lo ti an hmu tuk. Ram leeng ka thlen deuh deuh tikah, kan Lai tlaang le kawlram ih pawl fate te pawl hi, zo hman ih theih lomi pawl fatete pawl an si. Thu thimnak ah, Fundamental ti maw, Gospel ti maw, Faith timaw, The Church tivek hrimhrim ram leeng ah zo thawn hman pehtlaih awknak an nei lo. Laimi kawhhran pakhat hnih thawn fang pehtlaih awknak an nei. Hi tawk US lam ih Baptist pawl lala thawn peh ding an zuam ciamco sawn tihi ka ra hmu.

Curuangah, ka ca a sau zet thlang ih, rinsanmi nu le pa, u le nau pawl hnen ah, a netnak ih zaangfah ka lo dil duhmi cu, midang thawn pehzom uhla, nan sunnak ding zianghman a um lo ding. A hlawknak lawnglawng nan hmu ding timi hi a si. Midang thawn nan pehzom awk lo ih a tu vek ih nan feh vingvo ahcun, a tu hruaitu thatha nu le pa le pawl, nan um lo cun, kan fale san ahcun, kan ttumsuk zet leh ding. A tu ih a tthangso rero laimi kan mino pawl hman hi, an tthansonak ah a fiak ter zet zo ih, a dawnkham rero zo a si ti thu zawnruahnak thawn ka lo ruah duh a si.

Hi ka nganmi thu pawl ah, kan khua duhdawtnak le zawnruahnak thawn ka ngan nan, ttong mawi lo tla a um sual pang le, i ngaithiam hram uh. Kan khua ra tlun ih kan khua tthansonak tawlrel ding hi ka thinlung ih ka hiar bikmi a si. Kan tuah thei dingmi a um pang le, nan nih ih tuanvo cu, a man thawn in sim pei ih, kei le kan khuapi ram leeng ummi pawl in, kan ti theimi hmuahhmuah cu a tuah thei kan rak zuam ding ti khal ka lo cah duh.

A tu hi, Ph.D ngah theinak ih a tulmi cazirmi hmuahhmuah cu ka thehtheh zo ih, ca in ngan termi ka ngan rero lai. Cumi ka cangan ka theh cun, Ph.D nan fahniang in ka hlam ve leh thei ding. Thlacamnak in in mang ti khal ka thei ih, ka lungawi zet. Kei khal ka lo mang ringring so khaw.

Nan fapa,

No Kolh (San No Thuan)

USA

Dungtolh Tu Pawl A Hnong Lo Tu Bawi Jesuh

by San No Thuan

John 21:4-21

Fili 3:13-14

3Ka u le ka nau pawl, cumicu ka co ngah zo, tiin ka ruat hrimhrim lo. Ka tuahmi cu pakhat lawng a si: ka dunglamih a luan ciami thil kha hngilhsan tahratin ka hmailamih a ummi kha ban dingah ka dawh aw rero a si. 14Curuangah hmuitinmi lamah zuam man ngah dingin dingtein ka tlan. Cuih zuam man cu Pathian in Khrih Jesuh sung ihsin kumkhua nung dingah in run kawhnak kha a si.

Dungtolh nun timi cu?

Dungtolh nun timi cu Pathian hnak in thil dang kha va duh in thupi sawn ih ret khi a si.

Peter kha Bawi Jesuh in a kawh tikah, “Nga kaitu in minung kaitu (Pathian duhdawtnak sim zirhtu) ah ka lo hmang ding” (Luke 5:10) tiah a ti. Asinan, Bawi Jesuh a thih tikah, Peter cu ka hnatuan bang ka tuan sal ding tiah dung ah a tolh sal. Pathian ih duhdawtnak sim le zirh in midang pawl ih nunnak cawm dawl nawn lo in, ngakaitu men ah a cang sal. Bawi Jesuh ih duhdawtnak le a fialmi kha a pakhatnak ah re nawn lo in (Christ-centered), kan mai duhmi sawn kha (Self-centered) thupi sawn ih kan ret tikah dung tolh hram kan thok tinak a si.

Hruaitu dung a tolh le hruaimi pawl in an thlun mei.

Peter cu dungthluntu pawl karlak ah upa hruaitu a si. Anih in Jesuh a thih hnu ah kei cu sur ka vorh sal mei ding tiah a ti tik ah, midang pawl cun kan nih khal kan lo thlun ding tiah an ti mei (John 21:3,4).

Nangmah le mah zianghman ka thupi lo tiah na ruat aw men ding. Asinan, na um daan/xttongmi lo thluntu pawl tampi an um ti hngilh hlah. Vei khat ah, Ramthlo ah pastor ka tuan lai ah, mino te ka si fawn ih ka ttongmi hi midang in cu tluk in ziang an ruat lemlo ding tiah ka rak ruat. Asinan, veikhat cu Chin National Front pawl le kawl ralkap pawl karlak ah buainak a thlen tikah, kawl ralkap pawl in Ramthlo ah an ra ih a phunphun in harnak an pek. Curuangah, kei khal in hi ti ih kawlral kap pawl an um ringring ahcun, vaih tla a tha men ding ee tiah ka rak ttong. Cumi ka ttong ruangah maw cu ka thei lo. A rei hlan ah, kan Khrihfabu upa thatha inn hra zik lai Kawl ah an vai ta riai!

Khrih ka duhdawt ruangah ka tuahmi a si maw? timi hi kan kut kenmi si she.

Dungtolh nun ah thluasuah a um lo.

Kum 2008 sung ah, Bawipa ih in fialmi pawl tuah lo in, Pathian thawn pawlkom aw lo in, kan mai duhnak thawn lawng kan nung pang maw? Dun kan tolh pang maw? Dung tolh nun ah thluasuah a um lo ti cu sim tul lo in kan thei theh. Peter le a rualpi pawl cu zaanvaar te in nga an dawi nan, ziang nga hman an kai lo (John 21:5). Thluasuah cu Pathian ih ta a si ih amai hnen in a rami an si (Daanpeksannak 8:18).

Kan Pathian cu dungtolhmi pawl hnen ah a feh ih thluasuah a pe thotho.

Dung lam hoi in nga kai ding ih an feh sal tikah, Jesuh in dungtolhtu a dungthluntu pawl a hnong lo. An mah in cu an thei lo nan, an hnen ah a va feh ih, nan sur kha nan vorh lam ah hei sep hnik uh tiah a ti tikah, a ti vek in an tuah ih nga ti cawk lo in an ngah (John 21:6). An vorh cia nak a si ko nan, Pathian ih thu an thlun tikah, an duhmi cu a famkim ter ve a si. Curuangah, Bawi Jesuh in “Pathian ih uknak le tuah ding ih a fialmi kha hawl hmaisa sawn uhla, a dang cu a lo pe ding” a si tiah a ti (Mtt. 6:33). Dung kan tolh lai caan khal ah kan Pathian cu kan kiangnai ah a ra thotho ih thluasuah cotu kan si theinak ding ah in bia ih in ko thotho ti a fiang.

Kan Pathian cu dungtolhmi pawl hrangah rawl a timtuah sak.

Tipi kap ih an thlen tikah, Bawi Jesuh in rilrawng le a bang zetmi a dungthlun pawl hrangah meisa a rak muah sak ih, nga le sang tla an rawl ah a rak timtuah sak (Jon 21:9) ah kan hmu. Jesuh cu a mah phatsan in dung kan tolh lai caan khal ah kan hrangah rawl in timtuah saktu a si. Kan pum puar ding le kan nun nom ding a duhtu a si. Kan mah thawn biak aw ding ah kan kiang nai ah a ra ih in pawlkomtu a si.

Dungtolhmi pawl hnen ih Pathian ih thusuhmi:

A thusuhmi cu: “Hi minung/thilri pawl hnak in kei I duhdawt sawn maw?” timi a si. Peter ih a rualpi/sungkhat unau hnak in, keimah na Bawipa I duhdawt sawn maw tiah a suhmi a si. Cumi lawng si lo in, Peter ih a ngah le a sur le lawng pawl hnak in I duhdawt sawn maw ti khal in a suhnak a si. Zumtu pawl, in duhdawt biktu Bawipa in, hi leitlun minung le thilri pawl hnak in a mah kan duhdawt sawn ding hi Pathian ih in duhmi a si. A mah hnak in midang kan duhdawt sawn ahcun, pathian dang bia kan si ih, kan hlo tlau sing ding ti a theih ruangah a si.

Pathian in Amah kan duhdawtnak a tahfung:

Peter in ka lo duhdawt ti na thei tuk ko si tiah a ti tin ten, si ngai a ti men lo. “Ka tuu pawl cawm aw” tiah thu a pek ringring. Peter in Amah a duhdawt le dawt lo a tahfung cu a tuu pawl cawm ding hi a si. Bawipa in, a lo tahnak fung cu “A tuu pawl na cawm maw cawm lo” tihi a si. A tuu pawl cu zo pawl an si?

1. Bawipaih tuu a pakhatnak ahcun, nangmah hi a si. Nangmah le nangmah ziangral in I do, khui ah ka feh, Bawipai sunlawinak ah ka nunnak hi ka hmang aw maw ti pawl na zohfel awk lo ahcun, Bawipaih tuu kiltu tha na si lo tinak a si.

2. Bawipaih tuu a pahnihnak ahcun, midang pawl hmuahhmuah an si. Na nunnak hi midang ih nun cawm awknak dingah na timtuah lo, na hman lo ahcun, Bawipa na duhdawt lo tinak a si.

Thunetnak

1. Dungtolh nun timi cu Pathian hnak in thil dang duhdawt khi a si.
2. Hruaitu dung a tolh tikah, hrumi pawl cu sim tul lo in dung a rak tolh hlo zo.
3. Dungtolh nun ah Pathian ih thluasuah a um lo. Thluasuah cu Pathian ih ta a si.
4. Asinan, dungtolhmi pawl kha Pathian in a naih ih, hruai kir sal a tum ringring.
5. Dungtolhmi pawl hnen ih Pathia ih a thusuhmi cu “Leitlun thilri le minung pawl hnak in I duhdawt maw?” tihi a si.
6. Amah kan duhdawtnak tahfung cu, Bawipa ih tu a simi: kan nunnak, le midang pawl nun cawmnak ding hrangah kan nunnak le tikcu caan kan hmang maw?

Himi sermon hi: Falam Baptist Church, Maryland ah January 2, 2011, kum thar ni ih ka sermonmi a si.