Midang Thiltuahmi Zohfelsal/Faksel Daan (Critique)

by Sanno

Midang thiltuahmi zohfelsalnak hi mirang cun Critique tiah an ko. 

critique |krɪˈtik|noun

a detailed analysis and assessment of something, esp. a literary,philosophical, or political theory.

Critique timi hi Lai tong cun, zohfelsalnak ti a si. Mihrek in fakselnak ti khal in an ko.  Laimi hi midang ih thil tuahmi zohfel sal daan kan thiam theu lo. Midang ih canganmi maw, thil tuahmi maw kan zohfel sal tikah Kan tuah lo dingmi le tuah dingmi langh ter ka duh. 

Tuah dingmi le tuah lo dingmi: 

1. Midang ih canganmi thatein siar ta lo in soisel hlah. 

2. Na soisel hlan ah a tuah thami kha lungawi thu sim ta aw. Himi na tuah le, na soiselmi kha rem a tum ding. 

3. Na soisel tikah, a tuahmi par lawngah soisel aw. A minung soisel hlah. 

4. Na soisel ahcun, na rem ter duh daan khal langh ter aw. Soisel men hlah.  
5. Na thinhen lai ah cangan in thlah cih mei hlah. Na thindai hnu ah vei khat siar sal aw a tha na ti le thlah leh aw. 
6. Vei khat tal siar sal aw.