A law of faith

BY Dr. Paul Younggi Cho

         Bible tlawng ka theh pek ih kei mah te lawng thuthang tha ka sim lai ah biak inn ah zung khan pakhat ka nei ve. Khan sung ah cun ziang hman a um lo. Nikhat cu mi pakhat in sayapa tuni cu na bang zet a bangh khui ah na feh  tiah in sut.Tuni  cu hih tawk ih sin 4 kilometer hlat nak ah thuthangtha ka sim. Thaisun ah hi hnak ih hla nak ah ka feh lai ding tiah  ka sim tik ah sayapa na hnatuan cu a  bang thlak tuk ding ual tiah in ti. Cu lai ah cun ka thin lung ah thuthang tha sim ding lawng a um. Ka ke (phaw) thling tiang thuthang tha ka sim ko nan ka thin lung a nuam ih lungawi nakin ka khat. Ni khat cu ni dang thuthang tha ka sim vek in ka sim ih ka rak tlung lam ah ni le a  sa tuk fawn ih ka bang zet. A  si nan hmun so kai phah in van le ni ka zoh ih hi mi zuk suai tu (sersiam) tu hi zo a si pei ti ruat phah in Pathian ka thang that.

        Zaan lam inn ka thlen cun ni a tla zo ih khua a thim zik thlang.Ka hnipuan ka thleng aw ih ka hna tuan mi pawl ka ruat sal ih cu ti cun zaan tin thla ka cam. Cu le Bible ka siar. John thu thang tha ka siar ih ka siar ka siar ih ka cawl thei nawn lo John 1:12 sungah “ Mi tthenkhat cun an pom ih an zum; curuang ah Pathian i fate cantheinak thu a pek.”cu mi zawn fang te nih ka thin lung a khoih ih “Pathian ih fapa” ti mi tong fang in cu mi ni ih si in ka hrang ah ka hngilh thei lo mi ah a cang.” Aw, Yonggi Cho nang hi Pathian ih fapa na si  ual na rak thei aw lo. Ka ruat sal tik ah ka lung a kim tuk. Cu le  John 14:14. “ Ka hmin in nan dilmi poh poh cu ka tuah ding a si”ti mi  kha ka vun mang sal. Pathian cu liannak, famkimnak, sersiam tu a si vek in a fa le pawl ih dil mi cu a pe thei tih ka thei. Cu tawk in cu ka hrang ah hlawhtlinnak, liannak hrang ah tawh sar vek in ka thei aw.” Sersiam tu Pathian, nang cu ka pa na si ih kei cu na fa ka si. Cu ruang ah ka tul mi ka lo dil duh. Thu thang tha ka sim tik ah lam hla ah ka feh theu ruang ah thirleng(bicycle) tha zet pakhat in pek aw. A tu ka khan khi zoh hnik aw, thilri ziang hman a um lo. Curuang ah tokheng le cabuai tla in pe aw. Ka tul mi pawl in bawm aw la ka thla cam nak in ngai hram aw, Zisuh khrih hmin in thla ka cam” Amen. Thla ka cam theh ve ten ka ngah ding ih cabuai le tokheng pawl rei hlan ah an rak thleng ding tiah ka zum cia. A si nan thla khat in thla 2 a rak thleng lo tik ah ka ringhlel (doubt) thlang . Ka doubt kha hlon hlo in ka zumnak cak sin ding ah ka zuam. Hri dir zuam aw vek in a sung cu ka pe duh cuang lo.A si nan thla 6  a thleng thlang nan ka thla cam mi cu a phi ka ngah hrih lo.

        Thal (summer) caan a cem ih Fur caan a tleng. Ka thinlung sung ah rinhlelnak a hung um thlang. Pathian hnen ah, “ Pathian, ziang tin si thlang cabuai, tokham le thirleng (Bicycle) ka lo dil nak thla ruk a luan thlang ziang hman le a phi ka ngah lo. Hi mi khua ah a nungmi Pathian na si mi le , Na hnen ah  thil dil le ngah thei timi tetti ka khan rero ih a tu kei in ka lo dil mi ka ngah lo tik ah ka hrang ah thetti (witness) khan ding a har tuk thlang. Curuang ah ka lo dil mi in pe thlang aw,” tiin nau hak te vek in  mitthli le khang hnap thawn ka dil. Cu tiin thla ka cam phah in hnangamnak ka ngah ih ka thinlung sung in “ Yonggi Cho na thlacam mi ka thei,” tiin in sim. Cu tin si le ka lo dil mi cabuai, tokham le thirleng pawl ka lo dil mi cu ziang tiin si thlang tiin ka sut sal. Cu ve ten ka thinlung sung in ,”Kei cu ka fa le pawl dilmi pek duh tu Pathian ka si, a sinan nang cu a cekci in in dil lo,” tiah ka thin lung sungah a rak lang... Zo nih hman le hi ti cekci in thlacam aw titu ka nei dah fawn lo. Ka thin lung ih a runglang mi cu Hebru 11:1 “Zumnak neih timi cu kan ruahsanmi kan ngah tengteng ding, ti zum le kan mit ih kan hmuh thei lomi a um rori a si, ti zum khi a si.” timi kha ka mang ih ka khukbil in sual ngaithiam dil in thla ka cam. Cuih ni thawk ih siin a cekci in Pathian hnen ah thla ka  cam ih ka dil.

        Ka thil duh mi pawl hitiin thla ka cam ih ka dil. Ka cabuai duhmi cu Mahawkani color a si ding ih A khan (room) ih a kil (corner) thawn a deng aw mi, Tokham cu a ke thir thawn tuah mi le thirleng cu khawte lam ah Pathian thusim ka feh theu ruangah American thirleng siseh tiah  ka mit thlam ah   cuang phah in thla ka cam. Cumi zaan cu naute a  nu taang sung ih ihthat vek in hnangam zet in ka it that. Pathian in in pek ding caan thin sau ten hngak phah in thil ri pawl tleng le khawi tin ka re ding tin ka ruat. Pathian hnen in thil kan dil a si le thin sau ten hngak daan tla ka zir. Nikhat cu mipakhat ka hnen ah a ra tlan ih “ saya Yonggi Cho na thil cah mi a tleng” tiah in ti. Ka mang bang ih kei ziang hman ka lo cah ual lo tiah ka ti. In cah tu cu na address a si ual in ti tik ah a leng ah ka suak ih ka va zoh cu ka mang bang tuk ah ka kaa ang in ka zoh. Ka dil mi mahawkani color cabuai le thir ke ih tuah mi to kheng pawl an si. Thirleng cu American missionary tlung ding te in American tuah mi thirleng in pe. Ka lungawi tuk ih Pathian hmin ka thang that.

                 
         Ka church members pawl cun ka dil vek cekci in Pathian in in pek mi tetti an hmu ruang ah an mang a bang zet. An hnen ih ka thuthup ka sim mi cu Pathian hnen ah a “cekci” ih dil ding timi a si.Cuih ni ih siin cu ka zumnak a fek sinsin. Zumnak in thil dil ka ngam sinsisn. Hebru 11:1 "Zumnak neih timi cu kan ruahsanmi kan ngah tengteng ding, ti zum le kan mit ih kan hmuh thei lomi a um rori a si, ti zum khi a si.”  Himi bible cang hi ka cinken ringring mi  pakhat ah a cang. Zumnak ih a cekci ih Pathian hnen kan dil ah cun  ziangkim ti thei  kan pa, Pathian, in in pek ringring a si. Pathian cu liannak, famkimnak, sersiam tu a si vek in a fa le pawl ih dil mi cu a pe thei tih ka thei ngah.

Taken from “The Fourth Dimension” by Dr. Paul Younggi Cho